ഓം നമഃ ശിവായ

ഓം നമഃ ശിവായ
"ക൪മ്മണ്യേവാധികാരസ്തേ മാ ഫലേഷു കദാചനഃ മാ ക൪മ്മഫലഹേതു൪ഭൂ൪മാതേ സംഗോസ്ത്വക൪മ്മണി" നിനക്ക് ക൪മ്മം ചെയ്യുവാന് മാത്രമേ അധികാരമുള്ളൂ. ക൪മ്മത്തിന്റെ ഫലത്തില് ഒരിക്കലും ആശിക്കരുത്. ക൪മ്മഫലത്തില് സംശയാലുവായ നിനക്ക് ക൪മ്മം ചെയ്യാതിരിക്കാനുള്ള മനസ്സും ഉണ്ടാവരുത്.
Showing posts with label ശ്രീഗണപതി. Show all posts
Showing posts with label ശ്രീഗണപതി. Show all posts

Thursday, August 6, 2020

ശ്രീ മഹാഗണേശപഞ്ചരത്നം



ഈ കൃതി എട്ടാം നൂറ്റാണ്ടില്‍ ശ്രീ ശങ്കരാചാര്യര്‍ എഴുതിയതാണ് എന്ന് കരുതുന്നു. സര്‍വ്വ വിഘ്നങ്ങളേയും നീക്കുന്ന ഗണപതി ഭാഗവാനെയാണ് ഇതില്‍ സ്തുതിക്കുന്നത്.




മുദാകരാത്തമോദകം സദാവിമുക്തിസാധകം
കലാധരാവതംസകം വിലാസിലോകരക്ഷകം.
അനായകൈകനായകം വിനാശിതേഭദൈത്യകം
നതാശുഭാശുനാശകം നമാമിതം വിനായകം. 1


നതേതരാതിഭീകരം നവോധിതാര്‍ക്കഭാസ്വരം
നമത്സുരാരി നിര്‍ജ്ജരം നതാധികാപദുര്‍‌ദ്ധരം.
സുരേശ്വരം നിധീശ്വരം ഗജേശ്വരം ഗണേശ്വരം
മഹേശ്വരം തമാശ്രയേ പരാത്പരം നിരന്തരം. 2


സമസ്തലോകശങ്കരം നിരസ്തദൈത്യകുഞ്ജരം
ദരേതരോദരംവരം വരേഭവക്ത്രമക്ഷരം.
കൃപാകരം ക്ഷമാകരം മുദാകരം യശസ്കരം
മനസ്കരം നമസ്കൃതാം നമസ്കരോമി ഭാസ്കരം. 3


അകിഞ്ചനാര്‍തിമാര്‍ജനം ചിരന്തനോക്തിഭാജനം
പുരാരി പൂര്‍വ്വനന്ദനം സുരാരി ഗര്‍വ്വചര്‍വണം.
പ്രപഞ്ചനാശ ഭീഷണം ധനഞ്ജയാദി ഭൂഷണം
കപോലദാനവാരണം ഭജേ പുരാണവാരണം. 4


നിതാന്തകാന്ത ദന്തകാന്തി മന്തകാന്തകാത്മജം
അചിന്ത്യരൂപമന്തഹീനമന്തരായകൃന്തനം.
ഹൃദന്തരേ നിരന്തരം വസന്തമേവ യോഗിനാം
തമേകദന്തമേകമേവ ചിന്തയാമി സന്തതം. 5


മഹാ ഗണേശ പഞ്ചരത്ന മാദരേണയോന്വഹം
പ്രജല്പതി പ്രഭാതകേ ഹൃദിസ്മരന്‍ ഗണേശ്വരം.
അരോഗതാമദോഷതാം സുസാഹിതീം സുപുത്രതാം
സമാഹിതായുരഷ്ടഭൂതിമഭ്യുപൈതി സോചിരാത്


Tuesday, November 19, 2019

ത്രിപുരാസുരന്റെ വരപ്രസാദം / ഗണേശകഥകൾ



ഭഗവാന്‍ ശ്രീപരമേശ്വരന്‍ ത്രിപുരാന്തകന്‍ എന്നും അറിയപ്പെടുന്നു. മൂന്നു ലോകത്തിന്റേയും അധിപനായി വിലസുകയായിരുന്നു ത്രിപുരാസുരന്‍. പ്രത്യേകമായി മൂന്നു കൊട്ടാരങ്ങള്‍ നിര്‍മിച്ച്, ത്രിപുരാസുരന്‍, തന്റെ അന്തസ് വിളിച്ചു പറയും മട്ടില്‍ സജ്ജമാക്കി. ആരായിരുന്നു ത്രിപുരന്‍?  എങ്ങനെയാണ് ത്രിപുരന് ഈ പ്രാഗല്‍ഭ്യം ലഭ്യമായത്?
പണ്ട്  ഗുല്‍സമതന്‍ എന്ന ഒരു മഹര്‍ഷിയുണ്ടായിരുന്നു. ചെറുപ്രായത്തിലേക്ക് കടക്കും മുന്‍പേ ശൈശവകാലം മുതല്‍ക്കു തന്നേ ഗുല്‍സമതന്‍ തികഞ്ഞ ഗണേശഭക്തനായിരുന്നു. ക്രമേണ ഭക്തി കൂടിക്കൂടി വന്നതോടെ, ശ്രീഗണേശന്‍ പ്രത്യക്ഷദര്‍ശനം നല്‍കി അനുഗ്രഹിച്ചു. അത്ഭുത പ്രതിഭാസമായി മാറും വിധമുള്ള ഒരു പുത്രന്‍ ഗുല്‍സമതമഹര്‍ഷിക്കുണ്ടാവുമെന്ന് ശ്രീഗണേശന്‍ വരം നല്‍കി. ആ പുത്രന്‍ ത്രിപുരന്‍ എന്ന പേരില്‍ അറിയപ്പെട്ടു. ദിവ്യങ്ങളായ മൂന്ന് കൊട്ടാരങ്ങള്‍ അവന്‍ നിര്‍മിക്കും. ഒരെണ്ണം ഇരുമ്പു കൊണ്ടും ഒന്ന് വെള്ളികൊണ്ടും ഉണ്ടാക്കും. എന്നാല്‍ സ്വര്‍ണം ഉപയോഗിച്ചുണ്ടാക്കുന്ന കൊട്ടാരം ഏറെ അതിശയമുളവാക്കുന്നതായിരിക്കും.
 പ്രസാദിച്ചാല്‍ എന്തും വാരിക്കോരി കൊടുക്കും. അതാണ് ശ്രീഗണേശന്റെ പ്രകൃതം. എത്ര കൊടുത്താലും കൊടുക്കുന്ന ആള്‍ക്ക് തൃപ്തി പോര. ചിലര്‍ക്ക് അങ്ങനെയാണ്. ഗുല്‍സമതമഹര്‍ഷിക്ക് സന്താനവും സൗഭാഗ്യവും സമ്പത്തും എല്ലാം ലഭിച്ചു. അങ്ങനെയാണ് ത്രിപുരാന്തകന്റെ ജന്മം.
ത്രിപുരാസുരനേയും ഭക്തിയോടെ തന്നെയാണ് മഹര്‍ഷി വളര്‍ത്തിയത്. എന്നാല്‍ പെട്ടന്നാണ് ത്രിപുരാസുരന് അഹങ്കാരം കേറി വന്നത്. താന്‍ മഹര്‍ഷി പുത്രനാണെന്ന സ്മരണ പോലും വെടിഞ്ഞു. ചില മാതാപിതാക്കള്‍ മക്കള്‍ക്ക് എല്ലാ സൗകര്യങ്ങളും ഒരുക്കിക്കൊടുക്കുമ്പോള്‍ അവര്‍ അറിയുന്നില്ല മക്കള്‍ അഹങ്കാരികളും ധൂര്‍ത്തന്മാരുമായി മാറുമെന്ന്.
ത്രിപുരാസുരന് ലഭിച്ച വരസിദ്ധി പ്രകാരം ദേവന്മാരാലോ, അസുരന്മാരാലോ, മനുഷ്യരാലോ വധിക്കപ്പെടില്ല. പിന്നെ എന്താണ് പേടിക്കാനുള്ളത്? അഹങ്കാരം കയറാന്‍ ഇതൊക്കെ പോരെ? എന്നാല്‍ പ്രകൃതിയില്‍ നിക്ഷിപ്തമായ നിയമാനുസൃതം, ഏതിനേയും വീഴ്ത്താന്‍ പാകത്തിന് ഏതു വരപ്രസാദത്തേയും വെല്ലാന്‍ പാകത്തിന് ചില പഴുതുകള്‍ അവശേഷിക്കും. ഹിരണ്യ കശിപുവിന്റെ അവസ്ഥ എന്തായിരുന്നു? രാത്രിയും പകലും വധിക്കപ്പെടരുത്. അകത്തും പുറത്തും വെച്ച് മരണം സംഭവിക്കരുത്. ഇങ്ങനെ പലവിധ വരങ്ങള്‍ നേടിയ ആളായിരുന്നല്ലോ ഹിരണ്യകശിപു. എന്നാല്‍ ത്രിസന്ധ്യയ്ക്ക് വാതില്‍പടിയില്‍ വെച്ച് നരസിംഹത്തിന്റെ കൈനഖങ്ങളാല്‍ ഹിരണ്യകശിപു കൊല്ലപ്പെട്ടില്ലേ?   ഇതുപോലെ ഏതിനും നിമിത്തമായി കാലം അതിനുള്ള അവസരങ്ങള്‍ ഒരുക്കും.

                                                                            എ.പി.ജയശങ്കര്‍,  9447213643  

Monday, September 2, 2019

അറിവിന്റെ കാവേരി.....




അറിവിന്‍റെ കാവേരി അടിയന്‍റെ അകതാരിൽ
അനുദിനം നിറയ്ക്കുന്ന ഗജമുഖനേ (അറിവിന്‍റെ....)
അഗതിയാം ഞാനിന്ന് തൊഴുതു നിൽക്കുന്നു
മിഴി തുറക്കേണമേ ഗുരുനാഥനേ
അലിവോലുമിടപ്പള്ളി തമ്പുരാനേ (അറിവിന്‍റെ.....)


അശരണനാമിവൻ അവിടുത്തെ തിരുമുമ്പിൽ
ആയിരത്തെട്ടു വട്ടം ഏത്തമിട്ടു (അശരണ)
അമ്മ പഠിപ്പിച്ച മൂലമന്ത്രങ്ങളാൽ
അഭിഷേകമേകുവാനായ് കാത്തുനിൽപ്പൂ
ഒരു വാക്കും മിണ്ടാതെ അറിയാത്ത ഭാവത്തിൽ
അടിയനെ നോവിച്ച് ഇരുന്നിടല്ലേ (അറിവിന്‍റെ.....)


കലിയുഗ ക്ലേശത്താൽ കരകാണാതലയുമ്പോൾ
കൈപിടിച്ചെന്നെ നയിക്കുവോനേ (കലിയുഗ)
യാത്ര തുടർന്നു ഞാൻ തിരുനട പൂകിയ
യാതന ചൊല്ലിടുമ്പോൾ അറിഞ്ഞിടേണേ
പിഴവെല്ലാം പൊറുത്തു നീ ഇനിയെന്നെ കാക്കേണേ
അഴലുകൾ ഒക്കെയും നീക്കിടെണേ (അറിവിന്‍റെ.....)

Saturday, June 1, 2019

ശ്രീഗണേശദ്വാദശനാമസ്തോത്രം



ശുക്ലാംബരധരം വിഷ്ണും ശശിവര്ണം ചതുര്ഭുജമ് |
പ്രസന്നവദനം ധ്യായേത്സര്വവിഘ്നോപശാന്തയേഃ || 1 ||

അഭീപ്സിതാര്ഥ സിധ്യര്ഥം പൂജിതോ യഃ സുരാസുരൈഃ |
സര്വവിഘ്നഹരസ്തസ്മൈ ഗണാധിപതയേ നമഃ || 2 ||

ഗണാനാമധിപശ്ചംഡോ ഗജവക്ത്രസ്ത്രിലോചനഃ |
പ്രസന്നോ ഭവ മേ നിത്യം വരദാതര്വിനായക || 3 ||

സുമുഖശ്ചൈകദംതശ്ച കപിലോ ഗജകര്ണകഃ |
ലംബോദരശ്ച വികടോ വിഘ്നനാശോ വിനായകഃ || 4 ||

ധൂമ്രകേതുര്ഗണാധ്യക്ഷോ ഫാലചംദ്രോ ഗജാനനഃ |
ദ്വാദശൈതാനി നാമാനി ഗണേശസ്യ തു യഃ പഠേത് || 5 ||

വിദ്യാര്ഥീ ലഭതേ വിദ്യാം ധനാര്ഥീ വിപുലം ധനമ് |
ഇഷ്ടകാമം തു കാമാര്ഥീ ധര്മാര്ഥീ മോക്ഷമക്ഷയമ് || 6 ||

വിധ്യാരംഭേ വിവാഹേ ച പ്രവേശേ നിര്ഗമേ തഥാ |
സംഗ്രാമേ സംകടേ ചൈവ വിഘ്നസ്തസ്യ ന ജായതേ || 7 ||

Sunday, January 7, 2018

ശുഭാരംഭങ്ങള്ക്ക് ആദ്യം ഗണപതിയെ ആരാധിക്കണം; എന്തുകൊണ്ട്?




“ഗജാനനം ഭൂതഗണാദിസേവിതം
കപിത്ഥജംബുഫലസാരഭക്ഷിണം
ഉമാസുതം ശോകവിനാശകാരണം
നമാമി വിഘേനശ്വരപാദപങ്കജം”


ഹിന്ദുമതപ്രകാരം ഗണങ്ങളുടെ അധിപൻ അഥവാ ഗണേശനാണ് ഗണപതി. പരമശിവന്റേയും പാർവതിദേവിയുടേയും ആദ്യപുത്രനാണ് ഗണപതി.
സിദ്ധിയുടേയും ബുദ്ധിയുടെയും ഇരിപ്പിടമായാണ് ഹിന്ദുക്കള്  മഹാഗണപതിയെ കണക്കാക്കുന്നത്.


ലോക വ്യവഹാരങ്ങളിലും അധ്യാത്മിക മാർഗ്ഗത്തിലും ഉണ്ടാകുന്ന വിഘ്നങ്ങൾ ഗണപതിയുടെ അനുഗ്രഹം ലഭിക്കുന്നതോടെ ഇല്ലാതെയാകുമെന്നാണ് വിശ്വാസം. എലിയാണ് ഗണപതിയുടെ വാഹനം.



മനുഷ്യന്റെ ശരീരവും ആനയുടെ തലയും നാലു കയ്യുകളുമുള്ളതായാണ് ഗണപതിയെ വര്ണ്ണിച്ചിരിയ്ക്കുന്നത്.


ഒരു കൊമ്പ് ഒടിഞ്ഞാണിരിക്കുന്നത്. രണ്ടു കൈകളില് താമരയും മറ്റു രണ്ട് കൈകള് അഭയമുദ്രയിലും വരദമുദ്രയിലുമാണുള്ളത്.

ശിവ ശക്തി സംഗമത്തിലൂടെ ആദ്യം പ്രണവവും പിന്നീട് തേജോരൂപിയായ സ്കന്ദനുമുണ്ടായെന്നാണ് കല്പ്പന. ഗണേശന്, വിനായകന്, ബാലാജി, വിഘ്നേശ്വരന് തുടങ്ങിയ പേരുകളിലും ഗണപതി അറിയപ്പെടുന്നു. 


സാധാരണയായി വിഘ്നങ്ങള് അകറ്റുന്നവനായാണ് മഹാഗണപതിയെ കണക്കാക്കുന്നത്.


ഏതൊരു കാര്യം ആരംഭിക്കുന്നതിനു മുമ്പും ഗണേശ സ്മൃതി നല്ലതാണെന്നാണ് വിശ്വാസം. കർണ്ണാടകസംഗീതകച്ചേരികളും മറ്റും ഗണപതിസ്തുതിയോടെയാണ് ആരംഭിയ്ക്കുക.


ഓം ഹരി ശ്രീ ഗണപതയേ നമഃ അവിഘ്നമസ്തു ശ്രീ ഗുരുഭ്യോ നമഃ എന്ന സ്തുതിയാണ് വിജയദശമി ദിനത്തിൽ കുട്ടികളെ എഴുത്തിനിരുത്തുന്ന വേളയില് ഹൈന്ദവർ ആദ്യമായി എഴുതിക്കാറുള്ളത്.  



ഏതൊരു ശുഭ കാര്യത്തിനു മുമ്പും ഗണപതിഹോമം നടത്തുക എന്നത് ഹൈന്ദവർക്കിടയിൽ സാധാരണമാണ്. ഗൃഹപ്രവേശം, കച്ചവട ആരംഭം, വിഘ്ന നിവാരണം, ദോഷ പരിഹാരം എന്നിങ്ങനെയുള്ള കാര്യങ്ങള്ക്കെല്ലാം മുഖ്യ ഇനമായാണ് ഗണപതിഹോമം നടത്തുക. കൂടാതെ ഉദ്ദിഷ്ടകാര്യ സിദ്ധിക്കായും ചില പ്രത്യേക തരത്തില് ഗണപതി ഹോമം നടത്താറുണ്ട്. പ്രത്യേക ദ്രവ്യങ്ങൾ ചേർത്ത് ഇത്തരത്തിൽ നടത്തുന്ന ഹോമം വളരെ ഉത്തമമാണെന്നാണ് തന്ത്രഗ്രന്ഥങ്ങളില് പോലും സൂചിപ്പിക്കുന്നത്.

        

വിശേഷാൽ പതിനാറു കൊട്ട തേങ്ങ, മുപ്പത്തിരണ്ട് കദളിപ്പഴം, പതിനാറുപലം ശർക്കര, നാഴിതേൻ, ഉരിയ നെയ്യ് എന്നിവയാണ് ഹോമിക്കാനായി ഉപയോഗിക്കാറുള്ളത്.

വിഘ്നങ്ങൾ ഇല്ലാതിരിക്കാനും ശുഭാരംഭത്തിനും ഗണപതിയെ ആദ്യം പൂജിക്കുന്നതുകൊണ്ട് പ്രഥമ പൂജ്യൻ എന്ന നാമത്തിലും ഗണപതി അറിയപ്പെടുന്നു. ഓം ശ്രീ ഗണേശായ നമഃ എന്നമന്ത്രവും ഓം ഗം ഗണപതയേ നമഃ എന്ന മന്ത്രവുമാണ് ഗണപതിയെ സംബന്ധിച്ച് ഉച്ചരിക്കാറുള്ളത്.



#ഭാരതീയചിന്തകൾ

Monday, January 1, 2018

ദേവതമാര്‍ക്കും വിശേഷദിവസങ്ങള്‍


ഓരോരോ ദേവതമാര്‍ക്കും ഓരോരോ വിശേഷ ദിവസങ്ങളുണ്ട്. ഗണപതിക്ക് ചിങ്ങമാസത്തിലെ വിനായക ചതുര്‍ത്ഥിയും, തുലാമാസത്തില്‍ തിരുവോണവും മീന മാസത്തിലെ പൂരവും വിശേഷപ്പെട്ടതാണ്. മാസത്തില്‍ ആദ്യത്തെ വെള്ളിയാഴ്ചയും വിദ്യാരംഭദിവസവും പ്രധാനമാണ്. ദുര്‍ഗ്ഗാഭഗവതിക്ക് കാര്‍ത്തികയും പ്രത്യേകിച്ച് വൃശ്ചികമാസത്തിലെ കാര്‍ത്തികയും ചൊവ്വ, വെള്ളി ദിവസങ്ങളും പ്രധാനപ്പെട്ടതാണ്.

സരസ്വതി ദേവിയ്ക്ക് കന്നിമാസത്തിലെ നവരാത്രികാലം പ്രത്യേകിച്ച് മഹാനവമി, വിദ്യാരംഭദിവസം (വിജയദശമി) എന്നിവ ഏറെ പ്രധാനമാണ്. ഭദ്രകാളി ദേവിക്ക് ചൊവ്വ, വെള്ളി ദിവസങ്ങളും ഭരണി നക്ഷത്രവും, പ്രത്യേകിച്ച് മകരച്ചൊവ്വയും (മകരമാസത്തിലെ ആദ്യത്തെ ചൊവ്വാഴ്ച) മീനമാസത്തിലെ ഭരണിയും കുംഭ മാസത്തിലെ മകം നക്ഷത്രവും പ്രധാനമാണ്.

വിഷ്ണുദേവന് ചിങ്ങമാസത്തിലെ അഷ്ടമിരോഹിണിയും (ശ്രീകൃഷ്ണ ജയന്തി), ധനുമാസത്തിലെ ആദ്യത്തെ ബുധനാഴ്ചയും (കുചേലദിനം), കൂടാതെ എല്ലാ മാസത്തിലെയും ആദ്യത്തെ വ്യാഴാഴ്ചയും ഏകാദശിയും വൃശ്ചികമാസത്തില്‍ മണ്ഡലം തുടങ്ങി ധനുമാസം അവസാനിക്കുന്നതുവരെയും എല്ലാ മാസത്തിലെയും തിരുവോണനക്ഷത്രവും വിശേഷപ്പെട്ടതാണ്. ശിവഭഗവാന് ധനുമാസത്തില്‍ തിരുവാതിരയും കുംഭമാസത്തില്‍ ശിവരാത്രിയും മാസത്തില്‍ ആദ്യംവരുന്ന തിങ്കളാഴ്ചയും പ്രദോഷവും പ്രധാനമാണ്.

ശാസ്താവിന് വിദ്യാരംഭം, മണ്ഡലകാലം, മാസത്തിലെ ആദ്യത്തെ ബുധനാഴ്ച, ആദ്യത്തെ ശനിയാഴ്ച എന്നിവയാണ് പ്രധാനം. കന്നിമാസത്തിലെ കപിലഷഷ്ഠി, തുലാമാസത്തില്‍ സ്‌കന്ദഷഷ്ഠി, മകരമാസത്തിലെ തൈപ്പൂയം (പൂയം നക്ഷത്രം), കൂടാതെ മാസംതോറുമുള്ള ഷഷ്ഠി, പൂയം നക്ഷത്രം, ആദ്യത്തെ ഞാറാഴ്ച എന്നിവയാണ് സുബ്രഹ്മണ്യന് പ്രധാനം. ശ്രീരാമദേവന് മേടമാസത്തിലെ ശ്രീരാമനവമി, എല്ലാ മാസത്തിലെയും നവമി, ഏകാദശി തിഥികളും ബുധനാഴ്ചകളും വിശേഷപ്പെട്ടതാണ്.

Friday, October 13, 2017

ഭാരതീയ സംസ്കാരത്തില്‍ സംഖ്യ പ്രാധാന്യം


ഭാരതീയ സംസ്കാരത്തില്‍ സംഖ്യക്ക് വളരെയധികം പ്രാധാന്യം ഉണ്ട്. പല രൂപങ്ങളെയും പ്രതീകങ്ങളെയും സങ്കല്പങ്ങളെയും ചില എണ്ണത്തിന്റെ അടിസ്ഥാനത്തില്‍ എകീകരിക്കപ്പെട്ടിട്ടുണ്ട് ഭാരതത്തില്‍. അങ്ങനെ ഒന്ന് മുതല്‍ പത്തു വരെ ഉള്ള എണ്ണങ്ങളില്‍ എകീകരിക്കപ്പെട്ട ചിലതിനെ കുറിച്ചാണ് ഇവിടെ വിവരിച്ചിരിക്കുന്നത്.


ഏകദന്തന്‍ :
ഗണപതി


ഏകാന്ന:
ഒരു നേരം മാത്രം ഭക്ഷണം കഴിക്കുന്ന ഒരു വ്രതം


ഏകരാത്ര :
ഒരു രാത്രി മാത്രം നീണ്ടു നിൽക്കുന്ന ഒരു കര്‍മം.


ത്രികര്‍മങ്ങള്‍:
യാഗം, വേദാധ്യായനം, ദാനം.


ത്രിദണ്ടി:
വാക്ക്, മനസ്, കായം


ത്രിദോഷങ്ങള്‍:
വാതം, പിത്തം, കഫം.


ത്രിമൂര്‍ത്തി:
ബ്രഹ്മ, വിഷ്ണു, മഹേശ്വരന്‍ (ശിവന്‍)


ത്രിലോകം:
സ്വര്‍ഗം, ഭൂമി, പാതാളം.


ത്രിവര്‍ഗം:
ധര്‍മം, അര്‍ഥം, കാമം.


ത്രിവിദ്യ:
ഋക്, യജുസ്, സാമം എന്നീ വേദശാഖകള്‍.


ത്രിവേണി:
ഗംഗ, യമുനാ സരസ്വതി സംഗമ സ്ഥാനം.


ത്രിസ്തലി:
കാശി, പ്രയാഗം, ഗയ എന്നീ പുണ്യസ്ഥലങ്ങള്‍.


ത്രേതാ:
ദക്ഷിണം, ഗര്‍ഹാപത്യം, ആവഹനീയം എന്നീ മൂന്നു ഔപാസതാഗ്നികള്‍


ദുഖത്രയം:
ആദ്ധ്യാത്മികം, ആദിഭൌതികം, ആദിദൈവികം എന്നീ മൂന്നു ദുഃഖങ്ങള്‍.


ചതുരുപായം:
സാമം, ദാനം, ഭേദം, ദണ്ഡം.


ചതുര്‍യുഗം :
കൃത യുഗം (സത്യാ യുഗം), ത്രേതായുഗം, ദ്വാപര യുഗം, കലിയുഗം.


ചതുര്‍വര്ഗ:
ധര്‍മം, അര്‍ഥം, കാമം, മോക്ഷം.


ചതുര്‍വേദം :
ഋഗ്വേദം, യജുര്‍വേദം, സാമവേദം, അഥര്‍വവേദം.


പഞ്ചാമൃതം:
പാല്, പഞ്ചസാര, നെയ്യ്, തൈര്, തേന്‍ എന്നിവ ചേര്‍ത്തുണ്ടാക്കുന്ന ദ്രവ്യം.


പഞ്ചായുധം:
വിഷ്ണുവിന്റെ കയ്യില്‍ ഉള്ള ചക്രം, ധനുസ്, ഖഡ്ഗം, ഗദ, ശംഖ് എന്നീ ആയുധങ്ങള്‍.


പഞ്ചാവയങ്ങള്‍:
പ്രജ്ഞ, ഹേതു, ഉദാഹരണം, ഉപനയം, നിഗമനം, തര്‍ക്കശാസ്ത്രം.


പഞ്ചേന്ദ്രിയം (ജ്ഞാനേന്ദ്രിയങ്ങള്‍):
ചെവി, തൊലി, കണ്ണ്, മൂക്ക്, നാക്ക്.


പഞ്ചേന്ദ്രിയം (കര്‍മേന്ദ്രിയങ്ങള്‍)
വാക്ക്, കയ്യ്, കാലു, ഗുദം, ഗുഹ്യം.


പഞ്ചോഷ്മന :
പ്രാണന്‍, അപാനന്‍, വ്യാനന്‍, ഉദാനന്‍, സമാനന്‍, എന്നീ ഭക്ഷണത്തെ ദഹിപ്പിക്കുന്ന അഞ്ചു ശരീരാശികള്‍..


പഞ്ചപാണ്ഡവര്‍:
ധര്‍മ പുത്രര്‍, ഭീമന്‍, അര്‍ജുനന്‍, നകുലന്‍, സഹദേവന്‍


പഞ്ചകന്യ
അഹല്യ, ദ്രൌപദി, കുന്തി, താര, മണ്ടോദരി .


ഷഡ്കര്‍മങ്ങള്‍:
ശാന്തി, വശ്യം, സ്തംഭനം, ദ്വേഷണം, ഉച്ചാടനം, മാരണം.


ഷഡ്ചക്രങ്ങള്‍ :
ആധാരം, സ്വാധിഷ്ടാനം, മണിപൂരകം, അനാഹതം, വിശുദ്ധി, പ്രജ്ഞ എന്നീ ശരീരത്തില്‍ ആറു ചക്രങ്ങള്‍.


ഷഡ് ഗുണങ്ങള്‍:
സന്ധി, വിഗ്രഹം, യാനം, ആസനം, ദ്വൈധീഭാവം, സമശ്രയം.


ഷഡ്തിലി:
തിലോദ്വിര്‍ത്തനം, തൈലസ്നാനം, തിലഹോമം, തിലദാനം, തിലഭോജനം, തിലവാപനം എന്നിങ്ങനെ മോക്ഷം കിട്ടുന്നതിനു വേണ്ടി എള്ള് കൊണ്ട് ചെയ്യുന്ന ആറ് കര്‍മങ്ങള്‍.


ഷഡ് ദര്‍ശനങ്ങള്‍:
ന്യായം, വൈശേഷികം, മീമാംസ, വേദാന്തം, സാംഖ്യം, യോഗം.


ഷഡൂര്‍മ്മികള്‍ :
വിശപ്പ്‌, ദാഹം, ദുഃഖം, മോഹം, ജരാ, മൃത്യു.


ഷഡ്വര്‍ഗ്ഗം :
കാമം, ക്രോധം, ലോഭം, മോഹം, മഠം, മാത്സര്യം തുടങ്ങിയ ദുര്‍ഗുണങ്ങള്‍.


ഷഡംഗങ്ങള്‍:
1) ശിക്ഷാ, കല്പം, നിരുക്തം, ചന്ദസ്, ജ്യോതിഷം, വ്യാകരണം.
2) ഗോമൂത്രം, ചാണകം, പാല്‍, നെയ്യ്, തൈര്, രോചന.



ഷഡ് കര്‍മങ്ങള്‍:
അധ്യാപനം, അധ്യയനം, യജനം, യാജനം, ദാനം, പ്രതിഗ്രഹം.


ഷഡ് ദുര്‍ഗം:
ധന്വദുര്‍ഗം, മഹീ ദുര്‍ഗം, ഗരിടുര്‍ഗം, മനുഷ്യ ദുര്‍ഗം, മൃദുര്‍ഗം, വനദുര്‍ഗം, എന്നീ ആറു വിധം കോട്ടകള്‍.


സപ്ത നദികള്‍:
ഗംഗ, യമുനാ, സരസ്വതി, നര്‍മദ, കാവേരി, സിന്ധു, ഗോദാവരി.


സപ്തധാതുക്കള്‍ :
രസം, മാംസം, മേദസ്, മജ്ജ, അസ്ഥി, ശുക്ലം.


സപ്താവസ്ഥകള്‍:
അജ്ഞാനം, ആവരണം, വിക്ഷേപം, പരോക്ഷം, അപരോക്ഷം, 
ശോകനിവൃത്തി, ആനന്ദം.


സപ്ത പാതാളങ്ങള്‍:
അതലം, വിതലം, സ്ഥലം, രസാതലം, മഹാതലം, തലാതലം, പാതാളം.


സപ്തദ്വീപങ്ങള്‍:
ജംബുദ്വീപം, പ്ലക്ഷദ്വീപം, കിശദ്വീപം, ക്രൌഞ്ചദ്വീപം, ശാത്മലീദ്വീപം, പുഷ്കരദ്വീപം.


സപ്തപുരികള്‍:
അയോദ്ധ്യ, മധുര, ഹരിദ്വാരം, കാശി, കാഞ്ചി, ഉജ്ജയിനി, ദ്വാരക.


സപ്തമാതാക്കള്‍:
ബ്രാഹ്മീ, മാഹേശ്വരി, കൌമാരി, വൈഷ്ണവി, വാരാഹി, ഇന്ദ്രാണി, ചാമുണ്ഡി.


സപ്ത സാഗരങ്ങള്‍:
ലവണം, ഇക്ഷുദധി, ക്ഷീരം, മധു, മദിരാ, ഘൃതം.


സപ്തര്‍ഷികള്‍:
കശ്യപന്‍, അത്രി, ഭരദ്വാജന്‍, വിശ്വാമിത്രന്‍, ഗൌതമന്‍, ജമദഗ്നി, വസിഷ്ടന്‍


സപ്തസിന്ധുക്കള്‍ :
1) ഗംഗ, യമുനാ, സരസ്വതി, ശതദ്രു, പരുര്നി, മരുദ്വൃധ, ആജീകിയ (വേദപ്രകാരം)

2) വാസ്വോകസാര, നളിനി, പാപനി, ഗംഗ, സീതാ, സിന്ധു, ജംബുനദി (മഹാഭാരത പ്രകാരം)


സപ്താശ്വങ്ങള്‍:
ഗായത്രി, ബൃഹതി, ഉഷ്ണിക്, ജഗതി, ത്രിഷ്ടുപ്, അനുഷ്ടുപ്പ്, പംക്തി എന്നിങ്ങനെ സൂര്യന്റെ ഏഴു കുതിരകള്‍.


സപ്തസ്വരങ്ങള്‍:
ഷഡ്ജം, ഗാന്ധാരം, ഋഷഭം, നിഷാദം, മാധ്യമം, ധൈവതം, പഞ്ചമം.


അഷ്ടഗുണങ്ങള്‍:
ദയ, ക്ഷമ, അസൂയാരാഹിത്യം, ശുചിത്വം, അനായാസം (മടിയില്ലായ്മ), മംഗളം, അകാർപ്പണ്യം (പിശുക്കില്ലായ്മ), അസ്പൃഹ (ആഗ്രഹമില്ലായ്മ)


അഷ്ടധാതു:
സ്വര്‍ണം, വെള്ളി, ചെമ്പു, തകരം, നാകം, ഈയം, ഇരുമ്പ്, രസം.


അഷ്ടദിക്പാലകന്മാര്‍:
ഇന്ദ്രന്‍, അഗ്നി, യമന്‍, നിര്യതി, വരുണന്‍, വായു, വൈശ്രവനന്‍, ഈശന്‍.


അഷ്ടദിക്കരന്യ :
അഭ്രാമു, കപിലാ, പിംഗലാ, അനുപമാ, താമ്രകര്ണി , ശുഭദന്തി, അംഗനാ, അന്ജനാവതി എന്നിങ്ങനെ അഷ്ടദിക്കുകളില്‍ സ്ഥിതി ചെയ്യുന്ന പെണ്ണാനകള്‍.


അഷ്ട ദിഗ്ഗജങ്ങള്‍: ഐരാവതം, പണ്ഡരീകന്‍, വാമനന്‍, കുമുദന്‍, അഞ്ചനന്‍, പുഷ്പദന്‍, സാര്‍വ ഭൌമന്‍, സുപ്രതീകന്‍ എന്നിങ്ങനെ അഷ്ടദിക്കുകളില്‍ സ്ഥിതി ചെയ്യുന്ന കൊമ്പന്മാര്‍.


അഷ്ടദ്രവ്യം:
അരയാല്‍, പേരാല്‍, അത്തി, ഇത്തി, എള്ള്, കടുക്, പായസം, നെയ്‌ എന്നിങ്ങനെ യാഗത്തിനുള്ള എട്ടു സാധനങ്ങള്‍.


അഷ്ടനാഗങ്ങള്‍:
വാസുകി, തക്ഷകന്‍, കാര്‍ക്കോടകന്‍, ശംഖന്‍, ഗുളികന്‍, പത്മന, മഹാപത്മന്‍, അനന്തന്‍.


അഷ്ടപുഷ്പങ്ങള്‍:
പുന്ന, വെള്ളെരിക്ക്, ചെമ്പകം, നന്ത്യാര്‍വട്ടം, നീലോല്‍പലം, പാതിരി, അരളി, ചെന്താമര.


അഷ്ടപ്രമാണങ്ങള്‍:
പ്രത്യക്ഷം, അനുമാനം, ഉപമാനം, ശബ്ദം, അര്‍ത്ഥാപത്തി, അനുപലബ്ദി, സംഭവം, ഐതീഹ്യം.


അഷ്ടബന്ധം:
ശംഖുപൊടി, കടുക്കാപ്പൊടി, ചെഞ്ചല്യപ്പൊടി, കോഴിപ്പരല്‍, ആറ്റ്മണല്‍, നെല്ലിക്കാപ്പൊടി, കോലരക്ക്, നൂല്പ്പഞ്ഞി.



അഷ്ടമംഗല്യം:
1) കുരവ, കണ്ണാടി, വിളക്ക്, പൂര്‍ണകുംഭം, വസ്ത്രം, നിറനാഴി, മംഗള സ്ത്രീ, സ്വര്‍ണം.
2) ബ്രാഹ്മണന്‍, പശു, അഗ്നി, സ്വര്‍ണം, നെയ്‌, ആദിത്യന്‍, ജലം, രാജാവ്
3) അരി നെല്ല്, കുരുത്തോല, അമ്പ്‌, കണ്ണാടി, വസ്ത്രം, കത്തുന്ന കൈവിളക്ക്, ചെപ്പ്.



അഷ്ടമൂര്‍ത്തികള്‍
ഭൂമി, ജലം, വായു, അഗ്നി, ആകാശം, യജമാനന്‍, സൂര്യന്‍, ചന്ദ്രന്‍.


അഷ്ടവൈദ്യന്മാര്‍:
കുട്ടഞ്ചേരി മൂസ്, പ്ലാന്തോട്ടു മൂസ്, ചിരട്ടമന്‍ മൂസ്, ഇളയിടത്തു മൂസ്, തൈക്കാട്ട് മൂസ്, വെള്ളാട്ട് മൂസ്, ആലത്തൂര്‍ നമ്പി, കാത്തോള്‍ നമ്പി.


അഷ്ടസിദ്ധികള്‍:
അണിമ, മഹിമ, ലഘിമ, ഗരിമ, പ്രാപ്തി, പ്രാകാശ്യം, ഈശിത്വം, വശിത്വം എന്നീ എട്ടു യോഗ സിദ്ധികള്‍.


അഷ്ടവിവാഹം:
ബ്രാഹ്മം, ദൈവം, ആര്‍ഷം, പ്രാജാപത്യം, ഗാന്ധര്‍വം, ആസുരം, രാക്ഷസം, പൈശാചം.


അഷ്ടാംഗം:
യാമം, നിയമം, ആസനം, പ്രാനായാം, പത്യാഹാരം, ധാരണം, ധ്യാനം, സമാധി.


അഷ്ടാംഗാര്ഘ്യ:
വെള്ളം, പാല്‍, ദര്ഭപ്പുല്ല്, തൈര്, നെയ്‌, അരി, യവം, കടുക് എന്നീ പൂജാ സാധനങ്ങള്‍.


അഷ്ടാംഗ ഹൃദയം:
കായം (സാമാന്യ ശരീരം), ബാലം (ബാലശരീരം), ഗ്രഹം (ബാല പീടയുളവാക്കുന്ന ഭൂതാദി), ഊര്ധ്വാംഗം (ശിരസ്), ശല്യം (ശസ്ത്രക്രിയ), ദംഷ്ട്രം (പല്ല്), ജരാ, വൃഷം (ശുക്ലം) എന്നിങ്ങനെ എട്ടു അംഗങ്ങളെ ക്രമമായി വിവരിക്കുന്ന ചികിത്സ ശാസ്ത്രം.


നവഗ്രഹങ്ങള്‍:
സൂര്യന്‍, ചന്ദ്രന്‍, ചൊവ്വ, ബുധന്‍, വ്യാഴം, ശുക്രന്‍, രാഹു, കേതു.


നവദോഷങ്ങള്‍:
ഗുളികന്‍, വിഷ്ടി, ഗണ്ഡാന്തം, വിഷം, ഉഷ്ണം, ഏകാര്ഗ്ഗളം, സര്‍പ്പശിരസ്, ലാടം, വൈധൃതം.


നവനിധികള്‍:
മഹാപത്മം, പത്മം, ശംഖം, മകരം, കച്ഛപം, മുകുന്ദം, കന്ദം, നീലം, ചര്‍ച്ചം.


നവഭക്തികള്‍:
ശ്രവണം, കീര്‍ത്തനം, സേവനം, സ്മരണം, അര്‍ച്ചനം, വന്ദനം, ദാസ്യം, സഖ്യം, ആത്മ നിവേദനം.


നവരത്നങ്ങള്‍:
1) മുത്തു, മാണിക്യം, വൈദൂര്യം, ഗോമേദകം, വജ്രം, വിദൃമം, പത്മരാഗം, മരതകം, നീലം എന്നീ രത്നങ്ങള്‍.
2) ധന്വന്തരി, ക്ഷപനകന്‍, അമരസിംഹന്‍, ശങ്കു, വേതാളഭട്ടന്‍, ഘടകര്‍പ്പരന്‍, കാളിദാസന്‍, വരാഹമിഹിരന്‍, വരരുചി എന്നെ വിദ്വാന്മാര്‍.


ദശ പുഷ്പങ്ങള്‍
വിഷ്ണുക്രാന്തി, കറുക, മുയല്‍ച്ചെവിയന്‍, തിരുതാളി, ചെറൂള, നിലപ്പന, കയ്യോന്നി, പൂവാംകുറുന്നില, മുക്കൂറ്റി, ഉഴിഞ്ഞ.


ദശമൂലങ്ങള്‍:
പയ്യാനി, മുഞ്ഞ, കുമിഴ്, പത്തിരി കൂവളം എന്നിവ ചേർന്നാൽ പഞ്ചമൂലം. ഇവയോടൊപ്പം ഞെരിഞ്ഞില്‍ കണ്ടകാരി ചുണ്ട ബ്രുഹത്തോരില മൂവില എന്നിവ ചേര്‍ന്നാല്‍ ദശമൂലം.


ദശകര്മങ്ങള്‍:
ഗര്‍ഭാധാനം, പുംസവനം, സീമന്തോന്നയനം, ജാതകര്‍മം, നിഷ്ക്രമണം, നാമകരണം, അന്നപ്രാശനം, ചൂഡാകര്മം, ഉപനയനം, വിവാഹം.


ദശവിദ്യകള്‍:
കാളി, താര, ഷോഡശി, ഭുവനേശ്വരി, ഭൈരവി, ചിന്നമസ്ത, ധൂമാവതി, ബഗല, മാതംഗി, കമല.


ദശപാപങ്ങള്‍:
കൊല, മോഷണം, അര്ഹതയില്ലാത്തതില്‍ ഉള്ള ആഗ്രഹം, പിശുക്ക്, വ്യാജം, അസംബന്ധം പറയല്‍, ദ്രോഹചിന്ത, അന്യരുടെ ധനത്തിലുള്ള ആഗ്രഹം, നാസ്ഥികബുദ്ധി, പരുഷമായ പെരുമാറ്റം.


ദശാവതാരങ്ങള്‍:
മത്സ്യം, കൂര്‍മം, വരാഹം, നരസിംഹം, വാമനന്‍, പരശുരാമന്‍, ശ്രീരാമന്‍, ശ്രീകൃഷ്ണന്‍, ബലരാമന്‍, കല്കി.

Wednesday, October 4, 2017

പുരാണകഥകളിലൂടെ - മാതാ പിതാ ഗുരു ദൈവ സങ്കൽപ്പം




ഭാരതീയ  സംസ്കാരത്തിന്റെ കാതലായ  സന്ദേശമാണ്  "മാതാ-പിതാ- ഗുരു-ദൈവം" എന്ന സങ്കൽപ്പം. ജീവിതത്തിന്റെ വിവിധ ഘട്ടങ്ങളിൽ മാതാവിനും പിതാവിനും ഗുരുവിനും ദൈവത്തിനും വിവിധ ധർമ്മങ്ങളുണ്ട്.  നമ്മെ ഈ പ്രപഞ്ചത്തിലേയ്ക്ക് കൊണ്ടുവന്ന മാതാവിനാണത്രേ എന്നും നമ്മുടെ മനസ്സിൽ പ്രഥമസ്ഥാനം നൽകേണ്ടത്.  ജനനത്തിന് കാരണഭൂതനായ പിതാവിനെ മാതാവ് കാട്ടിത്തരുന്നു.  ദ്വിതീയനല്ലെങ്കിലും അടുത്ത സ്ഥാനം  പിതാവിനു തന്നെ.  ക്രമേണ, മാതാവും പിതാവും കൂടി നമ്മുടെ ഗുരുവിനെ കണ്ടെത്തുന്നു.  പിന്നീടങ്ങോട്ട് ജന്മത്തിന്റെ അടുത്ത ഘട്ടമായി… ഗുരുവിൽ നിന്ന് അക്ഷരങ്ങളും അനുഭവങ്ങളും പാഠങ്ങളും ഒക്കെ ഉൾക്കൊണ്ട്, ശരിയായ ജ്ഞാനത്തിലൂടെ ഈശ്വരനെ അനുഭവിക്കാൻ കഴിയുന്നു.  താത്ത്വികമായി പറഞ്ഞാൽ, മനുഷ്യന് മാതാവ് ഭൂമിയും പിതാവ് മനസ്സും (ചിന്ത), ഗുരു ബോധവും ആകുന്നു. ഇതിന്റെയെല്ലാം സാക്ഷാത്കാരമാണ് ഈശ്വരൻ.


മാതാവിനെയും പിതാവിനെയും ആദരിക്കുന്നതിനെക്കുറിച്ചുള്ള ഒരു ചെറിയ കഥ നമ്മുടെ പുരാണങ്ങളിൽ കാണുന്നത് നമുക്ക് ഒന്ന് ഓർത്തെടുക്കാം…. കൈലാസത്തിൽ പരമശിവനും പാർവതിയും മക്കളായ ഗണപതിയും സുബ്രഹ്മണ്യനും സന്തോഷത്തോടെ ഇരിക്കുന്ന സമയം….  ഒരു മാമ്പഴം പങ്കുവയ്ക്കുന്നതിനെ ചൊല്ലി ഗണപതിയും സുബ്രഹ്മണ്യനും തമ്മിൽ തർക്കമായി.  മാമ്പഴം മുഴുവനായി തങ്ങൾക്ക് വേണമെന്ന് രണ്ടുപേരും വാശിപിടിച്ചു.  ശിവപാർവ്വതിമാർ ആകെ ധർമ്മസങ്കടത്തിലായി.  രണ്ടു മക്കളും തങ്ങൾക്ക്  ഒരുപോലെയാണ്, പിന്നെങ്ങനെ ഒരാൾക്ക് മാത്രമായി നൽകും…. ഒടുവിൽ അവർ ഒരു പന്തയം നടത്താൻ തന്നെ തീരുമാനിച്ചു.  “കുഞ്ഞുങ്ങളേ, നിങ്ങൾ രണ്ടുപേരും തമ്മിൽ ഒരു ചെറിയ മത്സരം… അതിൽ വിജയിക്കുന്നയാൾക്ക് ഈ മാമ്പഴം മുഴുവനായി തരാം.. പരമശിവൻ പറഞ്ഞു. ഗണപതിയും സുബ്രഹ്മണ്യനും ഇത് സമ്മതിച്ചു….. എന്താണ് മത്സരം എന്നറിയാൻ അവർക്ക് ആകാംക്ഷയായി.


 “നിങ്ങൾ രണ്ടുപേരും മൂന്നു തവണ ഈ പ്രപഞ്ചം ചുറ്റി ഇവിടെ വരണം.  ആര് ആദ്യം അത് പൂർത്തിയാക്കുന്നുവോ അവനാണ് വിജയി.” വെറും ഒരു മാമ്പഴത്തിന്റെ പേരിലായാലും മത്സരം മത്സരം തന്നെയല്ലേ.  രണ്ടുപേരും മത്സരത്തിനു തയ്യാറായി.   സമയം ഒട്ടും തന്നെ പാഴാക്കാതെ സുബ്രഹ്മണ്യൻ തന്റെ വാഹനമായ മയിലിന്റെ പുറത്തുകയറി പ്രപഞ്ചം ചുറ്റാനാരംഭിച്ചു. മോദകപ്രിയനായ ഗണപതി വളരെ സാവധാനം, ഒരു ധൃതിയുമില്ലാതെ മോദകവും കഴിച്ചങ്ങനെ ഇരുന്നു. ഗണപതി ചിന്തിച്ചു,  കൈലാസത്തിലിരിക്കുന്ന ശിവനും പാർവ്വതിയുമല്ലേ ഈ പ്രപഞ്ചത്തിന്റെ പ്രഭവസ്ഥാനം.  പ്രപഞ്ചം നിറഞ്ഞു നിൽക്കുന്ന ഇവരുടെ പ്രതിബിംബം മാത്രമല്ലേ പ്രകൃതി. സ്വന്തം മാതാപിതാക്കളെ പ്രദക്ഷിണം വയ്ക്കുന്നതാണ് ഉലകിനു വലം വയ്ക്കുന്നതിനേക്കാൾ പുണ്യമെന്ന് അദ്ദേഹം കരുതി. ഇതിനിടയിൽ സുബ്രഹ്മണ്യൻ പ്രപഞ്ചത്തിന് ഒരു വലം വച്ച് കൈലാസത്തിലെത്തി.  ഗണപതി ഇതുവരെയും ഇവിടെത്തന്നെയിരിക്കുന്നതിൽ സുബ്രഹ്മണ്യന് അത്ഭുതവും, ഒപ്പം താൻ തന്നെ വിജയിയാവുമെന്ന സന്തോഷവും തോന്നി. അദ്ദേഹം തന്റെ രണ്ടാം വട്ടം ആരംഭിച്ചു.  ഗണപതിയ്ക്ക്  ഒരു കൂസലുമില്ല…. സുബ്രഹ്മണ്യൻ രണ്ടാം വട്ടവും പൂർത്തിയാക്കി കൈലാസത്തിലെത്തി.  ഇത്തവണ ഗണപതിയോട് ഇതുവരെ മത്സരത്തിൽ പങ്കുചേരാത്തതെന്തെന്ന് അന്വേഷിക്കുകയും ചെയ്തു.  ഗണപതി തന്റെ മറുപടി ഒരു ചെറുചിരിയിലൊതുക്കി കണ്ണുകളടച്ച് നാമജപം തുടങ്ങി.   താൻ തന്നെ വിജയി എന്നുറപ്പിച്ച് സുബ്രഹ്മണ്യൻ അവസാനവട്ട വലംവയ്ക്കനിനു പുറപ്പെട്ടു. 



കുറച്ചു നേരം കണ്ണുകളടച്ച് നാമം ജപിച്ചശേഷം ഗണപതി, തന്റെ മാതാപിതാക്കളുടെ മുന്നിലെത്തി അവരെ നമസ്കരിച്ച് അനുഗ്രഹം വാങ്ങി. ഞാനിതാ മത്സരത്തിനു തയ്യാർ എന്ന് പറഞ്ഞുകൊണ്ട് ഗണപതി ശിവപാർവ്വതിമാരെ ആശ്ചര്യപ്പെടുത്തിക്കൊണ്ട് “പുതൃദേവോ ഭവ:, മാതൃദേവോ ഭവ” എന്ന മന്ത്രോച്ചാരണത്തോടേ തന്റെ മാതാപിതാക്കൾക്കു ചുറ്റും വലം വയ്ക്കാനാരംഭിച്ചു. സമയം പാഴാക്കാത്തെ എത്രയും വേഗം സുബ്രഹ്മണ്യനോട് മത്സരിച്ച് പ്രപഞ്ചത്തെ വലം വച്ചു വരാൻ അവർ ഗണപതിയെ ഉപദേശിച്ചു. മൂന്നുവട്ടം മാതാപിതാക്കളെ വലം വച്ച് തിരികെ വന്ന് വീണ്ടും അവരെ നമസ്കരിച്ച് അനുഗ്രഹം വാങ്ങി.


ഇതിനിടെ സുബ്രഹ്മണ്യൻ മൂന്നാം വട്ടം പ്രപഞ്ചം ചുറ്റി കൈലാസത്തിൽ മാതാപിതാക്കളുടെ സന്നിധിയിലെത്തി. താൻ മത്സരത്തിൽ വിജയിച്ചെന്നും സമ്മാനം തനിക്ക് വേണമെന്നും സുബ്രഹ്മണ്യൻ അവകാശപ്പെട്ടു.  താനാണ് വിജയിയെന്ന് ഗണപതിയും അവകാശപ്പെട്ടു. എന്നിട്ട് തന്റെ മാതാപിതാക്കളെ നോക്കി പറഞ്ഞു, “പ്രപഞ്ചത്തിനു ചുറ്റുമുള്ള  എന്റെ പ്രദക്ഷിണം ഇതാ പൂർത്തിയായിരിക്കുന്നു” എന്നിട്ട് പരമശിവനോടായി പറഞ്ഞു, 


“ആദരണീയനായ അച്ഛാ, വേദങ്ങൾ കുടികൊള്ളുന്നത് അവിടുത്തെ നാവിൻതുമ്പിലാകുന്നു.  ഈ പ്രപഞ്ചത്തിലെ വിശുദ്ധമായതെന്തൊക്കെയോ അതെല്ലാം ചേർന്ന സ്വരൂപമാണ് അങ്ങ്.  ‘പിതൃ ദേവോ ഭവ:’, അതായത് അച്ഛനെ തന്റെ ദൈവമായി കാണണം എന്നാണ് എന്റെ ഗുരുക്കന്മാർ പഠിപ്പിച്ചിരിക്കുന്നത്. 


തുടർന്ന് തന്റെ മാതാവായ പാർവ്വതിയോടായി, “പ്രിയപ്പെട്ട അമ്മേ, അവിടുന്ന് ഈ പ്രപഞ്ചത്തിന്റെ തന്നെ ഊർജ്ജമായ ശക്തിയുടെ അവതാരമാകുന്നു.  എന്റെ മാതാപിതാക്കളെ വലം വയ്ക്കുന്നത് ഈ പ്രപഞ്ചത്തെ തന്നെ വലംവയ്ക്കുന്നതിനെക്കാൾ ഉത്കൃഷ്ടമായാണ് ഞാൻ കരുതുന്നത്".


പ്രപഞ്ചത്തെ വലംവയ്ക്കാതെ തന്നെ ഗണപതി പരിപൂർണ്ണ പക്വത നേടിക്കഴിഞ്ഞതായി ശിവപാർവ്വതിമാർ മനസ്സിലാക്കി.  മനം നിറഞ്ഞ അവർ മകനെ വാരിപ്പുണർന്നു….


മാതാ പിതാ ഗുരു ദൈവ സങ്കൽപ്പത്തെ ഇത്രയും മനോഹരമായി ചിത്രീകരിക്കാൻ മറ്റൊരു കഥയ്ക്കും കഴിയില്ല…. ഗുരുഭക്തിയുടെ തീവ്രത മനസ്സിലാക്കി തരുന്ന അനവധി കഥകൾ നമ്മുടെ പുരാണങ്ങളിലുണ്ട്….

Wednesday, September 27, 2017

ഗണേശസ്തുതികൾ


Image result for ഗണപതി ഫോട്ടോ


ഗളദ്ദാനഗണ്ഡം മിളദ്ഭൃംഗഷണ്ഡം
ചലച്ചാരുശുണ്ഡം ജഗത്ത്രാണശൗണ്ഡം
ലസദ്ദന്തകാണ്ഡം വിപദ്ഭംഗചണ്ഡം
ശിവപ്രേമപിണ്ഡം ഭജേവക്രതുണ്ഡം



മദജലമൊഴുകുന്ന കവിൾത്തടത്തോടും ചുറ്റിക്കൂടി പറക്കുന്ന വണ്ടുകളോടും മെല്ലെ മെല്ലെ ആടുന്ന തുമ്പിക്കരത്തോടും കൂടിയവനായി ലോകരക്ഷണ സമർത്ഥനായി പ്രകാശമാനമായ തടിച്ചു നീണ്ട കൊമ്പുള്ളവനായി ആപത്തുകളെ നശിപ്പിക്കാൻ ശക്തിയുള്ളവനായി പരമശിവന്റെ പ്രേമഭാജനമായിരിക്കുന്ന ഗണപതിയെ ഞാൻ നമസ്കരിക്കുന്നു.


Tuesday, August 22, 2017

ഗണപതി ധ്യാനമന്ത്രം


Image result for lord ganesha images

ഏകദന്തം മഹാകായം തപ്തകാഞ്ചനസന്നിഭം
ലംബോദരം വിശാലാക്ഷം വന്ദേഹം ഗണനായകം


ചിത്രരത്നവിചിത്രാംഗം ചിത്രമാലാവിഭൂഷിതം
കാമരൂപധരം ദേവം വന്ദേഹം ഗണനായകം


അംബികാഹൃദയാനന്ദം മാതൃഭിഃ പരിവേഷ്ഠിതം
ഭക്തപ്രിയം മദോന്മത്തം വന്ദേഹം ഗണനായകം


സർവ്വവിഘ്നഹരം ദേവം സർവ്വവിഘ്ന വിവർജ്ജിതം
സർവ്വസിദ്ധിപ്രദാതാരം വന്ദേഹം ഗണനായകം


ഗജാനനം ഭൂതഗണാദിസേവിതം
കപിത്ഥജംബൂഫലസാര ഭക്ഷിതം


ഉമാസുതം ശോകവിനാശകാരണം
നമാമി വിഘ്നേശ്വര പാദപങ്കജം


ശുക്ളാംബരധരം വിഷ്ണും
ശശിവർണ്ണം ചതുർഭുജം
പ്രസന്നവദനം ധ്യായേത്
സർവ്വവിഘ്നപ്രശാന്തയേ

Sunday, August 20, 2017

ഗണേശസ്തുതികൾ


Image result for lord ganesha images

പ്രഥമം വക്രതുണ്ഡം ച
ഏകദന്തം ദ്വിതീയകം
തൃതീയം കൃഷ്ണപിംഗാക്ഷം
ഗജവക്ത്രം ചതുര്‍ത്ഥകം.
ലംബോദരം പഞ്ചമം ച
ഷഷ്ഠം  വികടമേവച
സപ്തമം വിഘ്നരാജം ച
ധൂമ്രവര്‍ണ്ണം തഥാഷ്ടമം
നവമം ഫാലചന്ദ്രം ച
ദശമംതുവിനായകം
ഏകാദശം ഗണപതിം
ദ്വാദശംതു ഗജാനനം

Tuesday, August 8, 2017

ഗണേശ പഞ്ചരത്നം


Image result for lord ganesha images

മുദാകരാത്ത മോധകം, സദാ വിമുക്തി സാധകം
കലാധരാവതംശകം, വിലാസിലോക രക്ഷകം.

അനായകൈക നായകം വിനാശിതേഭ ദൈത്യകം
നതാശുഭാശുനാശകം, നമാമിതം വിനായകം.

നതേതരാതിഭീകരം നവോധിതാര്‍ക ഭാസ്വരം
നമത്സുരാരി നിര്‍ജ്ജരം നതാധികാപദുര്‍‌ദ്ധരം.

സുരേശ്വരം നിധീശ്വരം ഗജേശ്വരം ഗണേശ്വരം
മഹേശ്വരം തമാശ്രയേ പരാത്പരം നിരന്തരം.

സമസ്ത ലോക സങ്കരം, നിരസ്ത ദൈത്യ കുഞ്ചരം
ദരേത രോദരം വരം വരേഭവക്ത്രമക്ഷരം.

കൃപാകരം, ക്ഷമാകരം, സുധാകരം, യശസ്കരം
മനസ്കരം നമസ്കൃതാം നമസ്കരോമി ഭാസ്കരം.

അകിഞ്ചനാര്‍തിമാര്‍ജനം ചിരന്തനോക്തി ഭാജനം
പുരാരി പൂര്‍വ നന്ദനം സുരാരി ഗര്‍വചര്‍വണം.

പ്രപഞ്ചനാശ ഭീഷണം ധനഞ്ചയാദി ഭൂഷണം
കപോലദാന വാരണം ഭജേ പുരാണവാരണം.

നിതന്തകാന്ത ദന്തകാന്തി മന്തകാന്തകാത്മജം
അചിന്തരൂപമന്ത ഹീന മന്തരായ കൃന്തനം.

ഹൃദന്തരേ നിരന്തരം വസന്തമേവ യോഗിനാം
തമേകദന്ത മേവ തം വിചിന്തയാമി സന്തതം.



ഫലശ്രുതി

മഹാ ഗണേശ പഞ്ചരത്ന മാദരേണ യോ ന്വഹം
പ്രജല്പതി പ്രഭാതകേ ഹൃദിസ്മരന്‍ ഗണേശ്വരം.
അരോഗതാമദോഷതാം സുസാഹിതീം സുപുത്രതാം
സമാഹിതായു രഷ്ടഭൂതി മഭ്യുപൈതി സോ ചിരാതം

Sunday, April 30, 2017

ഗണേശ ശരണം - ഗണേശസ്തുതികൾ



ഗണേശ ശരണം ശരണം ഗണേശാ
ഗണേശ ശരണം ശരണം ഗണേശാ

പാർവതി നന്ദന ശരണം ഗണേശാ
ഗണേശ ശരണം ശരണം ഗണേശാ

ശങ്കര തനയാ ശരണം ഗണേശാ
ഗണേശ ശരണം ശരണം ഗണേശാ

മൂഷിക വാഹന ശരണം ഗണേശാ
ഗണേശ ശരണം ശരണം ഗണേശാ

അനാഥ രക്ഷക ശരണം ഗണേശാ
ഗണേശ ശരണം ശരണം ഗണേശാ

ആശ്രിത വത്സല ശരണം ഗണേശാ
ഗണേശ ശരണം ശരണം ഗണേശാ

വിഘ്ന വിനാശക ശരണം ഗണേശാ
ഗണേശ ശരണം ശരണം ഗണേശാ

സിദ്ധിവിനായക ശരണം ഗണേശാ
ഗണേശ ശരണം ശരണം ഗണേശാ

അറുമുഖ സോദര ശരണം ഗണേശാ
ഗണേശ ശരണം ശരണം ഗണേശാ

അഖില ജഗന്മയ ശരണം ഗണേശാ
ഗണേശ ശരണം ശരണം ഗണേശാ

മോഹിനീ സുതനേ ശരണം ഗണേശാ
ഗണേശ ശരണം ശരണം ഗണേശാ

മോഹ വിനാശക ശരണം ഗണേശാ
ഗണേശ ശരണം ശരണം ഗണേശാ

നാരദ സേവിത ശരണം ഗണേശാ
ഗണേശ ശരണം ശരണം ഗണേശാ

നരക വിനാശന ശരണം ഗണേശാ
ഗണേശ ശരണം ശരണം ഗണേശാ

മോദക ഹസ്താ ശരണം ഗണേശാ
ഗണേശ ശരണം ശരണം ഗണേശാ

വേദ വിശാരദ ശരണം ഗണേശാ
ഗണേശ ശരണം ശരണം ഗണേശാ

പാവന മൂർത്തേ ശരണം ഗണേശാ
ഗണേശ ശരണം ശരണം ഗണേശാ

പാഹി നമസ്തേ ശരണം ഗണേശാ
ഗണേശ ശരണം ശരണം ഗണേശാ

കലികാലേശ്വര ശരണം ഗണേശാ
ഗണേശ ശരണം ശരണം ഗണേശാ

കന്മഷ നാശക ശരണം ഗണേശാ
ഗണേശ ശരണം ശരണം ഗണേശാ

ഗണേശ ശരണം ശരണം ഗണേശാ
ഗണേശ ശരണം ശരണം ഗണേശാ



Tuesday, April 4, 2017

മയൂരേശ്വർ ക്ഷേത്രം - അഷ്ടവിനായകക്ഷേത്രങ്ങൾ

Related image
അഷ്ടവിനായക അമ്പലങ്ങൾ (എട്ട് ഗണപതി ക്ഷേത്രങ്ങൾ) മയൂരേശ്വർ ക്ഷേത്രം. സിദ്ധിവിനായക ക്ഷേത്രം, ബാലേശ്വർ ക്ഷേത്രം, വരദവിനായക ക്ഷേത്രം, ചിന്താമണി ക്ഷേത്രം, ഗിരിതമാജ ക്ഷേത്രം, വിഘനേശ്വർ ക്ഷേത്രം, മഹാഗണപതി ക്ഷേത്രം എന്നിവ ആണ്. ഈ എട്ട് അമ്പലവും മഹാരാഷ്ട്രയിൽ ആണ്. ഇതിൽ അഞ്ച് എണ്ണവും പൂനെ ജില്ലയിൽ ആണ്. പിന്നെ രണ്ട് എണ്ണം റായിഗഡ് ജില്ലയിലും, ഒന്ന് അഹമ്മദ്നഗർ ജില്ലയിലും ആണ്.


അഷ്ടവിനായക അമ്പലത്തിലേക്ക് ദർശ്ശനത്തിന്ന് പോവുമ്പോൾ ആദ്യം തൊഴുകേണ്ട അമ്പലം ആണ് മയൂരേശ്വർ. ഈ അമ്പലം മഹരാഷ്ട്രയിലെ പൂനെ ജില്ലയിൽ ആണ്. പൂനെ നഗരത്തിൽ നിന്നും ഒരു അമ്പത്തയഞ്ച് കിലോമീറ്റർ ദൂരത്താണ്. പൂനെ ജില്ലയുടെ തെക്ക് ഭാഗത്ത് ആയിട്ടാണ് ഈ അഷ്ടവിനായക ക്ഷേത്രം സ്ഥിതി ചെയ്യുന്നത്. മോർഗാൻ എന്ന സ്ഥലത്തും, ഖരാ നദിയുടെ തീരത്തും ആയിട്ടാണ് ഈ അമ്പലം. മയൂരേശ്വർ എന്നതിന്ന് പുറമെ മോറെശ്വർ എന്നും ഈ അമ്പലത്തിന്ന് പേരുണ്ട്. ഒരു കാലത്ത് ഈ സ്ഥലത്ത് ധാരാളം മയ്യിൽ ഉണ്ടായിരുന്നു, അതിനാൽ ആണ് ഈ പേര് സിദ്ധിച്ചത് എന്നാണ് ഐതിഹ്യം. അഷ്ടവിനായക അമ്പലത്തിലേക്ക് യാത്ര പോവുമ്പോൾ ഏറ്റവും ആദ്യം തൊഴുകേണ്ട അമ്പലം ഇതാണ് എന്നതാണ് ചിട്ട.


ക്ഷേത്രം പണിതിരിക്കുന്നത് കറുത്ത പാറ കല്ലുകൾ കൊണ്ടാണ്. മുസ്ലീം രാജാവ് ബ്രാഹ്മണി ഡെക്കാൻ പ്രവിശ്യ ഭരിച്ചിരുന്ന കാലത്താണ് ഈ അമ്പലം പണി കഴിപ്പിച്ചത്. അമ്പലത്തിന്ന് നാല് കവാടങ്ങൾ ഉണ്ട്. അതെല്ലാം പണി കഴിപ്പിച്ചത് ശ്രീ ഗോയൽ എന്ന യോദ്ധാവ് ആണ്. ഇദ്ദേഹം ബീഡാർ സുൽത്താൻറ്റെ കോടതിയിലെ പണിക്കാരൻ ആയിരുന്നു. മുഗൾ രാജാക്കന്മാരുടെ ആക്രമണം ഭയന്നിട്ട് ഈ അമ്പലത്തിൻറ്റെ നാല് കവാടങ്ങളും മുസ്ലിം പളളിയുടെ ഗോപുരം പോലെ ആണ് ഉണ്ടാക്കിയിരിക്കുന്നത്. ഇതിനാൽ വളരെ അകലെ നിന്ന് നോക്കിയാൽ ഈ അമ്പലം ഒരു മുസ്ലീം പളളി തന്നെ ആണോ എന്ന് തോന്നും. അമ്പത് അടി ഉയരത്തിൽ ആണ് ഈ അമ്പലത്തിൻറ്റെ മതിൽ കെട്ട്.

സാധാരണ ശിവ ക്ഷേത്രത്തിൽ മാത്രം കാണാറുളള നന്ദികേശ്വരൻ എന്ന കാള ക്ഷേത്ര മുൻ ഭാഗത്ത് തന്നെ ഉണ്ട്. പിന്നെ എങ്ങിനെ ഇവിടെ വന്നു, എന്നതിന്ന് പിന്നിലും ഒരു കഥയുണ്ട്. നന്ദീകേശ്വരൻറ്റെ ഒരു വിഗ്രഹം അടുത്തുളള ഒരു ശിവ ക്ഷേത്രത്തിലേക്ക് കൊണ്ടു പോവുക ആയിരുന്നു. ഒരു വണ്ടിയിൽ ആണ് ഇതിനെ കൊണ്ടു പോയിരുന്നത്. ഈ അമ്പലത്തിൻറ്റെ മുന്നിൽ എത്തിയപ്പോൾ വണ്ടി പൊളിഞ്ഞ് നന്ദികേശ്വര വിഗ്രഹം താഴെ ഈ അമ്പലത്തിന്ന് മുന്നിൽ ആയിട്ട് വീണു. അത് പിന്നീട് പലരും പലെ വിധത്തിലും ശ്രമിച്ചിട്ടും ആ നന്ദി വിഗ്രഹത്തെ ഇളക്കാൻ പറ്റിയില്ല. അവസാനം എല്ലാവരും കൂടി തീരുമാനിച്ചു. ഈ നന്ദികേശ്വരൻ ഇവിടെ തന്നെ ഇരിക്കട്ടെ എന്ന്. അങ്ങിനെ പിതാവിൻറ്റെ വഹനം മകൻറ്റെ ക്ഷേത്രത്തിന്നു മുന്നിലും ലഭിച്ചു.


ഇവിടുത്തെ ഗണേശ വിഗ്രഹം ഒരു മയിൽൻറ്റെ മുകളിൽ ഇരിക്കുന്ന രൂപത്തിൽ ആണ്. സിന്ധു എന്ന അസുരനെ ഗണേശ ഭഗവാൻ വധിച്ച സ്ഥലം ആണ് ഇവിടം എന്നും പറയുന്നു. ഗണേശ ഭഗവാൻറ്റെ ഇവിടുത്തെ വിഗ്രഹത്തിൽ തുമ്പി കൈ ഇടത്ത് ഭാഗത്തേക്ക് ചെരിഞ്ഞിട്ടാണ്. അതിന്നും പുറമെ ആ തുമ്പി കൈയ്യിൽ ഒരു നാഗാരാജാവും (സർപ്പം) ഉണ്ട്, എല്ലാറ്റിനെയും രക്ഷിക്കാൻ വേണ്ടി. ഈ ഗണേശ ഭഗവാൻറ്റെ വിഗ്രഹത്തിന്ന് ഇടത്തും വലത്തും ആയിട്ട്, സിദ്ധിയും, ഋദ്ധിയും ഉണ്ട്. സിദ്ധി എന്നാൽ അഷ്ടഐശ്വര്യം, പരിപൂർണ്ണ ജ്ഞാനം എന്നെല്ലാം പറയുന്നു. ഋദ്ധി എന്നാൽ ബുദ്ധി ശക്തി, മഹത്വം, വിജയം, ഭാഗ്യം, അലൗകിക ശക്തി, എന്നെല്ലാം അർത്ഥം. (ഗണേശ പുരാണത്തിൽ സിദ്ധിയും ഋദ്ധിയും (ബുദ്ധിയും) ഗണേശ ഭഗവാൻറ്റെ ഭാര്യമാർ ആണ് എന്നും പരാമർശ്ശിക്കുന്നു. എന്നാൽ കേരളീയർക്ക് ഗണേശ ഭഗവാൻ കല്യാണം കഴിക്കാത്തവൻ ആണ് എന്നാണ് വിശ്വാസം).


ഇവിടുത്തെ വിഗ്രഹം ബ്രഹ്മദേവൻ ആണ് പ്രതിഷ്ടിച്ചത്. ആദ്യം പ്രതിഷ്ടിച്ചതിനെ അസുരൻ സിന്ധു നശിപ്പിച്ചു. അപ്പോൾ ബ്രഹ്മാവ് വീണ്ടും പ്രതിഷ്ടിച്ചു. രണ്ട് പ്രാവശ്യവും ഈ വിഗ്രഹം ഉണ്ടക്കാൻ ആയിട്ട് ബ്രഹ്മാവ് വളരെ നേർത്ത മണലും, ഇരുമ്പും, വജ്രവും ചേർത്താണ് ഉണ്ടാക്കിയത്. വളരെ ചെറിയ രൂപത്തിൽ ആയിരുന്നു ഈ വിഗ്രഹം എന്നും പറയുന്നു. അത് വീണ്ടും നശിച്ച് പോവാതിരിക്കാൻ വേണ്ടി പണ്ഡവന്മാർ ഒരു ചെമ്പ് തകിടിൽ പൊതിഞ്ഞ്, ഇപ്പോഴത്തെ വിഗ്രഹത്തിൻറ്റെ പിന്നിൽ ആയി ഒളിപ്പിച്ച് വെച്ചരിക്കുകയാണ് എന്നും പറയുന്നു. ഇപ്പോഴുളള ഗണേശ വിഗ്രഹം വലുതാണ്.



ഓം ഗണേശായ നമഃ

Saturday, April 1, 2017

ബല്ലലേശ്വർ ക്ഷേത്രം - Ballaleshwar temple is one of the eight temples of Lord Ganesha.

Related image



























മഹാരാഷ്ടയിലെ പനവേൽ അടുത്തുളള നാഗോത്താണെ എന്ന സ്ഥലത്ത് നിന്നും ഒരു പതിനൊന്ന് കിലോമീറ്റർ ദൂരത്തുളള പാലി എന്ന സ്ഥലത്താണ്, ഈ അഷ്ടവിനായക അമ്പലത്തിലെ മൂന്നാമത്തെ ക്ഷേത്രം. കർജ്ജിത്ത് റയിൽവേ സ്റ്റേഷനിൽ നിന്നും ഒരു മുപ്പത് കിലോ മീറ്റർ ദൂരം ഉണ്ടാവും. മഹാരാഷ്ട്രയിലെ റായിഗഡ് ജില്ലയിൽ ആണ് ഈ അമ്പലം സ്ഥിതി ചെയ്യുന്നത്. 

നാട്ടുകാരും, സ്വന്തം പിതാവും കൂടി മകൻ ആയ ബല്ലലനെ പലെ വിധത്തിലും ദ്രോഹിച്ചരുന്നു. കാരണം മകന്ന് അമിതം ആയിട്ടുളള ഗണേശ ഭഗവാനോടുളള ഭക്തി ആയിരുന്നു കാരണം. പക്ഷെ കുട്ടിയെ ഗണേശ ഭഗവാൻ എല്ല ദുഷ്ട ശക്തികളിൽ നിന്നും രക്ഷിച്ചു എന്നും കഥ.

ഈ അമ്പലം ആദ്യം മരം കൊണ്ടാണ് ഉണ്ടാക്കിയിരുന്നത്. അത് വളരെ വളരെ കാലം മുമ്പ് ആയിരുന്നു. അതിന്ന് ശേഷം 1760 താം കൊല്ല വർഷത്തിൽ ഈ അമ്പലത്തിനെ കല്ല് പടുത്ത്, ശ്രീ നാനാ ഫഡനിവിസ് എന്ന മാഹാൻ മാറ്റി പണിതു. അമ്പലത്തിൻറ്റെ രണ്ട് ഭാഗത്തും ആയിട്ട് നല്ല ശുദ്ധ ജല കുളങ്ങളും പണിതു. ഇതിലെ ഒരു കുളത്തിലെ വെളളം അമ്പലത്തിലെ കർമ്മങ്ങൾക്ക് മാത്രം ഉപയോഗിക്കാനുളളതാണ്. ഇതിൽ പൊതു ജനത്തിന്ന് പ്രവേശനം ഇല്ല. മറ്റെ കുളം പൊതു ജനത്തിന്ന് ഉപയോഗിക്കാം.
ക്ഷേത്ര ദർശ്ശനം കിഴക്കോട്ട് നോക്കിയിട്ട് രണ്ട് ശ്രീകോവിൽ ഉണ്ട് ഒന്ന് അകത്തും,. പിന്നെ ഒന്ന് പുറത്തും ആണ്. ഗണേശ ഭഗവാനും, അതിന്ന് മുന്നിൽ ആയിട്ട് ഭഗവാൻറ്റെ വാഹനം ആയിട്ടുളള മൂഷികനും ഉണ്ട്. മൂഷികൻറ്റെ കൈയ്യിൽ മോദകവും ഉണ്ട്. എട്ട് തൂണുകൾ എട്ട് ഭാഗത്തായിട്ടുണ്ട് എന്നതും ഒരു പ്രത്യേകത ആണ്. അഷ്ടഗണേശന്മാരെ സൂചിപ്പിക്കുന്നതാണോ ഈ തൂണുകൾ എന്നും പറയുന്നു.  അകത്തെ ശ്രീകോവിൽ പതിനഞ്ച് അടിയും, പുറത്തെ ശ്രീകോവിൽ പന്ത്രണ്ട് അടിയും ആണ് ഉയരം.


ശ്രീകോവിലെ വിഗ്രഹം പ്രതിഷ്ടിച്ചിരിക്കുന്നത് ഒരു പ്രത്യേക തരത്തിൽ ആണ്, സൂര്യ ദേവൻ ഉദിക്കുന്ന സമയത്ത്, സൂര്യ രശ്മികൾ ഭഗവാൻറ്റെ വിഗ്രഹത്തിൽ  നേരിട്ട് പതിക്കുന്ന വിധത്തിൽ ആണ്. തുമ്പി കൈ ഇടത്ത് ഭാഗത്തേക്ക് തിരിഞ്ഞിട്ടാണ്. പിന്നെ വിഗ്രഹത്തിൻറ്റെ  കണ്ണുകളിൽ വൈരക്കലുകൾ പിടിപ്പിച്ചിട്ടുണ്ട് എന്നതും ഒരു വിശേഷം ആണ്. കടലമാവ് കൊണ്ട് ഉണ്ടാക്കിയിട്ടുളള ലഢു ആണ് ഇവിടെ ഭഗവാന്ന് നേദിക്കാൻ പാടൂ എന്നും നിബന്ധന. അല്ലാതെ വേറെ മോദകങ്ങൾ നേദിക്കാൻ അനുവദിക്കാറില്ല.


ഇന്നത്തെ പാലി എന്ന സ്ഥലം പാലിപ്പൂർ എന്ന പേരിൽ ആയിരുന്നു മുമ്പ്. അവടെ കല്യാൺസേത് എന്ന് പേരുളള ഒരു കച്ചവടക്കാരൻ ഉണ്ടായിരുന്നു. അവർക്ക് കുറെ കാലം മക്കൾ ഉണ്ടായില്ല. അവസാനം കുറെ ദൈവത്തെ പ്രാർത്ഥിച്ച ശേഷം ഒരു കുട്ടി ഉണ്ടായി, അവൻറ്റെ പേര് ബല്ലാലി എന്നായിരുന്നു. ബല്ലാലിക്ക് എപ്പോഴും ഭഗവാനെ പ്രാർത്ഥിക്കാൻ മാത്രമേ സമയം ഉണ്ടായിരുന്നുളളു. അവൻ കൂടുതലും പ്രാർത്ഥിച്ചരുന്നത് ഗണേശ ഭഗവാനെ ആയിരുന്നു. കാട്ടിൽ കൂട്ടുകാരെയും കൂട്ടി പോയി അവിടെ ഒരു കല്ലിൽ ഗണേശ ഭഗവാനെ സങ്കൽപ്പിച്ചായിരുന്നു പ്രർത്ഥന. ഇത് നാട്ടുകാർക്ക് ഇഷ്ടം ആവാതെ ആയി അവർ ബല്ലാലിയുടെ പിതാവിനെ കണ്ട് സങ്കടം ഉണർത്തിച്ചു.


മകൻറ്റെ ഈ പ്രവൃത്തിയിൽ അച്ഛന്ന് വിഷമവും കോപവും ഉണ്ടായി. അദ്ദേഹം നേരെ കാട്ടിൽ പോയി മകനും കൂട്ടുകാരും ഇരുന്നു പ്രാർത്ഥിക്കുന്ന സ്ഥലം എല്ലാം അലങ്കോലപ്പെടുത്തി. വിഗ്രഹത്തിനെ എടുത്ത് ദൂരേക്ക് എറിഞ്ഞു. സ്വന്തം മകനെ കുറെ തല്ലി, ചീത്ത പറഞ്ഞു എന്നിട്ടും ദേഷ്യം അടങ്ങാത്തതിനാൽ, കുട്ടിയെ കെട്ടിയിട്ടു. എന്നിട്ട് താക്കീതും നൽകി നീ ഇവിടെ കിടന്ന് നരകിക്ക് എന്ന് ശപിച്ചു. നോക്കട്ടെ നിന്നെ നിൻറ്റെ ഗണേശൻ രക്ഷിക്കുമോ എന്ന ഭീഷണിയും നൽകി. ഇതെല്ലാം ചെയ്യുമ്പോഴും ബല്ലാലി അനങ്ങാതെ ഗണേശനെ മനസ്സിൽ പ്രാർത്ഥിച്ച് കൊണ്ടിരുന്നു. നിഷ്കളങ്കം ആയിട്ടുളള പ്രാർത്ഥന.


ഭഗവാൻ ഗണേശൻ കുട്ടിയെ രക്ഷിച്ചു. കെട്ടി പിടിച്ച് അനുഗ്രഹിച്ചു. അവസാനം ബല്ലാലിയുടെ ആവശ്യപ്രകാരം അങ്ങിനെ പാലിയിൽ സ്വയഭൂവായി ജന്മം എടുത്തു. അങ്ങിനെ ജന്മം എടുത്ത സ്ഥലത്തെ അമ്പലം ആണ് ഇന്നത്തെ ബല്ലേശ്വർ ക്ഷേത്രം. ബല്ലാലി പ്രാർത്ഥിച്ചിരുന്ന കല്ലാണ് പിന്നീട് ശ്രീധുൺഡി വിനായ മന്ദിരം ആയിട്ട് പടിഞ്ഞാറ് നോക്കി ഇരിക്കുന്ന വേറെ ക്ഷേത്രം ആയി രൂപപ്പെട്ടത്. പടിഞ്ഞാട്ട് അഭിമുഖീകരിച്ചരിക്കുന്ന ഗണേശ ഭഗവദ് മന്ദിരങ്ങൾ അപൂർവ്വം ആണ് എന്നും പറയുന്നു.
ഇതിനാൽ ഇവിടെ വരുന്ന ഭക്തർ ആദ്യം ശ്രീധുൺഡി വിനായകനെ തൊഴണം എന്നാണ് ചിട്ട. അതിന്ന് ശേഷമേ ബല്ലേശ്വര അഷ്ടവിനായകനെ തൊഴാൻ പാടുളളു.




ഓം ഗണേശായ നമഃ

Tuesday, March 21, 2017

ശ്രീ ഗണേശാഷ്ടോത്തര ശതനാമാവലി


|| ശ്രീ ഗണേശാഷ്ടോത്തര ശതനാമാവലി  ||
ഓം വിനായകായ നമഃ  |   
ഓം വിഘ്നരാജായ നമഃ  |
ഓം ഗൗരീപുത്രായ നമഃ  |
ഓം ഗണേശ്വരായ നമഃ  |
ഓം സ്കംദാഗ്രജായ നമഃ  |  
ഓം അവ്യയായ നമഃ  |
ഓം പൂതായ നമഃ  |   
ഓം ദക്ഷാധ്യക്ഷായ നമഃ  |
ഓം ദ്വിജപ്രിയായ നമഃ  |  
ഓം അഗ്നിഗര്വച്ഛിദേ നമഃ  || ൧൦ ||


ഓം ഇംദ്രശ്രീ പ്രദായ നമഃ  |  
ഓം വാണീബലപ്രദായ നമഃ  |
ഓം സര്വസിദ്ധിപ്രദായകായ നമഃ |  
ഓം ശര്വതനയായ നമഃ |
ഓം ശര്വപ്രിയായ നമഃ  |   
ഓം സര്വാത്മകായ നമഃ  |
ഓം സൃഷ്ടികര്ത്രേ നമഃ  |   
ഓം ദേവാനീകാര്ചിതായ നമഃ  |
ഓം ശിവായ നമഃ  |   
ഓം ശുദ്ധായ നമഃ  || ൨൦ ||


ഓം ബുദ്ധിപ്രിയായ നമഃ  |  
ഓം ശാംതായ നമഃ  |
ഓം ബ്രഹ്മചാരിണേ നമഃ  |   
ഓം ഗജാനനായ നമഃ  |
ഓം ദ്വൈമാതുരായ നമഃ  |   
ഓം മുനിസ്തുത്യായ നമഃ  |
ഓം ഭക്തവിഘ്നവിനാശകായ നമഃ  |  
ഓം ഏകദംതായ നമഃ  |
ഓം ചതുര്ബാഹവേ നമഃ  |  
ഓം ശക്തിസംയുതായ നമഃ  || ൩൦ ||


ഓം ചതുരായ നമഃ  |    
ഓം ലംബോദരായ നമഃ  |
ഓം ശൂര്പകര്ണായ നമഃ  |   
ഓം ഹേരംബായ നമഃ  |
ഓം ബ്രഹ്മവിത്തമായ നമഃ  |   
ഓം കാലായ നമഃ  |
ഓം ഗ്രഹപതയേ നമഃ  |   
ഓം കാമിനേ നമഃ  |
ഓം സോമസൂര്യാഗ്നിലോചനായ നമഃ | 
ഓം പാശാംകുശധരായ നമഃ || ൪൦ ||


ഓം ചംഡായ നമഃ  |   
ഓം ഗുണാതീതായ നമഃ  |
ഓം നിരംജനായ നമഃ  |   
ഓം അകല്മശായ നമഃ  |
ഓം സ്വയംസിദ്ധാര്ചിതപദായ നമഃ | 
ഓം ബീജപൂരകായ നമഃ |
ഓം അവ്യക്തായ നമഃ  |   
ഓം ഗദിനേ നമഃ  |
ഓം വരദായ നമഃ  |   
ഓം ശാശ്വതായ നമഃ  || ൫൦ ||


ഓം കൃതിനേ നമഃ  |   
ഓം വിദ്വത്പ്രിയായ നമഃ  |
ഓം വീതഭയായ നമഃ  |   
ഓം ചക്രിണേ നമഃ  |
ഓം ഇക്ഷുചാപധൃതേ നമഃ  |  
ഓം അബ്ജോത്പലകരായ നമഃ  |
ഓം ശ്രീദായ നമഃ  |   
ഓം ശ്രീഹേതവേ നമഃ  |
ഓം സ്തുതിഹര്ഷിതായ നമഃ  |  
ഓം കുലാദ്രിഭൃതേ നമഃ  || ൬൦ ||


ഓം ജടിനേ നമഃ  |   
ഓം ചംദ്രചൂഡായ നമഃ  |
ഓം അമരേശ്വരായ നമഃ  |   
ഓം നാഗയജ്ഞോപവീതിനേ നമഃ  |
ഓം ശ്രീകംഠായ നമഃ  |   
ഓം രാമാര്ചിതപദായ നമഃ  |
ഓം വ്രതിനേ നമഃ  |   
ഓം സ്ഥൂലകംഠായ നമഃ  |
ഓം ത്രയീകര്ത്രേ നമഃ  |  
ഓം സാമഘോഷപ്രിയായ നമഃ  || ൭൦ ||


ഓം പുരുഷോത്തമായ നമഃ  |  
ഓം സ്ഥൂലതുംഡായ നമഃ  |
ഓം അഗ്രഗണ്യായ നമഃ  |  
ഓം ഗ്രാമണ്യേ നമഃ  |
ഓം ഗണപായ നമഃ  |  
ഓം സ്ഥിരായ നമഃ  |
ഓം വൃദ്ധായ നമഃ  |   
ഓം സുഭഗായ നമഃ  |
ഓം ശൂരായ നമഃ  |  
ഓം വാഗീശായ നമഃ  || ൮൦ ||


ഓം സിദ്ധിദായ നമഃ  |   
ഓം ദൂര്വാബില്വപ്രിയായ നമഃ  |
ഓം കാംതായ നമഃ  |   
ഓം പാപഹാരിണേ നമഃ  |
ഓം കൃതാഗമായ നമഃ  |   
ഓം സമാഹിതായ നമഃ  |
ഓം വക്രതുംഡായ നമഃ  |   
ഓം ശ്രീപ്രദായ നമഃ  |
ഓം സൗമ്യായ നമഃ  |   
ഓം ഭക്തകാംക്ഷിതദായ നമഃ  || ൯൦ ||


ഓം അച്യുതായ നമഃ  |    
ഓം കേവലായ നമഃ  |
ഓം സിദ്ധായ നമഃ  |   
ഓം സച്ചിദാനംദവിഗ്രഹായ നമഃ  |
ഓം ജ്ഞാനിനേ നമഃ  |   
ഓം മായായുക്തായ നമഃ  |
ഓം ദാംതായ നമഃ  |   
ഓം ബ്രഹ്മിഷ്ഠായ നമഃ  |
ഓം ഭയവര്ജിതായ നമഃ  |   
ഓം പ്രമത്തദൈത്യഭയദായ നമഃ || ൧൦൦ ||


ഓം വ്യക്തമൂര്തയേ നമഃ  |   
ഓം അമൂര്തകായ നമഃ  |
ഓം പാര്വതീശംകരോത്സംഗഖേലനോത്സവലാലനായ നമഃ  |
ഓം സമസ്തജഗദാധാരായ നമഃ  |
ഓം വരമൂഷകവാഹനായ നമഃ  | 
ഓം ഹൃഷ്ടസ്തുതായ നമഃ  |
ഓം പ്രസന്നാത്മനേ നമഃ  |  
ഓം സര്വസിദ്ധിപ്രദായകായ നമഃ  |


|| ഇതീ ശ്രീ ഗണേശാഷ്ടോത്തര ശതനാമാവലിഃ സംപൂര്ണമ്‌ ||

Tuesday, December 20, 2016

ലംബോദരനുടെ വാക്കില്‍ നോക്കില്‍ പമ്പ കടക്കും വിനകള്

 ലംബോദരനുടെ വാക്കില് നോക്കില്  
 അമ്പോ പിടയും വിനകള്  
 തുമ്പി കുടഞ്ഞാല് കൊമ്പു തടഞ്ഞാല്  
 പമ്പ കടക്കും വിനകള് വിനകള്   കുംഭിമുഖേശ്വര വിധികള് 

 ലംബോദരനുടെ വാക്കില് നോക്കില്  
 അമ്പോ പിടയും വിനകള്  
 തുമ്പി കുടഞ്ഞാല് കൊമ്പു തടഞ്ഞാല്  
 പമ്പ കടക്കും വിനകള് വിനകള്   കുംഭിമുഖേശ്വര വിധികള് 
 പമ്പയ്ക്കു മുകളിലും പഴവങ്ങാടിയിലും  
 തമ്പുരാന് വാഴുന്ന ഇടത്തൊക്കെയും  
 വിഘ്നം സ്തംഭനം ചെയ്യുന്ന ഇടത്തൊക്കെയും 
 പമ്പയ്ക്കു മുകളിലും പഴവങ്ങാടിയിലും  
 തമ്പുരാന് വാഴുന്ന ഇടത്തൊക്കെയും  
 വിഘ്നം സ്തംഭനം ചെയ്യുന്ന ഇടത്തൊക്കെയും 
 സ്വാമിതന് സഹജന് സിദ്ധിവിനായകന്  
 സ്വാമിതന് സഹജന് സിദ്ധിവിനായകന്  
 സകലതലത്തിലും കനിയുന്നു 

 സര്വ്വ വിഘ്നഹരം ദേവം  
 സര്വ്വ വിഘ്ന വിവര്ജിതം  
 സര്വ്വ സിദ്ധി പ്രദാതാരം  
 വന്ദേഹം ഗണനായകം 
 സര്വ്വ വിഘ്നഹരം ദേവം  
 സര്വ്വ വിഘ്ന വിവര്ജിതം  
 സര്വ്വ സിദ്ധി പ്രദാതാരം  
 വന്ദേഹം ഗണനായകം 

 ലംബോദരനുടെ വാക്കില് നോക്കില്  
 അമ്പോ പിടയും വിനകള്  
 തുമ്പി കുടഞ്ഞാല് കൊമ്പു തടഞ്ഞാല്  
 പമ്പ കടക്കും വിനകള് വിനകള്   കുംഭിമുഖേശ്വര വിധികള് 
 കെട്ടേറ്റും കരളിലും കൊട്ടാരക്കരയിലും  
 കെട്ടുപിണഞ്ഞിടും ഇടത്തൊക്കെയും  
 വാതില് കൊട്ടിയടഞ്ഞിടും ഇടത്തൊക്കെയും 
 കെട്ടേറ്റും കരളിലും കൊട്ടാരക്കരയിലും  
 കെട്ടുപിണഞ്ഞിടും ഇടത്തൊക്കെയും  
 വാതില് കൊട്ടിയടഞ്ഞിടും ഇടത്തൊക്കെയും 
 ഗം ഗണപതിയാം മംഗളഗണപതി  
 ഗം ഗണപതിയാം മംഗളഗണപതി  
 ഗതിവിഗതികളില് തുണയ്ക്കുന്നു 

 സര്വ്വ വിഘ്നഹരം ദേവം  
 സര്വ്വ വിഘ്ന വിവര്ജിതം  
 സര്വ്വ സിദ്ധി പ്രദാതാരം  
 വന്ദേഹം ഗണനായകം 
 സര്വ്വ വിഘ്നഹരം ദേവം  
 സര്വ്വ വിഘ്ന വിവര്ജിതം  
 സര്വ്വ സിദ്ധി പ്രദാതാരം  
 വന്ദേഹം ഗണനായകം 

 ലംബോദരനുടെ വാക്കില് നോക്കില്  
 അമ്പോ പിടയും വിനകള്  
 തുമ്പി കുടഞ്ഞാല് കൊമ്പു തടഞ്ഞാല്  
 പമ്പ കടക്കും വിനകള് വിനകള്   കുംഭിമുഖേശ്വര വിധികള് 
 ലംബോദരനുടെ വാക്കില് നോക്കില്  
 അമ്പോ പിടയും വിനകള്  
 തുമ്പി കുടഞ്ഞാല് കൊമ്പു തടഞ്ഞാല്  
 പമ്പ കടക്കും വിനകള് വിനകള്   കുംഭിമുഖേശ്വര വിധികള് 

ശ്രീ വിഘ്നേശ്വരൻ 32 നാമങ്ങളും ഭാവങ്ങളും


1.  ബാല ഗണപതി :  അരുണ വർണ്ണം, എട്ട് കൈകൾ, തുമ്പികൈയിൽ മോദകം, ബ്രഹ്മാണ്ഡത്തിന്റെ പ്രതീകം.


2.  തരുണ ഗണപതി : അരുണ വർണ്ണവും, അഷ്ടഭുജങ്ങളും.


3.  ഭക്ത ഗണപതി :ശുഭ്ര വർണ്ണവും ചതുർഭുജങ്ങളും.


4.  വീരഗണപതി : അരുണ വർണ്ണവും, 16 ഭുജങ്ങളും.


5.  ശക്തി ഗണപതി : സിന്ദൂര വർണ്ണവും ചതുർഭൂജങ്ങൾ, പച്ച വർണ്ണമുള്ള ശക്തിയെ ആലിംഗനം ചെയ്തിരിക്കുന്നു.


6.  ധ്വജ ഗണപതി  /  ദിജ ഗണപതി : ശുഭ വർണത്തോടും നാലു മൂഖങ്ങളോടും ചതുർഭുജനും.


7.  സിദ്ധ ഗണപതി : സ്വർണ്ണവർണ്ണത്തോടും, നാല് ഭുജങ്ങളോടും, ശ്രീ, സമൃദ്ധി എന്നീ രണ്ടു പത്നിമാരോടു കൂടി ഭക്തന്മാർക്ക് ഐശ്വര്യവും സമ്പത്തും പ്രദാനം ചെയ്യുന്നു.


8.  ഉച്ചിഷ്ട ഗണപതി : നീല നിറം, ചതുർഭുജം തുമ്പികൈയിൽ മാതള ഫലം.


9.  വിഘ്ന ഗണപതി : സർവ്വാലങ്കാര യുക്തൻ ,പത്ത് ഭുജങ്ങൾ.


10.  ക്ഷിപ്ര ഗണപതി : രക്തവർണ്ണവും ചതുർഭുജവും


11.  ഹേരംഭ ഗണപതി : ശുഭ്ര വർണ്ണവും അഞ്ചു മുഖങ്ങളും പത്തു കൈകളും സിംഹാരൂഡനായി ഇരിക്കുന്നു.      

        
12. ലക്ഷ്മി ഗണപതി : തൂവെള്ള നിറമാണ്.ഈ ഗണപതിക്ക് കൈകളിൽ തത്ത, മാതളം,


13. മഹാഗണപതി : തൃക്കണ്ണുള്ള ഗണപതിയാണിത്. മാതളം നീലത്താമര, നെൽകതിർ എന്നിവ ൈകകളിലേന്തി നിൽക്കുന്നു.


14.  വിജയ ഗണപതി : എപ്പോഴും വിജയ ഭാവത്തോടെയുള്ള ഈ ഗണപതി ഒടിഞ്ഞ കൊമ്പ് കൈയിൽ സ്വർണ്ണ ശോഭയുള്ള മാമ്പഴത്തോടെ ഇരിക്കുന്നു .


15.  നൃത്ത ഗണപതി : നൃത്തരൂപത്തിലാണ് ഈ ഗണപതി. നാലു കൈകളുള്ള ഈ ഗണപതിയുടെ വിരലുകളിൽ മോതിരവും തുമ്പിക്കൈയിൽ മോദകം, കൽപ്പവൃക്ഷത്തിന്റെ ചുവട്ടിൽ സാമോദം വിഹരിക്കുന്ന ഗണപതി.


16.  ഉർധ്വഗണപതി .. സ്വർണ്ണശോഭയോടു കൂടി കൈകളിൽ നെൽക്കതിർ, താമര,കരിമ്പ് ഇടത് തുടയിൽ ശക്തി.


17.  ഏകാക്ഷര ഗണപതി  : തൃക്കൺ ഉള്ള ഗണപതി, അനുഗ്രഹമുദ്രയുമായി താമരയുടെ ആകൃതിയിൽ മൂഷികന്റെ പുറത്താണ് ഇരിക്കുന്നത്. കിരീടത്തിൽ ചന്ദ്രക്കല ചൂടി പാശാങ്കുശ ധാരൻ ഗണപതി.


18.  വരദ ഗണപതി : ഈ ഗണപതി കൈയിൽ തേനുമായി ഇരിക്കുന്നു, തൃക്കണ്ണ്,തുമ്പിക്കൈയിൽ അമുല്യ രത്നങ്ങളുടെ കുംഭം; ഇടത് തുടയിൽ ശക്തി.


19.  ത്രയാക്ഷരഗണപതി : ഈ ഗണപതി പൊട്ടിയ കൊമ്പും തുമ്പിക്കൈയിൽ മോദകവും കൈയിൽ മാമ്പഴവുo. എപ്പോഴുoആടുന്ന ചെവികൾ.


20.  ക്ഷിപ്ര ഗണപതി: പെട്ടെന്ന് പ്രസാദിക്കുന്ന ഗണപതി. കുടവയർ, കൈയിൽ നെൽക്കതിർ.


21.  ഹരീന്ദ്രഗണപതി : ഒരു പീഠത്തിന്റെ മുകളിൽ ഇരിക്കുന്ന രീതിയിലാണ് ഈ ഗണപതി.


22.  ഏകദന്ത ഗണപതി . ഈ ഗണപതി നീല നിറത്തോട് കൂടിയതാണ്. ലഡ്ഡു ആണ് പ്രസാദം.


23. സൃഷ്ടി ഗണപതി : ഈ ഗണപതി ചുവന്ന നിറത്തോട് കൂടിയതാണ്.


24.  ഉദ്ദണ്ഡ ഗണപതി : ധർമ്മത്തിന് വേണ്ടി പൊരുതുന്ന 10 കൈകളുള്ള ഗണപതി ആണിത്.


25.  ഋണമോചന ഗണപതി : ഈ ഗണപതിയുടെ ഇഷ്ടപ്പെട്ട ഫലമാണ് റോസ് ആപ്പിൾ.


26.  ധുണ്ടി ഗണപതി : കൈയിൽ രുദ്രാക്ഷമാലയാണ് ഈ ഗണപതിക്കുള്ളത്.


27.  ദ്വിമുഖ ഗണപതി : രണ്ടു മുഖമുള്ള ഗണപതി.എല്ലാ ഭാഗത്തേക്കും കാണുന്ന രീതിയിൽ .


28. ത്രിമുഖ ഗണപതി : സ്വർണ്ണ നിറത്തിലുള്ള  താമര ആണ് ഇരിപ്പിടം.


29.  സിംഹ ഗണപതി : ഈ ഗണപതി ധീരതയെ സൂചിപ്പിക്കുന്നു.


30.  യോഗ ഗണപതി : യോഗ മുദ്രയിൽ ഇരിക്കുന്ന ഗണപതി ആണിത്.


31.  ദുർഗ്ഗാ ഗണപതി : വിജയത്തിന്റെ പ്രതീകമാണ് ഈ ഗണപതി.


32.  സങ്കടഹര ഗണപതി : എല്ലാ ദു:ഖവും ശമിപ്പിക്കുന്ന ഗണപതിയാണിത്....

ഗണപതി ഭഗവാനേ.

മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ....  
 മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ.... 
 മരുവുക  നീയെൻ   
 അറിവിൻ  പതിയായ്  
 ഹരനുടെ തിരുമകനേ   
 ശ്രീ.. ഹരനുടെ  തിരുമകനേ... 
 മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ....  
 മരുവുക  നീയെൻ   
 അറിവിൻ  പതിയായ്  
 ഹരനുടെ തിരുമകനേ   
 ശ്രീ.. ഹരനുടെ  തിരുമകനേ.. 
 മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ.... 
 കുബേര ഗർവം    തീരും വരെയാ   കുംഭ നിറച്ചവനേ.... 
 കുബേര ഗർവം    തീരും വരെയാ 
 കുംഭ നിറച്ചവനേ... 
 വ്യാസൻ തന്നുടെ  മനസ വ്യാസം  
 കണ്ടു നിറഞ്ഞവനേ....   
 ദണ്ഡം കൊണ്ട്  കുറിച്ചവനേ....  
 വ്യാസൻ തന്നുടെ  മനസ വ്യാസം  
 കണ്ടു നിറഞ്ഞവനേ....   
 ദണ്ഡം കൊണ്ട്  കുറിച്ചവനേ.... 
 മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ....  
 മരുവുക  നീയെൻ   
 അറിവിൻ  പതിയായ്  
 ഹരനുടെ തിരുമകനേ   
 ശ്രീ.. ഹരനുടെ  തിരുമകനേ... 
 മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ.... 
 എട്ടും കൂട്ടി  വിളമ്പാം  
 നിന്നുടെ  ഇഷ്ട്ടം നിറവേറ്റാ... ം  
 എട്ടും കൂട്ടി  വിളമ്പാം  
 നിന്നുടെ  ഇഷ്ട്ടം നിറവേറ്റാ... ം 
 ഈറൻ  മാറാതേത്തമിടും    
 എൻ  വിഘ്നം  നീക്കണമേ....  
 ഈറൻ  മാറാതേത്തമിടും    
 എൻ  വിഘ്നം  നീക്കണമേ.... 
 കനിയുക  പമ്പാ... ഗണപതിയേ....    കനിയുക  പമ്പാ...ഗണപതിയേ. ..  
 കനിയുക  പമ്പാ... ഗണപതിയേ....    കനിയുക  പമ്പാ...ഗണപതിയേ. .. 
 മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ....  
 മരുവുക  നീയെൻ   
 അറിവിൻ  പതിയായ്  
 ഹരനുടെ തിരുമകനേ   
 ശ്രീ.. ഹരനുടെ  തിരുമകനേ... 
 മദഗജ മുഖനേ  
 ഗിരിജാ..  സുതനേ   
 ഗണപതി  ഭഗവാ..നേ.......  
        

Thursday, December 8, 2016

മഹാഗണേശപഞ്ചരത്നം

മുദാകരാത്ത മോദകം സദാ വിമുക്തി സാധകം

കലാധരാവതം സകം വിലാഡിലോകരക്ഷകം

അനായകൈകനായകം വിനാശിതേഭദൈത്യകം

നതാശുഭാശു നാശകം നാമാമിതം വിനായകം

നതേതരാതി ഭീകരം നവേദിതാര്‍ക്ക ഭാസ്വരം

നമല്‍ സുരാരി നിര്‍ജ്ജരം നതാധികാപദുഗ്ദ്ധരം

സുരേശ്വരം നിധീശ്വരം ഗജേശ്വരം ഗണേശ്വരം

മഹേശ്വരം തമാശ്രയേ പരാല്‍പരം നിരന്തരം

സമസ്തലോകശംകരം നിരസ്തദൈത്യകുഞ്ജരം

ദരേ തരോദരം വരം വരേഭവക്.ത്രമക്ഷരം

കൃപാകരം ക്ഷമാകരം മുദാകരം യശസ്ക്കരം

മനസ്ക്കരം നമസ്കൃതാം നമസ്കരോമി ഭാസ്വരം

അകിഞ്ചനാര്‍ത്തിമാര്‍ജ്ജനം ചിരന്തനോക്കിഭാജനം

പുരാരിപൂര്‍വ്വനന്ദനം സുരാരിഗര്‍വ്വചര്‍വ്വണം

പ്രപഞ്ചനാശഭീഷണം ധനജ്ജയാദിഭൂഷണം

കപോലദാനവാരണം ഭജേപുരാണ വാരണം

നീതാന്തകാന്തി ദന്തകാന്തമന്തകാന്തകാത്മജം

അചിന്ത്യരൂപമന്തഹീനമന്തരായകൃന്തനം

ഹൃദന്തരേ നിരന്തരം വസന്തമേവയോഗിനാം

തമേകദന്തമേവതം വിചിന്തയാമിസന്തതം

മഹാഗണേശപഞ്ചരത്നമാദരേണയോന്വഹം

പ്രജല്പതി പ്രഭാതകേ ഹൃദിസ്മരണ്‍ ഗണേശ്വരം

അരോഗതാമദോഷതാം സുസാഹിതിം സുപുത്രതാം

സമാഹിതായുരഷ്ടഭൂതിമഭ്യപൈതി സോചിരാല്‍