ഓം നമഃ ശിവായ

ഓം നമഃ ശിവായ
"ക൪മ്മണ്യേവാധികാരസ്തേ മാ ഫലേഷു കദാചനഃ മാ ക൪മ്മഫലഹേതു൪ഭൂ൪മാതേ സംഗോസ്ത്വക൪മ്മണി" നിനക്ക് ക൪മ്മം ചെയ്യുവാന് മാത്രമേ അധികാരമുള്ളൂ. ക൪മ്മത്തിന്റെ ഫലത്തില് ഒരിക്കലും ആശിക്കരുത്. ക൪മ്മഫലത്തില് സംശയാലുവായ നിനക്ക് ക൪മ്മം ചെയ്യാതിരിക്കാനുള്ള മനസ്സും ഉണ്ടാവരുത്.
Showing posts with label ശ്രീരാമചരിതം. Show all posts
Showing posts with label ശ്രീരാമചരിതം. Show all posts

Saturday, February 29, 2020

ശ്രീരാമചന്ദ്രനും ഹനുമാനും




ഒരിക്കൽ ശ്രീരാമചന്ദ്രന്‍ ഹനുമാനോട് അരുളിചെയ്തിട്ടുണ്ട്.

”അല്ലയോ കപിശ്രേഷ്ഠാ അങ്ങ് ചെയ്യുന്ന ഓരോ ഉപകാരങ്ങള്‍ക്കും പ്രത്യുപകാരമായി നമ്മുടെ ജീവന്‍പോലും നല്‍കുവാന്‍ നാം സന്നദ്ധനാണ്. ഇനിയും അനേകമനേകം ഉപകാരങ്ങള്‍ അങ്ങ് ചെയ്യുവാന്‍ ബാക്കിയുണ്ട്. നാം അങ്ങേയ്ക്ക് പ്രത്യുപകാരം ചെയ്യുകയില്ല. പ്രത്യുപകാരം ചെയ്യുന്നതില്‍കൂടി നാം തമ്മിലുള്ള ആത്മബന്ധം അകന്നുപോകുമെങ്കില്‍ അതു നമുക്ക് തീരാനഷ്ടമാണ്. അപ്രകാരം ഒരു സംഭവം സ്വപ്നത്തില്‍പോലും ദര്‍ശിക്കുവാന്‍ നമുക്ക് സാധിക്കുകയില്ല”.



ശ്രീസീതാരാമ പട്ടാഭിഷേക സമയത്ത് വൈദേഹി വായുപുത്രനായ ഹനുമാന് ഒരു അപൂര്‍വമായ രത്‌നഹാരം പാരിതോഷികമായി നല്‍കി. ആ ദിവ്യരത്‌നഹാരം ധരിച്ചുനിന്ന ഹനുമാന്‍ പത്തിരട്ടി പ്രശോഭിച്ചു. മഹാതേജസ്വിയും ധൈര്യശാലിയും സമര്‍ത്ഥനും വിനയനും വീരപരാക്രമിയും സര്‍വ്വോപരി പരമഭക്തനുമായ വാനരശ്രേഷ്ഠന്‍ സീതാദേവി നല്‍കിയ നവരത്‌നഹാരമണിഞ്ഞ്, പല കോടി പൂര്‍ണ്ണചന്ദ്രന്മാരുടെ ശോഭ ഒരുമിച്ചു മഹാമേരു പര്‍വതത്തില്‍ പതിച്ചാലെന്നതുപോലെ ദൃഢഗാത്രനായ ഹനുമാന്‍ അത്യന്തം പ്രശോഭിച്ചു. അപ്രകാരമുള്ള അമൂല്യമായ രത്‌നഹാരത്തിനുള്ളില്‍പോലും ആഞ്ജനേയന്‍ തന്റെ ആശ്രയദേവനായ ശ്രീരാമചന്ദ്രനെ അനേ്വഷിച്ച കഥ പ്രസിദ്ധമാണല്ലോ. 



ആഞ്ജനേയന്റെ ആ പ്രവര്‍ത്തി കണ്ട് വിസ്മയാധീനനായ ശ്രീരാമന്‍ ചോദിച്ചു. ആഞ്ജനേയാ! അങ്ങ് നമ്മെക്കാള്‍ കൂടുതല്‍ ഇഷ്ടപ്പെടുന്നത് നമ്മുടെ നാമത്തെയാണോ എന്ന്. തന്റെ അന്തരംഗം മടികൂടാതെ ഹനുമാന്‍ ശ്രീരഘുരാമനെ ഉണര്‍ത്തിച്ചു. മഹാപ്രഭോ അങ്ങയെക്കാള്‍ അങ്ങയുടെ തിരുനാമം ശ്രേഷ്ഠമായതുതന്നെ. ഇത് അടിയന്റെ ഹൃദയത്തില്‍ നിന്നുയര്‍ന്ന വ്യക്തമായ അഭിപ്രായമാണ്. അങ്ങ് ഇപ്പോള്‍ അയോദ്ധ്യാ വാസികളുടെ രാജാവാണ്. പക്ഷേ അവിടുത്തെ തിരുനാമങ്ങള്‍ ത്രിലോകങ്ങളിലും ധ്വനിക്കുന്ന ദിവ്യ മന്ത്രങ്ങളാണ്. ഹനുമാന്റെ സുദൃഢമായ രാമനാമനിഷ്ഠ ഇപ്രകാരമാണ്. ശ്രീരാമനാമജപവും രാമായണ കഥാശ്രവണവും വളരെ എളുപ്പത്തില്‍ ശ്രീരാമപാദകമലങ്ങളെ പ്രാപിക്കുവാനുള്ള മാര്‍ഗ്ഗങ്ങളാണെന്ന് മറ്റാരെക്കാളും അനുഭവം പൂര്‍ണമായി മനസ്സിലാക്കിയിരുന്ന ഉത്തമഭക്തനാണ് ഹനുമാന്‍.

Tuesday, November 5, 2019

രാമനെ കണ്ടാല്‍ നിങ്ങള്‍ എന്തുചെയ്യും





എത്ര നിശാചരരുണ്ടു വന്നേറ്റതി- ങ്ങത്ര രാമന്മാരുമുണ്ടെന്നതുപോലെ രാമമയമായ് ചമഞ്ഞിതു സംഗ്രാമ ഭൂമിയുമെന്തൊരു വൈഭവമന്നേരം. എന്നോടുതന്നെ പൊരുന്നിതു രാഘവ- നെന്നു തോന്നീ രജനീചരര്‍ക്കാകവെ. മക്കളും ബന്ധുക്കളും മറ്റ്  സഹായികളും മരിച്ചതിന്റെ സങ്കടത്തോടും കോപത്തോടും കൂടി രാവണന്‍ അവസാനയുദ്ധത്തിനു ഒരുങ്ങിയിരിക്കയാണ്. പത്തു കഴുത്തന്‍ (രാവണന്‍) പത്ത് പടനായകര്‍ക്കൊപ്പം ബഹുസഹസ്രം രാക്ഷസപ്പടയോടും  കൂടിയാണ്് വന്നിരിക്കുന്നത്. അവരോടു പൊരുതാനൊന്നും നിങ്ങള്‍ പോകേണ്ട എന്ന് തന്റെ വാനരസേനയെ വിലക്കിയ ശേഷം ശ്രീരാമന്‍ ധീരനായ് പടനടുവില്‍ ചെന്നതിന്റെ ശേഷമുള്ള അവസ്ഥ എഴുത്തച്ഛന്‍ ഇങ്ങനെ വരച്ചു കാട്ടുന്നു. എവിടെ നോക്കിയാലും രാമന്‍! എന്നോടാണ് രാമന്‍ പൊരുതുന്നത് എന്ന് ഓരോരോ രാക്ഷസനും വിചാരിച്ചു! അതിന്നാല്‍ പരമാവധി ദ്വേഷത്തോടെയും കോപത്തോടെയും അവര്‍ രാമനെതിരെ പൊരുതിക്കൊണ്ടിരുന്നു. ഇതു പോലെ ഒരവസ്ഥ ശ്രീകൃഷ്ണാവതാരത്തിലും  നമുക്ക് കാണാന്‍ കഴിയുന്നുണ്ട്. -പക്ഷേ, ദ്വേഷത്തിന്റേതല്ല, യുദ്ധത്തിന്റേതുമല്ല; രാഗത്തിന്റേതാണ്. പരമപ്രേമ നിര്‍വൃതിയുടേതാണ്്- രാസക്രീഡയില്‍ , വൃന്ദാവനത്തിലെ ഓരോരോ ഗോപികയ്ക്കും ഓരോകൃഷ്ണന്‍ എന്ന നിലയിലുള്ള ആനന്ദനൃത്തമാണിത്.! ഓരോരോ തരുണികളോടു ചേര്‍ന്നു നിന്നാ- നോരോരോ തനുയുതനായ് അനേകരൂപി. (കുഞ്ചന്‍ നമ്പ്യാര്‍, ശ്രീകൃഷ്ണ ചരിതം 6-3 ) രാഗ ദ്വേഷ വിയുക്തൈസ്തു വിഷയാനിന്ദ്രിയൈശ്ചരന്‍ ആത്മവശൈ്യര്‍ വിധേയാത്മാ പ്രസാദമധി ഗച്ഛതിഎന്ന  ഗീതാ ശ്ലോകവുമായും ഇതിനെ ബന്ധിപ്പിക്കാം. രാഗദ്വേഷങ്ങളില്‍നിന്നു മുക്തരായ് ഇന്ദ്രിയ വിഷയങ്ങളിലേര്‍പ്പെട്ടാലും ആത്മനിയന്ത്രണമുള്ളവര്‍ ശാന്തിയെ പ്രാപിക്കുന്നുമെന്ന തത്വമാണല്ലോ ശ്രീകൃഷ്ണന്‍ മുന്നോട്ട് വെയ്ക്കുന്നത്. രാമായണവുമായി ബന്ധപ്പെട്ട് സ്വാമി രാമദാസ് പറഞ്ഞ ഒരു കഥയും ഓര്‍മ്മയില്‍ വരുന്നു. ഏതു രാമായണത്തില്‍ നിന്നാണ് അദ്ദേഹത്തിനു ലഭിച്ചതെന്ന് നിശ്ചയമില്ല. എവിടെ നിന്നായാലെന്ത്? ഏറെചിന്തനീയം തന്നെ. അന്തിമ പോരാട്ടത്തിന് രാവണന്‍ വന്ന സമയം. ഒരു സംഘം വാനരര്‍ രാക്ഷസസംഘത്തിന്റെ ആക്രമമത്താല്‍ വിഷമിക്കുന്നത് രാമന്‍ ശ്രദ്ധിച്ചു. രാവണനുമായി നേരിട്ടുള്ള പോരാട്ടം മുറുകിയിരിക്കുന്ന അവസ്ഥയിലും രാമന്‍ തന്റെ ഭക്തരെ രക്ഷിക്കുവാനുള്ള ഉപായം കണ്ടെത്തി -പെട്ടെന്നാണ്,എല്ലാ വാനരന്മാരും സാക്ഷാല്‍ ശ്രീരാമ രൂപത്തിലായി അപ്പോഴോ? ഒരു വാനരന്‍ അടുത്തുള്ള വാനരനെ കാണുന്നത് രാമനായിട്ടാണ് പിന്നെ എന്തു പറയാന്‍ ? സന്തോഷാധിക്യത്താല്‍ ആനന്ദനൃത്തമാടുകയായി! ഇനി എന്തുയുദ്ധം ആരോടുയുദ്ധം? ഭഗവാന്‍ പക്ഷഭേദം കാട്ടിയില്ല. എതിര്‍ത്തുനില്‍ക്കുന്ന രാക്ഷസന്മാരേയും സ്വന്തം രൂപത്തിലാക്കി മാറ്റിക്കഴിഞ്ഞു! അപ്പോള്‍ എന്തു സംഭവിച്ചുവെന്നോ? ഒരുരാക്ഷസന്‍ അടുത്തുള്ള രാക്ഷസനെ രാമനായി കണ്ടുതുടങ്ങി! അവനുണ്ടോ സഹിക്കാന്‍ കഴിയുന്നു? അടുത്തു കിട്ടിയ രാമനെ എങ്ങനേയും കൊല്ലാന്‍ സാഹസികശ്രമമായി. അങ്ങനെ രാക്ഷസപ്പടപരസ്പരം കൊന്നൊടുങ്ങുകയും ചെയ്തു. വലിയഒരുതത്ത്വം ഈകഥ മുന്നോട്ടുവയ്ക്കുന്നു. മനസ്സാണ് മുഖ്യമായ പ്രശ്‌നം. രാമനെക്കുറിച്ചു സ്‌നേഹവും ഭക്തിയും നിറഞ്ഞ മനസ്സ് പുറത്തുള്ളതിലെല്ലാം. രാമനെ കാണുന്ന അവസ്ഥയിലാകുമ്പോള്‍ ആനന്ദനിര്‍വൃതിയല്ലാതെ മറ്റെന്താണ് ഉണ്ടാവുക? അകത്തും പുറത്തും ആനന്ദം; ആനന്ദസാഗരം. മറുവശത്തെ രാക്ഷസ മനസ്സുകളില്‍ ഉണ്ടായമാറ്റം ശ്രദ്ധേയം. രാമനെക്കുറിച്ചുള്ള ദ്വേഷമാണ് രാക്ഷസമനസ്സുകളില്‍ നിറഞ്ഞിരിക്കുന്നത്. പുറത്തു കാണുന്നതെല്ലാം രാമനാണെന്നു വന്നപ്പോള്‍ മനസ്സിന്റെ സമനില പാടേ തെറ്റി. വെറുപ്പ് ഇരട്ടിയായി! ഭ്രാന്തവും അക്രമാസക്തവുമായി; പരസ്പ്പരം വെട്ടിക്കൊല്ലലായി! ഫലമോ? സര്‍വ്വത്രനാശവും! അതിനാല്‍ രാമന്‍ നിറയട്ടേ അഥവാ സ്‌നേഹം നിറയട്ടേ മനസ്സില്‍ പോരാ, പുറത്തേക്കും അത് ഒഴുകട്ടേ. അപ്പോള്‍ ലോകത്തില്‍ രാമന്‍ മാത്രമേ ഉണ്ടാകൂ; സ്‌നേഹം മാത്രമേ ഉണ്ടാകൂ! രാമായണം വായിക്കുന്നത് രാമനെ അറിയാനാണ്. സത്യവും ധര്‍മ്മവും സ്‌നേഹവുമായി രാമനെ അറിയുന്നതും ആരാധിക്കുന്നതും ക്ലേശങ്ങള്‍ സഹിക്കുന്നതുമെല്ലാം രാമനായിത്തീരുവാനാണ്. അപ്പോള്‍ എവിടേയും രാമനേയുള്ളൂ എന്ന തത്വബോധത്തിന്റെ ആനന്ദത്തില്‍ നാം അലിയുകയാകും: അതീവ ശാന്തമായി, അതീവ സുന്ദരമായി!

Saturday, September 7, 2019

ശ്രീരാമചന്ദ്രനും ഹനുമാനും



ഒരിക്കൽ ശ്രീരാമചന്ദ്രന്‍ ഹനുമാനോട് അരുളിചെയ്തിട്ടുണ്ട്.
”അല്ലയോ കപിശ്രേഷ്ഠാ അങ്ങ് ചെയ്യുന്ന ഓരോ ഉപകാരങ്ങള്‍ക്കും പ്രത്യുപകാരമായി നമ്മുടെ ജീവന്‍പോലും നല്‍കുവാന്‍ നാം സന്നദ്ധനാണ്. ഇനിയും അനേകമനേകം ഉപകാരങ്ങള്‍ അങ്ങ് ചെയ്യുവാന്‍ ബാക്കിയുണ്ട്. നാം അങ്ങേയ്ക്ക് പ്രത്യുപകാരം ചെയ്യുകയില്ല. പ്രത്യുപകാരം ചെയ്യുന്നതില്‍കൂടി നാം തമ്മിലുള്ള ആത്മബന്ധം അകന്നുപോകുമെങ്കില്‍ അതു നമുക്ക് തീരാനഷ്ടമാണ്. അപ്രകാരം ഒരു സംഭവം സ്വപ്നത്തില്‍പോലും ദര്‍ശിക്കുവാന്‍ നമുക്ക് സാധിക്കുകയില്ല”.



ശ്രീസീതാരാമ പട്ടാഭിഷേക സമയത്ത് വൈദേഹി വായുപുത്രനായ ഹനുമാന് ഒരു അപൂര്‍വമായ രത്‌നഹാരം പാരിതോഷികമായി നല്‍കി. ആ ദിവ്യരത്‌നഹാരം ധരിച്ചുനിന്ന ഹനുമാന്‍ പത്തിരട്ടി പ്രശോഭിച്ചു. മഹാതേജസ്വിയും ധൈര്യശാലിയും സമര്‍ത്ഥനും വിനയനും വീരപരാക്രമിയും സര്‍വ്വോപരി പരമഭക്തനുമായ വാനരശ്രേഷ്ഠന്‍ സീതാദേവി നല്‍കിയ നവരത്‌നഹാരമണിഞ്ഞ്, പല കോടി പൂര്‍ണ്ണചന്ദ്രന്മാരുടെ ശോഭ ഒരുമിച്ചു മഹാമേരു പര്‍വതത്തില്‍ പതിച്ചാലെന്നതുപോലെ ദൃഢഗാത്രനായ ഹനുമാന്‍ അത്യന്തം പ്രശോഭിച്ചു. അപ്രകാരമുള്ള അമൂല്യമായ രത്‌നഹാരത്തിനുള്ളില്‍പോലും ആഞ്ജനേയന്‍ തന്റെ ആശ്രയദേവനായ ശ്രീരാമചന്ദ്രനെ അനേ്വഷിച്ച കഥ പ്രസിദ്ധമാണല്ലോ. ആഞ്ജനേയന്റെ ആ പ്രവര്‍ത്തി കണ്ട് വിസ്മയാധീനനായ ശ്രീരാമന്‍ ചോദിച്ചു. 

ആഞ്ജനേയാ! അങ്ങ് നമ്മെക്കാള്‍ കൂടുതല്‍ ഇഷ്ടപ്പെടുന്നത് നമ്മുടെ നാമത്തെയാണോ എന്ന്. തന്റെ അന്തരംഗം മടികൂടാതെ ഹനുമാന്‍ ശ്രീരഘുരാമനെ ഉണര്‍ത്തിച്ചു. മഹാപ്രഭോ അങ്ങയെക്കാള്‍ അങ്ങയുടെ തിരുനാമം ശ്രേഷ്ഠമായതുതന്നെ. ഇത് അടിയന്റെ ഹൃദയത്തില്‍ നിന്നുയര്‍ന്ന വ്യക്തമായ അഭിപ്രായമാണ്. അങ്ങ് ഇപ്പോള്‍ അയോദ്ധ്യാ വാസികളുടെ രാജാവാണ്. പക്ഷേ അവിടുത്തെ തിരുനാമങ്ങള്‍ ത്രിലോകങ്ങളിലും ധ്വനിക്കുന്ന ദിവ്യ മന്ത്രങ്ങളാണ്. ഹനുമാന്റെ സുദൃഢമായ രാമനാമനിഷ്ഠ ഇപ്രകാരമാണ്. 


ശ്രീരാമനാമജപവും രാമായണ കഥാശ്രവണവും വളരെ എളുപ്പത്തില്‍ ശ്രീരാമപാദകമലങ്ങളെ പ്രാപിക്കുവാനുള്ള മാര്‍ഗ്ഗങ്ങളാണെന്ന് മറ്റാരെക്കാളും അനുഭവം പൂര്‍ണമായി മനസ്സിലാക്കിയിരുന്ന ഉത്തമഭക്തനാണ് ഹനുമാന്‍.

Saturday, January 13, 2018

പുരാണകഥകൾ - ശ്രീരാമസഖ്യം നമ്മളിൽ ഒളിഞ്ഞിരിക്കുന്ന ശക്തിയെ പുറത്തെത്തിക്കുന്നു





ബാലിയെ ഭയന്ന്‌ നാടുവിട്ടോടി ബാലികേറാമല എന്നറിയപ്പെടുന്ന ഋഷ്യമൂകാചലത്തിൽ ഒളിവുജീവിതം നയിച്ച സുഗ്രീവൻ, രാമനിൽ കണ്ടതു സമാനദുഃഖിതനെയായിരുന്നു. രാവണനാൽ ബലാൽ അപഹരിക്കപ്പെട്ട സീതയുടെ ഭർത്താവായ രാമനിൽ ബാലിയാൽ ബലാൽ അപഹരിക്കപ്പെട്ട രുമയുടെ ഭർത്താവായ സുഗ്രീവൻ സമാന ദുഃഖിതനെ കണ്ടതു സ്വാഭാവികം. അതിനാൽ ഭാര്യയെ വീണ്ടെടുക്കാൻ സഹായിക്കാം എന്നവർ പരസ്പരം സഖ്യവും ചെയ്തു. സുഗ്രീവപത്നിയായ രുമയെ വീണ്ടെടുക്കുവാൻ ബാലിവധം അനിവാര്യമായിരുന്നു. രാമൻ ബാലിവധം ചെയ്തു വാക്കുപാലിച്ചു.



 എന്നാൽ ലങ്കയിൽ സീതയെ എവിടെ ഒളിപ്പിച്ചിരിക്കുന്നു എന്നു കണ്ടെത്തി രാവണവധം ചെയ്തു സീതയെ വീണ്ടെടുക്കുവാൻ ശ്രീരാമനെ സഹായിക്കാം എന്ന പ്രതിജ്ഞ കിഷ്ക്കിന്ധയുടെ രാജാവായതോടെ സുഖഭോഗങ്ങളിൽ മുഴുകിയ സുഗ്രീവൻ പാടെ വിസ്മരിച്ച മട്ടായി. അധികാരത്തിൽ ഇല്ലാതിരിക്കുമ്പോൾ പറഞ്ഞ കാര്യങ്ങൾ അധികാരത്തിൽ ഏറിയാൽ മറന്നുപോവുക എന്നത്‌ അഥവാ വാഗ്ദാനങ്ങൾ വിസ്മരിക്കുക എന്നതു ഇക്കാലത്തെ രാഷ്ട്രീയകക്ഷികളുടെ മാത്രം സ്വഭാവമല്ല അക്കാലത്തെ രാജാക്കന്മാരുടെയും സ്വഭാവമാണെന്നുള്ളതിൽ ദൃഷ്ടാന്തമാണ്‌ സുഗ്രീവൻ. സുഗ്രീവന്റെ മന്ത്രിയായ ഹനുമാൻ ഇത്തരം വാഗ്ദാന ലംഘന സ്വഭാവവും വാഗ്ദാന വിസ്മരണയും ശുഭകരമല്ലെന്നും നാശകാരിയാണെന്നും സുഗ്രീവനെ സധൈര്യം ഓർമ്മപ്പെടുത്തുന്നുണ്ട്‌.



“പ്രത്യുപകാരം മറക്കുന്ന പുരുഷൻ
ചത്തതിനൊക്കുമേ ജീവിച്ചിരിക്കിലും”

എന്നുതന്നെ ഹനുമാൻ പറയുന്നു. ഈ ഹനുമൽ വാക്യം എല്ലാ രാഷ്ട്രീയകക്ഷികളും അവരുടെ ആസ്ഥാനമന്ദിരത്തിനകത്ത്‌ വലിയ അക്ഷരത്തിൽ എഴുതിവയ്ക്കുന്നത്‌ വാഗ്ദാനവിസ്മരണം ഒഴിവാക്കുവാൻ ഒരുപക്ഷേ അവരെ സഹായിച്ചേക്കാം.



എന്തായാലും ഹനുമാന്റെ കുറിക്കുകൊള്ളുന്ന ഹിതോപദേശം ഫലിച്ചു. വാഗ്ദാനലംഘനത്തിൽ കോപിഷ്ഠനായ ലക്ഷ്മണനെ അനുനയിപ്പിക്കുവാനും പറഞ്ഞ വാക്കു പാലിക്കുവാൻ എന്തുവിലകൊടുത്തും പരിശ്രമിക്കാനും ശ്രീരാമസന്നിധിയിലെത്തി സുഗ്രീവൻ തയ്യാറായി. അംഗദൻ (ബാലിപുത്രൻ) ജാംബവാൻ, ഹനുമാൻ എന്നിവരുൾപ്പെട്ട വാനരവീരസംഘം ലങ്കയിലേയ്ക്ക്‌ കടത്തപ്പെട്ട സീതയെ കണ്ടെത്തി വീണ്ടെടുക്കുവാൻ ത്വരിതാന്വേഷണം ആരംഭിച്ചു. ലങ്കയിൽ എത്തുവാൻ കടൽ കടക്കണം. ഒരു മരത്തിൽ നിന്നു മറ്റൊരു മരത്തിലേയ്ക്ക്‌ എടുത്തുചാടി അഭ്യാസം കളിക്കുന്നപോലെ എളുപ്പമുള്ള കാര്യമല്ല സമുദ്രതരണം എന്നു സുഗ്രീവാജ്ഞ പാലിക്കുവാൻ പുറപ്പെട്ടു അലയാഴിത്തീരത്തെത്തിയ വാനരപ്രമുഖർക്ക്‌ ബോധ്യമായി. സുഗ്രീവാജ്ഞ നിറവേറ്റാതിരുന്നാൽ സുഗ്രീവനാൽ കൊല്ലപ്പെടും. സുഗ്രീവാജ്ഞ നിറവേറ്റുവാൻ കടൽച്ചാടിക്കടക്കുവാൻ ശ്രമിച്ചാൽ കടലിൽ മുങ്ങിച്ചാവേണ്ടിയും വരും. ഇതായിരുന്നു സീതാന്വേഷണത്തിനു പുറപ്പെട്ടു കടൽക്കരയോളമെത്തിയ വാനരപ്രമുഖരുടെ ദുർഘടാവസ്ഥ. 



ഒടുവിൽ സുഗ്രീവ സേനയിലെ ഭീഷ്മ പിതാമഹൻ എന്നു വിശേഷിപ്പിക്കാവുന്ന ജാംബവാൻ ഹനുമാന്റെ അരികിലെത്തി ഈ സമുദ്രം ഒരു തോടുപോലെ തരണം ചെയ്യാനുള്ള ശക്തി നിന്നുലുണ്ടെന്നു പറഞ്ഞ്‌ ഉദ്ബോധിപ്പിച്ച്‌ ഹനുമാനെ വർധിത വീര്യനാക്കി. കൃഷ്ണാവതാരത്തിനു മുമ്പാണ്‌ രാമാവതാരം എന്ന പൗരാണിക ക്രമമനുസരിച്ചുള്ള യുക്തിയിൽ ചിന്തിച്ചാൽ എന്തു ചെയ്യേണ്ടു എന്നറിയാതെ വിഷാദിച്ച അർജ്ജുനനെ ചെയ്യേണ്ടതു ചെയ്യാൻ പ്രാപ്തനാക്കി യുദ്ധക്കളത്തിൽ വീര്യം വീണ്ടെടുത്തുകൊടുത്ത ഭഗവദ്ഗീതയേക്കാൾ മുമ്പുണ്ടായ പ്രചോദനാത്മകപ്രസംഗമാണ്‌ ജാംബവാൻ ഹനുമാനു നൽകുന്ന ഉദ്ബോധനം എന്നു പറയാം.



“നിൻ കയ്യിലല്ലയോ തന്നതു രാഘവ-
നംഗുലീയമതുമെന്തിനെന്നോർക്കനീ!
ത്വൽബല വീര്യവേഗങ്ങൾ വർണ്ണിപ്പതി-
നി പ്രപഞ്ചത്തിങ്കലാർക്കുമാമല്ലെടോ”


“സീതയെ കണ്ടാൽ, രാമദൂതനാണു താനെന്നു അവൾക്കു ബോധ്യപ്പെടുവാൻ കാണിക്കുവാനുള്ള അടയാളമായ മോതിരം നിന്നെഏൽപ്പിച്ച ശ്രീരാമൻ അല്ലയോ ഹനുമാനേ ഒന്നും കാണാതെ അതു ചെയ്യുമോ?” എന്നൊക്കെ ചോദിച്ചുകൊണ്ടുള്ള ജാംബവാന്റെ പ്രസംഗത്താൽ പ്രചോദിതനാകുന്ന ഹനുമാനിലാണ്‌ കിഷ്ക്കിന്ധാകാണ്ഡം അവസാനിക്കുന്നത്‌. 


ശബ്ദസൗന്ദര്യം മുറ്റിയ സുന്ദരകാണ്ഡമാകട്ടെ, കടൽതരണം ചെയ്ത്‌ ലങ്കയിൽ എത്തുന്ന ഹനുമാനോടെയാണ്‌ അതിന്റെ ആരംഭഭാഗങ്ങൾ അവതരിപ്പിക്കുന്നതും. അർത്ഥമോ പ്രയോഗമോ പിഴയ്ക്കാതെ സാരമാത്രമായി  സംസാരിക്കുന്ന ഹനുമാനെ ആദ്യസമാഗമത്തിൽ തന്നെ ശ്രീരാമൻ അഭിനന്ദിക്കുന്നുണ്ട്‌. ഹനുമാന്റെ ബുദ്ധിവൈഭവത്തിനെയാണ്‌ ആ രാമായണ സന്ദർഭം ദൃഷ്ടാന്തീകരിക്കുന്നത്‌. എന്നാൽ സമുദ്രതരണം, ലങ്കാദഹനം എന്നിവ ചെയ്യുന്ന ഹനുമാനെ കാട്ടിത്തരുന്ന സുന്ദരകാണ്ഡം ഹനുമാന്റെ കായികബലത്തെയാണ്‌ ദൃഷ്ടാന്തീകരിക്കുന്നത്‌.   ബാലിയുടെ ബലം ഭയന്ന്‌ ഋഷ്യമൂകാചലത്തിൽ ഒളിച്ചു കഴിഞ്ഞ സുഗ്രീവനെയും ഹനുമാൻ ഉൾപ്പെട്ട കൂട്ടാളികളെയും ദേവേന്ദ്രനും ഭയം ജനിപ്പിക്കുന്ന രാവണനെപ്പോലും കിടുകിടെ വിറപ്പിക്കുവാൻ തക്കവിധം അവരിലൊളിഞ്ഞിരുന്ന ബലത്തെ പുറത്തേയ്ക്കെടുപ്പിക്കുന്നതിനു രാമസഖ്യം സഹായകമായി. ദുർബലരുടെ ബലത്തെ കണ്ടെത്തുവൻ ദുർബലരെ സഹായിക്കുന്ന കലയാണു മഹത്തായ സംഘാടനം! അതു ശ്രീരാമനു ഉണ്ടായിരുന്നു.
  

Tuesday, January 2, 2018

കര്‍മ്മഫലത്തില്‍ ആഗ്രഹമില്ലാതാവാന്‍




ശ്രീ രാമഗീത

നാജ്ഞാനഹാനിര്‍ ന ച രാഗസംക്ഷയോ
ഭവേത്തതഃ കര്‍മ്മ സദോഷമുദ്ഭവേത്
തതഃ പുനഃ സംസൃതിരപ്യവാരിതാ
തസ്മാദ് ബുധോ ജ്ഞാനവിചാരവാന്‍ ഭവേത്.


അജ്ഞാനം ഇല്ലാതാക്കാന്‍ കര്‍മ്മത്തിനാവില്ല. ഇവിടെ ”അജ്ഞാനം” എന്നതിന് അതിന്റെ കാര്യമായ ”അഹന്ത”, അതായത് കര്‍ത്തൃത്വഭോക്തൃത്വാഭിമാനരൂപമായ ജീവഭാവം എന്നര്‍ത്ഥം. 

കര്‍മ്മരംഗത്തുനിന്ന് കര്‍ത്തൃത്വാഭിമാനത്തെ പൂര്‍ണമായും നീക്കാനാവില്ല. എത്ര കരുതലോടെ പ്രവര്‍ത്തിച്ചാലും കര്‍മ്മം കര്‍ത്തൃത്വാഭിമാനത്തെ പോഷിപ്പിക്കുകയേ ഉള്ളൂ എന്നതാണ് വാസ്തവം.



”ഞാനിതു ചെയ്യുന്നു” എന്ന അഭിമാനത്തോടെ കര്‍മ്മം ചെയ്യുന്ന ഒരാള്‍ക്ക് ആ കര്‍മ്മത്തിന്റെ ഫലം അനുഭവിക്കണമെന്ന ഇച്ഛ ഉണ്ടാവാതിരിക്കില്ല. കര്‍ത്തൃത്വബുദ്ധിയോടൊപ്പം ഭോക്തൃത്വബുദ്ധിയും ഉണ്ടാവുമെന്നര്‍ത്ഥം. ഇതു രണ്ടും ചേര്‍ന്നതാണ് ജീവഭാവം-അഹന്ത. ഈ മിഥ്യാഭിമാനങ്ങള്‍ കര്‍മ്മംകൊണ്ട് നീക്കാവതല്ല. കര്‍മ്മത്തിന് ”കര്‍മ്മഫല”ത്തെ ഉണ്ടാക്കാനേ കഴിയൂ. പുതിയൊരു കര്‍മ്മരംഗവും അതില്‍ പ്രവര്‍ത്തിക്കാന്‍ പറ്റിയ പുതിയൊരു ശരീരവും ഉല്‍പ്പാദിപ്പിക്കുന്നു; വാസനകള്‍ തീര്‍ക്കാന്‍ പുതിയ കര്‍മ്മങ്ങളിലേര്‍പ്പെടേണ്ടിയും വരുന്നു. അതിനായി ഈ ജീവിതത്തില്‍തന്നെ ഒരു കര്‍മ്മരംഗത്തുനിന്ന് മറ്റൊരു കര്‍മ്മരംഗത്തേയ്ക്കും, മരണശേഷം മറ്റൊരു ദേഹത്തിലേക്കും നീങ്ങാന്‍ ജീവന്‍ നിര്‍ബന്ധിതനായിത്തീരുന്നു. ഇങ്ങനെ സംസാരത്തിലെ ചുറ്റിത്തിരിയല്‍ അനിവാര്യമായിത്തീരുന്നുവെന്നര്‍ത്ഥം.
അതിനാല്‍ വിവേകിയായ സാധകന്‍ അര്‍പ്പണഭാവത്തില്‍ സ്‌നേഹപൂര്‍ണമായ നിസ്വാര്‍ത്ഥസേവനം അനുഷ്ഠിച്ച് വാസനകളെ ശുദ്ധീകരിച്ചശേഷം ”പരമാത്മതത്ത്വത്തെക്കുറിച്ച് വിചാരം ചെയ്യണ”മെന്ന് ശ്രീരാമന്‍ ഉപദേശിക്കുന്നു. തത്ത്വമസ്യാദി മഹാവാക്യങ്ങളുടെ അര്‍ത്ഥത്തെ ഗാഢമായും നിഷ്ഠയോടേയും വിചാരം ചെയ്യലാണ് ജ്ഞാനസാധന. ഇത്-ആത്മവിചാരം-അവധാനതയോടെ ചെയ്യേണ്ടതാണ്.



നമ്മുടെ എല്ലാവരുടെയും ഉള്ളില്‍ എപ്പോഴും സന്നിധാനം ചെയ്യുന്ന ആത്മാവ് കര്‍മ്മംകൊണ്ട് നേടേണ്ടതോ നേടാവുന്നതോ അല്ല. സര്‍വ്വേശ്വരനില്‍ ഭക്തിയോടെയും സഹജാതരില്‍ സ്‌നേഹത്തോടെയും സമൂഹനന്മയ്ക്കായി അനുഷ്ഠിക്കപ്പെടുന്ന നിസ്വാര്‍ത്ഥ സേവനം നമ്മുടെ വാസനകളെ തീര്‍ച്ചയായും ശുദ്ധീകരിക്കും. സാത്ത്വികവാസനകള്‍ വികസിക്കുമ്പോള്‍ മനോബുദ്ധികളുടെ ബഹിര്‍മുഖത്വം നീങ്ങുന്നു; നമ്മുടെ ചിന്ത ശാന്തവും ജാഗരൂകവും ഏകാഗ്രഹവുമാവാന്‍ തുടങ്ങുന്നു. ഇങ്ങനെ ശുദ്ധമായ ഹൃദയമാണ് ആത്മാനുസന്ധാനം ചെയ്യാന്‍ സമര്‍ത്ഥമായ ഉപകരണം.
ധ്യാന സാധന തുടരുന്നതിന്നനുസരിച്ച് അന്തരാത്മാവില്‍ ചിത്തമുറപ്പിക്കാനുള്ള, ധ്യാനനിഷ്ഠ നിലനിര്‍ത്താനുള്ള കഴിവ് വര്‍ധിച്ചുവരും. അതോടൊപ്പം പെരുകിപ്പെരുകിവരുന്ന ആനന്ദനിര്‍വൃതി സാധകന്നനുഭവപ്പെടുകയും ചെയ്യും.



ശ്രീരാമഗീതയുടെ അവതാരികയാണ് ഈ ശ്ലോകമെന്ന് പറയാം. കര്‍മ്മയോഗമനുഷ്ഠിച്ച് അന്തഃകരണം ശുദ്ധമാക്കിയ ഒരുത്തമസാധകനായി ശിഷ്യനായ ലക്ഷ്മണനെ ഗുരുവായ ശ്രീരാമന്‍ കാണുന്നു. അത്തരമൊരു സാധകന്‍ ഇനി അനുഷ്ഠിക്കേണ്ടത് ധ്യാനയോഗമാണ്. താഴ്ന്ന ക്ലാസില്‍ പഠിക്കുന്ന കുട്ടി തന്റെ അദ്ധ്യാപകനോടുള്ള സ്‌നേഹബന്ധം കാരണം, ക്ലാസുകയറ്റം കിട്ടിയാലും പുതിയ ക്ലാസിലേക്ക് പോവാന്‍ കൂട്ടാക്കുന്നില്ല. അപ്പോള്‍ രക്ഷിതാക്കള്‍ ഇടപെട്ട് അനുനയവാക്കുകളെക്കൊണ്ട് ബോധ്യപ്പെടുത്തിയോ ശാസിച്ചോ അവനെ അടുത്ത ക്ലാസില്‍ കൊണ്ടുചെന്നാക്കുന്നു.



പുതിയ അദ്ധ്യാപകനും പുതിയ കൂട്ടുകാരുമായി ഇടപഴകുന്നതുവരെ കുട്ടിക്ക് മനഃപ്രയാസമുണ്ടാവും. അതുപോലെ ഗുരുവിനും തന്റെ ശിഷ്യനെ സാവധാനം കര്‍മ്മരംഗത്തുനിന്ന് വിടുവിട്ട് ധ്യാനമാര്‍ഗത്തിലേക്ക് നയിക്കേണ്ട ചുമതലയുണ്ട്. ഇതുവളരെ സൂക്ഷിച്ചുവേണം ചെയ്യാന്‍. വിശ്വാസം തകര്‍ക്കാന്‍ എളുപ്പം കഴിയും; സൃഷ്ടിക്കുക എളുപ്പമല്ല.
ശ്രീരാമന് ലക്ഷ്മണന്റെ ഹൃദയം നന്നായറിയാം. അതിനാല്‍ ജീവനെ സംസാരബന്ധത്തില്‍നിന്ന് വിമുക്തനാക്കാന്‍ കര്‍മത്തിനാവില്ലെന്ന് ശ്രീരാമന്‍ വെട്ടിത്തുറന്ന് പറയുന്നു. ”ജ്ഞാനംകൊണ്ടേ അജ്ഞാനം നീങ്ങൂ. കര്‍മ്മം അജ്ഞാനത്തിന്റെ സന്തതിയാണ്, വിരോധല്ല.”

Thursday, October 5, 2017

രാമായണത്തിലെ അനശ്വര മുഹൂര്‍ത്തങ്ങള്‍



രാമായണത്തിലെ ഓരോ ഭാഗവും പ്രസക്തമാണ്. വായിക്കുംതോറും കൂടുതല്‍ ആശ്ചര്യപ്പെടുത്തുന്നവ.  ഓരോ വായനയിലും ഓരോ ഭാഗമാണ് മനസ്സിനെ സ്വാധീനിക്കുന്നത്.  എന്തോ, മനസ്സിനെ പിടിച്ചുലയ്ക്കുന്നത് ദശരഥവിയോഗം കേട്ടെത്തുന്ന ഭരതന്റെ അവസ്ഥയാണ്.

''പിതരി സ്വര്‍ഗമാപന്നേ രാമേ ചാരണ്യമാശ്രിതേ
കിം മേ ജീവിതസാമര്‍ഥ്യം പ്രവേക്ഷ്യാമി ഹുതാശനം''


ഭരതന്റെ വിലാപമാണ് - ''പിതാവ് സ്വര്‍ഗത്തെ പ്രാപിച്ചു. അച്ഛന്റെ കാലശേഷം രാജ്യഭാരം ഏറ്റെടുക്കേണ്ട ജ്യേഷ്ഠന്‍ ശ്രീരാമചന്ദ്രനാണെങ്കില്‍ വനവാസത്തിന് പോയിരിക്കുന്നു. ഈ സമയത്ത് സാമര്‍ഥ്യമില്ലാത്തവനും നിരാശ്രയനുമായ ഞാനെന്തുചെയ്യാനാണ്. ഞാന്‍ അച്ഛന്റെ ഈ ചിതയില്‍ ചാടി മരിക്കാന്‍ പോവുകയാണ്.'' പ്രിയപ്പെട്ടവരുടെ വേര്‍പാട് എത്ര വിവേകശാലിയായ മനുഷ്യനിലും ഉണ്ടാക്കുന്ന അനാഥത്വബോധവും മാനസികത്തകര്‍ച്ചയും വരച്ചുകാട്ടുകയാണ് വാല്മീകി ഭരതവിലാപത്തിലൂടെ. ഈ നഷ്ടങ്ങള്‍ക്കെല്ലാം കാരണം കൈകേയിയാണെന്നറിയുന്ന ഭരതന്‍ സര്‍വനിയന്ത്രണങ്ങളും വിട്ട് അവരോട് പൊട്ടിത്തെറിക്കുന്നു - മുന്നില്‍ നില്‍ക്കുന്നത് തന്റെ മാതാവാണെന്നുപോലും മറന്ന് !


''ഭര്‍ത്താവിനെക്കൊന്ന പാപേ മഹാഘോരേ
നിസ്ത്രപേ നിര്‍ദയേ ദുഷേ്ട നിശാചരേ
നിന്നുടെ ഗര്‍ഭത്തിലുദ്ഭവിച്ചേനൊരു
പുണ്യമില്ലാത്ത മഹാപാപി ഞാനഹോ''


ഒരു മകനും പെറ്റമ്മയോട് പറയാന്‍ മടിക്കുന്ന വിധത്തിലുള്ള കൈകേയീഭര്‍ത്സനത്തിലൂടെ, ഭരതനിലെ ദുഃഖത്തിന്റെയും മനസ്സിനേറ്റ മുറിവിന്റെയും ആഴമാണ് എഴുത്തച്ഛന്‍ കാണിക്കുന്നത്.
ലൗകികജീവിതത്തില്‍ ഒരാപ്തവാക്യംപോലെ എടുക്കാവുന്ന വസിഷ്ഠമഹര്‍ഷിയുടെ വാക്കുകളാണ് ഭരതനെ തിരിച്ചറിവിലേക്ക് നയിക്കുന്നത്.


''....ദത്വാ ത്രിവിഷ്ടപം ഗത്വാ യഥാസുഖം
ലബ്ധ്വാ പുരന്ദരാര്‍ഥാസനം ദുര്‍ലഭം''.


'' ഒരു പുരുഷായുസ്സില്‍ അനുഷ്ഠിക്കേണ്ടതും അനുഭവിക്കേണ്ടതുമെല്ലാം കഴിഞ്ഞശേഷം, അച്ഛന്‍ സ്വര്‍ഗത്തില്‍ ദേവന്മാരുടെയും ദേവേന്ദ്രന്റെയും ബഹുമാനത്തിന് പാത്രമായി കഴിയുന്നു. ഇനിയെന്തിന് അങ്ങ് ദുഃഖിക്കണം''?
രാജ്യഭാരമേല്‍ക്കാതെ, ജ്യേഷ്ഠനെ തിരിച്ചുകൊണ്ടുവരാനായി കാട്ടിലേക്ക് പുറപ്പെടുകയായിരുന്നു ഭരതന്‍. വിദൂരത്തിലുള്ള അധികാരംപോലും കൈയെത്തിപ്പിടിക്കാന്‍ വേഷം കെട്ടുന്ന, അനര്‍ഹമായ അധികാരം കൈവിടാന്‍ മടിക്കുന്ന ഇക്കാലത്ത് ഭരതകഥ കൂടുതല്‍ പ്രസക്തമാകുന്നു. വനത്തില്‍വെച്ചുള്ള ഭരതരാഘവസംവാദത്തില്‍, ശ്രീരാമചന്ദ്രന്റെ ഒരു ന്യായത്തിനും ഭരതന്‍ കീഴ്‌പ്പെടുന്നില്ല.



''യദി ത്വവശ്യം വാസ്തവ്യം കര്‍ത്തവ്യം ച പിതുര്‍വചഃ
അഹമേവ നിവത്സ്യാമി ചതുര്‍ദശ സമാഗമേ''.


പിതാവിന്റെ ആജ്ഞ നിറവേറ്റാനായി മകനെന്ന നിലയ്ക്ക്, താന്‍ 14 വര്‍ഷം കാട്ടില്‍ കഴിയാമെന്നുവരെ ഭരതന്‍ പറയുന്നു. ഒടുവില്‍ രാമാവതാരത്തെക്കുറിച്ചും അതിന്റെ ലക്ഷ്യങ്ങളെക്കുറിച്ചുമൊക്കെ വസിഷ്ഠന്‍ ഭരതനെ ബോധ്യപ്പെടുത്തുന്നു. ശ്രീരാമപാദുകങ്ങളുമായി ഭരതന്‍ മടങ്ങുന്നു. 


പതിന്നാലുവര്‍ഷം ജ്യേഷ്ഠന്റെ പാദുകങ്ങള്‍ സിംഹാസനത്തില്‍ പ്രതിഷ്ഠിച്ച് ഭരതന്‍ രാജ്യഭരണം നടത്തി - ലൗകികസുഖങ്ങള്‍ വെടിഞ്ഞ്. തന്റെ ആഗമനം അറിയിക്കാനായി ആദ്യം ഭരതസമക്ഷത്തേക്ക് അയയ്ക്കുന്നത് ഹനുമാനെയാണ്. ഇതിനൊരു വ്യാഖ്യാനമുണ്ടത്രെ - രാമഭക്തി ഏറ്റവുമുള്ളത് തനിക്കാണെന്ന വിചാരമുണ്ടത്രെ ഹനുമാന്. പതിന്നാലുവര്‍ഷം ജ്യേഷ്ഠനെമാത്രം മനസ്സില്‍ വിചാരിച്ച്, എല്ലാം ത്യജിച്ചുകഴിയുന്ന ഭരതന്റെ അവസ്ഥ നേരിട്ടു കാണിക്കുക വഴി രാമഭക്തനെന്ന ആഞ്ജനേയന്റെ അഹങ്കാരം ശമിപ്പിക്കലായിരുന്നുവത്രെ ശ്രീരാമചന്ദ്രന്റെ ഉദ്ദേശ്യം.

Monday, September 4, 2017

രാമായണ മാഹാത്മ്യം


Image result for ശ്രീരാമചന്ദ്രൻ

രാമായണത്തിലെ രാമന്‍ ജഗദാശ്രയഭൂതനാണ്. ആര്‍ക്കും അഭയകരനുമാണ്. സര്‍വോപരി മാതൃകാപുരുഷോത്തമനും. ശ്രീരാമനുമായി ഏറെ ബന്ധപ്പെട്ടു നില്‍ക്കുന്ന എല്ലാകഥാപാത്രങ്ങളും അവരവരുടെ മണ്ഡലത്തില്‍ മാതൃകകളാവുന്നതാണ് കാണുന്നത്. വിശ്വസ്ത സേവകര്‍ക്ക് മാതൃകയാവുന്ന ഹനുമാനും വീറുറ്റ നേതൃത്വത്തിന് മാതൃകയാവുന്ന സുഗ്രീവനും സഹോദര സ്‌നേഹത്തിന് മാതൃകയാവുന്ന ലക്ഷ്മണനും തുടങ്ങി ഓരോ കഥാപാത്രവും ഏതു കാലത്തിനും ഏത് സമൂഹത്തിനും മാതൃകകളായി മാറുന്നു. 


ബാലിയെ ഭയന്ന് ഋഷ്യമൂകാചലത്തില്‍ കഴിയുന്ന സുഗ്രീവനെ കണ്ടു വിവരങ്ങള്‍ മനസ്സിലാക്കിയ രഘുരാമന്‍ ആപദ്ബാന്ധവനായിത്തീരുന്നു. ബാലിയെക്കൊന്ന് രക്ഷ നല്‍കാമെന്നും പ്രതിവിധിയായി സീതാന്വേഷണാര്‍ഥം പ്രവര്‍ത്തിക്കണമെന്നും അറിയിക്കുന്നു. ഇതു കേട്ടപ്പോള്‍ ഏതാനും ദിവസം മുമ്പ് സുന്ദരിയായ ഒരു സ്ത്രീയെ ഒരു രാക്ഷസന്‍ അപഹരിച്ചുകൊണ്ട് ആകാശമാര്‍ഗത്തിലൂടെ പോകുന്നത് താന്‍ കണ്ടുവെന്നും അവള്‍ രാമാ, ലക്ഷ്മണാ എന്നു വിളിച്ച് വിലപിച്ചിരുന്നുവെന്നും തങ്ങളെ കണ്ടപ്പോള്‍ ഉത്തരീയത്തില്‍പ്പൊതിഞ്ഞ് ആഭരണങ്ങള്‍ താഴേക്ക് വലിച്ചെറിഞ്ഞുവെന്നും അതു സൂക്ഷിച്ചു വെച്ചിട്ടുണ്ടെന്നും സുഗ്രീവന്‍ അറിയിക്കുന്നു. ആഭരണങ്ങള്‍ കണ്ടപ്പോള്‍ തിരിച്ചറിഞ്ഞ രാമന് സങ്കടം സഹിക്കുവാനാവുന്നില്ല. രാമവിലാപം കേട്ട് ലക്ഷ്മണനും സുഗ്രീവനും ആശ്വസിപ്പിക്കാന്‍ ശ്രമിക്കുകയും രാവണനെ കൊന്ന് ദേവിയെ വീണ്ടെടുത്തുകൊള്ളാം എന്നുറപ്പു നല്‍കുകയും ചെയ്യുന്നു.  രാമന്‍ അവതാരപുരുഷനാണെങ്കിലും മനുഷ്യസഹജമായ എല്ലാ വികാരങ്ങളും ദുഃഖങ്ങളും ഉള്ള ഒരു സാധാരണ മനുഷ്യനായാണ് രംഗത്തുവരുന്നത്. എല്ലാം ത്യജിക്കുവാനും എല്ലാം സഹിക്കുവാനുമുള്ള ആ മനസ്സിന്റെ ഭാവമാണ് രാമായണത്തിന്റെ പ്രകാശം.


ദുഃഖമൊട്ടൊന്നൊടുങ്ങിക്കഴിഞ്ഞപ്പോള്‍ ഹനുമാന്‍ ജ്വലിപ്പിച്ച അഗ്‌നിയെ സാക്ഷിനിര്‍ത്തി രാമസുഗ്രീവസഖ്യം നടക്കുന്നു. തുടര്‍ന്ന് ബാലിയും സുഗ്രീവനുമായുണ്ടായ വൈരത്തിന്റെ കഥ അറിയിക്കുന്നു; ബാലിവധത്തിനുള്ള ഒരുക്കങ്ങളും ആരംഭിക്കുന്നു. രാമനില്‍ വിശ്വാസമുണ്ടെങ്കിലും ബാലിയുടെ ശക്തിയെക്കുറിച്ചോര്‍ത്തപ്പോള്‍ സുഗ്രീവന് പിന്നെയുമൊരു സംശയം. ആ സംശയ നിവാരണാര്‍ഥമാണ് പര്‍വതം പോലെ കിടന്ന ദുന്ദുഭിയുടെ തല രാമന്‍ കാലിന്റെ പെരുവിരല്‍കൊണ്ട് തോണ്ടിയെറിയുന്നതും സപ്തസാലങ്ങള്‍ ഒരമ്പുകൊണ്ട് പിളര്‍ത്തുന്നതും. ശ്രീരാമചന്ദ്രന്‍ സാക്ഷാല്‍ ജഗന്നാഥന്‍ തന്നെയാണെന്ന് സുഗ്രീവന് ബോധ്യപ്പെടുന്നു.


ബാലിസുഗ്രീവ യുദ്ധത്തില്‍ ആദ്യം സുഗ്രീവന്‍ പരാജയപ്പെടുന്നു. സഹോദരന്മാരെ തിരിച്ചറിയാന്‍ കഴിയാതെ വന്നതിനാല്‍ ശ്രീരാമന് ഒന്നും ചെയ്യുവാനായില്ല. തുടര്‍ന്ന് ലക്ഷ്മണനണിയിച്ച മാല ധരിച്ചു കൊണ്ട് വീണ്ടും ബാലിയെ പോരിന് വിളിക്കുകയും ആ പോരില്‍ രാമന്‍ മറഞ്ഞുനിന്നമ്പയച്ച് ബാലിയെ വീഴ്ത്തുകയും ചെയ്യുന്നു. ശ്രീരാമചന്ദ്രനെ തിരിച്ചറിഞ്ഞ ബാലിയുടെ സങ്കടവും പരാതിയും വികാരതീവ്രമായ ഒരന്തരീക്ഷം സൃഷ്ടിക്കുന്നു. താന്‍ എന്തു ചെയ്തിട്ടാണ് ഈ കടുംകൈ കാട്ടിയത് എന്ന് ബാലി ചോദിക്കുന്നുണ്ടെങ്കിലും എല്ലാം ധര്‍മരക്ഷാര്‍ഥം എന്ന മറുപടിയിലൊതുക്കി,  ആ ധര്‍മത്തിന്റെ വഴി ബാലി വിട്ടുപോയ കഥയോര്‍മിപ്പിക്കുന്നു. ആത്മബോധമുണര്‍ന്ന ബാലിക്ക് ഒരു പ്രാര്‍ഥനയേ ഉണ്ടായിരുന്നുള്ളൂ.

നിന്നുടെ ലോകം ഗമിപ്പാന്‍ തുടങ്ങീടു-മെന്നെയനുഗ്രഹിക്കേണം, ഭഗവാനേ!

Wednesday, August 30, 2017

രാമായണം: പത്ത് ചോദ്യം,​ ഉത്തരവും - 37




അദ്ധ്യാത്മ രാമായണത്തെ അടിസ്ഥാനമാക്കി
തയ്യാറാക്കിയ ചോദ്യോത്തര പംക്തി ഇന്ന്


”ഹത്വാ യുദ്ധേ ദശാസ്യം ത്രിഭുവന വിഷമം
വാമ ഹസ്‌തേന ചാപം
ഭൂമൗ വിഷ്ടഭ്യ തിഷ്ടന്നിതര കര ധൃതം
ഭ്രാമയന്‍ ബാണമേകം
ആരക്തോപാന്ത നേത്രഃ ശരദളിതവപുഃ
സൂര്യ കോടി പ്രകാശോ
വീര ശ്രീ ബന്ധുരാംഗസ്ത്രീ ദശപതിനുതഃ
പാതുമാം വീര രാമഃ”’’



1. അദ്ധ്യാത്മ രാമായണം ശ്രീ നാരദമുനിക്ക് ബ്രഹ്മാവ് ഉപദേശിച്ചു കൊടുത്തതായി ബ്രഹ്മാണ്ഡപുരാണത്തില്‍ നിബന്ധിച്ചിട്ടുള്ള ഒരു ഭാഗമാണ്. ഈ ഭാഗത്തിന്റെ പേര് ?

2. ശ്രീ വാത്മീകി മഹര്‍ഷി രാമായണത്തെ 24000 ശ്ലോകങ്ങളെക്കൊണ്ട് വര്‍ണ്ണിച്ചു. അദ്ധ്യാത്മ രാമായണത്തില്‍ എത്ര ശ്ലോകങ്ങളാണ്?

3. രാമായണം (സംസ്‌കൃതം) വാത്മീകി മഹര്‍ഷിയാണല്ലോ രചിച്ചത്. അദ്ധ്യാത്മ രാമായണം രചിച്ചതാര്?

4. ബ്രഹ്മാവിനാല്‍ വിരചിതമായ രാമായണ (ബ്രഹ്മാണ്ഡ പുരാണാന്തര്‍ഗതം) ത്തില്‍ 100 കോടി ശ്ലോകങ്ങളുള്ളതിനെ 24000 ശ്ലോകങ്ങളാക്കി വാല്മികി രാമകഥ വര്‍ണ്ണിച്ചു. ഇതിനെ രണ്ടദ്ധ്യായങ്ങളിലൂടെ ശ്രീമദ് ഭാഗവതത്തില്‍ വ്യാസഭഗവാന്‍ സംഗ്രഹിച്ചു. അതുപോലെ 20 ശ്ലോകങ്ങളിലൂടെ രാമകഥയെ സംഗ്രഹിച്ചിട്ടുള്ളത് ഏത് കൃതിയിലാണ്?.

5. വാല്‍മീകി രാമായണത്തില്‍ എത്രസര്‍ഗ്ഗങ്ങള്‍ ?.

6. ഉപനിഷത് സാരമായ ശ്രീമദ് ഭഗവത്ഗീത ശ്രീകൃഷ്ണ ഭഗവാന്‍ അര്‍ജുനന് ഉപദേശിച്ചു കൊടുത്തു. വേദങ്ങളില്‍ നിന്ന് തിരഞ്ഞെടുത്ത സാര സംഗ്രഹമായ രാമായണം ശ്രീ ശിവന്‍ ആര്‍ക്കാണ് ഉപദേശിച്ചത് ?.

7. ഗതികിട്ടാ പ്രേതമായി അലഞ്ഞു നടന്ന ധുന്ധുകാരിക്ക് ഗോകര്‍ണ്ണന്റെ സത് സംഗ മോക്ഷപ്രാപ്തിക്ക് കാരണമായി. ആരുടെ സത് സംഗത്തിലാണ് പെരുവഴി കൊള്ളക്കാരനായ രത്‌നാകരന്‍ വാത്മീകി എന്ന മഹര്‍ഷി ആയത് ?.

8. രത്‌നാകരനെന്ന രാക്ഷസനെ ശുദ്ധീകരിക്കാന്‍ സപ്തര്‍ഷികള്‍ ഒരു മന്ത്രം ഉപദേശിച്ചു കൊടുത്തു. എന്തായിരുന്നു ആ മന്ത്രം ?.

9. ലോകത്തിലെ ഏറ്റവും മഹാനായ ധീര നായകന്‍ ആരാണെന്ന് വാല്മികി മഹര്‍ഷി ആരോടാണ് ചോദിച്ചത്?.

10. ശ്രീമദ് ഭാഗവതം രചിക്കാന്‍ വ്യാസന് ശ്രീ നാരദ മഹര്‍ഷി പ്രചോദനം നല്കി. അതുപോലെ വാത്മീകിക്ക് രാമായണം രചിക്കാന്‍ ആരില്‍ നിന്നാണ് പ്രചോദനം കിട്ടിയത്?.





ഉത്തരം

1. അദ്ധ്യാത്മ രാമായണ സംഹിത.

2. 6000 എന്ന് പറയപ്പെടുന്നു.(4200 ശ്ലോകങ്ങളാണ്
കാണപ്പെടുന്നത്.)

3. ശ്രീ വേദവ്യാസ മഹര്‍ഷി.

4. നാരായണീയം ( 34 ഉം 35 ഉം ദശകങ്ങള്‍ )

5. അഞ്ഞൂറ്.

6. ശ്രീ പാര്‍വ്വതീ ദേവിയ്ക്ക്.

7. സപ്തര്‍ഷികള്‍.

8. രാമ മന്ത്രം

9. ശ്രീ നാരദ മഹര്‍ഷിയോട്

10. ബ്രഹ്മാവില്‍ നിന്നും നാരദമഹര്‍ഷിയില്‍ നിന്നും.


Tuesday, August 29, 2017

രാമായണം: പത്ത് ചോദ്യം,​ ഉത്തരവും - 36




1. പുരാണോതിഹാസങ്ങളില്‍ നിന്നും ധാരാളം താപസന്മാരെക്കുറിച്ചും ഋഷിമാരെക്കുറിച്ചും നാം കേള്‍ക്കുന്നുണ്ട് ആരാണ് ആദ്യ താപസന്‍?

2. വ്യാസഭഗവാന്റെ ശോകമകറ്റാന്‍ ശ്രീമത് ഭാഗവതം രചിക്കാന്‍ നാരദ മഹര്‍ഷി പ്രചോദനം കൊടുത്തു. അതുപോലെ വാത്മീകി മഹര്‍ഷിയുടെ ശോകമകറ്റാന്‍ നാരദമഹര്‍ഷി തന്നെ രാമായണം ഉപദേശിച്ചു. എന്തായിരുന്നു വാത്മീകിയുടെ ശോക കാരണം?

3. വാത്മീകി മഹര്‍ഷി തന്റെ അടുത്ത ജന്മത്തില്‍ മറ്റൊരു ഭാഷയിലും രാമായണം രചിച്ചു. ആരായിട്ടാണ് പുനര്‍ജനിച്ചത്.
ആ രാമായണത്തിന്റെ പേരെന്താണ് ?.

 4. ഭാഗവതത്തിലും മഹാഭാരതത്തിലും ഓരോ അദ്ധ്യായത്തിനും സ്‌കന്ദം എന്നും പര്‍വ്വം എന്നും പറയുന്നു.
രാമായണത്തിലെ ഓരോ അദ്ധ്യായത്തിനുമുള്ള പേരെന്താണ്?

5. ശ്രീമത് ഭാഗവതത്തില്‍ 12 സ്‌കന്ദങ്ങള്‍, മഹാഭാരതത്തില്‍ 18 പര്‍വ്വങ്ങള്‍. രാമായണത്തില്‍ എത്ര കാണ്ഡങ്ങള്‍?


6. ഒന്നാമത്തെ കാണ്ഡം ബാലകാണ്ഡം അഞ്ചാമത്തെ കാണ്ഡത്തിന്റെ പേരെന്ത്.?

7. ദശാവതാരം മൂന്നു രീതിയിലുള്ള ശരീരത്തെ സ്വീകരിച്ചു. അതായത് തിര്യയ്ക്ക് മനുഷ്യ ദേവ ശരീരങ്ങള്‍. ഇതില്‍ ദേവശരീരത്തെ സ്വീകരിച്ചുകൊണ്ടുള്ള ആദ്യ അവതാരം ഏത്?

 8. സ്വര്‍ഗ്ഗത്തിലെ നദിയുടെ പേര് ഗംഗ. നരകത്തിലെ നദിയുടെ പേര്?

9. അദ്ധ്യാത്മ രാമായണം എന്ന നാമധേയം എങ്ങനെ അന്വര്‍ത്ഥമാകുന്നു?

10. ദശരഥന്‍ ഏതു രാജ്യത്തെ രാജാവാണ്. ?





ഉത്തരം

1. ബ്രഹ്മാവ്

2.വേടന്‍ കൊന്ന ഇണയുടെ മരണത്തില്‍ പെണ്‍പക്ഷിക്കുണ്ടായ ദുഃഖവും താന്‍ വേടനെ ശപിച്ചുപോയല്ലോ എന്ന ദുഃഖവും വാത്മീകിക്ക് ശോക കാരണമായി.

3. തുളസിദാസന്‍, രാമചരിതമാനസം (ഹിന്ദി)

4. കാണ്ഡം
.
5. ഉത്തര കാണ്ഡം (ഉത്തരരാമായണം എന്നും പറയും) ഉള്‍പ്പെടെ 7 കാണ്ഡങ്ങള്‍.

6. സുന്ദര കാണ്ഡം.

7. വാമനാവതാരം.

8. വൈതരണി.

9. സകലതും യാതൊന്നില്‍ രമിക്കുന്നോ അവന്‍ രാമന്‍. ആ പരമാത്മാവിനെ പ്രാപിക്കുവാനുള്ള അയനത്തെ-ഉപായത്തെ ഉപദേശിക്കുന്നതുകൊണ്ട് അദ്ധ്യാത്മ രാമായണം.

10. കോസലം

Monday, August 28, 2017

രാമായണം: 10 ചോദ്യം, ഉത്തരവും - 35




1. ദശരഥന് എത്ര മന്ത്രിമാര്‍ ? ആരെല്ലാം ?

2. ദശരഥന് എത്ര പുരോഹിതര്‍ ?

3. ദശരഥന്റെ അച്ഛനമ്മമാര്‍ ആരെല്ലാം. ?

 4. ദശരഥന് അച്ഛനമ്മമാര്‍ ഇട്ട പേര്. ?

 5. ദശരഥന്‍ എന്ന പേര് എങ്ങനെ കിട്ടി ?

6. കോസലത്തിന്റെ തലസ്ഥാനം. ?

7. ലങ്ക ഒരു വര്‍വ്വതത്തിന്റെ മുകളിലും അയോദ്ധ്യ ഒരു നദിതീരത്തുമാണ്. ഏതാണ് ഈ പര്‍വ്വതവും നദിയും.?

8. മക്കളില്ലാതിരുന്ന ദശരഥ മഹാരാജാവിനോട് പുത്രകാമേഷ്ടി യാഗം നടത്തുവാന്‍ ആരാണ് ഉപദേശിച്ചത്. ?

9. ആരുടെ നേതൃത്വത്തിലാണ് യാഗം നടത്തിയത്?

10. ആരായിരുന്നു ഋശ്യശൃംഗ മഹര്‍ഷിയുടെ ഭാര്യ ?





ഉത്തരങ്ങള്‍

1. എട്ട്. ധൃഷ്ടി, ജയന്‍, വിജയന്‍, സിദ്ധാര്‍ത്ഥന്‍, അര്‍ത്ഥസാധകന്‍, അശോകന്‍, മന്ത്രപാലന്‍, സുമന്ത്രന്‍.

2. രണ്ട്. വസിഷ്ഠന്‍, വാമദേവന്‍.

3. അജനും, ഇന്ദുമതിയും

4. നേമി

5. ദേവലോകത്തുവെച്ച് ശംബരന്‍ പത്തു ശംബരന്‍മാരായി രൂപം പ്രാപിച്ച് നേമിയോട് എതിരിട്ടപ്പോള്‍ പത്തുദിക്കിലേക്കും മിന്നല്‍ വേഗത്തില്‍ രഥം പായിച്ച് അവനെ വധിച്ചു. നേമി ദശരഥനായി.

6. അയോദ്ധ്യ

7. ത്രികൂട പര്‍വ്വതവും സരയൂ നദിയും.

8. കുലഗുരുവായ വസിഷ്ഠന്‍.

9. വിഭണ്ഡകന്റെ പുത്രന്‍ ഋശ്യശൃംഗ മഹര്‍ഷിയുടെ നേതൃത്വത്തില്‍.

10. അംഗ രാജ്യത്തെ രാജാവായ ലോമപാദന്റെ പുത്രി ശാന്ത.




Sunday, August 27, 2017

രാമായണം: 10 ചോദ്യം, ഉത്തരവും - 34




1. ദശരഥന്റെ ഭാര്യമാര്‍ എത്ര ? ആരെല്ലാം ?

2. യാഗാഗ്നിയില്‍ പ്രത്യക്ഷപ്പെട്ടതും പ്രജാപതി അയച്ചിരുന്നതുമായ അഗ്നിപുരുഷന്‍ നല്‍കിയ പായസം ദശരഥന്‍ ആര്‍ക്കെല്ലാമാണ് കൊടുത്തത്?

 3. അവര്‍ ആ പായസം എന്തു ചെയ്തു.?

4. ശ്രീകൃഷ്ണന്റെ ജന്മദിനം ചിങ്ങമാസത്തിലെ അഷ്ടമി രോഹിണി ദിവസം. ശ്രീ രാമന്റെ ജന്മദിനം എന്നാണ്. ?

5. അവതരിച്ചമാത്രയില്‍ തന്നെ ഭഗവാന്റെ ദിവ്യരൂപത്തെ ദര്‍ശിച്ച കൗസല്യദേവിയ്ക്ക് മാറിടത്തില്‍ വനമാല മാത്രമല്ല മറുകും കാണുവാന്‍ സാധിച്ചു എന്താണ് ആ മറുകിന്റെ പേര്?

6. ദശരഥന്റെ നാലുമക്കള്‍ക്കിട്ട പേര് ?

7. രാവണനെ വധിക്കണമെന്ന ബ്രഹ്മാവിന്റെ പ്രാര്‍ത്ഥന അനുസരിച്ചാണ് താന്‍ അവതരിച്ചിരിക്കുന്നതെന്ന് ശ്രീരാമചന്ദ്രന്‍ ആരോടാണ് ആദ്യമായി പറഞ്ഞത്? 8. ഭഗവാന്റെ സ്വരൂപദര്‍ശനം എന്തുകൊണ്ടാണ് കൗസല്യാദേവിക്കു സാധിച്ചത് ?

9. ദശരഥന്റെ 4 മക്കള്‍ക്കും നാമകരണം ചെയ്തതാരായിരുന്നു ?

10. യദുവംശത്തിലായിരുന്നു ശ്രീകൃഷ്ണന്‍ അവതരിച്ചത്. ഏതു രാജവംശത്തിലാണ് ശ്രീരാമന്‍ അവതരിച്ചത് ?




ഉത്തരങ്ങള്‍

1. മൂന്ന്. കൗസല്യ, കൈകേകി, സുമിത്ര.

2. ഭാര്യമാരായ കൗസല്യക്കും, കൈകേകിക്കും പകുതി വീതം കൊടുത്തു.

3. തങ്ങള്‍ക്കു ലഭിച്ച പായസത്തിന്റെ പകുതി വീതം കൗസല്യയും, കൈകേകിയും സുമിത്രക്കു നല്‍കി. മൂവരും അതു ഭക്ഷിച്ചു.

4. മേടമാസത്തിലെ പുണര്‍തം നക്ഷത്രം. കുക്ലപക്ഷം, നവമി തിഥി, കര്‍ക്കിടക ലഗ്നം.

5. ശ്രീവത്സം.

6. ശ്രീരാമന്‍, ലക്ഷ്മണന്‍, ഭരതന്‍, ശത്രുഘ്‌നന്‍.

7. മാതാവായ കൗസല്യദേവിയോട്.

8. പൂര്‍വ്വ ജന്മത്തില്‍ ആചരിച്ച തപസിന്റെ ഫലമായിട്ട്. (പൂര്‍വ്വ ജന്മത്തില്‍ അദിതിയും കശ്യപനുമായിരുന്നു കൗസല്യയും ദശരഥനും).

9. കുലഗുരുവായ വസിഷ്ഠന്‍.

10. ഇക്ഷാകുവംശം. (സൂര്യവംശരാജാക്കന്മാര്‍)



ഭഗവാനും ഭക്തനും ഒന്ന്; ഭക്തിയുടെ പാര്യന്തികസാഫല്യം




യുദ്ധകാണ്ഡം രാമലക്ഷ്മണന്മാരുടെ രണസാമര്‍ഥ്യത്തിന്റെ സമ്പൂര്‍ണമായ ആവിഷ്‌കാരം മാത്രമായിരുന്നില്ല. ഗുഹന്‍ മഹാനദിക്കപ്പുറം കടത്തി വിടകൊണ്ട നിമിഷം മുതല്‍ രാമാവതാരത്തിന്റെ ലക്ഷ്യം നിര്‍വഹിക്കപ്പെട്ടുതുടങ്ങി. തപോവിഘ്‌നകാരണമായ നിശാചരന്മാരെ ഒന്നൊന്നായി വധിച്ചും ശാപം പേറി രാക്ഷസരൂപം എടുക്കേണ്ടിവന്ന ഗന്ധര്‍വാദികള്‍ക്ക് ശാപമോക്ഷമരുളിയും മുന്നോട്ടുനടന്ന രാമന്‍ അനേകം വസിഷ്ഠതാപന്മാരെ സന്ദര്‍ശിക്കുകയും ചെയ്തു. പുണ്യാശ്രമം തേടിയുള്ള തീര്‍ഥാടനം മാത്രമോ അത്? ഓരോ മുനിയെ സന്ദര്‍ശിക്കുമ്പോഴും രാമതത്ത്വം കൂടുതല്‍ കൂടുതല്‍ മിഴിവോടെ വെളിപ്പെടുകയും ആയിരുന്നു. ഒപ്പം അവതാരോദ്ദേശ്യമെന്തെന്ന് വികല്പലേശംപോലും ബാക്കിവെക്കാതെ വ്യക്തമായിക്കൊണ്ടിരിക്കുകയും ചെയ്തു. രാമകഥയിലെ ഓരോ സന്ധിയും ജീവിതത്തിന്റെ ആത്യന്തികമായ സാര്‍ഥകതയെന്ത് എന്ന തിരിച്ചറിവിനുള്ള സന്ദര്‍ഭമായി മാറുന്നു.



ലങ്കയിലെ അവസാന പോരാട്ടം അവതാരോദ്ദേശ്യത്തിന്റെ പാര്യന്തിക നിര്‍വഹണമായിരുന്നു. താമസശക്തികള്‍ എല്ലാ വീറും സംഭരിച്ച് ഏറ്റെതിര്‍ത്തുവരുന്നു. ചെറിയ ബലമല്ല അവരുടേത്. ത്രിലോകങ്ങളെയും വിറപ്പിച്ച് കാല്‍ക്കീഴമര്‍ത്തിയ ആ ശരക്കൊടുമയുടെ ഇരുള്‍രൂപങ്ങള്‍! നെടുനാളത്തെ കൃച്ഛ്‌റതപസ്സിന്റെ ഫലമായി നേടിയ അപൂര്‍വാനുഗ്രഹങ്ങള്‍ ധര്‍മത്തിനെതിരെ നിരത്തി പോരാടുന്ന വിചിത്രനിമിഷങ്ങള്‍.
ഈ യുദ്ധത്തില്‍ രാമലക്ഷ്മണന്മാര്‍ ഒറ്റ ശരീരവും ഒറ്റ ആത്മാവുമായപോലെ പ്രവര്‍ത്തിക്കുന്നതാണ്  വര്‍ണിക്കുന്നത്. ഭഗവാനും ഭക്തനും ഒന്നായിത്തീരുന്ന ഭക്തിയുടെ സാഫല്യമുഹൂര്‍ത്തമാണത്.
മനസ്സില്‍ വലിയ സങ്കടങ്ങള്‍ ഒതുക്കിക്കൊണ്ടാണ് രാമന്‍ രാവണനോട് യുദ്ധം ചെയ്യുന്നത്. യുദ്ധങ്ങളുടെ ചരിത്രത്തില്‍ താരതമ്യമില്ലാത്ത യുദ്ധമാണ് നടക്കുന്നത്. എന്നാല്‍, ലക്ഷ്മണനില്ലാത്ത ലോകത്തില്‍ ജീവിക്കുക അസാധ്യം എന്നു കരുതുന്ന രാമന്റെ മനസ്സാണ് ഇവിടെ പ്രധാനം. രാമന്റെ നിഴലായിരുന്നു ലക്ഷ്മണന്‍; ഈ നിഴലിന്റെ നിഴലാണ് താന്‍ എന്ന് രാമന്‍ ചിന്തിക്കുന്ന അവസ്ഥയില്‍ എത്തിനില്ക്കുന്നു ഇവിടെ. ഭക്തന്റെയും ഭഗവാന്റെയും ഏകീഭാവം ഇവിടെ സംഭവിക്കുന്നു. ഭക്തിയുടെ പരമസാഫല്യമാണ് ഈ ഏകീഭാവം.

Saturday, August 26, 2017

രാമായണം: പത്ത് ചോദ്യം,​ ഉത്തരവും - 33




1. ശ്രീരാമാദികളെ ഉപനയിച്ച് വിദ്യാഭ്യാസം നല്‍കിയത് കുലഗുരുവായ വസിഷ്ഠ മഹര്‍ഷിയാണ്. ആവശ്യപ്പെട്ട ഗുരുദക്ഷിണ എന്തായിരുന്നു?

2. സ്വര്‍ഗ്ഗത്തിലും ഭൂമിയിലും പാതാളത്തിലും ഒഴുകുന്ന ഗംഗാനദിയുടെ ഉത്ഭവസ്ഥാനം?

3. എത്രാമത്തെ ത്രേതായുഗത്തിലാണ് ശ്രീരാമവതാരം?

4. ശ്രീരാമന്റെ കയ്യിലെ മുദ്രകള്‍ ?

5. ദശരഥന്റെ പ്രധാനമന്ത്രിയുടെ പേര് ?

6. പണ്ട് രാജാക്കന്മാരുടെ പ്രധാന ഉപദേഷ്ടാക്കള്‍ മഹാജ്ഞാനികളും തപസികളും ആയിരുന്നു. ദശരഥ മഹാരാജാവിന്റെ ഉപദേഷ്ടാവും കുലഗുരുവും ബ്രഹ്മപുത്രനായ വസിഷ്ഠനായിരുന്നു. അതുപോലെ ജനക മഹാരാജാവിന്റെ കുലഗുരു അഹല്യയുടേയും ഗൗതമന്റെയും മകനായിരുന്ന ഋഷിയുടെ പേരെന്ത്?

7. ദശരഥനും കൗസല്യാദേവിയും പൂര്‍വ്വജന്മത്തില്‍ ബ്രഹ്മപുത്രനായ കശ്യപ പ്രജാപതിയും ദേവമാതാവായ അദിതിയുമായിരുന്നുവെന്നും ആരാണ് ദശരഥനോട് പറഞ്ഞത് ?

8. വിശ്വാമിത്ര മഹര്‍ഷി അയോദ്ധ്യയില്‍ വന്നത് രാമലക്ഷ്മണന്മാരെ യാഗരക്ഷയ്ക്ക് കൂട്ടിക്കൊണ്ടു പോകാന്‍ മാത്രമായിരുന്നില്ല. എന്തായിരുന്നു യഥാര്‍ത്ഥലക്ഷ്യം ?

9. വിശ്വാമിത്രന്റെ യഥാര്‍ത്ഥലക്ഷ്യത്തെ ആരാണ് ദശരഥമഹാരാജാവിനോട് പറഞ്ഞത്?

10. ദേവന്മാരാല്‍ കണ്ടുപിടിക്കപ്പെട്ടവയും ഗ്രഹണമാത്രയില്‍ വിശപ്പും ദാഹവും ക്ഷീണവും ഇല്ലാതാകുന്നതുമായ രണ്ടു മന്ത്രങ്ങള്‍ രാമലക്ഷ്മണന്മാര്‍ക്ക് വിശ്വാമിത്രന്‍ ഉപദേശിച്ചു. ഏതാണ് ആ മന്ത്രങ്ങള്‍ ?





ഉത്തരം

1. മായ മോഹിപ്പിക്കാതിരിക്കാനനുഗ്രഹിക്കണം.

2. വിഷ്ണുപാദം.

3. ഇപ്പോഴത്തെ ബ്രഹ്മാവിന്റെ 51- ാം വയസ്സിലെ ശ്വേതവരാഹ’ കല്പത്തിലെ ഏഴാം മനുവിന്റെ 28-ാം ത്രേതായുഗം.

4. വലതുകയ്യില്‍ ജ്ഞാനമുദ്ര; ഇടതുകയ്യില്‍ ധനുര്‍ വിദ്യ.

5. സുമന്ത്രര്‍.

6. ശതാനന്ദന്‍.

7. കുലഗുരുവായ വസിഷ്ഠന്‍.

8. പരമാത്മാവിന്റെ അവതാര വിഗ്രഹത്തെ നേരില്‍ കണ്ടാനന്ദിപ്പാനും സീതാദേവിയെ രാമനോടു യോജിപ്പിക്കാനുമായിരുന്നു. യാഗരക്ഷ, താടകാവധം, ഗുരുസ്ഥാനീയനാകുക.

9. വസിഷ്ഠന്‍.

10. ബല, അതിബല.


Friday, August 25, 2017

രാമായണം 10 ചോദ്യം, ഉത്തരവും - 32




1. ദ്വാപരയുഗത്തില്‍ ശ്രീകൃഷ്ണനായി അവതരിച്ചപ്പോഴും ആദ്യം വധിച്ചത് പൂതനയെന്ന രാക്ഷസ സ്ത്രീയെ ആയിരുന്നു. ത്രേതായുഗത്തില്‍ ശ്രീരാമനായ് അവതരിച്ചപ്പോഴും ആദ്യം വധിച്ചത് ഒരു രാക്ഷസസ്ത്രീയെ ആയിരുന്നു. ആ സ്ത്രീയുടെ പേര് ?

2. താടകയുടെ പിതാവ് ?

3. താടകയുടെ ഭര്‍ത്താവ് ?

4. താടകയുടെ പുത്രന്‍മാര്‍ ?

5. താടക വനത്തില്‍ മുനിമാരെല്ലാം ഒത്തു ചേര്‍ന്ന് താമസിക്കുന്ന കാമാശ്രമം എന്ന പേരായ മനോഹരമായ സ്ഥാനമുണ്ട്. ആ പേരുകിട്ടിയതെങ്ങനെ?

6. താടകാവനത്തില്‍ താടക പ്രവേശിക്കാത്തസ്ഥലം ?

7. വിശ്വാമിത്രന്റെ ആശ്രമം?

8. വിശ്വാമിത്രന്‍ വസിച്ചിരുന്ന വാമനാശ്രമത്തിന് സിദ്ധാശ്രമം എന്നുകൂടി പേരുണ്ട്. എങ്ങനെ ആ പേരുണ്ടായി ?

9. വിശ്വാമിത്രന്റെ യാഗവിഘ്‌നം ചെയ്ത രാക്ഷസ മുഖ്യന്മാര്‍?

10. എത്രദിവസം സിദ്ധാശ്രമത്തില്‍ രാമലക്ഷ്മണന്‍മാര്‍ താമസിച്ചു ?





ഉത്തരം

1. താടക.

2. സുകേതു.

3. ഝര്‍ഝരന്റെ പുത്രന്‍ സുന്ദന്‍.

4. മാരീചന്‍, സുബാഹു.

5. പണ്ട് പരമശിവന്‍ മന്മഥനെ (കാമദേവനെ) നേത്രാഗ്നിയില്‍ ദഹിപ്പിച്ച സ്ഥാനമായതുകൊണ്ട്.

6. കാമാശ്രമം. (പരമേശ്വരന്റെ പ്രഭാവം കൊണ്ട്.)

7. വാമനാശ്രമം.

8. വാമനാവതാരം നടന്ന ആ സ്ഥലത്തുവെച്ചു നടത്തുന്ന ഈശ്വരസേവയുടെ ഫലം സ്ഥല മാഹാത്മ്യം നിമിത്തം വേഗം സിദ്ധിക്കുന്നതിനാല്‍.

9. മാരീചനും സുബാഹുവും.

10. മൂന്ന്. നാലാംദിവസം മിഥിലയിലേക്കു തിരിച്ചു.


Thursday, August 24, 2017

രാമായണം: 10 ചോദ്യം, ഉത്തരവും - 31




1. രാമബാണത്തെ ഭയന്ന് മുനിയെപ്പോലെ ജീവിച്ച രാക്ഷസന്‍ ആരായിരുന്നു?

2. കാര്യസാദ്ധ്യത്തിനായി ഏതു വേഷവും കെട്ടി തട്ടിപ്പു നടത്തുന്ന ദേവേന്ദ്രന്‍ മുനി വേഷം കെട്ടി ഗൗതമന്റെ ആശ്രമത്തില്‍ ചെന്നതെന്തിനായിരുന്നു ?

3. ഗൗതമന്റെ ഭാര്യ അഹല്യ ആരുടെ പുത്രിയായിരുന്നു? 4. ഗൗതമപത്‌നിയായ അഹല്യ ഉത്തംഗനോട് എന്ത് ഗുരുദക്ഷിണയാണ് ചോദിച്ചത് ?

5. മുനിശാപം മൂലം കല്ലില്‍ വസിച്ച അഹല്യയ്ക്ക് എങ്ങനെയാണ് മോക്ഷം കിട്ടിയത് ?

6. വിഷ്ണുരൂപം ആദ്യം കൗസല്യാദേവിക്കു കാട്ടിക്കൊടുത്തു. പിന്നീട് ആര്‍ക്കാണ് കാണാന്‍ ഭാഗ്യം ലഭിച്ചത് ?

7. മിഥിലയിലേക്ക് പോകും വഴി ഗംഗയില്‍ തോണി കയറുവാന്‍ ഭാവിച്ച ശ്രീരാമന്റെ കാലുകള്‍ തോണിക്കാരന്‍ എന്തിനാണ് കഴുകിച്ചത് ?

8. അയോദ്ധ്യ കോസലത്തിന്റെ തലസ്ഥാന നഗരിയാണ് മിഥില ഏതു രാജ്യത്തിന്റെ തലസ്ഥാനമാണ് ?

9. സീതയുടെ മാതാപിതാക്കള്‍ ആരെല്ലാം ?

10. ശ്രീരാമന് സ്വയംവരത്തില്‍ സീതയെ ലഭിച്ചത് വീരശൂല്ക്കമായിട്ടായിരുന്നു. എന്തു പന്തയമാണ് നിശ്ചയിച്ചിരുന്നത് ?






ഉത്തരം

1. മാരീചന്‍

2. അഹല്യയെ പ്രാപിക്കാന്‍.

3. ബ്രഹ്മാവിന്റെ. (മുല്‍ഗലന്റെ മകളാണ് അഹല്യ എന്നും കാണുന്നുണ്ട്. പക്ഷേ അദ്ധ്യാത്മ രാമായണത്തിലല്ല. ഹലം = വൈരൂപ്യം. അഹല്യാ = വൈരൂപ്യമില്ലാത്തത്.)

4. സൗദാസ രാജാവിന്റെ ഭാര്യയുടെ കുണ്ഡലങ്ങള്‍.

5. ശ്രീരാമന്‍ തന്റെ പാദസ്പര്‍ശം കൊണ്ട് മോക്ഷം കൊടുത്തു.

6. അഹല്യക്ക്.

7. ശ്രീരാമന്റെ പാദധൂളിയാല്‍ തന്റെ വള്ളം സ്ത്രീയായി മാറുമെന്ന് തോണിക്കാരന്‍ തെറ്റിദ്ധരിച്ചിരുന്നതുകൊണ്ട്.

8. വിദേഹ രാജ്യത്തിന്റെ

9. സീത അയോനിജ ആയിരുന്നു. ജനകനും ഭാര്യ സുനയനയും വളര്‍ത്തച്ഛനും വളര്‍ത്തമ്മയും ആയിരുന്നു.

10. ശൈവചാപമായ ത്രയംബകം കുലയ്ക്കുക.


രാമായണം: 10 ചോദ്യം, ഉത്തരവും - 24




1. ദണ്ഡകാരണ്യത്തില്‍ (ക്രൗഞ്ചവനത്തില്‍) പ്രവേശിച്ച രാമലക്ഷ്മണന്മാര്‍ ഏതു രാക്ഷസനെയാണ് ആദ്യം വധിച്ചത്?

2. വിരാധന്‍ ആരായിരുന്നു.?

3. ശരശയ്യയില്‍ കിടക്കുന്ന ഇച്ഛാമൃത്യുവായ ഭീഷ്മര്‍ തന്റെ മുന്നില്‍ സന്നിധാനം ചെയ്തിരിക്കുന്ന ശ്രീകൃഷ്ണ ഭഗവാനെ അകത്തും പുറത്തും കണ്ടു കൊണ്ട് തന്റെ ശരീരത്തെ ഉപേക്ഷിച്ചു. അതുപോലെ വളരെ നാളത്തെ തപസ്സിന്റെ ഫലമായി തന്റെ ആശ്രമത്തിലെത്തിച്ചേര്‍ന്ന സീതാലക്ഷ്മണ സമേതനായ ശ്രീരാമചന്ദ്രനെ നേരില്‍ കണ്ടുകൊണ്ടും ഹൃദയത്തില്‍ ധ്യാനിച്ചു കൊണ്ടും ദേഹത്തെ ദഹിപ്പിച്ച മഹര്‍ഷി ആരാണ്?

4. സുതീഷ്ണന്റെ ഗുരുവായീരുന്നു?

5. സുതീഷ്ണാശ്രമത്തില്‍ നിന്നും അഗസ്ത്യാശ്രമത്തിലേക്ക് പോകുന്ന വഴി ശ്രീമാന്‍ മറ്റൊരാശ്രമത്തിലും ചെന്നു ചേരുന്നുണ്ട്. അത് ആരുടെ ആശ്രമമായിരുന്നു.?

6. അഗസ്ത്യ മഹര്‍ഷിയടെ ആരായിരുന്നു അഗ്നിജിഹ്വല്‍?

7. രാമലക്ഷ്മണന്മാര്‍ സീതാസമേതനായി, അദഗ്‌നിജിഹ്വന്‍, സുതീക്ഷ്ണന്‍, എന്നിവരോടൊപ്പം അഗസ്ത്യാശ്രമത്തില്‍ ചെല്ലുമ്പോള്‍ അഗസ്ത്യമുനി എന്തുചെയ്യുകയായിരുന്നു ?

8. അഗസ്ത്യ മഹര്‍ഷി ഭഗവല്‍ സ്വരുപത്തേയും ലോകരൂപമായ മായയുടെ വികാസത്തേയും പറ്റി ഭഗവാന്റെ മുന്‍പാകെ പറഞ്ഞത് ഏതു ഉദ്ദേശത്തോടുകൂടിയാണ്.?

9. അഗസ്ത്യന്‍ ശ്രീരാമന് എന്തൊക്കെ ആയുധങ്ങളാണ് കൊടുത്തത്.?

10. ബാക്കിയുളള വനവാസക്കാലം പഞ്ചവടിയില്‍ കഴിച്ചുകൂട്ടുവാനും ആ സ്ഥലം രാക്ഷസ വധത്തിന് ഉചിതമാണെന്നും രാമനോട് പറഞ്ഞതാര്?





ഉത്തരങ്ങള്‍

1. വിരാധനെ (ബ്രഹ്മാവിന്റെ വരം മൂലം ആയുധം കൊണ്ട് വിരാധനെ വധിക്കാന്‍ കഴിയാത്തതുകൊണ്ട് കുഴിയിലിട്ട് ശ്വാസംമുട്ടിച്ച് കൊന്നു.)

2. ദുര്‍വ്വാസാവിന്റെ ശാപം കൊണ്ട് രാക്ഷസനായിത്തീര്‍ന്ന ഒരു വിദ്യാധരന്‍, വിരാധന്‍:—തുംബുരു എന്ന ഗന്ധര്‍വന്‍, അമ്മ ശതഹൃദ, അച്ഛന്‍ ജയന്‍.

3. ശരഭംഗ മഹര്‍ഷി

4. അഗസ്ത്യ മഹര്‍ഷി

5. അഗ്നിജിഹ്യന്‍ എന്നൊരു മുനിയുടെ ആശ്രമത്തില്‍.

6. അനുജന്‍

7. ശിഷ്യന്മാരൊടൊപ്പം രാമനാമമന്ത്രാത്ഥ്രം വ്യാഖ്യാനിച്ചു കൊണ്ടിരിക്കുകയായിരുന്നു.

8. ശിഷ്യന്മാരെ ധരിപ്പിക്കാനും അവരുടെ സംശയങ്ങള്‍ അകറ്റാനും.

9. ദേവേന്ദ്രനാല്‍ ശ്രീരാമന് വേണ്ടി കൊടുപ്പാന്‍ പണ്ടു സമര്‍പ്പിച്ചിരുന്ന വില്ലും ബാണങ്ങള്‍ ഒഴിയാത്ത രണ്ട് ആവനാഴികളും രത്‌നം കൊണ്ട് അലങ്കരിച്ച വാളും കൊടുത്തു.

10. അഗസ്ത്യ മഹര്‍ഷി



Wednesday, August 23, 2017

രാമായണം: 10 ചോദ്യം, ഉത്തരവും - 30




1. ത്രൈയംബകത്തിന്റെ മറ്റൊരു പേര് ?

2. ജനക മഹാരാജാവിന്റെ സ്വന്തം പുത്രിയെ ലക്ഷ്മണന് നല്കി. എന്തായിരുന്നു ആ പുത്രിയുടെ പേര് ?

3. ജനകന്റേയും അനുജന്റേയും യഥാര്‍ത്ഥ പേര് ?

4. ജനകന്റെ സഹോദരന്‍ കുശധ്വജന്റെ രണ്ടു പുത്രികളെ ഭരതനും ശത്രുഘ്‌നനും നല്കി. എന്തായിരുന്നു അവരുടെ പേര് ?

5. സീതാവൃത്താന്തത്തെ (അഥവാ ജന്മ രഹസ്യത്തെ) ആരാണ് ജനക മഹാരാജാവിനോട് പറഞ്ഞത് ?

6. സീത എന്ന പേരുണ്ടായത് ?

7. ശ്രീരാമന്റെ വില്ല് കോദണ്ഡം. നാരദന്റെ വീണയുടെ പേര് ?

8. സീതയെ ശ്രീരാമനു മാത്രമേ കൊടുക്കാവൂ എന്ന് ജനക മഹാരാജാവിനോട് ആരാണ് പറഞ്ഞത് ?

9. അയോദ്ധ്യയിലേക്ക് മടങ്ങുന്ന രാമാദികളെ യാത്രാ മദ്ധ്യേ ആരാണ് തടഞ്ഞത് ?

10. പരശുരാമന്റെ അച്ഛനമ്മമാര്‍ ആരെല്ലാം ?





ഉത്തരം


1. സുനാദം

2. ഊര്‍മ്മിള

3. ശീരധ്വജന്‍, കുശധ്വജന്‍

4. മാണ്ഡവിയും ശ്രുതകീര്‍ത്തിയും

5. നാരദ മഹര്‍ഷി.

6. ഉഴവു ചാലില്‍ നിന്ന് ലഭിച്ചതുകൊണ്ട്

7. മഹതി

8. ശ്രീ നാരദന്‍

9. പരശുരാമന്‍

10. ജമദഗ്നി മഹര്‍ഷിയും രേണുകയും


Tuesday, August 22, 2017

രാമായണം: 10 ചോദ്യം, ഉത്തരവും - 29





1. ഏതു വംശത്തിലാണ് പരശുരാമന്‍ ജനിച്ചത് ?

2. പരശുരാമന്‍ ആരില്‍ നിന്നുമാണ് അസ്ത്രവിദ്യ പഠിച്ചത് ?

3. പരശുരാമന്‍ എങ്ങനെ നാരാണ സ്വരൂപനായി?

4. പരശുരാമന്‍ വിഷ്ണുവിനെ തപസ്‌ചെയ്ത് പ്രസാദിപ്പിച്ച പുണ്യ സ്ഥലമേതാണ്?

5. എന്താണ് ജീവന്‍ ?

6. മഹാവിഷ്ണു പുരുഷവാചകമെങ്കില്‍ ലക്ഷ്മിദേവി സ്ത്രീവാചകം (ഭാര്യ ) താഴെപറയുന്ന പുരുഷ വാചകങ്ങളുടെ സ്ത്രീവാചകം ഏതാണ്?.
എ) ശിവന്‍, ബി) സൂര്യന്‍, സി) ചന്ദ്രന്‍, ഡി) ദേവാന്ദ്രന്‍, ഇ) വഹ്നി, എഫ്) യമന്‍, ജി) നിരൃതി, എച്ച്) വരുണന്‍, ഐ) വായു, ജെ) രുദ്രന്‍, കെ) വസിഷ്ഠന്‍, എല്‍) അത്രി, എം) അഗസ്ത്യന്‍, എന്‍) ഭൃഗു

7. അവതാരോദ്ദേശ്യമായ രാവണവധം എല്ലാമറിയുന്ന ഭഗവാനെ ഓര്‍മ്മിപ്പിക്കാനായി നാരദ മഹര്‍ഷി രാജ സന്നിധിയില്‍ വന്നത് എന്തിനെ സുചിപ്പിക്കുന്നു.

8. കൈകേകി ആരുടെ പ്രേരണയാലാണ് രാമാഭിഷേകം മുടക്കിയത്?

9. ബ്രഹ്മാവിന്റെ കല്‍പന പ്രകാരം ഇന്ദ്രന്‍ മുതലായ ദേവകള്‍ അവരവരുടെ അംശങ്ങളെ കൊണ്ട് ഭൂമിയില്‍ വാനരന്മാരായി ജനിച്ചു. അതുപോലെ കുബ്ജയായി പിറന്ന മന്ഥര ഒരു ഗന്ധര്‍വ്വനാരിയായിരുന്നു. എന്തായിരുന്നു ആ ഗന്ധര്‍വ്വ നാരിയുടെ പേര്?

10. അരക്കെട്ടിലും മാറിലും കഴുത്തിലും വളവുളളതു കൊണ്ട് മന്ഥരയെ മറ്റൊരു പേരിലും അറിയപ്പെട്ടിരുന്നു. എന്തായിരുന്നു ആപേര്?







ഉത്തരം

1. ഭൃഗുവംശത്തില്‍.

2. പരമശിവനില്‍ നിന്ന്.

3. പാര്‍വ്വതി ദേവിയില്‍ നിന്നും രാമാഗീത നിത്യവും കേട്ടു പഠിച്ച് കീര്‍ത്തിച്ചതു കൊണ്ട്.

4. ചക്ര തീര്‍ത്ഥം

5. പ്രാണികളെ പ്രേരിപ്പിക്കുന്ന ജ്ഞാനശക്തി, ദേഹം ഇന്ദ്രിയങ്ങള്‍ എന്നിവയാല്‍ പ്രതിബിംബിച്ചതാണ് ജ്ഞാനശക്തി.

6. എ) പാര്‍വ്വതി, ബി) പ്രഭ, സി) രോഹിണി, ഡി) ഇന്ദ്രാണി (ശചീദേവി), ഇ) സ്വാഹ, എഫ്) സംയമി, ജി) താമസി, എച്ച്) ഭാര്‍ഗ്ഗവി, ഐ) സദാഗതി, ജെ) രുദ്രാണി, കെ) അരുന്ധതി, എല്‍) അനസുയ, എം) ലോപമുദ്ര, എന്‍) പുലോമ

7. എല്ലാ അറിയുന്ന ഭഗവാനെ മുന്‍പ് ചെയ്തിട്ടുളള പ്രിതിജ്ഞയെ ഓര്‍മ്മിപ്പിക്കേണ്ട ആവശ്യമില്ല. ശ്രീരാമന്റെ മനുഷ്യ ലീലാ നാട്യം ദേവേന്ദ്രാദികളെ കൂടി മോഹിപ്പിക്കും. ഉദ്ദിഷ്ടകാര്യത്തെ മറന്നുവോ എന്ന് നാരാദാദികള്‍ കൂടെ സംശയിച്ചതില്‍ ആമനുഷ്യ നാട്യം എത്രത്തോളം തന്മയീഭവിച്ചു എന്ന അതിശയത്തെ കാണിക്കുന്നു.

8. മന്ഥരയുടെ.

9. ദുന്ദുഭി

10. ത്രിവക്ര




Monday, August 21, 2017

രാമായണം 10 ചോദ്യം ഉത്തരവും - 28





1. ത്രിവക്രയായ മന്ഥരയുടെ ചേര്‍ച്ചയാല്‍ ശ്രീരാമന്റെ അഭിഷേകം മുടക്കി കാട്ടിലേക്ക് ആയക്കണമെന്ന് കൈകേകി ആവിശ്യപ്പെട്ടത് എന്തിനെ സൂചിപ്പിക്കുന്നു.?

2. കൈകേയിടെ അഛന്‍?

3. രാമാഭിഷേകം നിശ്ചയിക്കുമ്പോള്‍ ഭരതനും ശത്രുഘ്‌നനും എവിടെയായിരുന്നു?

4. കൈകേയി ആവശ്യപ്പെട്ട രണ്ട് വരങ്ങള്‍ ?

5. പണ്ട് ദേവാസുരയുദ്ധത്തില്‍ കൈകേയിക്ക് എപ്പോള്‍ വേണമെങ്കിലും ആവശ്യപ്പെടാവുന്ന തരത്തില്‍ രണ്ട് വരങ്ങള്‍ കൊടുത്തത് ദശരഥമഹാരാജാവിന് രാമാഭിഷേക സമയത്ത് ദുഃഖമായി ഭവിച്ചതില്‍ നിന്നും എന്ത് മനസ്സിലാക്കണം.?

6. പിതാവന്റെ ശോകകാരണം അറിയിച്ച കൈകേയിയോട് മൂന്നുതരം പുത്രന്മാരെക്കുറിച്ച് ശ്രീരാമന്‍ പറയുന്നുണ്ട്. ആരെല്ലാം ?

7. ദശരഥന്റെ ദുഃഖം ശമിപ്പിക്കാന്‍ രാമനെ ഉടന്‍ വരുത്താന്‍ കൈകേകി ആവശ്യപ്പെട്ടപ്പോള്‍ സുമന്ത്രര്‍ എന്തുകൊണ്ടാണ് പോകാതിരുന്നത് ?.

8. അഭിഷേകം നടക്കില്ലന്ന് ശ്രീരാമനെക്കൂടാതെ അയോദ്ധ്യയില്‍ മറ്റൊരാള്‍ക്കു കൂടി അറിയാമായിരുന്നു. ആരായിരുന്ന അത്?

9. നിന്ദ്യമണെന്നറിഞ്ഞിട്ടും വസിഷ്ഠന്‍ പൗരോഹിത്യവൃത്തി സ്വീകരിക്കാന്‍ എന്താണ് കാരണം?

10. രാമസീതാ ലക്ഷ്മണന്മാര്‍ക്ക് വല്‍ക്കലം കൊടുത്തതാര്?






 ഉത്തരം

1. ഹൃദയമാകുന്ന രാജധാനിയില്‍ അഭിഷേകം നടത്തി പ്രതിഷ്ഠിക്കേണ്ട ഭഗവാനെ ദുസ്സംഗത്താല്‍ ഒരു നിമിഷം കൊണ്ട് എങ്ങനെ നഷ്ടമാകുന്നു എന്ന് കാണിക്കുന്നു. അതു കൊണ്ട് ദുര്‍ജ്ജന സംസര്‍ഗം പരിത്യജിക്കണം.

2. കേകേരാജാവായ അശ്വപതി.

3. ഭരതന്റെ അമ്മാവനായ യുധാജിത്തിന്റെ ഗൃഹത്തില്‍ കേകേയ രാജ്യത്തില്‍.

4. ഒന്ന്: ഭരതനെ രാജാവാക്കണം, രണ്ട്: ശ്രീരാമനെ 14 വര്‍ഷം വനവാസത്തിനയക്കണം.

5. സ്വന്തം ഭാര്യയാല്‍പോലും വ്യക്തമല്ലാത്തും പരിധിയില്ലാത്തതുമായ ബാദ്ധ്യതകള്‍ ഉണ്ടാക്കരുത്.

6. ഒന്ന്: ഉത്തമ പുത്രന്‍, (പിതാവ് കല്‍പ്പിക്കാതെ തന്നെത്താനറിഞ്ഞ് പിതൃകാര്യം നടത്തുന്നവന്‍). രണ്ട്: മദ്ധ്യമന്‍ (പിതാവിനെ കേട്ടുനടത്തുവന്‍). മൂന്ന്: അധമന്‍ (പിതാവ് പറഞ്ഞിട്ടും ചെയ്യാത്തവന്‍)

7. രാജകല്പനയില്ലാഞ്ഞിട്ട്. (രാജാവാണ് മന്ത്രിയോട് കല്പിക്കേണ്ടത,് രാജ്ഞിയല്ല)

8. വസിഷ്ഠ മഹര്‍ഷി.

9. ഭഗവാന്റെ ആചാര്യസ്ഥാനം കിട്ടാനായിട്ട് (ഇക്ഷ്വാകുവംശത്തില്‍ രാമനായി ഭഗവാന്‍ അവതരിക്കുമെന്ന് പണ്ട് പിതാവായ ബ്രഹ്മദേവന്‍ പറഞ്ഞിരുന്നു)

10. കൈകേയി.




Sunday, August 20, 2017

രാമായണം 10 ചോദ്യം ഉത്തരവും - 27




1. സീതയ്ക്ക് വല്‍ക്കലം നല്‍കിയ്‌പ്പോള്‍ കൈകേയിയോട് കോപിച്ചതാര്?

2. സീതയെ വല്‍ക്കലം ധരിപ്പിച്ചതാര് ?

3. അമ്മയുടെ അടുത്ത് യാത്ര ചോദിക്കാന്‍ ചെന്ന ലക്ഷ്മണകുമാരന് അമ്മ സുമിത്ര നല്‍കിയ ഉപദേശമെന്താണ്?

4. ശ്രീരാമ ലക്ഷ്മണന്മാരെ യാഗരക്ഷക്കായി തന്നോടൊപ്പം അയയ്ക്കണമെന്ന് വിശ്വാമിത്ര മഹര്‍ഷിയുടെ വാക്കുകള്‍ കേട്ട് വ്യസനം തോന്നിയ ദശരഥ മഹാരാജാ വിനോട് ശ്രീരാമന്റെ രഹസ്യ വൃത്താന്തം കുലഗുരുവായ വസിഷ്ഠമര്‍ഷി പറഞ്ഞതുപോലെ വനവാസത്തിനു പോകുന്ന സീതാരാമ ലക്ഷ്മണന്മാരെ കണ്ട് ദുഃഖിച്ച അയോദ്ധ്യ നിവാസികളോട് ശ്രീരാമ തത്വം ഉപദേശിച്ചതാര് ?

5. വനവാസത്തിനു പോയ സീതാരാമ ലക്ഷ്മണന്മാര്‍ക്ക് തേര് തെളിച്ചതാര്?

6. നാലുമക്കളുണ്ടായിട്ടും ദശരഥമഹാരാജാവ് ആരേയും കാണാതെ പുത്രദുഃഖത്താല്‍ മരിക്കാന്‍ കാരണമെന്ത് ?

7. ശമികന്റെ കഴുത്തില്‍ ചത്തപാമ്പിനെ ഇട്ടതു കൊണ്ടാണ് മുനി പുത്രന്‍ ശൃംഗി പരീക്ഷിത്തുരാജാവിനെ ശപിച്ചത്. എന്തുകൊണ്ടാണ് ദശരഥന് മുനി ശാപം ഏല്‍ക്കേണ്ടി വന്നത് ?

8. പരിക്ഷത്തിനു കിട്ടിയ ശാപം ഏഴുനാള്‍ക്കകം തക്ഷകന്റെ ദംശനം ഉണ്ടാകട്ടെ എന്നായിരുന്നു. എന്തു ശാപാമാണ് ദശരഥന് ഏല്‍ക്കേണ്ടിവന്നത്.?

9. മുനിമാര്‍ ശപിച്ചു കൊന്ന വേനന്റെ ശരീരം മാതാവ് സുനിഥ വിദ്യായോഗം കൊണ്ട് സംരക്ഷിച്ചു. മുനി ശാപംകൊണ്ട് പുത്ര ദുഃഖത്താല്‍ മരിച്ച ദശരഥന്റെ ഭൗതിക ശരീരം സൂക്ഷിച്ചതെങ്ങനെ ?

10. സീതാരാമ ലക്ഷ്മണന്മാരെ ഗംഗാ കടത്തിയതാരു ?






ഉത്തരം

1. വസിഷ്ഠ മഹര്‍ഷി, ശ്രീരാമനെ മാത്രമെ കാട്ടിലേക്കയക്കാന്‍ കൈകേയി ആവശ്യപ്പെട്ടിട്ടുള്ളു.

2. ശ്രീരാമന്‍.

3. രാമനെ ദശരധനായും, സീതയെ ഞാനായും , അടവിയെ അയോദ്ധ്യയായും കാണമെന്ന്.

4. വാമദേവ മുനി.

5. മന്ത്രിയായ സുമന്ത്രര്‍.

6. മുനി ശാപം

7. വൃദ്ധ താപസ്സരുടെ ഏകമാകനായ ശ്രവണ്‍കുമാറിനെ അബദ്ധവാശാല്‍ കൊല്ലാന്‍ഇടയായതുകൊണ്ട്.

8. പുത്ര ദുഃഖത്താല്‍ നീയും മരിക്കട്ടെയെന്ന്.

9. എണ്ണത്തോണിയില്‍.

10. ശൃംഗി വേരാധിപനായ ഗുഹന്‍