ഗോവർദ്ധനഗിരി പൂജ

      ഭഗവാൻ ശ്രീകൃഷ്ണന്റെ നിർദ്ദേശത്തിൽ ഗോവർദ്ധനഗിരിയെ പൂജിച്ച ദിവസമാണിന്ന് എന്നു വിശ്വസിക്കപ്പെടുന്നു. ഹിന്ദുധർമ്മത്തിൽ പ്രകൃതി പൂജയുമായി അദേദ്ധ്യ ബന്ധമുണ്ട്.
     മഴ പെയ്യിക്കുന്നതും, നിയന്ത്രിക്കുന്നതും ഇന്ദ്രനാണെന്ന അന്ധമായ വിശ്വാസത്തിൽ ,ഗോകുല നിവാസികൾ സ്ഥിരമായി ഇന്ദ്രനെ പ്രീതിപ്പെടുത്തുവാൻ പൂജ നടത്തിവന്നിരുന്നു. തന്റെ പിതാവടക്കം ഈ പൂജ ചെയ്യുന്നതിൽ പങ്കാളിയായിരുന്നു എന്നു മനസ്സിലാക്കിയ, ശ്രീകൃഷ്ണൻ,ഒരിക്കലും ഈ കാര്യം അന്ധമായി വിശ്വസിച്ചു, ഇന്ദ്രനെ പൂജചെയ്യുതെന്നും അതിനു തുനിഞ്ഞവരെ കാര്യം മനസ്സിലാക്കിച്ചു, ഭഗവാൻ തിരിച്ചുവിളിച്ചു. മഴയുടെ കാരണം തന്നെ പർവ്വതങ്ങളും അതിൽ നിൽക്കുന്ന,വൃക്ഷലതാതികാളാണെന്നും ആയതിനാൽ  അതിനടുത്തു കിടക്കുന്ന ഗോവർദ്ധന പർവ്വതത്തെയാണ് പൂജിക്കേണ്ടതെന്നും ഭഗവാൻ ഗോകുല നിവാസികളോട് ഉപദേശിച്ചു. കാര്യം മനസ്സിലാക്കി അവർ ഭഗവാൻ കൃഷ്ണന്റെ നേതൃത്വത്തിൽ പൂജ തുടങ്ങി. അതറിഞ്ഞ ഇന്ദ്രന് കലികയറി, ഇന്ദ്രൻ ഗംഭീരവും ഭയാനകവുമായി നിർത്താതെ മഴ പെയ്യിച്ചു. നിവാസികൾ ഭയന്നു നിർത്താതെ മഴ പെയ്തതിനാൽ എല്ലായിടത്തും വെള്ളപ്പൊക്കം വന്നു തുടങ്ങി. ഭഗവാൻ ശ്രീകൃഷ്ണൻ തന്റെ വിരൽതുമ്പൽ ഗോവർദ്ധന പർവ്വതത്തെ ഉയർത്തി ജനങ്ങളെയും, പശുക്കളെയും അതിനു് കീഴിൽ, സംരക്ഷിച്ചു. ആ മഴ ഏഴു പകലും ഏഴു രാത്രിയും പെയ്യിച്ചു ഇന്ദ്രൻ. ഒന്നും സംഭവിച്ചില്ല, ഗോകുല നിവാസികൾക്കും പശുക്കൂട്ടങ്ങൾക്കും .ഇന്ദ്രൻ, ഭഗവാൻ കൃഷ്ണന്റെ മുന്നിൽ താൻ ആരുമല്ലെന്ത ഭഗവാൻ ശ്രീകൃഷ്ണൻ,പരമശക്തനാണെന്ന് മനസ്സിലാക്കി, ഭഗവാന്റെ,കാലിൽ വീണ് നമസ്ക്കരിച്ചു.

    ഈ പുരാണ കഥ എല്ലാർക്കും പ്രത്യേകിച്ചു ഇന്നത്തെ കാലത്തിലൂടെ കടന്നു പോകുന്ന നമ്മൾക്കു ഒരു സന്ദേശം തരുന്നുണ്ട്.പ്രകൃതിയെ സ്നേഹിക്കുക, പർവ്വതങ്ങൾ, വൃക്ഷലതാദികൾ, എന്നിവ നശിപ്പിക്കുന്നവരിൽ സംരക്ഷിക്കുക, എങ്കിൽ ദേശം മുഴുവൻ ഐശ്വര്യമുണ്ടാകും, നല്ല കാലാവസ്ഥ എന്നും നിലനിർത്തപ്പെടും, മഴ ക്ഷാമമുണ്ടാകില്ല., തൻ നിമിത്തം ജലക്ഷാമം ഒരിക്കലും അഭിമുഖീകരിക്കേണ്ടി വരില്ല, ഉരുൾപൊട്ടൽ ഉണ്ടാകില്ല. ഇന്ന് എവിടെ നോക്കിയാലും, പർവ്വതങ്ങളും, മലകളും കുന്നുകളും വിഴുങ്ങുന്ന മനുഷ്യന്മാരുടെ കർമ്മമേകാണാനുള്ളൂ വന വൃക്ഷങ്ങൾ കൊത്തി നശിപ്പിക്കുന്നതും, വിൽപ്പന ചെയ്യുന്നതും മാത്രമേ കാണാനുള്ളു. പുരാണങ്ങളിലെ കഥകളിലൂടെ ഉരുത്തിരിയുന്ന സുന്ദേശം ഉൾക്കൊള്ളുക, നാം ഓരോരുത്തരും, എങ്കിലേ നാട്ടുപുരോഗമിക്കൂ