ദത്താത്രേയ സ്തോത്രം

ജടാധരമ് പാംഡുരംഗമ്‌ ശൂലഹസ്തമ് കൃപാനിധിമ്‌ |

സര്വരൊഗ ഹരം ദേവം ദത്താത്രേയമഹം ഭജേ  ||

അസ്യ ശ്രീ ദത്താത്രേയ സ്തോത്ര മംത്രസ്യ ഭഗവാന് നാരദ ഋഷി: |

അനുഷ്ടുപ് ഛംദ: | ശ്രീ ദത്ത പരമാത്മാ ദേവതാ |

ശ്രീ ദത്ത പ്രീത്യര്ഥേ ജപേ വിനിയോഗ: ||

ഓം

ജഗദുത്പത്തി കര്ത്രേ ച സ്ഥിതി സംഹാര ഹേതവേ |

ഭവപാശ വിമുക്തായ ദത്താത്രേയ നമോസ്തുതേ || ൧ ||

ജരാജന്മ വിനാശായ ദേഹ ശുദ്ധി കരായ ച |

ദിഗംബര ദയാ മൂര്തേ ദത്താത്രേയ നമോസ്തുതേ || ൨ ||

കര്പൂര കാംതി ദേഹായ ബ്രഹ്മ മൂര്തി ധരായ ച |

വേദ ശാസ്ത്ര പരിജ്ഞായ ദത്താത്രേയ നമോസ്തുതേ || ൩ ||

ഹ്രസ്വ ദീര്ഘ കൃശ സ്ഥൂല നാമ ഗോത്ര വിവര്ജിത |

പംച ഭൂതൈക ദീപ്തായ ദത്താത്രേയ നമോസ്തുതേ || ൪ ||

യജ്ഞ ഭൊക്തേ ച യജ്ഞായ യജ്ഞരൂപ ധരായ ച |

യജ്ഞപ്രിയായ സിദ്ധായ ദത്താത്രേയ നമോസ്തുതേ || ൫ ||

ആദൗ ബ്രഹ്മാ മധ്യേ വിഷ്ണുര് അംതേ ദേവ സദാശിവ: |

മൂര്തിത്രയ സ്വരൂപായ ദത്താത്രേയ നമോസ്തുതേ || ൬ ||

ഭോഗാലയായ ഭോഗായ യോഗ യോഗ്യായ ധാരിണേ |

ജിതേംദ്രിയ ജിതജ്ഞായ ദത്താത്രേയ നമോസ്തുതേ || ൭ ||

ദിഗംബരായ ദിവ്യായ ദിവ്യ രൂപധരായ ച |

സദോദിത പരബ്രഹ്മ ദത്താത്രേയ നമോസ്തുതേ || ൮ ||

ജംബുദ്വീപ മഹാക്ഷേത്ര മാതാപുര നിവാസിനേ |

ജയമാനസതാം ദേവ ദത്താത്രേയ നമോസ്തുതേ || ൯ ||

ഭിക്ഷാടനം ഗൃഹേ ഗ്രാമേ പാത്രം ഹേമമയം കരേ |

നാനാ സ്വാദമയീ ഭിക്ഷാ ദത്താത്രേയ നമോസ്തുതേ || ൧൦ ||

ബ്രഹ്മ ജ്ഞാനമയീ മുദ്രാ വസ്ത്രേ ചാകാശ ഭൂതലേ |

പ്രജ്ഞാന ഘനബൊധായ ദത്താത്രേയ നമോസ്തുതേ || ൧൧ ||

അവധൂത സദാനംദ പരബ്രഹ്മ സ്വരൂപിണേ |

വിദേഹ ദേഹ രൂപായ ദത്താത്രേയ നമോസ്തുതേ || ൧൨ ||

സത്യംരൂപ സദാചാര സത്യധര്മ പരായണ |

സത്യാശ്രയ പരോക്ഷായ ദത്താത്രേയ നമോസ്തുതേ || ൧൩ ||

ശൂലഹസ്ത ഗദാപാണേ വനമാലാ സുകംധര |

യജ്ഞ സൂത്രധര ബ്രഹ്മന്‌ ദത്താത്രേയ നമോസ്തുതേ || ൧൪ ||

ക്ഷരാക്ഷര സ്വരൂപായ പരാത്പര തരായ ച |

ദത്തമുക്തി പരസ്തോത്ര ദത്താത്രേയ നമോസ്തുതേ || ൧൫ ||

ദത്ത വിദ്യാഢ്യ ലക്ഷ്മീശ ദത്ത സ്വാത്മ സ്വരൂപിണേ |

ഗുണനിര്ഗുണ രൂപായ ദത്താത്രേയ നമോസ്തുതേ || ൧൬ ||

ശത്രുനാശകരം സ്തോത്രം ജ്ഞാനവിജ്ഞാന ദായകമ് |

സര്വപാപം ശമം യാതി ദത്താത്രേയ നമോസ്തുതേ || ൧൭ ||

ഇദം സ്തോത്രം മഹദ്ദിവ്യം ദത്തപ്രത്യക്ഷ കാരകമ് |

ദത്താത്രേയ പ്രസാദച്ച നാരദേന പ്രകീര്തിതമ് ||൧൮ ||

|| ഇതി ശ്രീ നാരദ പുരാണേ നാരദ വിരചിത ദത്താത്രേയ സ്തോത്രം സംപൂര്ണമ് ||