ശതരുദ്രീയം

ശതരുദ്രീയം
സ്കന്ദപുരാണം കുമാരികാഖണ്ഡത്തിൽ ഭർതൃയജ്ഞമുനി ഇന്ദ്രദ്യുമ്നാദികളോട് പറയുന്ന ശിവോപാസനാവിധിയാണ് ഇത്. മഹാമുനിമാര് , സ്വർഗ്ഗദേവതാദികള് ആദിയായ 100 ഉപാസകരാല് പൂജിക്കപ്പെട്ട നൂറ് ലിംഗങ്ങളുടെ പേരുകളും അവയുടെ ഉപാസകരും അവരുപയോഗിച്ച നാമങ്ങളും ചേർന്നതാണ് ഈ ശതരുദ്രീയം .
''യസ്യ രുദ്രസ്യ മാഹാത്മ്യം
ശതരുദ്രീയമുത്തമം | ''
- രുദ്രന്റെ നൂറു മാഹാത്മ്യങ്ങൾ ഉൾക്കൊള്ളുന്ന ഉത്തമസ്തോത്രമത്രെ ശതരുദ്രീയം ...
ശിവജ്ഞാനതേജസുകൊണ്ട് ശോഭിക്കുന്ന ഭർതൃയജ്ഞമുനി പറഞ്ഞു ഃ
''ഈ സംപൂർണ്ണജഗത്ത് മുഴുവനും ശിവശക്തിരൂപമാണ്. പുല്ലിംഗസൂചകങ്ങളായ പദാർത്ഥങ്ങളെല്ലാം ശിവസ്വരൂപമാണ്. സ്ത്രീലിംഗസൂചകങ്ങളായ പദാർത്ഥങ്ങളെല്ലാം ശക്തിസ്വരൂപമാണ്. ഭഗവാൻ രുദ്രന്റെ ഉത്തമ മാഹാത്മ്യം ശതരുദ്രീയം എന്ന പേരിലറിയപ്പെടുന്നു.. അതിന്റെ ശ്രവണം മനുഷ്യനിൽ അന്തർലീനമായ സർവ്വപാപങ്ങളേയും കഴുകിക്കളയുന്നു.
-( ശതരുദ്രീയം )-
1. ബ്രഹ്മാവ് - ഹാടകലിംഗം - ജഗത് പ്രധാനായ നമഃ.
[സ്വർണ്ണംകൊണ്ടുണ്ടാക്കിയത് . ജഗത്പ്രധാനൻ എന്ന നാമത്താല് ബ്രഹ്മാവ് ആ ലിംഗത്തെ ഉപാസിച്ചു. ]
2. ശ്രീകൃഷ്ണൻ - കൃഷ്ണശിലാലിംഗം- ഊർജ്ജിതായ നമഃ .
[ ശ്രീകൃഷ്ണൻ സ്ഥലഭാഗത്തിൽ കൃഷ്ണശിലകൊണ്ട് ലിംഗം ഉണ്ടാക്കി സ്ഥാപിച്ച് അതിനെ ആരാധിച്ചു. ]
3. സനകാദികൾ - (സ്വ)ഹൃദയലിംഗം - ജഗത്ഗത്യൈ നമഃ.
[ സനസകാദിമഹർഷിമാർ സ്വന്തം ഹൃദയത്തെ തന്നെ ലിംഗമായി ഉപാസിച്ചു. ]
4. സപ്തർഷികൾ - ദർഭാങ്കുരമയലിംഗം - വിശ്വയോന്യൈ നമഃ.
[ദർഭാങ്കുരത്താല് നിർമ്മിച്ച ലിംഗം ]
5. നാരദൻ - ആകാശലിംഗം - ജഗത്ബീജായ നമഃ.
[ നാരദൻ ആകാശത്തെ (sky ) ശിവലിംഗമായി ധ്യാനിച്ച് ഉപാസിച്ചു. ]
6. ഇന്ദ്രൻ - വജ്രമയലിംഗം - വിശ്വാത്മനേ നമഃ.
7. സൂര്യൻ - താമ്രമയലിംഗം - വിശ്വസൃജേ നമഃ.
[ ചെമ്പുകൊണ്ട് നിർമ്മിച്ചത് ]
8. ചന്ദ്രൻ - മുക്താമയലിംഗം - ജഗത്പത്യൈ നമഃ.
[ മുത്തുകൊണ്ട് നിർമ്മിച്ചത് ]
9. അഗ്നി - ഇന്ദ്രനീലലിംഗം - വിശ്വേശ്വരായ നമഃ.
10. ബൃഹസ്പതി - പുഷ്യരാഗലിംഗം - വിശ്വയോന്യൈ നമഃ.
11. ശുക്രാചാര്യൻ - പദ്മരാഗലിംഗം - വിശ്വകർമ്മണേ നമഃ.
12. കുബേരൻ - സുവർണ്ണലിംഗം - ഈശ്വരായ നമഃ.
[സ്വർണ്ണത്താല് നിർമ്മിച്ചത് ]
13. വിശ്വദേവന്മാർ - രജതലിംഗം - ജഗത്ഗത്യൈ നമഃ.
[ വെള്ളികൊണ്ട് ഉണ്ടാക്കിയത് ] .
14. യമരാജൻ - പിത്തലലിംഗം - ശംഭവേ നമഃ.
[പിച്ചളലിംഗം ]
15. വസുക്കൾ - കാംസ്യലിംഗം - സ്വയംഭുവേ നമഃ.
[ ഓടിന്റെ ലിംഗം ]
16. മരുത്തുക്കൾ - ത്രിവിധലോഹമയലിംഗം - ഭൂതേശായ നമഃ.
[ മൂന്ന് ലോഹങ്ങളാല് നിർമ്മിച്ചത് ]
17. രാക്ഷസന്മാർ - ലോഹമയലിംഗം - ഭൂതഭവ്യഭവോദ്ഭവായ നമഃ.
18. ഗുഹ്യകഗണം - സ്പടികലിംഗം - യോഗായ നമഃ.
19. ജൈഗീഷവ്യമുനി - ബ്രഹ്മരന്ധ്രലിംഗം - യോഗേശ്വരായ നമഃ.
[ ജൈഗീഷവ്യൻ തന്റെ ബ്രഹ്മരന്ധ്രത്തെ ലിംഗമായി ഉപാസിച്ചു ]
20. നിമി - നേത്രയുഗളലിംഗം - ശർവായ നമഃ.
[ നിമി തന്റെ രണ്ട് കണ്ണുകളെ ലിംഗമായി ഉപാസിച്ചു. ]
21. ധന്വന്തരി - ഗോമയലിംഗം - സർവലോകേശ്വരേശ്വരായ നമഃ.
[ ചാണകത്താല് നിർമ്മിച്ചത് ]
22. ഗന്ധർവഗണം - കാഷ്ഠമയലിംഗം - സർവശ്രേഷ്ഠായ നമഃ.
[ മരത്താൽ നിർമ്മിക്കപ്പെട്ടത് ]
23. ശ്രീരാമചന്ദ്രൻ - വൈഢൂര്യലിംഗം - ജ്യേഷ്ഠായ നമഃ.
24. ബാണൻ - മരതകലിംഗം - വാസിഷ്ഠായ നമഃ.
25. വരുണൻ - സ്പടികമണിമയലിംഗം - പരമേശ്വരായ നമഃ.
26. നാഗഗണം - മുദ്ഗലിംഗം -ലോകത്രയംകരായ നമഃ.
[ ചെറുപയറിനാല് നിർമ്മിക്കപ്പെട്ട ലിംഗം ]
27. സരസ്വതി - ശുദ്ധമുക്താമയലിംഗം - ലോകത്രയാശ്രിതായ നമഃ.
28. ശനി - ആവർത്തമയലിംഗം - ജഗന്നാഥായ നമഃ.
[ ശനിദേവൻ ശനിയാഴ്ച അമാവാസിരാത്രിയില് മഹാസാഗരങ്ങൾ സംഗമിക്കുന്ന സ്ഥാനത്ത് ഉണ്ടാകുന്ന നീർച്ചുഴിയെ ശിവലിംഗമായി ഉപാസിക്കുന്നു ]
29. രാവണൻ - മല്ലികാപുഷ്പലിംഗം - സുദുർജയായ നമഃ.
[ മുല്ലപ്പൂക്കൾകൊണ്ട് നിർമ്മിച്ച ലിംഗത്തെ ആരാധിക്കുന്നു.]
30. സിദ്ധഗണം - മാനസലിംഗം - കാമമൃത്യുജരാതിഗായ നമഃ.
[ സിദ്ധന്മാര് മനസാകുന്ന ലിംഗത്തെ അല്ലെങ്കിൽ മനസുകൊണ്ട് നിർമ്മിക്കുന്ന ലിംഗത്തെ ആരാധിക്കുന്നു ]
31. മഹാബലി - യജ്ഞമയലിംഗം - ജ്ഞാനാത്മനേ നമഃ.
[ യജ്ഞപ്രിയനായ ബലിരാജാവ് പുണ്യയജ്ഞങ്ങളാകുന്ന ലിംഗത്താല് ശിവാരാധന ചെയ്യുന്നു. ]
32. മരീച്യാദിമഹർഷിമാർ - പുഷ്പമയലിംഗം - ജ്ഞാനഗമ്യായ നമഃ .
33. സൽദേവതകൾ - കർമ്മമയലിംഗം - ജ്ഞാനജ്ഞേയായ നമഃ
[ സൽകർമ്മം ചെയ്യുന്ന ദേവതകള് അവരുടെ പുണ്യകർമ്മങ്ങളാകുന്ന ലിംഗത്താല് ശിവഭജനം ചെയ്യുന്നു. ]
34. ഫേനപാനമുനി - ഫേനലിംഗം - സുദുർവിദേ നമഃ.
[ പത പാനം ചെയ്യുന്ന ഫേനപാനമുനി പതയാല് ഉണ്ടാകുന്ന ലിംഗത്തെ ആരാധിക്കുന്നു. ]
35. കപിലൻ - ബാലുകാമയലിംഗം - വരദായ നമഃ.
[ കപിലമഹർഷി മണൽകൊണ്ട് നിർമ്മിച്ച ലിംഗത്തെ ഉപാസിക്കുന്നു. ]
36. സാരസ്വതമുനി - വാണീലിംഗം - വാഗീശ്വരായ നമഃ.
[ സരസ്വതീപുത്രനായ സാരസ്വതമുനി വാണിയിൽ/വാക്കിൽ ലിംഗാരാധനയെ ചെയ്യുന്നു. ]
37. ശിവഗണം - ശിവമൂർത്തിലിംഗം - രുദ്രായ നമഃ.
[ ഭഗവാൻ ശിവന്റെ മൂർത്തിമയമായ ലിംഗത്തെ ഉപാസിക്കുന്നു ]
38. ദേവഗണം - ജാംബൂനദസുവർണലിംഗം - ശിതികണ്ഠായ നമഃ .
[ ദേവന്മാര് ഏഴ് സ്വർഗ്ഗനദികളിലൊന്നായ ജംബൂനദിയിലെ സ്വർണ്ണലിംഗത്തെ ആരാധിക്കുന്നു ]
39. ബുധൻ - ശംഖലിംഗം - കനിഷ്ഠായ നമഃ.
[ ശംഖുകൊണ്ട് ഉണ്ടാക്കിയത് ]
40. അശ്വനികൾ - മൃത്തികാ(പാർഥിവ)ലിംഗം - സുവേധായ നമഃ.
[ അശ്വനീദേവന്മാര് കളിമണ്ണുകൊണ്ട് നിർമ്മിച്ച ലിംഗത്തെ സേവിക്കുന്നു ]
41. ഗണേശൻ - ഗോധൂമസുപിഷ്ടലിംഗം - കപർദ്ദിനേ നമഃ.
[ ഗോതമ്പ് പൊടികൊണ്ട് നിർമ്മിച്ചത് ]
42. മംഗളൻ - നവനീതലിംഗം - കരാളായ നമഃ.
[ വെണ്ണയാല് നിർമ്മിച്ചത് ]
43. ഗരുഡൻ - ഓദനലിംഗം - ഹര്യക്ഷായ നമഃ.
[ ചോറ്/അന്നത്താൽ നിർമ്മിച്ചത് ]
44. കാമദേവൻ - ഗുഡലിംഗം - രതിദായ നമഃ.
[ ശർക്കരയാല് നിർമ്മിക്കപ്പെട്ടത് ]
45. ശചീദേവി - ലവണലിംഗം - ബഭ്രുകേശായ നമഃ.
[ ഉപ്പുകൊണ്ട് ഉണ്ടാക്കിയത് ]
46. വിശ്വകർമ്മാ - പ്രാസാദലിംഗം - യാമ്യേ നമഃ.
[ ശില്പചാതുരിയാല് നിപർമ്മിക്കപ്പെട്ട പ്രാസാദമന്ദിരത്തെ ലിംഗമായിഉപാസിക്കുന്നു ]
47. വിഭീഷണൻ - ധൂളിമയലിംഗം - സുഹൃത്തമായ നമഃ.
[ മൺപൊടികൊണ്ട് നിർമ്മിച്ചത് ]
48. സഗരൻ - വംശാങ്കുരമയലിംഗം - സംഗതായ നമഃ.
[ സഗരരാജാവ് മുളങ്കൂമ്പിനെ ലിംഗമായി ഉപാസിക്കുന്നു ]
49. രാഹു - ഹിംഗുലിംഗം- ഗമ്യായ നമഃ.
[ കായംകൊണ്ട് നിർമ്മിച്ചത് ]
50. ലക്ഷ്മീദേവി - ലേപ്യമയലിംഗം - ഹരിനേത്രായ നമഃ.
[ കുമ്മായച്ചാന്തുകൊണ്ട് ഉണ്ടാക്കിയത് ]
51. യോഗികൾ - സർവ്വഭൂതസ്ഥലിംഗം - സ്ഥാണവേ നമഃ.
[ ആത്മാവിന്റെ സർവ്വഭൂതസ്ഥഭാവത്തെ യോഗികള് ലിംഗമായി ആരാധിക്കുന്നു ]
52. മനുഷ്യര് - നാനാവിധലിംഗങ്ങൾ - പുരുഷായ നമഃ.
[ മനുഷ്യര് പലതരം ലിംഗങ്ങൾകൊണ്ട് ശിവനെ ആരാധിക്കുന്നു ]
53. നക്ഷത്രം - തേജോമയലിംഗം - ഭാസ്വരായ നമഃ.
[ തേജസാകുന്ന ലിംഗത്തെ ആരാധിക്കുന്നു ]
54. കിന്നരഗണം- ധാതുലിംഗം - സുദീപ്തായ നമഃ.
[ധാതുക്കളാല് ( minerals ) ഉണ്ടാക്കുന്ന ലിംഗം]
55. ബ്രഹ്മരാക്ഷസന്മാർ - അസ്ഥിമയലിംഗം - ദേവദേവായ നമഃ.
56. ചാരണന്മാർ - ദന്തമയലിംഗം - രംഹസായ നമഃ.
57. സാദ്ധ്യന്മാർ - സപ്തലോകമയലിംഗം - ബഹുരൂപായ നമഃ.
[ സപ്തലോകങ്ങളെ ലിംഗരൂപത്തിൽ ആരാധിക്കുന്നു. ]
58. ഋതുക്കൾ - ദുർവാങ്കുരമയലിംഗം - സർവായ നമഃ.
[ കറുകക്കൂമ്പുകൊണ്ട് നിർമ്മിച്ച ലിംഗം ]
59. അപ്സരസുകൾ - കുങ്കുമലിംഗം - ആഭൂഷണായ നമഃ.
60. ഊർവശി - സിന്ദൂരലിംഗം - പ്രിയവാസനായ നമഃ.
61. ഗുരു - ബ്രഹ്മചാരിലിംഗം - ഉഷ്ണീവ്യൈ നമഃ.
[ ഗുരു ബ്രഹ്മചാരിയായ ശിഷ്യനെ ശിവലിംഗഭാവത്തിൽ ആരാധിക്കുന്നു ]
62. യോഗിനിമാര് - അലക്തകലിംഗം - സുവഭ്രുകേ നമഃ.
[ മൈലാഞ്ചികൊണ്ട് നിർമ്മിച്ചത് ]
63. സിദ്ധയോഗിനിമാര് - ശ്രീഖണ്ഡലിംഗം - സഹസ്രാക്ഷായ നമഃ.
[ ശ്രീഖണ്ഡം - ചന്ദനം ]
64. ഡാകിനിമാര് - മാംസമയലിംഗം - സുമീഢൂഷ്യൈ നമഃ.
65. മനുഗണം- അന്നമയലിംഗം - ഗിരീശായ നമഃ .
66. അഗസ്ത്യൻ - വ്രീഹിമയലിംഗം - സുശാന്തായ നമഃ.
[ നെല്ലുകൊണ്ടുണ്ടാക്കിയ ലിംഗം ]
67. ദേവലമുനി - യവമയലിംഗം - പത്യൈ നമഃ.
[ യവധാന്യംകൊണ്ട് നിർമ്മിച്ചത് ]
68. വാൽമീകി - വാൽമീകലിംഗം - ചീരവാസായ നമഃ.
[ ചിതൽപുറ്റുകൊണ്ടുണ്ടാക്കിയ ലിംഗം ]
69. പ്രദർദ്ദനൻ - വാണലിംഗം- ഹിരണ്യഭുജായ നമഃ.
[ ബാണലിംഗം (വാണഃ - ബാണൻ ). ബാണശിലയുടെ ലിംഗം ]
70. ദൈത്യന്മാര് - തന്തുഭലിംഗം - ഉഗ്രായ നമഃ.
[ കടുകുകൊണ്ട് നിർമ്മിച്ച ലിംഗം ]
71. ദാനവന്മാര് - നിഷ്പാവജലിംഗം - ദിക്പത്യൈ നമഃ .
72. മേഘങ്ങൾ - നീരമയലിംഗം - പർജ്ജന്യായ നമഃ
[ മേഘങ്ങൾ ജലലിംഗത്തെ അർച്ചിക്കുന്നു ]
73. യക്ഷരാജൻ - മാഷമയലിംഗം - ഭൂപത്യൈ നമഃ.
[ ഉഴുന്നുകൊണ്ടുണ്ടാക്കുന്ന ലിംഗം ]
74. പിതൃക്കൾ - തിലമയലിംഗം - വൃഷപത്യൈ നമഃ.
[ പിതൃക്കള് എള്ളുകൊണ്ടുണ്ടാക്കിയ ലിംഗത്തെ ആരാധിക്കുന്നു ]
75. ഗൗതമമുനി - ഗോധൂളിമയലിംഗം - ഗോപത്യൈ നമഃ.
[ പശുക്കളുടെ കുളമ്പുതട്ടിയുണ്ടാകുന്ന പൊടികൊണ്ട് നിർമ്മിച്ചത് ]
76. വാനപ്രസ്ഥന്മാർ - ഫലമയലിംഗം - വൃക്ഷാവൃതായ നമഃ.
[ വനത്തിലെ കായ്ക്കനികളാലുണ്ടാക്കപ്പെട്ടത് ]
77. കാർത്തികേയൻ - പാഷാണലിംഗം - സേനാന്യൈ നമഃ.
[ പാറകൊണ്ട് നിർമ്മിച്ച ലിംഗം ]
78. അശ്വതരനാഗം - ധാന്യമയലിംഗം - മദ്ധ്യമായ നമഃ.
79. യജ്ഞകർത്താവ് - പുരോഡാശമയലിംഗം - സ്രുവഹസ്തായ നമഃ.
[ യജ്ഞംചെയ്യുന്നവൻ പുരോഡാശംകൊണ്ട് (ഹവിസ്സുകൊണ്ട് ) നിർമ്മിക്കുന്ന ലിംഗത്തെ ആരാധിക്കുന്നു ]
80. യമൻ - കാലായസമയലിംഗം - ധന്വിനേ നമഃ.
[ കാലായസം (കറുത്ത ഇരുമ്പ് ) ]
81. പരശുരാമൻ- യവാങ്കുരലിംഗം- ഭാർഗ്ഗവായ നമഃ.
82. പുരൂരവസ് - ഘൃതമയലിംഗം - ബഹുരൂപായ നമഃ.
[ നെയ്യുകൊണ്ടുണ്ടാക്കുന്ന ലിംഗം ]
83. മാന്ധാതാവ് - ശർക്കരാമയലിംഗം - ബാഹുയുഗായ നമഃ.
84. ഗോക്കൾ - ദുഗ്ധലിംഗം - നേത്രസഹസ്രകായ നമഃ.
[ പാലുകൊണ്ട് നിർമ്മിക്കുന്നത് ]
85. പതിവ്രതാസ്ത്രീകൾ - ഭർതൃമയലിംഗം - വിശ്വപത്യൈ നമഃ.
[ പതിവ്രതകൾ ഭർത്താവാകുന്ന ലിംഗത്തെ ശിവനായി ആരാധിക്കുന്നു ]
86. നരനാരായണന്മാർ - മൗഞ്ജീമയലിംഗം - സഹസ്രശീർഷായ നമഃ.
[ ബ്രഹ്മചാരികൾ അരയിൽ കെട്ടുന്ന മുഞ്ഞപ്പുല്ലുകൊണ്ട് ഉണ്ടാക്കപ്പെട്ടത് ]
87. പൃഥു - താർക്ഷ്യലിംഗം - സഹസ്രചരണായ നമഃ.
[ താർക്ഷ്യൻ - ഗരുഡൻ ]
88. പക്ഷി - വ്യോമലിംഗം - സർവാത്മകായ നമഃ.
[ പക്ഷികൾ ആകാശത്തെ ശിവലിംഗമായി പൂജിക്കുന്നു ]
89. പൃഥ്വി - ഗന്ധമയലിംഗം - ദ്വിതന്വേ നമഃ.
[ പൃഥ്വീദേവി തന്റെ ഗുണമായ ഗന്ധത്തിൽ ലിംഗാരാധനചെയ്യുന്നു ]
90. പാശുപതന്മാര് - ഭസ്മലിംഗം - മഹേശ്വരായ നമഃ.
91. ഋഷികൾ - ജ്ഞാനമയലിംഗം- ചിരസ്ഥാനായ നമഃ.
[ ഋഷികള് ജ്ഞാനരൂപമായ ലിംഗത്തെ ഉപാസിക്കുന്നു ]
92. ബ്രാഹ്മണന്മാര് - ബ്രഹ്മലിംഗം - ജ്യേഷ്ഠായ നമഃ.
[ ബ്രഹ്മജ്ഞാനികളായ ബ്രാഹ്മണര് പരബ്രഹ്മത്തെ ലിംഗമായി ഉപാസിക്കുന്നു ]
93. ശേഷനാഗം - ഗോരോചനലിംഗം - പശുപത്യൈ നമഃ.
[ പശുവിന്റെ പിത്തഗ്രന്ഥിയിൽനിന്നെടുക്കുന്ന സുഗന്ധദ്രവ്യമായ ഗോരോചനത്താൽ നിർമ്മിച്ച ലിംഗം ]
94. വാസുകി - വിഷലിംഗം- ശങ്കരായ നമഃ.
95. തക്ഷകൻ - കാളകൂടലിംഗം - ബഹുരൂപായ നമഃ.
96. കാർക്കോടകൻ - ഹാലാഹലലിംഗം - പിംഗാക്ഷായ നമഃ.
97.ശൃംഗി - വിഷമയലിംഗം - ധൂർജ്ജട്യൈ നമഃ.
98. പുത്രൻ - പിതൃമയലിംഗം - വിശ്വരൂപായ നമഃ.
[ പുത്രൻ പിതാവിനെ ശിവലിംഗസ്വരൂപമായി ആരാധിക്കുന്നു ]
99. ശിവാദേവി - പാരദലിംഗം - ത്ര്യംബകായ നമഃ.
[ രസംകൊണ്ട് (mercury ) ഉണ്ടാക്കുന്ന ലിംഗം ]
100. മത്സ്യാദി ജീവിഗണം - ശസ്ത്രമയലിംഗം - വൃഷാകപിനേ നമഃ.
[ ശസ്ത്രം - ഉപകരണം. മൽസ്യാദിജീവികൾ അവരുടെ ദന്തം മുതലായ ഉപകരണങ്ങളെ ശിവലിംഗസ്വരൂപമായി ആരാധിക്കുന്നു ]
ഫലശ്രുതി ഃ
പുണ്യകരമായ ഈ ശതരുദ്രീയം ചൊല്ലുന്നവരില് ശിവകൃപ പ്രവഹിക്കും. അവരുടെ ആശകള് സഫലമാവും. മനോവാക്കർമ്മങ്ങൾകൊണ്ട് ചെയ്ത സകല പാപങ്ങളും നശിക്കും. അവർക്ക് രോഗശമനം , ബന്ധമോചനം , ഭയമുക്തി ഇവയെല്ലാം ഉണ്ടാകും. ഈ നാമങ്ങള് ഉച്ചരിച്ചുകൊണ്ട് ശിവന് പുഷ്പാർച്ചന ചെയ്യുന്നവരുടെ സർവപാപങ്ങളും നശിക്കുമെന്നതിൽ സംശയമില്ല.