അന്നപൂർണ്ണേശ്വരിസ്തോത്രം

നിത്യാനന്ദകരീ വരാഭയകരീ
സൗന്ദര്യരത്നാകരീ
നിർദ്ധൂതാഖിലഘോരപാപനികരീ
പ്രത്യക്ഷമാഹേശ്വരീ
പ്രാലേയാചലവംശപാവനകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
നാനാരത്നവിചിത്രഭൂഷണകരീ
ഹേമാംബരാഡംബരീ
മുക്താഹാരവിലംബമാനവിലസ-
ദ്വക്ഷോജകുംഭാന്തരീ
കാശ്മീരാഗരുവാസിതാരുചികരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
യോഗാനന്ദകരീ രിപുക്ഷയകരീ-
ധർമ്മാർത്ഥനിഷ്ഠാകരീ
ചന്ദ്രാർക്കാനലഭാസമാനകുഹരീ
ത്രൈലോക്യരക്ഷാകരീ
സർവ്വൈശ്വര്യകരീ തപഫലകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
കൈലാസാചലകന്ദരാലയകരീ
ഗൗരീഹ്യുമാ ശങ്കരീ
കൌമാരീ നിഗമാർത്ഥഗോചരകരീ
ഒങ്കാരബീജാക്ഷരീ
മോക്ഷദ്വാരകവാടപാടനകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
ദ്രുശ്യാദ്രുശ്യവിഭൂതിപാവനകരീ
ബ്രഹ്മാണ്ഡഭാണ്ഡോദരീ
ലീലാനാടകസൂത്രഖേലനകരീ
വിജ്ഞാനദീപാങ്കരീ
ശ്രീവിശ്വേശമനപ്രസാദനകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
ഉർവ്വീ സർവ്വജനേശ്വരീ ജയകരീ
മാതാ കൃപാസാഗരീ
നാരീ നീലസമാനകുന്തളധരീ
നിത്യാന്നദാനേശ്വരീ
സർവാനന്ദകരീ ദയാശുഭകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
ആദിക്ഷാന്തസമസ്തവർണ്ണനകരീ
ശംഭോസ്ത്രീഭാവാകരീ
കാശ്മീരാ ത്രിപുരേശ്വരീ ത്രിലഹരീ
നിത്യാങ്കുരീശർവ്വരീ
കാമാകാംക്ഷകരീ ജനോദയകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
ദേവീ സർവ്വവിചിത്രരത്നരചിതാ
ദാക്ഷായണീ സുന്ദരീ
വാമസ്വാദുപയോധരപ്രിയകരീ
സൌഭാഗ്യമാഹേശ്വരീ
ഭക്താഭീഷ്ടകരീ സദാശുഭകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
ചന്ദ്രാർക്കാനലകോടികോടിസദ്രുശാ
ചന്ദ്രാംശുബിംബാധരീ
ചന്ദ്രാർക്കാഗ്നിസമാനകുന്തളധരീ
ചന്ദ്രാർക്കവർണ്ണേശ്വരീ
മാലാപുസ്തകപാശസാങ്കുശധരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
ക്ഷത്രത്രാണകരീ മഹാഭയകരീ
മാതാ കൃപാസാഗരീ
സാക്ഷാന്മോക്ഷകരീ സദാ ശിവകരീ
വിശ്വേശ്വരീ ശ്രീധരീ
ദക്ഷാക്രന്ദകരീ നിരാമയകരീ
കാശീപുരാധീശ്വരീ
ഭിക്ഷാം ദേഹി കൃപാവലംബനകരീ
മാതാന്നപൂർണ്ണേശ്വരീ
അന്നപൂർണ്ണെ സദാ പൂർണ്ണെ
ശങ്കരപ്രാണവല്ലഭേ
ജ്ഞാനവൈരാഗ്യസിദ്ധ്യർദ്ധ്യം
ഭിക്ഷാം ദേഹി ച പാർവ്വതി
മാതാച പാർവ്വതീദേവീ
പിതാ ദേവോ മഹേശ്വര!
ബാന്ധവാ! ശിവഭക്താശ്ച
സ്വദേശോ ഭുവനത്രയം