കൃഷ്ണസ്തുതി

അംഗനാമംഗനാമന്തരാ മാധവോ
മാധവം മാധവം ചാന്തരേണാംഗനാ
ഇത്ഥമാകല്പിതേ മണ്ഡലേ മധ്യഗഃ
സജ്ഞഗൗ വേണുനാ ദേവകീനന്ദനഃ

കേകികേകാദൃതാനേകപങ്കേരുഹാ
ലീനഹംസാവലീ ഹൃദ്യതാഹൃദ്യതാ
കംസവംശാടവീ ദാഹദാവാനലഃ
സജ്ഞഗൗ വേണുനാ ദേവകീനന്ദനഃ

ക്വാപി വീണാഭിരാരാവിണാകമ്പിതഃ
ക്വാപി വീണാബിരാകിങ്കിണീനർതിതഃ
ക്വാപി വീണാഭിരാമാന്തരംഗാപിതഃ
സജ്ഞഗൗ വേണുനാ ദേവകീനന്ദനഃ

ചാരുചന്ദ്രാവലീലോചനൈശ്ചുംബിതോ‌
ഗോപഗോവൃന്ദഗോപാലികാവല്ലഭഃ
വല്ലവീവൃന്ദവൃന്ദാരകഃ കാമുകഃ
സഞ്ജഗൗ വേണുനാ ദേവകീ നന്ദനഃ

മൗലിമാലാമിളന്മത്തഭൃങ്ഗീലതാ-
ഭീതഭീതപ്രിയാവിഭ്രമാലിങ്ഗിതഃ
സ്രസ്തഗോപീകുചാഭോഗസമ്മേളിതഃ
സഞ്ജഗൗ വേണുനാ ദേവകീ നന്ദനഃ

ചാരുചാമീകരാഭാസഭാമാവിഭുർ-
വൈജയന്തീലതാവാസിതോരഃസ്ഥലഃ
നന്ദവൃന്ദാവനേ വാസിതാ മധ്യഗഃ
സഞ്ജഗൗ വേണുനാ ദേവകീ നന്ദനഃ

ബാലികാതാളികാതാളലീലാലയാ-
സങ്ഗസന്ദർ‌ശിത ഭ്രൂലതാവിഭ്രമഃ
ഗോപികാഗീതദത്താവധാനഃ സ്വയം
സഞ്ജഗൗ വേണുനാ ദേവകീ നന്ദനഃ

പാരിജാതം സമുദ്ധൃത്യ രാധാവരോ
രോപയാമാസ ഭാമാഗൃഹസ്യാങ്ഗണേ
ശീതശീതേ വടേ യാമുനീയേ തടേ
സഞ്ജഗൗ വേണുനാ ദേവകീ നന്ദനഃ

ഹരിപദാഷ്ടകം

ഭുജഗതലപഗതം ഘനസുന്ദരം
ഗരുഡവാഹനമംബുജലോചനം
നളിനചക്രഗദാകരമവ്യയം
ഭജതേ രേ മനുജാഃ കമലാപതിം.

അളികുലാസിതകോമളകുന്തളം
വിമലപീതദുകൂലമനോഹരം
ജലധിജാങ്കിതവാമകളേബരം
ഭജത രേ മനുജാഃ കമലാപതിം.

കിമു ജപശ്ച തപോഭിരുതാദ്ധ്വരൈ-
രപി കിമുത്തമതീർത്ഥനിഷേവണൈഃ
കുമുത ശാസ്ത്രകദംബവിലോകനൈർ‌-
ഭജത രേ മനുജാഃ കമലാപതിം.

മനുജദേഹമിമം ഭുവി ദുർ‌ല്ലഭം
സമധിഗമ്യ സുരൈരപി വാഞ്ഛിതം
വിഷയലമ്പടതാമപഹായ വൈ
ഭജത രേ മനുജാഃ കമലാപതിം.

ന വനിതാ ന സുതോ ന സഹോദരോ
ന ഹി പിതാ ജനനീ ന ച ബാന്ധവാഃ
വ്രജതി സാകമനേന ജനേന വൈ
ഭജത രേ മനുജാഃ കമലാപതിം.

സകലമേവ ചലം സചരാചരം
ജഗദിദം സുതരാം ധനയൗവനം
സമവലോക്യ വിവേക ദൃശാദ്‌ധ്രുവം
ഭജത രേ മനുജാഃ കമലാപതിം.

വിവിധ രോഗയുതം ക്ഷണഭംഗുരം
പരവശം നവമാർഗ്ഗമലാകുലം
പരിനിരീക്ഷ്യ ശരീരമിദം സ്വകം
ഭജന്ത രേ മനുജാഃ കമലാപതിം.

മുനിവരൈരനിശം ഹൃദി ഭാവിതം
ശിവവിരിഞ്ചിമഹേന്ദ്രനുതം സദാ
മരണജന്മ ജരാമയ മോചനം
ഭജത രേ മനുജാഃ കമലാപതിം.

ഫലശ്രുതി

ഹരിപദാഷ്ടകമേതദനുത്തമം
പരമഹം സജനേന സമീരിതം
പതതി യസ്തു സമാഹിതചേതസാ
വ്രജതി വിഷ്ണുപദം സ നരോ ധ്രുവം.