തിരുവാറൻമുള കൃഷ്ണാ

തിരുവാറൻമുള കൃഷ്ണാ നിന്നോമൽ
തിരുമുഖം കണികണ്ടു നിൽക്കുമ്പോൾ
എന്നെ മറക്കുന്നെൻ ദുഃഖം മറക്കുന്നു
എല്ലാം മറക്കുന്നു ഞാൻ...
ഇന്നെല്ലാം മറക്കുന്നു ഞാൻ (തിരു)
അഴലിൽപ്പെടുന്നോർക്കു കരകേറാനവിടുത്തെ
മിഴിയിലെ കാരുണ്യം മതിയല്ലോ..... (അഴലിൽ )
എരിയുന്ന തീയിലും കുളിരേകാനായ് നറു-
ചിരിയൊന്നു മാത്രം മതിയല്ലോ..... (എരിയുന്ന )
(തിരു)
ആറൻമുളയിലെ മതിലകം ഗോകുലമായിട്ടെൻ
ഓർമ്മയിൽ തെളിയേണം..... (ആറൻ)
അവിടുത്തെ ശ്യാമള കോമളവിഗ്രഹം
അകതാരിലെന്നെന്നും കാണേണം...... (അവിടുത്തെ)
               (തിരു)