+
കാമദേവന്റെ അഞ്ച് പുഷ്പബാണങ്ങളില്‍ ഒന്നാണ് അശോകപുഷ്പം. അശോകമെന്നാല്‍ ശോകത്തെയകറ്റുന്നത്. അശോകവൃക്ഷമുള്ളിടത്ത് സ്ത്രീകള്‍ക്ക് ദുഃഖമുണ്ടാകില്ലെന്നാണ് വിശ്വാസം. സുഗന്ധഹാരിയായ ചുവന്ന പുഷ്പങ്ങളുള്ള അശോകം ഹിന്ദുക്കളുടെ പുണ്യവൃക്ഷമാണ്. ക്ഷേത്രങ്ങളുടേയും ബുദ്ധവിഹാരങ്ങളുടേയും മുമ്പില്‍ അശോകം നട്ടു വളര്‍ത്തുന്നു.
ഗൗതമബുദ്ധന്‍ ജനിച്ചതും ജൈനമതസ്ഥാപകന്‍ വര്‍ധമാന മഹാവീരന്‍ നിര്‍വാണം പ്രാപിച്ചതും രാമായണത്തില്‍ ഹനുമാന്‍ സീതാദേവിയെ കണ്ടുമുട്ടിയതും അശോകമരച്ചുവട്ടിലാണെന്നാണ് സങ്കല്‍പം. പദ്മ
പുരാണത്തിലും മത്സ്യപുരാണത്തിലും ബ്രഹ്മാവൈവര്‍ത്ത പുരാണത്തിലും സന്തോഷദായകമാണ് അശോകമെന്ന് പരാമര്‍ശമുണ്ട്. ശക്തി ആരാധകര്‍ ദുര്‍ഗാപൂജ നടത്തുമ്പോള്‍ ഉപയോഗിക്കുന്ന ഒമ്പത് തരം ഇലകളില്‍ ഒന്ന് അശോകമാണ്.
സ്ത്രീകള്‍ക്കുണ്ടാകുന്ന ഗര്‍ഭാശയം സംബന്ധമായ അസുഖങ്ങള്‍ക്കുള്ള ആയുര്‍വേദ ഔഷധങ്ങളില്‍ പ്രധാന ചേരുവയാണ് അശോകം. ഇതിന്റെ തോലിന് ഗര്‍ഭ
പാത്രത്തിന്റെ ഉള്ളിലെ ചര്‍മത്തെ ഉത്തേജിപ്പിക്കാനുള്ള ശേഷിയുണ്ട്.
No comments:
Post a Comment