പ്രചോദനകഥ

ഒരിക്കൽ  തിരുവള്ളുവർ  തൻ്റെ ശിഷ്യന്മാരോട്  ചോദിച്ചു .
ഒരു  താമരയുടെ  ഉയരം  എത്ര  ???

ശിഷ്യന്മാർ  പരസ്പരം  മുഖത്തോടു  മുഖം  നോക്കി  തല  കുനിച്ചിരുന്നു .

വീണ്ടും  ചോദ്യം  ആവർത്തിച്ചപ്പോൾ  ഒരു വിരുതൻ പറഞ്ഞു .
"രണ്ടരയടി"

അപ്പോൾ  തിരുവള്ളുവർ  വീണ്ടും  ചോദിച്ചു. എന്തേ , മൂന്നരടിയാകാൻ  പാടില്ലേ  എന്ന്  .

പെട്ടെന്ന്  ഒരു  മിടുക്കൻ ചാടിയെഴുന്നേറ്റു  പറഞ്ഞു.

"തണ്ണിയോളം  ഉയരം താമരയ്ക്ക്ക്‌ ". എന്ന്

അതായത്  , വെള്ളത്തോളം  ഉയരം ഉണ്ട്  താമരയ്ക്ക് എന്ന്  സാരം ,

ഒരു  പക്ഷേ , വെള്ളം  രണ്ടര അടിയായിരിക്കാം  , നാലടിയായിരിക്കാം  , ആറടിയായിരിക്കാം  , എട്ടടിയായിരിക്കാം  അങ്ങനെ പല  അടികൾ.
 വെള്ളത്തിന്റെ  ആഴത്തിനെ  ആശ്രയിച്ചിരിക്കും താമരയുടെ ഉയരം എന്നർത്ഥം .

 മിടുക്കനായ  ശിഷ്യന്റെ  ഉത്തരം  കേട്ട്  സംതൃപ്തനായെങ്കിലും  തിരുവള്ളുവർ  വീണ്ടും  ചോദിച്ചു  ഒരു  മനുഷ്യന്റെ ഉയരം  എത്രയാണ്  എന്ന്  ?

ശിഷ്യൻമാരുടെ  ഭാഗത്ത്‌ നിന്ന്  മറുപടി  ഉണ്ടാകാതിരുന്നപ്പോൾ  അദ്ദേഹം  പറഞ്ഞു.

 " ഓരോ  മനുഷ്യന്റേയും ഉയരം  അവന്റെ  പ്രതീക്ഷകൾക്കും
 ആഗ്രഹങ്ങൾക്കും  അനുസരിച്ചായിരിക്കും . ആഗ്രഹങ്ങളും , പ്രതീക്ഷകളും  കുറഞ്ഞാൽ  അവന്റെ  ഉയരവും കുറയും  " എന്ന്.

നിങ്ങളുടെ  പ്രതീക്ഷകൾക്കും, ആഗ്രഹങ്ങൾക്കും ഉയരം  കുറയരുത്‌ .
അതുകൊണ്ട്‌ ജീവിതത്തിൽ  ആവോളം  പ്രതീക്ഷിക്കുക , ആഗ്രഹിക്കുക, സ്വപ്നം  കാണുക. അവയാണ്  നിങ്ങളുടെ  ഉയരം തീരുമാനിക്കുന്നത്...