ഈശ്വരൻ രണ്ടവസരങ്ങളിൽ ചിരിക്കുമത്രേ?

Hare Krishna!

ഈശ്വരൻ രണ്ടവസരങ്ങളിൽ ചിരിക്കുമത്രേ? 
പേടിക്കേണ്ട നിന്റെ രോഗം ഞാൻ മാറ്റി തരും എന്ന് ഡോക്ടെർ രോഗിയോട് പറയുമ്പോൾ ഈശ്വരൻ ചിരിക്കുമത്രേ? പാവം, ആ ഡോക്റ്ററുടെ ജീവൻ തന്നെ എടുക്കാൻ ഞാൻ തീരുമാനിച്ചു കഴിഞ്ഞു..... എന്നിട്ടും ആ ഡോക്റ്റർ തന്നെ പറയുന്നത് കേട്ടില്ലേ?


രണ്ടാമത്തെ അവസരം.... "എന്റെ " , "അല്ല ,ഇതെന്റെ " എന്നിങ്ങനെ ഭൂമി പങ്കു വെയ്ക്കാൻ സഹോദരങ്ങൾ തമ്മിൽ വഴക്ക് കൂടുമ്പോഴും ഈശ്വരൻ ചിരിക്കുമത്രേ? കാരണം, പ്രപഞ്ചം മുഴുവൻ ഈശ്വരൻറ്റെതല്ലേ ? ഇതിനു മുമ്പ് എത്രയോ പേർ ഈ സ്ഥലം തൻറ്റെതാണെന്ന് പറഞ്ഞു വഴക്ക് കൂയിയിരുന്നു... ഇന്ന് അവരെല്ലാം എവിടെ,,,,

ഈ പ്രപഞ്ചം മുഴുവനും ഈശ്വരമയമാണു. ഈശ്വരനാൽ നിറഞ്ഞിരിക്കുകയാണ് ഇവിടെ . ഈശ്വരാംശമല്ലാതെ യാതൊന്നും ഇവിടെയില്ല . ഇവിടെയുള്ളതൊന്നും നമുക്ക് സ്വന്തമെന്ന് പറയാനുമാവില്ല . ബന്ധുജനങ്ങള്‍ , സ്വത്ത് എന്നു മാത്രമല്ല നമ്മുടേതെന്നു പറയുന്ന ശരീരം പോലും നമ്മുടേതല്ല . ആ സത്യം മനസ്സിലാക്കുന്നവരാണ് ജ്ഞാനികള്‍ . ഈ സത്യം മനസ്സിലാക്കി എല്ലാം ത്യജിക്കുമ്പോൾ ഈശ്വരനോടടുക്കുന്നു . ത്യജിക്കുകയെന്നാല്‍ സ്വത്ത്, മക്കള്‍‍‍ , മാതാപിതാക്കള്‍ , മറ്റു ബന്ധുജനങ്ങള്‍ , ഗുരുക്കന്‍മാര്‍ എന്നിവയെല്ലാം ഉപേക്ഷിക്കുകയെന്നല്ല അര്‍ത്ഥമാക്കുന്നത് . ഈ ലോകത്തിലുള്ളതെല്ലാം ഈശ്വരന്‍റേതാണ്. അത് നമുക്കാസ്വദിക്കാന്‍ അവകാശവുമുണ്ട്. എന്നാല്‍ എല്ലാം നമ്മുടേത് മാത്രമാണെന്ന തോന്നല്‍ അരുത്. നമുക്കുള്ളതുപോലെത്തന്നെ മറ്റുള്ളവര്‍ക്കും അവകാശമുണ്ടെന്നും അവര്‍ക്കും അനുഭവിക്കേണ്ടതാണെന്നും മനസ്സിലാക്കുക . നമ്മുടെ മാത്രം എല്ലാം സ്വന്തമാക്കുമ്പോൾ അതില്‍ മറ്റുള്ളവരുടെ അവകാശം നിഷേധിക്കുകയാണ് ചെയ്യുന്നത്. ഈ ലോകം എല്ലാവര്‍ക്കും ആസ്വദിക്കുവാനുള്ളതാണ് . മറ്റുള്ളവരുടെ അവകാശം നിഷേധിച്ച് നമുക്കു മാത്രമായി മാറ്റിവക്കുകയാണ് സ്വന്തമാക്കുന്നതിലൂടെ ചെയ്യുന്നത്. ത്യാഗമനോഭാവത്തോടെയാകണം നമ്മള്‍ വിഭവങ്ങള്‍ ആസ്വദിക്കുന്നത്. ഈ പ്രപഞ്ചത്തില്‍ എല്ലായിടത്തും നിറഞ്ഞിരിക്കുന്നത് ഒരേ ശക്തിയാണ്. ഈ പ്രപഞ്ചത്തിലെ വിഭവങ്ങള്‍ ഏതൊരു ജീവിക്കും അനുഭവിക്കാന്‍ അവകാശപ്പെട്ടതാണ്. മറ്റാരെയും പോലെ അത് നമുക്കും ആസ്വദിക്കാം ....

Amma!!