ഗോകുലാഷ്ടമി

*ഇന്ന് ഗോകുലാഷ്ടമി .
(വ്യത്യാസം വന്നതെങ്ങനെ ?)

കേരളത്തിന്‌ പുറത്തുള്ള സംസ്ഥാനങ്ങളിൽ ഇന്നലെയും ഇന്നുമായാണ് ഗോകുലാഷ്ടമി ആഘോഷിക്കുന്നത് .
ചിലർ "അഷ്ടമി" തിഥി നോക്കിയും ചിലർ "രോഹിണി" നക്ഷത്രം നോക്കിയുമാണ് ഇത് കണക്കാക്കുന്നത് .
എന്നാൽ നമ്മൾ കേരളീയർ "അഷ്ടമി രോഹിണി" ആഘോഷിക്കുന്നത് സെപ്റ്റംബർ 15 തിങ്കളാഴ്ചയാണ്.
സാധാരണയായി മലയാളികൾ പിറന്നാൾ, മാസത്തിൽ രണ്ടു വന്നാൽ രണ്ടാമത്തെതാണല്ലോ ആഘോഷിക്കാറു ള്ളത് -ഇത് തന്നെയാണ് ഇതിനു പിന്നിലെ പ്രധാന കാരണം .കൂടാതെ അഷ്ടമിയും രോഹിണിയും കൂടി വരുന്ന ദിവസമാണ് "അഷ്ടമി രോഹിണി" -കണ്ണന്ടെ ജന്മ ദിനമായി ആഘോഷിക്കുന്നത് .
ഗുരുവായൂരും ഉഡുപിയും "അഷ്ടമി രോഹിണി" ആഘോഷം സെപ്റ്റംബർ 15 നു തന്നെ .

*ഇനി ഗുരുവായൂരിലെ വിഗ്രഹത്തിനെ കുറിച്ച് 2 വാക്ക് ...

അതി വിശിഷ്ഠമായ "പതഞ്ജല ശില " യിൽ നിർമ്മിതമായ ഈ വിഗ്രഹം മഹാ വിഷ്ണു വൈകുണ്Oത്തിൽ ആരാധിച്ചിരുന്നതാണ് ....വിഷ്ണു അത് ബ്രഹ്മാവിന് കൈമാറി .
കാലങ്ങളായി ബ്രഹ്മാവിനെ ആരാധിച്ചിരുന്ന സുതപ മഹാരാജാവിനും പത്നിക്കും ബ്രഹ്മാവ്‌ അത് കൈമാറി.കാലങ്ങളായി പുത്ര ദുഃഖം അനുഭവിച്ചിരുന്ന സുതപ മഹാരാജാവിനു ഈ വിഗ്രഹത്തെ ആരാധിക്കാൻ ഉപദേശവും നൽകി .
അപ്രകാരം ചെയ്ത അവരിൽ സംപ്രീതനായ മഹാ വിഷ്ണു പ്രത്യക്ഷനായി അനുഗ്രഹം നല്കി --3 ജന്മത്തിലായി 3 വ്യത്യസ്ഥ രൂപത്തിൽ അവർക്ക് പുത്രനായി ജനിക്കാം എന്ന് വാക്ക് നല്കി .....അങ്ങനെ അവർക്ക് ആ ദിവ്യ വിഗ്രഹം ഈ 3 ജന്മത്തിലും ആരാധിക്കാൻ ഭാഗ്യം സിദ്ധിച്ചു .
*ആദ്യ അവതാരം "പ്രശ്നിഗർഭ"നായി ആയിരുന്നു . "പ്രശ്നിഗർഭൻ" ലോകത്തിനു ബ്രഹ്മചാര്യ വൃതം ഉപദേശിച്ചു.
*അദിതി -കശ്യപന്ടെ പുത്രനായ വാമനനായി അടുത്ത അവതാരമെടുത്തു രണ്ടാമത് .
*മൂന്നാമത് ദേവകി -വസുദേവരുടെ 8 ആമത്തെ പുത്രനായ ശ്രീ കൃഷ്നായി ആയിരുന്നു .

ആ വിഗ്രഹം കൃഷ്ണൻ അവതാര സമയത്ത് ദ്വാരകയിൽ പ്രതിഷ്ഠിച്ചു ആരാധിച്ചു പോന്നു എന്ന് വിശ്വാസം .
തന്ടെ അവതാര ദൗത്യം പൂർത്തിയാക്കി "പരംധാമ"ത്തിലേക്ക് യാത്രയാവുന്ന സമയം ഈ വിഗ്രഹം കൃഷ്ണൻ
തന്ടെ പ്രിയപ്പെട്ട ശിഷ്യനായ ഉദ്ധവരെ ഏൽപ്പിച്ചു .ഉദ്ധവരുടെ "ഗുരു"വായ ബ്രഹസ്പതിയും "വായു"വും കൂടി അത് പ്രതിഷ്ഠിച്ചതുകൊണ്ട്‌ "ഗുരുവായൂരപ്പൻ" ആയി .... സ്ഥലപ്പേര് "ഗുരുവായൂർ" എന്നും ..