വാസ്തുപുരുഷൻ

വാസ്തുപുരുഷൻ
������������
ത്രേതായുഗത്തിൽ സർവ്വലോക വ്യാപിയായി പ്രത്യക്ഷപ്പെട്ട ഒരു മഹാഭൂതമാണ് വാസ്തു പുരുഷൻ. പരമശിവനും അന്ധകാരൻ എന്ന രാക്ഷസനുമായുണ്ടായ യുദ്ധത്തിനിടെ പരമശിന്റെ ശരീരത്തിൽ നിന്നും ഉതിർന്നു വീണ വിയർപ്പുതുള്ളിയിൽ  നിന്നാണ് വാസ്തു പുരുഷന്റെ ഉത്ഭവം. മഹാപരാക്രമശാലിയായ ആ ഭുതത്തിന്റെ അതിക്രമങ്ങളെ സഹിക്കാനാകാതേ ദേവൻമാർ എല്ലാവരും ചേർന്ന് പ്രാർത്ഥിച്ച് ബ്രഹ്മദേവനെ  പ്രത്യക്ഷപ്പെടു ത്തി.ദേവൻമാരുടെ സങ്കടം കേട്ട ബ്രഹ്മാവ് അവരോട് പറഞ്ഞു, ആ ഭൂതവുമായി യുദ്ധം ചെയ്ത് ഒടുവിൽ അതിനെ എടുത്ത് ഭൂമിയിലേക്ക് എറിയാൻ. ദേ മമാരുമായി ഉണ്ടായ യുദ്ധത്തിൽ തോറ്റ് ഭൂമിയിൽ പതിച്ച വാസ്തു പുരുഷന്റെ ശിരസ്സ് ഈശ(വടക്ക് കിഴക്ക് ) കോണിലും കാൽപ്പാദങ്ങൾ നിറുതി (തെക്ക് പടിഞ്ഞാറ് ) കോണിലും കൈകൾ രണ്ടും അഗ്നി (തെക്ക് കിഴക്ക് ) കോണിലും വായു ( വടക്ക് പടിഞ്ഞാറ് ) കോണിലുമായി ഭൂമി മുഴുവനായി വ്യാപിച്ചുകിടക്കുന്ന വാസ്തു പുരുഷൻ പിന്നീട് ഭുമിയി ലുള്ളവരെ ശല്യം ചെയ്യാൻ തുടങ്ങി. ഉടനെ ഭൂവാസികൾ ബ്രഹ്മദേവനെ പ്രാർത്ഥിച്ചു'ബ്രഹ്മദേവൻ പ്രത്യക്ഷപ്പെട്ടു' വാസ്തു പുരുഷന്റെ ശക്തിയെ ക്ഷയിപ്പിക്കാനായി അൻപത്തി മൂന്ന് ദേവൻമാരോടും ആ കൂറ്റൻ ശരീരത്തിന്റെ വിവിധ ഭാഗങ്ങളിലായി നിലകൊള്ളുവാനായി ഉപദേശിച്ചു.അതിനെ തുടർന്ന് ശക്തി ക്ഷയിച്ച വാസ്തു പുരുഷൻ ബ്രഹ്മാവിനെ പ്രാർത്ഥിച്ചു. മനസ്സലിഞ്ഞ ബ്രഹ്മാവ് വാസ്തു പുരുഷനെ അനുഗ്രഹിച്ച് ഇപ്രകാരം അരുളിച്ചെയ്തു." ശിലാന്യാസം ( കല്ലിടൽ) കട്ടളവെപ്പ്, ഗൃഹപ്രവേശം തുടങ്ങിയ അവസരങ്ങളിൽ മനുഷ്യർ നിന്നെ പൂജിക്കുന്നതാണ്''. ഇതിനെ വാസ്തു പൂജ എന്ന് വിളിക്കുന്നു. വാസ്തു പൂജ ചെയ്യാതെ ഗൃഹനിർമ്മാണം നടത്തിയാൽ ആ ഗൃഹത്തിൽ പല വിധ അനർത്ഥങ്ങളും സംഭവിക്കുന്നതാണ്.ബ്രഹ്മദേവന്റെ ആശീർവ്വാദത്തിൽ സംതൃപ്തനായ വാസ്തു പുരുഷൻ മനുഷ്യരാശിയിൽ നിന്ന് പൂജകൾ ഏറ്റുവാങ്ങി ഭൂമിയിൽ നിലകൊള്ളുന്നതായിട്ടാണ് വിശ്വാസം.
                        ����