നിത്യാനന്ദകരി വരാഭയകരി സൗന്ദര്യരത്നാകരി
നിർദ്ദൂതാഖിലഘോരപാവനകരി പ്രത്യക്ഷ മാഹേശ്വരി
പ്രാലേയാചലവംശപാവനകരി കാശിപുരാധീശ്വരി
ഭിക്ഷാം ദേഹി, കൃപാവലംബനകരി മാതാന്നപൂർണ്ണേശ്വരി
നാനാരത്നവിചിത്രഭുഷണകരി ഹേമാംബരാഡംബരി
മുക്താഹാരവിലംബമാന വിലാസത് വക്ഷോജകുംഭാന്തരി
കാശ്മീരാഗരുവാസിതാരുചികരീ കാശിപുരാധീശ്വരീ
ഭിക്ഷാം ദേഹി, കൃപാവലംബനകരി മാതാന്നപൂർണ്ണേശ്വരി
യോഗാനന്ദകരി രിപുക്ഷയകരി ധർമ്മാർത്ഥനിഷ്ഠാകരി
ചന്ദ്രാർക്കാനലഭാസമാന ലഹരി ത്ര്യൈലോക്യരക്ഷാകരി
സർവ്വൈശ്വര്യ സമസ്തവാഞ്ചിതകരി കശിപുരാധീശ്വരി
ഭിക്ഷാം ദേഹി, കൃപാവലംബനകരി മാതാന്നപൂർണ്ണേശ്വരി
കൈലാസാചലകന്ദരാലയകരി ഗൗരി ഉമാശങ്കരി
കൗമാരി നിഗമാർത്ഥഗോചരകരി ഓംകാരബീജാക്ഷരി
മോക്ഷദ്വാരകവാടപാടനകരി കാശിപുരാധീശ്വരി
ഭിക്ഷാം ദേഹി, കൃപാവലംബനകരി മാതാന്നപൂർണ്ണേശ്വരി
ദൃശ്യാദൃശ്യ വിഭൂതിവാഹനകരി ബ്രഹ്മാണ്ഡഭാണ്ഡോദരി
ലീലാനാടകസൂത്രകേലനകരി വിജ്ഞാനദീപാങ്കുരി
ശ്രീവിശ്വേശമനപ്രസാദനകരി കാശിപുരാധീശ്വരി
ഭിക്ഷാം ദേഹി, കൃപാവലംബനകരി മാതാന്നപൂർണ്ണേശ്വരി
ഊർവീ സർവ്വജനേശ്വരി ഭഗവതി മാതാന്നപൂര്‍‌ണ്ണേശ്വരി
വേണിനീലസമാനകുന്തലധരി നിത്യാന്നദാനേശ്വരി
സാക്ഷാൻമോക്ഷകരി സദാ ശുഭകരി കാശിപുരാധീശ്വരി
ഭിക്ഷാം ദേഹി, കൃപാവലംബനകരി മാതാന്നപൂര്‍‌ണ്ണേശ്വരി
ആദിക്ഷാന്തസമസ്തവര്‍ണ്ണനകരി ശംഭോസ്‌ത്രിഭാവാകരി
കാശ്മീരാ ത്രിജലേശ്വരി ത്രിലഹരി നിത്യാങ്കുരാ ശർവ്വരി
സ്വർഗ്ഗദ്വാരകവാടപാടനകരി കാശിപുരാധീശ്വരി
ഭിക്ഷാം ദേഹി, കൃപാവലംബനകരി മാതാന്നപൂര്‍‌ണ്ണേശ്വരി
ദേവി സർവ്വവിചിത്രരത്നരചിത ദാക്ഷയണി സുന്ദരീ
വാമേസ്വാദുപയോധര പ്രിയകരി സൗഭാഗ്യ മാഹേശ്വരി
ഭക്താഭീഷ്ടകരി സദാശുഭകരി കാശിപുരാധീശ്വരി
ഭിക്ഷാം ദേഹി, കൃപാവലംബനകരി മാതാന്നപൂര്‍‌ണ്ണേശ്വരി
ചന്ദ്രാര്‍‌ക്കാനലകോടികോടിസദൃശീ ചന്ദ്രാംശുബിംബാധരി
ചന്ദ്രാര്‍ക്കാഗ്നിസമാനകുണ്ഡലധരി ചന്ദ്രാര്‍ക്കവര്‍‌ണ്ണേശ്വരി
മാലപുസ്തകപാസശാങ്കുശധരി കാശീപുരാധീശ്വരീ
ഭിക്ഷാം ദേഹി, കൃപാവലംബനകരി മാതാന്നപൂര്‍‌ണ്ണേശ്വരി
ക്ഷത്രത്രാണകരി മഹാഭയഹരി മാതാ കൃപാസാഗരി
സർവ്വാനന്ദകരി സദാ ശിവകരി വിശ്വേശ്വരി ശ്രീധരീ
ദക്ഷാക്രന്ദകരി നിരാമയകരി കാശിപുരാധീശ്വരി
ഭിക്ഷാംദേഹി, കൃപാവലംബനകരി മാതാന്നപൂര്‍‌ണ്ണേശ്വരി
അന്നപൂര്‍‌ണ്ണേ സദാപൂര്‍‌ണ്ണേ ശങ്കരപ്രാണവല്ലഭേ
ജ്ഞാനവൈരാഗ്യസിദ്ധ്യർത്ഥം ഭിക്ഷാം ദേഹി ച പാർവ്വതി
മാതാ ച പാർവ്വതി ദേവി പിതാ ദേവോ മഹേശ്വരഃ
ബാന്ധവഃ ശിവഭക്താശ്ച സ്വദേശോ ഭുവനത്രയം:
No comments:
Post a Comment