ക്യഷ്‌ണ ഗീതങ്ങൾ

ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
നിൻ പിഞ്ചു പാദം തേടി തേടി വന്നു
നിൻ ദിവ്യ നാമം പാടി പാടി വന്നു
നിൻ പിഞ്ചു പാദം തേടി തേടി വന്നു
നിൻ ദിവ്യ നാമം പാടി പാടി വന്നു
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
ദേവകി നന്ദന കാനന വാസാ
കേശവാ ഹരേ മാധവാ
ദേവകി നന്ദന രാധാ ജീവനേ
കേശവാ ഹരേ മാധവാ
ഗോകുല ബാലനേ ഓടി വാ വാ
ഗോപാല ബാലനേ ആടി വാ വാ
ഗോകുല ബാലനേ ഓടി വാ വാ
ഗോപാല ബാലനേ ആടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
പാണ്ഡവ രക്ഷക പാപ വിനാശക
കേശവാ ഹരേ മാധവാ
അർജ്ജുന രക്ഷക അജ്ഞാന നാശക
കേശവാ ഹരേ മാധവാ
ഗീതാമൃതനേ ഓടി വാ വാ
ഹൃദയാനന്ദനേ ആടി വാ വാ
ഗീതാമൃതനേ ഓടി വാ വാ
ഹൃദയാനന്ദനേ ആടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
കംസവിമർദ്ദന കാളിയമർദ്ദന
കേശവാ ഹരേ മാധവാ
ആശ്രിതവൽസല ആപൽബാന്ധവ
കേശവാ ഹരേ മാധവാ
ഓംകാരനാമമേ ഓടി വാ വാ
ആനന്ദ ഗീതമേ പാടി വാ വാ
ഓംകാരനാമമേ ഓടി വാ വാ
ആനന്ദ ഗീതമേ പാടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
നിൻ പിഞ്ചു പാദം തേടി തേടി വന്നു
നിൻ ദിവ്യ നാമം പാടി പാടി വന്നു
നിൻ പിഞ്ചു പാദം തേടി തേടി വന്നു
നിൻ ദിവ്യ നാമം പാടി പാടി വന്നു
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ
ചിലങ്ക കെട്ടി ഓടി ഓടി വാ വാ
എൻ താമരക്കണ്ണാ ആടി ഓടി വാ വാ

നെയ്യാറ്റിന്‍‌കര വാഴും കണ്ണാ നിന്‍ മുന്നിലൊരു
നെയ്‌വിളക്കാവട്ടെ എന്‍‌റെ ജന്മം
കണ്ണിനു കണ്ണായൊരുണ്ണിക്കു തിരുമുമ്പില്‍
കര്‍പ്പൂരമാവട്ടെ എന്‍‌റെ ജന്മം (നെയ്യാറ്റിന്‍‌കര)

ഓം‌കാരം മുഴക്കുന്ന പൈക്കളെ മേയ്ക്കുവാന്‍
ഓരോ മനസ്സിലും നീ വരുന്നൂ (ഓം‌കാരം)
നിന്‍‌റെ പുല്ലാങ്കുഴല്‍ പാട്ടില്‍ പ്രപഞ്ചം
നന്ദിനിപ്പശുവായ് തീരുന്നൂ (നിന്‍‌റെ)
അകിടു ചുരത്തുമെന്‍ ജീവനു നീ മോക്ഷ-
കറുകനാമ്പേകുമോ കണ്ണാ
കായാംപൂ തൊഴും മുകില്‍വര്‍ണ്ണാ (നെയ്യാറ്റിന്‍‌കര)

ഗോവര്‍ദ്ധനമായി മണ്ണിന്‍‌റെ ദുഖം
നീ വിരല്‍ത്തുമ്പാല്‍ ഉയര്‍ത്തുന്നൂ (ഗോവര്‍ദ്ധനമായ്)
നിന്‍‌റെ മന്ദസ്മിതക്കുളിരില്‍ പ്രപഞ്ചം
നിത്യവസന്തമായ് തിരുന്നൂ (നിന്‍‌റെ)
തൊഴുതു നില്‍ക്കുന്നൊരീ ജീവനു നീയൊരു
തിരി വെളിച്ചം തരൂ കണ്ണാ
താമരത്താരിതള്‍ കണ്ണാ (നെയ്യാറ്റിന്‍‌കര)

നാവെന്തിനു തന്നു ഭഗവാന്‍
നാരായണനാമം പാടാന്‍
കാതെന്തിനു തന്നു ഭഗവാന്‍
നാരായണഗീതം കേള്‍ക്കാന്‍
(നാവെന്തിനു )
നാരായണ (6) നാമം പാടാന്‍

കണ്ണെന്തിനു തന്നു ഭഗവാന്‍
നാരായണരൂപം കാണാന്‍
കയ്യെന്തിനു തന്നു ഭഗവാന്‍
നാരായണപാദം തഴുകാന്‍
(നാവെന്തിനു )

കാലെന്തിനു തന്നു ഭഗവാന്‍
നാരായണസവിതം ചെല്ലാന്‍
പൂവെന്തിനു തന്നു ഭഗവാന്‍
നാരായണപൂജകള്‍ ചെയ്യാന്‍
(നാവെന്തിനു )

നാരായണകൃപയില്ലെങ്കില്‍
നാടില്ല കാടുകളില്ല
നാളില്ല നാളെയുമില്ല
നാരായണശരണംശരണം
(നാവെന്തിനു ) (2)
നാരായണ (6) നാമം പാടാന്‍ (4)

കരിമുകിൽ വർണ്ണന്റെ തിരുവുടലെന്നുടെ
അരികിൽ വന്നെപ്പോഴും കാണാകേണം
കാലിൽ ചിലമ്പും കിലുക്കി നടക്കുന്ന
ബാലഗോപാലനെ കാണാകേണം
കിങ്ങിണിയും വള മോതിരവും ചാർത്തി
ഭംഗിയോടെന്നെന്നും കാണാകേണം
കീർത്തിയേറീടും ഗുരുവായൂർ വാഴുന്നോ-
രാർത്തിഹരൻ തന്നെ കാണാകേണം
കുഞ്ഞിക്കൈ രണ്ടിലും വെണ്ണ കൊടുത്തമ്മ
രഞ്ജിപ്പിക്കുന്നതും കാണാകേണം
കൂത്താടീടും പശുക്കുട്ടികളുമായി-
ട്ടൊത്തു കളിപ്പതും കാണാകേണം
കെട്ടു കെട്ടീടുമുരലും വലിച്ചങ്ങു
മുട്ടുകുത്തുന്നതും കാണാകേണം
കേകികളേപ്പോലെ നൃത്തമാടീടുന്ന
കേശവപ്പൈതലെ കാണാകേണം
കൈകളിൽ ചന്ദ്രനെ മെല്ലെ വരുത്തിയ
കൈതവമൂർത്തിയെ കാണാകേണം
കൊഞ്ചിക്കൊണ്ടോരോരോ വാക്കരുളീടുന്ന
ചഞ്ചല നേത്രനെ കാണാകേണം
കോലും കുഴലുമെടുത്തു വനത്തിൽ പോയ്
കാലി മേയ്ക്കുന്നതും കാണാകേണം
കൗതുകമേറുന്നോരുണ്ണിശ്രീകൃഷ്ണന്റെ
ചേതോഹരരൂപം കാണാകേണം
കംസസഹോദരി തന്നിൽ പിറന്നൊരു
വാസുദേവൻ തന്നെ കാണാകേണം
കൃഷ്ണാ ഹരേ ജയാ കൃഷ്ണാ ഹരേ ജയാ
കൃഷ്ണാ ഹരേ ജയാ കൃഷ്ണാ ഹരേ