ഏവമാരാധ്യ ഗൌരീശം
ദേവം മൃത്യുഞ്ജയേശ്വരം
മൃതസഞ്ജീവനം നാംനാ
കവചം പ്രജപേത്സദാ
സാരാത്സാരതരം പുണ്യം
ഗുഹ്യാദ്ഗുഹ്യതരം ശുഭം
മഹാദേവസ്യ കവചം
മൃതസഞ്ജീവനാഭിധം
സമാഹിതമനാ ഭൂത്വാ
ശൃണുഷ്വ കവചം ശുഭം
ശൃത്വൈതദ്ദിവ്യ കവചം
രഹസ്യം കുരു സര്‍വദാ
വരാഭയകരോ യജ്വാ
സര്‍വദേവനിഷേവിതഃ
മൃത്യുഞ്ജയോ മഹാദേവഃ
പ്രാച്യാം മാം പാതു സര്‍വദാ
ദധാനഃ ശക്തിമഭയാം
ത്രിമുഖം ഷഡ്ഭുജഃ പ്രഭുഃ
സദാശിവോഗ്നിരൂപീ മാ
ആഗ്നേയ്യാം പാതു സര്‍വദാ
അഷ്ടാദശഭുജോപേതോ
ദണ്ഡാഭയകരോ വിഭുഃ
യമരൂപീ മഹാദേവോ
ദക്ഷിണസ്യാം സദാവതു
ഖഡ്ഗാഭയകരോ ധീരോ
രക്ഷോഗണനിഷേവിതഃ
രക്ഷോരൂപീ മഹേശോ മാം
നൈരൃത്യാം സര്‍വദാവതു
പാശാഭയഭുജഃ സര്‍വ
രത്നാകരനിഷേവിതഃ
വരൂണാത്മാ മഹാദേവഃ
പശ്ചിമേ മാം സദാവതു
ഗദാഭയകരഃ പ്രാണ
നായകഃ സര്‍വദാഗതിഃ
വായവ്യാം മാരുതാത്മാ മാം
ശങ്കരഃ പാതു സര്‍വദാ
ശങ്ഖാഭയകരസ്ഥോ മാം
നായകഃ പരമേശ്വരഃ
സര്‍വാത്മാന്തരദിഗ്ഭാഗേ
പാതു മാം ശങ്കരഃ പ്രഭുഃ
ശൂലാഭയകരഃ സര്‍വ
വിദ്യാനമധിനായകഃ
ഈശാനാത്മാ തഥൈശാന്യാം
പാതു മാം പരമേശ്വരഃ
ഊര്‍ധ്വഭാഗേ ബ്രഹ്മരൂപീ
വിശ്വാത്മാധഃ സദാവതു
ശിരോ മേ ശങ്കരഃ പാതു
ലലാടം ചന്ദ്രശേഖരഃ
ഭ്രൂമധ്യം സര്‍വലോകേശസ്
ത്രിനേത്രോ ലോചനേവതു
ഭ്രൂയുഗ്മം ഗിരിശഃ പാതു
കര്‍ണ്വൗ പാതു മഹേശ്വരഃ
നാസികാം മേ മഹാദേവ
ഔഷ്ഠൗ പാതു വൃഷധ്വജഃ
ജിഹ്വാം മേ ദക്ഷിണാമൂര്‍തിര്‍
ദന്താൻമേ ഗിരിശോവതു
മൃതുയ്ഞ്ജയോ മുഖം പാതു
കണ്ഠം മേ നാഗഭൂഷണഃ
പിനാകീ മത്കരൗ പാതു
ത്രിശൂലീ ഹൃദയം മമ
പഞ്ചവക്ത്രഃ സ്തനൗ പാതു
ഉദരം ജഗദീശ്വരഃ
നാഭിം പാതു വിരൂപാക്ഷഃ
പാര്‍ശ്വ മേ പാര്‍വതീപതിഃ
കടിദ്വയം ഗിരീശോ മേ
പൃഷ്ഠം മേ പ്രമഥാധിപഃ
ഗുഹ്യം മഹേശ്വരഃ പാതു
മമോരൂ പാതു ഭൈരവഃ
ജാനുനീ മേ ജഗദ്ധര്‍താ
ജങ്ഘേ മേ ജഗദംബികാ
പാദൗ മേ സതതം പാതു
ലോകവന്ദ്യഃ സദാശിവഃ
ഗിരിശഃ പാതു മേ ഭാര്യാം
ഭവഃ പാതു സുതാന്‍മമ
മൃത്യുഞ്ജയോ മമായുഷ്യം
ചിത്തം മേ ഗണനായകഃ
സര്‍വാങ്ഗം മേ സദാ പാതു
കാലകാലഃ സദാശിവഃ
ഏതത്തേ കവചം പുണ്യം
ദേവതാനാം ച ദുർല്ലഭം
മൃതസഞ്ജീവനം നാംനാ
മഹാദേവേന കീര്‍തിതം
സഹസ്രാവര്‍തനം ചാസ്യ പുരശ്ചരണമീരിതം
യഃ പഠേച്ഛൃണുയാന്നിത്യം
ശ്രാവയേത്സുസമാഹിതഃ
സ കാലമൃത്യും നിര്‍ജിത്യ
സദായുഷ്യം സമശ്നുതേ
ഹസ്തേന വാ യദാ സ്പൃഷ്ട്വാ
മൃതം സഞ്ജീവയത്യസൌ
ആധയോ വ്യാധയസ്തസ്യ
ന ഭവന്തി കദാചന
കാലമൃത്യുമപി പ്രാപ്തം
അസൗ ജയതി സര്‍വദാ
അണിമാദിഗുണൈശ്വര്യം
ലഭതേ മാനവോത്തമഃ
യുദ്ധാരംഭേ പഠിത്വേദം
അഷ്ടാവിംശതിവാരകം
യുദ്ധമധ്യേ സ്ഥിതഃ ശത്രുഃ
സദ്യഃ സര്‍വൈര്‍ന ദൃശ്യതേ
ന ബ്രഹ്മാദീനി ചാസ്ത്രാണി
ക്ഷയം കുര്‍വന്തി തസ്യ വൈ
വിജയം ലഭതേ ദേവ
യുദ്ധമധ്യേപി സര്‍വദാ
പ്രാതരുത്ഥായ സതതം
യഃ പഠേത്കവചം ശുഭം
അക്ഷയ്യം ലഭതേ സൗഖ്യം
ഇഹ ലോകേ പരത്ര ച
സര്‍വവ്യാധിവിനിര്‍മൃക്തഃ
സര്‍വരോഗവിവര്‍ജിതഃ
അജരാമരണോ ഭൂത്വാ
സദാ ഷോഡശവാര്‍ഷികഃ
വിചരത്യഖിലാൻ ലോകാന്‍
പ്രാപ്യ ഭോഗാംശ്ച ദുര്ലഭാന്‍
തസ്മാദിദം മഹാഗോപ്യം
കവചം സമുദാഹൃതം
മൃതസഞ്ജീവനം നാംനാ
ദേവതൈരപി ദുർല്ലഭം
മൃതസഞ്ജീവനം നാംനാ
ദേവതൈരപി ദുർല്ലഭം
ഇതി ശ്രീവസിഷ്ഠപ്രണിതം മൃതസഞ്ജീവന സ്തോത്രം സമ്പൂര്‍ണം
No comments:
Post a Comment