ഓം നമഃ ശിവായ

ഓം നമഃ ശിവായ
"ക൪മ്മണ്യേവാധികാരസ്തേ മാ ഫലേഷു കദാചനഃ മാ ക൪മ്മഫലഹേതു൪ഭൂ൪മാതേ സംഗോസ്ത്വക൪മ്മണി" നിനക്ക് ക൪മ്മം ചെയ്യുവാന് മാത്രമേ അധികാരമുള്ളൂ. ക൪മ്മത്തിന്റെ ഫലത്തില് ഒരിക്കലും ആശിക്കരുത്. ക൪മ്മഫലത്തില് സംശയാലുവായ നിനക്ക് ക൪മ്മം ചെയ്യാതിരിക്കാനുള്ള മനസ്സും ഉണ്ടാവരുത്.

Tuesday, October 27, 2020

സന്താന രക്ഷയ്‌ക്കായി ഷഷ്‌ഠിസ്‌തുതി



വെളുത്തപക്ഷ ഷഷ്‌ഠിയാണ്‌ വ്രതം അനുഷ്‌ഠിക്കുന്നതിന്‌ ഉത്തമം.


തുലാമാസത്തിലെ വെളുത്തപക്ഷ ഷഷ്‌ഠി സ്‌ക്കന്ദഷഷ്‌ഠിയെന്ന്‌ അറിയപ്പെടുന്നു

അന്നു മുതല്‍ തുടങ്ങി എല്ലാ മാസത്തിലെയും ഷഷ്‌ഠിനാളില്‍ വ്രതം അനുഷ്‌ഠിക്കുന്നത്‌ വളരെ ഉത്തമം.

കുഞ്ഞുങ്ങള്‍ ഉള്ളവര്‍ക്കും ഗര്‍ഭിണികള്‍ക്കും ഒരു കുഞ്ഞിക്കാലു കാണാന്‍ ആഗ്രഹിക്കുന്നവര്‍ക്കും ഒരേപോലെ ജപിക്കാവുന്ന ഒരു സ്‌തുതിയാണിത്‌.

ഷഷ്‌ഠിവ്രതം അനുഷ്‌ഠിക്കുന്നത്‌ സുബ്രഹ്‌മണ്യപ്രീതിക്കുവേണ്ടിയാണെന്ന്‌ ഏവര്‍ക്കും അറിയാവുന്നതാണ്‌

കുഞ്ഞുങ്ങള്‍ക്ക്‌ നന്മ വരുന്നതിലേക്കായി മാതാപിതാക്കള്‍ അനുഷ്‌ഠിക്കുന്ന വ്രതമാണ്‌ ഷഷ്‌ഠിവ്രതം

ആദ്യമായി ഷഷ്‌ഠിവ്രതം അനുഷ്‌ഠിച്ചത്‌ ശ്രീപാര്‍വ്വതീ ദേവിയാണെന്നും ദേവാസുര യുദ്ധത്തില്‍ സര്‍പ്പരൂപിയായി മറഞ്ഞ മകന്‍ സുബ്രഹ്‌മണ്യനെ തിരികെ സ്വരൂപത്തില്‍ കാണുന്നതിനായി ദേവി 108 ഷഷ്‌ഠിവ്രതം അനുഷ്‌ഠിച്ചെന്നും പറയപ്പെടുന്നു.

വെളുത്തപക്ഷ ഷഷ്‌ഠിയാണ്‌ വ്രതം അനുഷ്‌ഠിക്കുന്നതിന്‌ ഉത്തമം. തുലാമാസത്തിലെ വെളുത്തപക്ഷ ഷഷ്‌ഠി സ്‌ക്കന്ദഷഷ്‌ഠിയെന്ന്‌ അറിയപ്പെടുന്നു. അന്നു മുതല്‍ തുടങ്ങി എല്ലാ മാസത്തിലെയും ഷഷ്‌ഠിനാളില്‍ വ്രതം അനുഷ്‌ഠിക്കുന്നത്‌ വളരെ ഉത്തമം

ഷഷ്‌ഠിദേവി
മൂലപ്രകൃതിയായ ദേവിയുടെ ഷഷ്‌ഠാംശം ആയതിനാല്‍ ഷഷ്‌ഠിദേവിയെന്ന്‌ വിളിക്കുന്നു.

ബ്രഹ്‌മാവിന്റെ മാനസപുത്രിയാണ്‌. ദേവസേന എന്ന്‌ പേര്‌.

സുബ്രഹ്‌മണ്യസ്വാമിയുടെ പത്നിയാണ്‌. സുബ്രഹ്‌മണ്യ ക്ഷേത്രങ്ങളില്‍ ഭഗവാന്റെ ഇടതുവശത്തായി സ്‌ഥാനം.
വലതുവശത്ത്‌ വള്ളീദേവിയും ഇടതുവശത്ത്‌ ദേവസേനയും (ഭഗവാന്‌ രണ്ടു പത്നിമാര്‍ ആണല്ലോ). ദേവി മാത്രമായി ക്ഷേത്രം ഉള്ളതായി അറിയില്ല.

കുട്ടികളുടെ അധിഷ്‌ഠാന ദേവതയാണ്‌. കുട്ടികള്‍ക്ക്‌ ആയുസ്സും ആരോഗ്യവും സല്‍ബുദ്ധിയും നല്‍കുന്ന ദേവിയെ പ്രാര്‍ത്ഥിച്ചാല്‍ ഉറപ്പായും ഫലം ലഭിക്കും



ഷഷ്‌ഠിസ്‌തുതി


ശ്രീ മഹാദേവീ ഭാഗവതത്തില്‍ 46-ാം അദ്ധ്യായം.

ഷാഷ്‌ഠ്യുപഖ്യാനം എന്ന ഭാഗത്ത്‌ സുബ്രഹ്‌മണ്യപത്നിയായ ദേവസേനാ ദേവിയുടെ ചരിത്രവും സ്‌തോത്രവും ഷഷ്‌ഠി ദേവിയുടെ പൂജാവിധികളും അനു്രഗഹശക്‌തിയും വിവരിക്കുന്നുണ്ട്‌.

സ്വയംഭൂമനുവിന്റെ പുത്രനായ പ്രിയവ്രതന്‍ സ്‌തുതിക്കുന്നതാണ്‌ ഈ സ്‌തുതി.


നമോദേവി മഹാദേവി!
സിദ്ധേ ശാന്തേ നമിച്ചിടാം
ശ്രദ്ധയ്‌ക്കായ്‌ ദേവസേനയ്‌ക്കായ്‌
ഷഷ്‌ഠിക്കായ്‌ ഞാന്‍ നമിച്ചിടാം
വരദയ്‌ക്കായ്‌ പുത്രദയയ്‌ക്കായ്‌ധനദയയ്‌ക്കായ്‌ നമിച്ചിടാം.
സുഖമോക്ഷദയാം
ഷഷ്‌ഠീദേവിക്കായ്‌ ഞാന്‍ നമിച്ചിടാം

സൃഷ്‌ടേ ഷഷ്‌ഠാംശ രൂപേ!
നല്‍സിദ്ധേ! നിന്നെ നമിച്ചിടാം
സിദ്ധയോഗിയിനിയാം മായേ!
ഷഷ്‌ഠിദേവീ! നമിച്ചിടാം


സാരയ്‌ക്കായ്‌ ശാരദയ്‌ക്കായും പരയ്‌ക്കായും നമിച്ചിടാം
ബാലാധിഷ്‌ഠാ തൃദേവിക്കായ്‌ ഷഷ്‌ഠിദേവിക്കിതാ നമഃ

കല്യാണിദായി കല്യാണി.
കര്‍മ്മത്തില്‍ ഫലദായിനി!
പ്രത്യക്ഷേ ഭക്‌തരായോര്‍ക്കു
ഷഷ്‌ഠീദേവി നമിച്ചിടാം
കര്‍മ്മങ്ങളില്‍ പൂജ്യമാകും
സ്‌കന്ദകാന്തേ നമിച്ചിടാം
ദേവന്മാരെ രക്ഷ ചെയ്‌ത
ഷഷ്‌ഠീദേവി നമിച്ചിടാം

ശുദ്ധ്വ സത്വസ്വരൂപയ്‌ക്കായ്‌ വന്ദിതയ്‌ക്കായ്‌ സദാനൃണാം ഹിംസാക്രോധങ്ങളില്ലാത്ത
ഷഷ്‌ഠിക്കായ്‌ ഞാന്‍ നമിച്ചിടാം.
ധനം ഭാര്യാ (ഭര്‍ത്തൃ) പുത്രരേയുമെനിക്കേകണമീശ്വരീ!
മാനം ജയം ശത്രുനാശമതും നല്‍കണമംബികേ!
യശസ്സും ധര്‍മ്മവും
ഷഷ്‌ഠീദേവിക്കായ്‌ നമിച്ചിടാം!
വിദ്യയും പ്രജയും ഭൂവും
നല്‍കണം നീ സുപൂജിതേ!
കല്യാണവും നല്‍കീടേണം
ഷഷ്‌ഠീദേവീ! നമിച്ചിടാം



ഫലം :-
ഏവം പ്രിയവ്രതന്‍ വാഴ്‌ത്തി കീര്‍ത്തിമാനായ പുത്രനെ ലഭിച്ചാല്‍ ഷഷ്‌ഠിയാം ദേവി പ്രസാദിക്കും


ഒരു വത്സരമീ ഷഷ്‌ഠിസ്‌തോത്രം ഭക്‌ത്യാ പഠിപ്പവര്‍ പ്രാപിക്കുമായുസ്സേറീടും ശ്രേഷ്‌ഠനായുള്ള പുത്രനെ  ഒരുവര്‍ഷം പൂജ ചെയ്‌തീ സ്‌തോത്രത്തെ കേട്ടിടുന്നവള്‍ പ്രസവിക്കും പാപമെല്ലാം പോയ്‌ മഹാവന്ധ്യയെങ്കിലും വിദ്വാനായ്‌ വീരനായ്‌ കീര്‍ത്തിമാനായ്‌ സല്‍ഗുണവാനുമായ്‌ ദീര്‍ഘായുസ്സായ സുതനെ ദേവി തന്‍ കൃപ മൂലമായ്‌ മൃതവത്സാ കാകവന്ധ്യയായിട്ടുള്ളൊരു നാരിയും വത്സരം കേള്‍ക്കുകില്‍ പുത്രനുണ്ടാം ദേവീ കൃപാ ബലാല്‍ബാലന്‌ രോഗമുള്ളപ്പോള്‍ പിതാക്കള്‍ കേട്ടുവെങ്കിലും മാസം കൊണ്ടാ രോഗനാശം വരും

ഷഷ്‌ഠീകൃപാ ബലാല്‍.

തുടര്‍ന്ന്‌ സുബ്രഹ്‌മണ്യസ്വാമിയെ സ്‌തുതിക്കുക


ഷണ്‍മുഖം ച ഗണാധീശം
സാംബം ച പരമേശ്വനും
മമ സര്‍വ്വദുഃഖ വിനാശായ
സന്തതം ചിന്തയാമ്യഹം.
ഷഡാനനം കുങ്കുമരക്‌തവര്‍ണ്ണം
മഹാമതിം ദിവ്യ മയൂരവാഹനം
രുദ്രസ്യ സൂനം സുരസൈന്യനാഥം
ഗുഹം സദാഹം ശരണം പ്രപദ്യേ


ഈ സ്‌തുതി നിത്യവും പ്രഭാതത്തിലോ, സന്ധ്യയ്‌ക്കോ രണ്ടുനേരമോ കുളിച്ച്‌ ശുദ്ധമായി നിലവിളക്ക്‌ കൊളുത്തി പ്രാര്‍ത്ഥിക്കുക.


വള്ളീദേവയാനീ സമേതനായ സുബ്രഹ്‌മണ്യനെ മനസ്സില്‍ ധ്യാനിച്ച്‌ പ്രാര്‍ത്ഥിച്ച്‌ മക്കള്‍ക്ക്‌ വേണ്ടി അപേക്ഷിക്കുക. തീര്‍ച്ചയായും ഫലം ലഭിക്കും


മുരുകാ.....ഹര ഹരോ ഹര ഹര.....

ശുഭചിന്ത



പുതിയ തുടക്കങ്ങള്‍ എപ്പോഴും ആവശ്യമാണ്, അതിലേക്ക് ഇറങ്ങുമ്പോള്‍ പരാജയപ്പെടാനുള്ള സാധ്യതയും ഏറെയായിരിക്കും......


ഏതൊരു മേഖലയിലാണെങ്കിലും കഠിനാധ്വാനം അനിവാര്യമാണ്,
അതില്‍നിന്നും അകന്നുനിന്നിട്ട് പരാജയങ്ങളുടെ കാരണങ്ങള്‍ അന്വേഷിക്കുന്നതുകൊണ്ട് പ്രയോജനമില്ല.........


പരാജയങ്ങള്‍ ദൈവം നമ്മെ കൈവിട്ടതിന്റെ അടയാളങ്ങളല്ല. മറിച്ച്, നമ്മെ കൂടുതല്‍ വിജയങ്ങളിലേക്ക് നയിക്കാന്‍ ആഗ്രഹിക്കുന്നു എന്നതിന്റെ തെളിവുകളാണ്..........


നമ്മുടെ വാക്കുകൾക്ക്, പ്രവർത്തനങ്ങൾക്ക് വിജയങ്ങൾ സമ്മാനിക്കാനുള്ള ശക്തിയുണ്ടെന്ന് നാം തിരിച്ചറിയണം......

ജ്ഞാനപ്പാന - വ്യാഖ്യാനം / Jnanappana # 01



ഹരിഃ ശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ


ഓം നമോ ഭഗവതെ വാസുദേവായ


   ഗുരുവായൂരപ്പന്റെ ഒരു ഉത്തമ ഭക്തനായിരുന്നു പൂന്താനം. മലയാളത്തിൽ ജ്ഞാനപ്പാന, സന്താനഗോപാലം പാന എന്നീ കൃതികൾ അദ്ദേഹം രചിച്ചതാണ്.


   ജ്ഞാനപ്പാനയെപ്പറ്റി കേൾക്കാത്ത മലയാളികളുണ്ടാവില്ല തന്നെ! പി.ലീല എന്ന പ്രശസ്ത ഗായികയുടെ ദൈവീകമായ സ്വരത്തിൽ പൂന്താനത്തിന്റെ
ജ്ഞാനപ്പാന കേൾക്കുന്നത് കാതും, മനസ്സും കുളിർപ്പിക്കുന്ന ഒരനുഭവം തന്നെയാണ്!


അത്യന്തം ഗഹനമായ വേദാന്ത തത്ത്വങ്ങൾ ഉൾക്കൊണ്ടിട്ടുള്ളതിനാൽ ജ്ഞാനികൾക്ക് ധാരാളം അർത്ഥ തലങ്ങൾ കണ്ടെത്താനാവുന്നതും, തീർത്തും ലളിതമായ ഭാഷയിലായതിനാൽ  സാധാരണക്കാർക്ക് ലളിതമായി അർത്ഥം മനസ്സിലാക്കാൻ സാധിക്കുന്നതുമായ ഒരു ഉൽകൃഷ്ട കൃതിയാണ് പൂന്താനത്തിന്റെ ജ്ഞാനപ്പാന !!



    ഈ ഒരു കൃതിയെ അർത്ഥസഹിതം പരിചയപ്പെടുത്തുക എന്ന ഒരു എളിയ ശ്രമം നടത്താനാണ് ഞാൻ ഇവിടെ ഉദ്ദേശിക്കുന്നത്. പൂന്താനം
എന്ന മഹാവ്യക്തിയെ കുറിച്ച് ഒന്നുരണ്ടു കാര്യങ്ങൾ പറഞ്ഞ ശേഷം നമുക്ക് കൃതിയിലേക്ക് കടക്കാം .


      മലപ്പുറം ജില്ലയിൽ തിരുമാന്ധാംകുന്ന് ക്ഷേത്രത്തിനടുത്തായിട്ടുള്ള ഒരു ബ്രാഹ്മണ കുടുംബത്തിലായിരുന്നു പൂന്താനത്തിന്റെ ജനനം. പൂന്താനം എന്നത് അദ്ദേഹത്തിന്റെ ഇല്ലത്തിന്റെ പേരായിരുന്നു. അദ്ദേഹത്തിന്റെ പേര് എന്താണെന്നറിയാത്തതിനാൽ ഇല്ലപ്പേരിലാണ് അദ്ദേഹം അറിയപ്പെട്ടിരുന്നത്.


  ഗുരുവായൂരപ്പന്റെ ഭക്തനായിരുന്ന അദ്ദേഹത്തിന്, വിവാഹം കഴിഞ്ഞ് വളരെക്കാലം കഴിഞ്ഞിട്ടായിരുന്നു ഒരു ഉണ്ണി പിറന്നത്.നിർഭാഗ്യവശാൽ ചോറൂണിന്റെ അന്നു തന്നെ ആ ഉണ്ണി മരിച്ചു പോവുകയുമുണ്ടായി. അതോടെ അദ്ദേഹം ഭൗതിക വിഷയങ്ങളിൽ വിരക്തനാവുകയും, ഈശ്വര ചിന്തയിൽ മുഴുകുകയുമുണ്ടായി!


     പൂന്താനത്തിന്റെ ജീവിതത്തിൽ ഗുരുവായൂരപ്പനുമായി ബന്ധപ്പെട്ട ചില ഐതിഹ്യങ്ങൾ പ്രചാരത്തിലുണ്ട്. നമുക്ക് അതൊന്ന് പരിചയപ്പെടാം.


   പൂന്താനം ഗുരുവായൂരിൽ തിങ്കൾ ഭജനത്തിന് പോവുക പതിവായിരുന്നു. അക്കാലത്തൊക്കെ കാട്ടിലൂടെ ബഹുദൂരം നടന്നിട്ട് വേണമല്ലോ ഓരോ സ്ഥലത്തും എത്തിച്ചേരാൻ ! ഒരു നാൾ അദ്ദേഹം ഗുരുവായൂർ ക്ഷേത്രം ലക്ഷ്യമാക്കി അങ്ങിനെ നടന്നു പോകുന്ന സമയത്ത്, നാലഞ്ച് കൊള്ളക്കാർ എത്തി അദ്ദേഹത്തെ ആക്രമിക്കാൻ തുടങ്ങി. അദ്ദേഹം"ഗുരുവായൂരപ്പാ ! ഭഗവാനെ!" എന്ന് ഉച്ചത്തിൽ നിലവിളിച്ചു. പെട്ടന്ന് അദ്ദേഹത്തിന്റെ മനസ്സിൽ തെളിഞ്ഞ ഒരു ശ്ലോകവും ഉച്ചത്തിൽ ചൊല്ലി.


യാ ത്വരാ ദ്രൗപദീത്രാണേ
യാ ത്വരാ ഗജരക്ഷണേ
മയ്യാർത്തേ കരുണാ മൂർത്തേ!
സാ ത്വരാ ക്വ ഗതാ ഹരേ!

അർത്ഥം:
കരുണാനിധിയായ ഹരേ! ദ്രൗപദിയെ രക്ഷിക്കാൻ യാതൊരു തിടുക്കം കാട്ടിയോ ,ഗജേന്ദ്രനെ രക്ഷിക്കാൻ യാതൊരു തിടുക്കം കാട്ടിയോ, ഞാൻ കഷ്ടത്തിലായ അവസരത്തിൽ ആ തിടുക്കം എവിടെ പോയി?"



  പൂന്താനത്തിന്റെ പ്രാർത്ഥന സഫലമാക്കാനെന്നോന്നം,പെട്ടന്ന് ഒരാൾ കുതിരപ്പുറമേറി അവിടെയെത്തിച്ചേർന്നു! അത് മറ്റാരുമായിരുന്നില്ല,സാമൂതിരിയുടെ പടത്തലവനായ മങ്ങാട്ടച്ചൻ ആയിരുന്നു!
അദ്ദേഹം കൊള്ളക്കാരെയെല്ലാം ആക്രമിച്ച് കീഴടക്കി, പൂന്താനത്തെ രക്ഷിക്കുകയും ചെയ്തു !!


തന്റെ ജീവൻ രക്ഷിച്ച മങ്ങാട്ടച്ചന്, പ്രതിഫലമായി തന്റെ മോതിരം ഊരി സമ്മാനിച്ചിട്ട് രണ്ടുപേരും പിരിയുകയും ചെയ്തു!



     പിറ്റേദിവസം പൂന്താനം ഗുരുവായൂരപ്പന്റെ സന്നിധിയിലെത്തി ഭഗവാനെ തൊഴുതു ! മേൽശാന്തി വന്ന് അദ്ദേഹത്തിന് പ്രസാദം കൊടുത്തു! കൂടെ ഒരു മോതിരവും !! പൂന്താനത്തിന് അത്ഭുതമായി!! ഇതെന്ത് ലീലയാണ് ഭഗവാനെ! ഇത് താൻ ഇന്നലെ മങ്ങാട്ടച്ചന് കൊടുത്ത മോതിരമാണല്ലൊ ! ഇതെങ്ങിനെ മേൽശാന്തിയുടെ കൈയ്യിലെത്തി ??


     പൂന്താനത്തിന്റെ അത്ഭുതഭാവം ദർശിച്ച മേൽശാന്തി പറഞ്ഞു: "ഇന്നലെ എനിക്ക് ഒരു സ്വപ്നദർശനമുണ്ടായി! രാവിലെ വിഗ്രഹത്തിൽ ഒരു മോതിരം കാണുമെന്നും, അത് പൂന്താനം ഇവിടെ തൊഴാനെത്തുമ്പോൾ അദ്ദേഹത്തിന് നൽകണമെന്നും നിർദ്ദേശിക്കുന്നതായിരുന്നു ആ സ്വപ്നം !!


സാക്ഷാൽ ഗുരുവായൂരപ്പൻ തന്നെയായിരുന്നു, മങ്ങാട്ടച്ചന്റെ രൂപത്തിൽ എത്തി തന്നെ രക്ഷിച്ചത് എന്ന് പൂന്താനത്തിന് മനസ്സിലാവുകയും ചെയ്തു !!


ഭഗവാന്റെ കരുണാകടാക്ഷം ഓർത്ത് ആ പരമഭക്തൻ ഗുരുവായൂരപ്പന് മുൻപിൽ കണ്ണീരോടെ സാഷ്ടാംഗ പ്രണാമം അർപ്പിച്ചു !!!


ഹരേ!!ഗുരുവായൂരപ്പാ !!
കാരുണ്യവാരിധേ!!


തുടരും ....

ചിന്താമണി വിശ്വനാഥൻ
സദ്ഗമയസത്സംഗവേദി

Monday, October 26, 2020

Good Day / ശുഭചിന്ത




ജീവിതത്തിൽ ഓരോ അവസ്ഥകളോടും മത്സരിച്ച് തന്നെയാണ് ജീവിതവിജയം കൈവരിക്കാൻ കഴിയുന്നത്..........!



തോറ്റുപോവുമോ എന്നോ, കഴിയുമോ എന്ന അർത്ഥശൂന്യമായ ആശങ്കകൾക്ക്  മനസ്സിൽ സ്ഥാനം നൽകിയാൽ പരാജയം നമ്മെ തേടിവരും.........!


ഓരോ സാഹചര്യങ്ങളോടും പുലർത്തുന്ന പോസിറ്റീവ് മനോഭാവമാണ്  ജീവിതവിജയത്തിന്‍റെ രഹസ്യം......!

Wednesday, October 21, 2020

ശ്രീ ഗുരുവായൂർ കണ്ണന്റെ കഥകൾ.


സദ്ഗമയ സത്സംഗവേദി


നിമ്മാല്യം മുതൽ തൃപ്പുകവരെ.


കണ്ണന്റെ ആടിയ എണ്ണപ്രസാദം.ആടിയ എണ്ണ ഏത് തരം വാ തങ്ങൾ മാറാനും ശരീരവേദന ഇല്ലാതാക്കാനും പറ്റിയ പ്രസാദമാണ്. ഭക്തിയും വിശ്വാസവുമാണ് വേണ്ടത്.

വാതരോഗഗ്രസ്താ നായമേപ്പത്തൂർ നാരായണഭട്ടതിരി പല ചികിത്സകൾ കൊണ്ടും പ്രായശ്ചിത്തകർമ്മൾ കൊണ്ടും രോഗം മാറാതെ ഒടുവിൽ ഗുരുവായൂർ ക്ഷേത്രത്തിൽ 100 ദിവസം ഭജനമിരിക്കാൻ വന്നു.
100 ദശകങ്ങളുള്ള ഒരുസ്തോത്ര കാവ്യം കണ്ണന് സമർപ്പിക്കണം.
നിർമ്മാല്യം മുതൽ എല്ലാ പൂജകളും കണ്ട് തോഴുത് പ്രാർത്ഥിക്കും.
ഭജനത്തിന്റെ മൂന്നാം ദിവസം അന്നും പതിവുപോലെ ഭട്ടതിരി മേശാന്തിയോടൊപ്പം നിർമ്മാല്യ ദർശനത്തിന് എത്തി.നിർമ്മാല്യവും എണ്ണ അഭിഷേകവും കണ്ട് തൊഴുതു. മണ്ഡപത്തിലിരുന്ന് തന്റെ കാവ്യ കുസുമം ഭഗവദ് പാദത്തിലർപ്പിച്ചു.മൂന്നാം ദശകത്തിൽ മൂന്നാം ശ്ലോകം" പഠന്തോ നാമാനി എന്ന ശ്ലോക രചന തുടങ്ങി.അസഹ്യമായ കാൽ വേദന കൊണ്ട് രചന മുന്നോട്ട് പോകുന്നില്ല. ദർശനത്തിന് എത്തിയ ഭക്തജനങ്ങള നോക്കി. ഭഗവദ് ഭക്തിയുള്ള ഇവരെ പോലെ എന്നേയും  ഭക്തനാക്കണേ. എന്ന് ഉള്ളുരുകി അമ്പാടി കണ്ണനോട് പ്രാർത്ഥിച്ചു.


പട്ടേരിയുടെ പ്രാർത്ഥന കണ്ണൻ കേട്ടു .ഒരു കയ്യിൽ വെള്ളി കുടത്തിൽ ആടിയ എണ്ണയും, മറ് കയ്യിൽ പാദതുളസിയും കളഭവുമായി കീഴ്ശാന്തി ശ്രീകോവിലിൽ നിന്ന് ഭക്തജനങ്ങൾക്ക് പ്രസാദ വിതരണത്തിനായി ഇറങ്ങി വന്നു.പട്ടേരിക്ക് സമീപം എത്തി പ്രസാദം നൽകി.ആടിയ എണ്ണ രണ്ടു കാലിലും പുരട്ടി, പാദ തുളസിയുടെ സുഗന്ധം അനുഭവിച്ചു. കളഭ പ്രസാദം ശരീരത്തിലണിഞ്ഞു.ശരീരവേദനക്ക് ഒര് ആശ്വാസം ലഭിച്ചു.കാവ്യരചന തുടർന്നു. ഭാഗവതോത്തന്മാരായ ഭക്തർ ഇന്നും ഈ കഥ 'അനുസ്മരിക്കാറുണ്ട്.



ചെറുതയൂർ വാസുദേവൻ ഗുരുവായൂർ.9048205785.
ഗുരുവായൂർ ക്ഷേത്രം കീഴ്ശാന്തി ചെറുതയൂർ വാസുദേവൻ നമ്പൂതിരി. ഗുരുവായൂർ

Tuesday, October 20, 2020

കണ്ണന്റെ കഥകൾ / Guruvayoorappan Stories

കണ്ണന്റെ കഥകൾ -2



എല്ലാവർക്കുo നമസ്ക്കാരം ഞാൻ ഗുരുവായൂർ ക്ഷേത്രം കീഴ്ശാന്തി ചെറുതയുർ വാസുദേവൻ നമ്പൂതിരി. ഗുരുവായൂർ കണ്ണന്റെ നിർമ്മാല്ല്യം  മുതൽ തൃപ്പുകവരെയുള്ള ദർശനവും, പുജാ വിധാനങ്ങളും.കണ്ണന്റെ നിർമ്മാല്യ ദർശനസമയം കാലത്ത് മൂന്ന് മണിക്കാണ്.നിർമ്മാല്യ ദർശനത്തിന് മുമ്പ് തന്നെ രണ്ടു മണിക്ക് രുദ്ര തീർത്ഥത്തെ തൊട്ടു ഉണർത്തി പാരമ്പര്യ പ്രവർത്തിക്കാരായ പത്ത് കാർ, കഴകക്കാർ, കീഴ്‌ശാന്തിക്കാർ എന്നിവർ  രുദ്ര തീർത്ഥത്തിൽ മുങ്ങി കുളിച്ച് കണ്ണന്റെ നിർമ്മാല്യത്തിനുള്ള ഒരുക്കങ്ങൾ തുടങ്ങും.


അമ്പാടിയിലെ കണ്ണന്റെ പ്രിയപ്പെട്ട ഗോപന്മാരെ പോലെ.


മേശാന്തി രണ്ടരയോടെ നാലമ്പലത്തിൽ എത്തുന്നതോടെ ശ്രീലകത്ത് കണ്ണനെ പരിചരിക്കാനുള്ള ഒരുക്കങ്ങൾ പൂർത്തിയാകും.കണ്ണന് തൈലാഭിഷേകത്തിനുള്ള എള്ളെണ്ണ, വാകപൂമൃദു മേനിയിൽ വാക ചാർത്തണിയാനുള്ള നറുവാക പൊടി.

അഭിഷേകത്തിനുള്ള മണികിണറിൽ നിന്നെടുത്ത ജലപൂരീത  രജത സ്വർണ്ണകുംഭങ്ങൾ അങ്ങിനെ എല്ലാമെല്ലാം ക്രമത്തിൽ മുഖമണ്ഡപത്തിൽ ഒരുക്കിയിരിക്കും.


മന്ത്രതന്ത്രജപത്താൽ ദേവതാമയനായി അദിതി ഭാവമുൾകൊണ്ട്, മാതൃഭാവത്തിൽ യശോദയമ്മയായി മേശാന്തി ശ്രീകോവിലിൽ പ്രവേശിക്കും. കണ്ണന് നിർമ്മാല്യത്തിനുള്ള ഒരുക്കങ്ങൾ ഒന്ന് നിരീക്ഷിച്ച് തൃപ്തിപെടും. കണ്ണന് ഒന്നിനും ഒരു കുറവും വരാൻ പാടില്ല. കണ്ണൻ ചിലപ്പോൾപിടിവാശിക്കാരനായ ഒരുണ്ണിയാകും .ആ പിണക്കം കാണാൻ വയ്യ. മനസ്സ് ആകെ അസ്വസ്ഥമാകും. സ്വർണ്ണതളികയിലെ തെച്ചി തുളസി താമര പൂക്കൾ, ഗന്ധ പുഷ്പാക്ഷതം, തിരുമുഖത്തണിയാനുള്ള ചന്ദനം, അണിയാനുള്ള പട്ടുവസ്ത്രങ്ങൾ, പട്ടുകോണകം അങ്ങിനെ എല്ലാമെല്ലാം മുഖമണ്ഡപത്തിൽ സജ്ജമാക്കിയിരിക്കും. മൂന്ന് മണിക്ക് ഗർഭഗൃഹത്തിന്റെ സ്വർണ്ണമണികളാൽ അലംകൃതമായ വാതിൽ തുറക്കും. കണ്ണൻ യോഗ നിദ്രയിൽ നിന്ന്, സുഷുപ്തിയിൽ നിന്ന് ഉണർന്ന് ജാഗ്രതാവസ്ഥയിൽ എത്തുന്ന ആ സൗഭാഗ്യദർശനമാണ് ഭഗവാന്റെ നിർമാല്യ ദർശനം.


കണ്ണന്റെ പരമാത്മ സ്വരൂപം അവ്യക്തമാണ് .അത് മനസ്സിലാക്കാൻ പ്രയാസമാണ്.രാധാ സമേതനായി ഗോ ലോകത്തിലുള്ള ശുദ്ധസത്ത്വ സ്വരൂപം വ്യക്തമാണ്. അത് അമൃത സമുദ്രത്തിലെ തിരമാല ക്ക് തുല്യമാണ് .കണ്ണന്റെ നിർമാല്യ സ്വരൂപം. ആ രൂപം അത്യുത്കൃഷ്ടവും, അതിമധുരവും, അത്യാകർഷവുമാണ്. ആ ദ്യവ്യരൂപം കണ്ട്,
എന്റെ കൃഷ്ണാ, അമ്പാടി കണ്ണാ അവിടുത്തെ പരിചാരകാനായ ഞാൻ അങ്ങയെ ശരണം പ്രാപിക്കുന്നു. സമസ്ഥാപരാധം പൊറുക്കണെ.



ചെറുതയൂർ വാസുദേവൻ .ക്ഷേത്രം കീഴ്ശാന്തി.9048205785.

പരാശരൻ



     വസിഷ്ഠൻറെ മൂത്ത മകനായ ശക്തിയുടെയും അദൃശ്യന്തിയുടെയും പുത്രനാണ് പരാശരൻ.



          കന്മഷപാദൻ എന്ന രാജാവിന് വഴിമാറികൊടുക്കായ്കയാൽ ശക്തിക്ക് ചാട്ടയടി കൊളളേണ്ടി വന്നു. മഹർഷി കന്മഷപാദനെ രാക്ഷസനായി തീരട്ടെ എന്ന്  ശപിച്ചു.  വസിഷ്ഠ മഹർഷിയോട് വിരോധം പുലർത്തിയിരുന്ന വിശ്വാമിത്ര മഹർഷി കന്മഷപാദൻറെ രാക്ഷസ ശീലത്തിലേക്ക് ' കിങ്കരൻ ' എന്നൊരു ദുഷ്ടശക്തിയെ കൂടെ കടത്തി വിട്ടു. ശക്തി വർദ്ധിച്ച കന്മഷപാദൻ ശക്തിയുൾപ്പെടെയുളള വസിഷ്ഠൻറെ നൂറു പുത്രന്മാരെയും ഭക്ഷിച്ചു കളഞ്ഞു.  നൈരാശ്യം കാരണം ആത്മത്യാഗം ചെയ്യാൻ നോക്കിയ വസിഷ്ഠ മഹർഷിക്ക്  ആത്മാവ് വേർപ്പെടാത്തതിനാൽ ആ ശ്രമം ഉപേക്ഷിക്കേണ്ടി വന്നു . അദൃശ്യന്തിയുടെ ഗർഭത്തിലെ ശക്തി പുത്രൻ സാന്ത്വനമേകുന്നതും വേദമോതുന്നതും വസിഷ്ഠൻ ശ്രവിച്ചു.  അദൃശ്യന്തിയെ കൂടെ ഭക്ഷിക്കാൻ എത്തിയ രാക്ഷസന് വസിഷ്ഠൻ ശാപമോക്ഷം നല്കി.  അദൃശ്യന്തി പരാശരന് ജന്മമേകി. സാക്ഷാൽ വേദവ്യാസൻറെ പിതാവ്. തൻറെ പിതാവിൻറെ ദാരുണാന്ത്യത്തിന് കാരണമായ രാക്ഷസകുലത്തെ മുടിക്കാൻ പരാശരൻ ഒരു യാഗം ചെയ്തു.  അതിൽ ധാരാളം രാക്ഷസന്മാർ വെന്തൊടുങ്ങി. ഒടുവിൽ വസിഷ്ഠ മഹർഷിയുടെ ഉപദേശത്താൽ  യാഗം നിർത്തി. പരാശരനെ ഉപദേശിക്കാനെത്തിയ പുലസ്ത്യ മഹർഷി പുരാണഹംഹിതയ്ക്ക് പിതാവായി ഭവിക്കുമെന്ന് അനുഗ്രഹിച്ചു.



          ശാപം കിട്ടിയ അദ്രിക എന്ന അപ്സരസ്സ് മത്സ്യമായി ഗംഗാ നദിയിൽ കഴിയവേ ഉപരിചരവസു എന്ന രാജാവിന്റെ രേതസ്സ് നദിയിൽ വീഴുകയും അത് ഭക്ഷിക്കാനിടയായി.  ഒരു മുക്കുവന് കിട്ടിയ ആ മത്സ്യത്തിൻറെ ഗർഭത്തിൽ രണ്ടു മനുഷ്യ കുഞ്ഞുങ്ങൾ ഉണ്ടായിരുന്നു.  ആൺശിശുവിനെ രാജാവ് വളർത്തി. പെൺകുഞ്ഞു മത്സ്യഗന്ധിയായി മുക്കുവൻ വളർത്തി. കാളിമയാർന്ന നിറമുളള അവൾ കാളിയെന്നും വിളിക്കപ്പെട്ടു.  അച്ഛന് സഹായിയായി കടത്തു തൊഴഞ്ഞിരുന്ന അവൾ ഒരു നാൾ പരാശരമുനിയെ അക്കരെയ്ക്ക് കൊണ്ടു പോകവേ മഹർഷി അവളിൽ അനുരക്തയാകുകയും മത്സ്യഗന്ധി കസ്തൂരിഗന്ധിയായി മാറുകയും ചെയ്തു. മൂടൽമഞ്ഞ് മറയാക്കിയ പരാശരമഹർഷിക്ക് അവളിൽ വേദ വ്യാസൻ ജന്മം കൊണ്ടു. മത്സ്യഗന്ധി കന്യകയായിത്തന്നെയിരിക്കുമെന്ന് പരാശരൻ അനുഗ്രഹിച്ചു. ആ കസ്തൂരിഗന്ധിയെ തേടിയെത്തിയ ശന്തനു മഹാരാജാവിനെ വിവാഹം കഴിക്കുകയും പാണ്ഡവ കൗരവകുലങ്ങൾക്ക് കാരണവുമായി. മത്സ്യഗന്ധി സത്യവതി എന്ന നാമത്തിൽ പ്രസിദ്ധയായി.



        ഋഗ്വേദത്തിലെ നിരവധി സൂക്തങ്ങൾ പരാശരനാൽ വിരചിതം. ബാഷ്കല മഹർഷിക്കു പകുത്തു കിട്ടിയ ഋഗ്വേദസംഹിതതിൽ നിന്ന് നാലിലൊരുഭാഗം ഗുരുപരമ്പരയിൽപ്പെട്ട പരാശരനും സിദ്ധിച്ചു. സാവിത്രീമന്ത്രത്തിൻറെ ശക്തി വർണിച്ചിട്ടുണ്ട്.   പരാശരസ്മൃതി പ്രസിദ്ധം.

Monday, October 19, 2020

കണ്ണന്റെ കഥകൾ / guruvayoourappan stories



എല്ലാവർക്കും നമസ്കാരം. ഞാൻ ചെറുതയുർ വാസുദേവൻ നമ്പൂതിരി .ഗുരുവായൂർ ക്ഷേത്രം കീഴ്ശാന്തി.


ശ്രീ ഗുരുവായൂർക്ഷേത്രത്തിലെ അമ്പാടി കണ്ണന്റെ നിർമാല്യ ദർശനം.
കണ്ണന്റെ കഥകൾ 2. കാലത്ത് മൂന്ന് മണിക്ക്
ക്ഷേത്രം കോയ്മയുടെ ആചാര അറിയിപ്പോടെ ക്ഷേത്രത്തിലെ വലിയ മണി മൂന്ന് പ്രാവശ്യം അടിക്കും. ക്ഷേത്രം മാരാർ ശംഖ് നാദം മുഴക്കുമ്പോൾ നിർമാല്യ ദർശനത്തിന് നട തുറക്കും.
കണ്ണൻ പള്ളിയുറങ്ങുന്ന ഗർഭ ഗൃഹത്തിന്റെ പൊൻമണിവാതിൽ തുറന്ന് മേശാന്തി അകത്ത് പ്രവേശിക്കും.ശ്രീലകത്ത് സ്വർണ്ണ വിളക്കിലെ കത്തുന്ന നെയ്യ്തിരി ശോഭയിൽ നിൽക്കുന്ന ഭഗവാനെ കാണാൻ നല്ല രസമാണ്.



നാലമ്പലത്തിനകത്ത് ശ്രീകൃഷ്ണ ഭഗവാന്റെ നിർമ്മാല്യ ദർശന സൗഭാഗ്യം നേടി മനോ മാലിന്യ മകറ്റാൻ ആയിരങ്ങളാണ് കാത്ത് നിൽക്കുന്നത്. പൂന്താനത്തിന്റെ ജ്ഞാന പാനയിലൂടെ സഞ്ചരിച്ച് നാമം ജപിച്ച് അവർ കണ്ണന് മുന്നിലെത്തും.


പീലി തിരുമുടി ചാർത്തി, കളഭച്ചാർത്തണിഞ്ഞ്, അതിൽ തിരുമുടി മാലയണിഞ്ഞ് കയ്യിൽ പൊന്നോടക്കുഴലുമായി നിൽക്കുന്ന വനമാലിയെ കാണാൻ എന്ത് ചന്തമാണെന്നൊ .


ഗുരുവായൂർ കണ്ണൻ ജീവിത സൗഭാഗ്യങ്ങൾ വാരിക്കോരി തരുന്ന അസുലഭ നിമിഷം .

തലേ ദിവസമണിഞ്ഞ ആടയാഭരണങ്ങളോടെ കണ്ണനെ കണി കാണുന്ന ദർശനമാണിത്

ശ്രീകോവിലിൽ, ഗർഭഗൃഹത്തിൽ മേശാന്തി കണ്ണന്റെ ആടയാഭരണങ്ങൾ ഓരോന്നായി അഴിച്ച് മാറ്റും.

ഭഗവാൻ നിഷ്കള ബ്രഹ്മ തത്വത്തിൽ നിന്ന് സകളീ ഭാവം കൈകൊള്ളുന്ന അസുലഭ ധന്യ മുഹൂർത്തം.സകളമായ ഭഗവദ് സ്വരൂപം, തദനുഗുണഭാവമായ ഭക്തി ഭാവത്തിലേക്കുള്ള മാറ്റം. കാരുണ്യാകുല നേത്രനായ കണ്ണന്റെ സൂര്യനേക്കാൾ പ്രഭയുള്ള സ്വർണ്ണ കിരീടം, മകര മത്സ്യ >കൃതിയുള്ള, മകരകുണ്ഡലങ്ങൾ, നെറ്റി തടത്തിലെ തിലക ചാർത്ത്, ഇവ ഓരോന്നായി മാറ്റിവെക്കും. മനോഹരമായ വനമാല, കൗസ്തുഭം, മുത്തുമാലകൾ എല്ലാം അഴിച്ച് വെച്ച് കണ്ണൻ നീരാട്ടിനൊരുങ്ങും.


അഭിഷേക സ്നാനത്തിന് മുമ്പ് കണ്ണന് തൈലാഭിഷേകം നിർബന്ധമാണ്. എത്രയോ കാലമായി നടന്ന് വരുന്ന ചിട്ടയാണ്. ചിട്ടകളൊന്നും തെറ്റിക്കുന്നത് കണ്ണന് ഇഷ്ടമല്ല.


ചെറുതയുർ വാസുദേവൻ നമ്പൂതിരി ഗുരുവായൂർ.9048205785

കടപ്പാട്   സദ്ഗമയ സദ്‌സംഗവേദി

Monday, October 5, 2020

ശുഭചിന്ത



ഭാഗ്യം നമ്മുടെ വഴിക്ക് വരുത്താന്‍ നോക്കുക, കിട്ടാത്തതിനെ ഓര്‍ത്ത്  വ്യാകുലപ്പെടാതെ വീണ്ടും പരിശ്രമിക്കുക.......


ഓരോ തവണ ഗോള്‍ അടിക്കാന്‍ ശ്രമിക്കുമ്പോഴും എതിരാളികള്‍ നമ്മെ തടഞ്ഞ് പിന്നോട്ടോടിക്കാന്‍ ശ്രമിക്കുന്നു.....


എന്നാല്‍ പിന്തിരിഞ്ഞോടാതെ കൂടുതല്‍ ഉത്സാഹത്തോടെയും ഊര്‍ജത്തോടെയും ഗോള്‍ മുഖത്തേക്ക് വീണ്ടും കുതിച്ച് തടസ്സങ്ങളെ  നിഷ്പ്രഭമാക്കി ആഞ്ഞടിക്കുമ്പോഴാണ് ലക്ഷ്യത്തിലെത്തിക്കാന്‍ സാധിക്കുന്നത്......


മാറ്റങ്ങളുള്‍ക്കൊണ്ട്  ഉത്സാഹത്തോടെ പരിശ്രമിക്കുന്നവർക്ക്  മാത്രമെ ഇനിയുള്ള കാലത്ത് നിലനില്‍പ്പുള്ളൂ.........

Saturday, October 3, 2020

ശുഭചിന്ത



പ്രയാസങ്ങള്‍ ഉണ്ട് എന്ന് സ്വയം അറിയണം.... !



ഒരു ദിവസം ഒരു കൃഷിക്കാരന്‍ വണ്ടി നിറയെ കോഴികളും പന്നികളും മറ്റുമായി പട്ടണത്തിലെ ചന്തയിലേക്ക് പുറപ്പെട്ടു.....

അവയെ ലേലത്തില്‍ വില്‍ക്കാനായിരുന്നു ഉദ്ദേശം....

വഴിയില്‍ കിട്ടുന്ന വാഹനത്തില്‍ കയറി ഉല്ലാസയാത്ര നടത്തുന്ന ഒരാളും ആ വണ്ടിയില്‍ കയറി...

കൃഷിക്കാരന്‍ മദ്യപിച്ചിരുന്നു. വണ്ടി നിയന്ത്രണം വിട്ടു ഒരു വലിയ കുഴിയില്‍ ചെന്ന് ചാടി...

കൃഷിക്കാരന് സാരമായ പരിക്കൊന്നും പറ്റിയില്ല. എന്നാല്‍ യാത്രക്കാരന്റെ സ്ഥിതി ദയനീയമായിരുന്നു..
ദേഹമാസകലം മുറിവും ചതവും. കൈയും കാലും ഒടിഞ്ഞിരുന്നു......

വണ്ടിയിലുണ്ടായിരുന്ന മൃഗങ്ങളുടെ കാര്യവും കഷ്ടത്തിലായിരുന്നു.....

ചിറകും കാലും ഒടിഞ്ഞു അനങ്ങാന്‍ വയ്യാത്ത സ്ഥിതി...

കൃഷിക്കാരന്‍ വിചാരിച്ചു, “ഇവയെ ഇനി ആര് വാങ്ങിക്കാന്‍?”വണ്ടിയില്‍ നിന്നും തോക്കെടുത്ത് കൊണ്ടുവന്നു കോഴികളെയൊക്കെ അയാള്‍ കശാപ്പു ചെയ്തു......

അപ്പോഴാണ്‌ പന്നികളുടെ നേരെ ശ്രദ്ധ തിരിഞ്ഞത്...

അവയും ചോര ഒലിപ്പിച്ചു കൊണ്ട് നില്‍ക്കുകയായിരുന്നു...
“ഇനി ഇവറ്റയെ എന്തിനുകൊള്ളാം?”
പന്നികളെയും ഒന്നൊന്നായി അയാള്‍ വെടിവെച്ചു കൊന്നു...

അതുകഴിഞ്ഞപ്പോഴാണ് ആടുകളെ കണ്ടത്. അവയ്ക്കും പലവിധത്തിലുള്ള പരിക്കുകള്‍ പറ്റിയിരുന്നു....

രണ്ടാമതൊന്ന് ആലോചിക്കാതെ കൃഷിക്കാരന്‍ ആടുകളുടെ കഥയും കഴിച്ചു......

ഇതെല്ലാം കണ്ടു പേടിച്ചു വിറച്ചു ചാലില്‍ കിടക്കുകയായിരുന്നു ആ യാത്രക്കാരന്‍.....

ചാലിലേക്കെത്തിനോക്കി കൃഷിക്കാരന്‍ ചോദിച്ചു: "തനിക്കൊന്നും പറ്റിയിട്ടില്ലല്ലോ, സുഖം തന്നെയല്ലേ?”

ചാലില്‍ നിന്നും ഞെരങ്ങി നീങ്ങി പുറത്ത് വന്ന യാത്രക്കാരന്‍ പറഞ്ഞു, "അതെയതെ, സുഖം, പരമ സുഖം. ഭാഗ്യം, ഒന്നും പറ്റിയിട്ടില്ല എനിക്ക്!”

പ്രയാസങ്ങള്‍ ഉണ്ട് എന്ന് സ്വയം അറിയണം....
അപ്പോഴേ അതിനൊരു അറുതി വരുത്താന്‍ നമ്മള്‍ ശ്രമിക്കൂ,....

അല്ലെങ്കില്‍ പ്രയാസങ്ങള്‍ അതിന്റെ പടി തുടര്‍ന്നുപോകും.... നരകത്തില്‍ കൊണ്ടുപോയി ഇട്ടാലും യാതൊരു യാതനയും അനുഭവിക്കാത്ത ചിലരുണ്ട്. അതാണ്‌ വേണ്ടത്.....

നരകത്തില്‍ പോകേണ്ടിവന്നാലും ആരും യാതന അനുഭവിക്കാന്‍ ഇടവരരുത്.....
അതിനുതക്കവണ്ണമുള്ള മനോഭാവം സ്വായത്തമാക്കണം.......

Thursday, October 1, 2020

വന്ദേഹം ഗണനായകം




ഏകദന്തം മഹാകായം തപ്തകാഞ്ചനസന്നിഭം
ലംബോദരം വിശാലാക്ഷം വന്ദേഹം ഗണനായകം
അംബികാ ഹൃദയാനന്ദം മാതൃഭിപരിപാലിതം
ഭക്തപ്രിയം മദോന്മത്തം വന്ദേഹം ഗണനായകം


ചിത്രരത്നവിചിത്രാംഗം ചിത്രമാലാവിഭൂഷിതം
ചിത്രരൂപധരം ദേവം വന്ദേഹം ഗണനായകം
ഗജവക്ത്രം സുരശ്രേഷ്ഠം കർണ്ണചാമരഭൂഷിതം
പാശാങ്കുശ ധരം ദേവം വന്ദേഹം ഗണനായകം
മൂഷികോത്തമ മാരൂഹ്യ ദേവാസുര മഹാ ഹവേ
യോദ്ധൂ കാമം മഹാ വീര്യം വന്ദേഹം ഗണനായകം


യക്ഷ കിന്നര ഗന്ധർവ്വ
സർവ്വവിദ്യാധരോരഗൈ
സ്തൂയമാനം ച വരദം
വന്ദേഹം ഗണനായകം


സർവ്വവിഘ്നഹരം ദേവം സർവ്വവിഘ്ന വിവർജ്ജിതം
സർവ്വസിദ്ധിപ്രദാതാരം വന്ദേഹം ഗണനായകം
ഗണാഷ്ടകമിദം പുണ്യം ഭക്തി തോ യ പ േന്നര
വിമുക്ത സർവ്വ പാപഭ്യോ സർവ്വാ ഭീഷ്ടം സ വിന്ദതി

Tuesday, September 1, 2020

ശുഭചിന്ത,



ഏത് ശ്രമങ്ങൾക്കിറങ്ങുമ്പോഴും അതിൽ    രണ്ടുവശങ്ങളുമുണ്ടാവും...പരാജയപ്പെടാനും വിജയിക്കാനുമുള്ള  സാധ്യതകൾ.....!



ഒരുഭാഗത്ത് നെഗറ്റീവായ ചിന്തകളും,ശുഭാപ്തിവിശ്വാസമില്ലായ്മയും സദാസമയം നമ്മിൽ പരാജയഭീതി മാത്രമാണ് ഉണ്ടാക്കുന്നത്.....!



മറുവശത്ത് എങ്ങിനെ വിജയം നേടാം എന്നുള്ള ആത്മവിശ്വാസത്തോടെയുള്ള ചിന്തകൾ നമുക്ക് മനക്കരുത്തും ലക്ഷ്യത്തിലേക്കുള്ള പ്രചോദനവുമാണ്.....!



ഏത് ചിന്തകളാണ് നമ്മെ ലക്ഷ്യത്തിലേക്കും വിജയത്തിലേക്കുമടുപ്പിക്കുന്നത് എന്നറിയുക..ശരിയായ തീരുമാനത്തിൽ മുന്നോട്ടുപോവാൻ ശ്രമിക്കുക........!

Thursday, August 6, 2020

ശ്രീ മഹാഗണേശപഞ്ചരത്നം



ഈ കൃതി എട്ടാം നൂറ്റാണ്ടില്‍ ശ്രീ ശങ്കരാചാര്യര്‍ എഴുതിയതാണ് എന്ന് കരുതുന്നു. സര്‍വ്വ വിഘ്നങ്ങളേയും നീക്കുന്ന ഗണപതി ഭാഗവാനെയാണ് ഇതില്‍ സ്തുതിക്കുന്നത്.




മുദാകരാത്തമോദകം സദാവിമുക്തിസാധകം
കലാധരാവതംസകം വിലാസിലോകരക്ഷകം.
അനായകൈകനായകം വിനാശിതേഭദൈത്യകം
നതാശുഭാശുനാശകം നമാമിതം വിനായകം. 1


നതേതരാതിഭീകരം നവോധിതാര്‍ക്കഭാസ്വരം
നമത്സുരാരി നിര്‍ജ്ജരം നതാധികാപദുര്‍‌ദ്ധരം.
സുരേശ്വരം നിധീശ്വരം ഗജേശ്വരം ഗണേശ്വരം
മഹേശ്വരം തമാശ്രയേ പരാത്പരം നിരന്തരം. 2


സമസ്തലോകശങ്കരം നിരസ്തദൈത്യകുഞ്ജരം
ദരേതരോദരംവരം വരേഭവക്ത്രമക്ഷരം.
കൃപാകരം ക്ഷമാകരം മുദാകരം യശസ്കരം
മനസ്കരം നമസ്കൃതാം നമസ്കരോമി ഭാസ്കരം. 3


അകിഞ്ചനാര്‍തിമാര്‍ജനം ചിരന്തനോക്തിഭാജനം
പുരാരി പൂര്‍വ്വനന്ദനം സുരാരി ഗര്‍വ്വചര്‍വണം.
പ്രപഞ്ചനാശ ഭീഷണം ധനഞ്ജയാദി ഭൂഷണം
കപോലദാനവാരണം ഭജേ പുരാണവാരണം. 4


നിതാന്തകാന്ത ദന്തകാന്തി മന്തകാന്തകാത്മജം
അചിന്ത്യരൂപമന്തഹീനമന്തരായകൃന്തനം.
ഹൃദന്തരേ നിരന്തരം വസന്തമേവ യോഗിനാം
തമേകദന്തമേകമേവ ചിന്തയാമി സന്തതം. 5


മഹാ ഗണേശ പഞ്ചരത്ന മാദരേണയോന്വഹം
പ്രജല്പതി പ്രഭാതകേ ഹൃദിസ്മരന്‍ ഗണേശ്വരം.
അരോഗതാമദോഷതാം സുസാഹിതീം സുപുത്രതാം
സമാഹിതായുരഷ്ടഭൂതിമഭ്യുപൈതി സോചിരാത്


Friday, June 5, 2020

സനാതനധർമ്മം,





ശ്രീഭഗവാനുവാച:

അവജാനന്തി മാം
മൂഢാ മാനുഷീം തനുമാശ്രിതം
പരം ഭാവമജാനന്തോ
മമ ഭൂതമഹേശ്വരം



എന്റെ പരമസ്വരൂപത്തെ അറിയാത്ത മൂഢന്മാർ സർവ്വചരാചരങ്ങളുടെയും മഹേശ്വരനായ എന്നെ മനുഷ്യശരീരത്തെ അവലംബിച്ചവനെന്നു തെറ്റിദ്ധരിക്കുന്നു.



വാക്യങ്ങൾ 11 - അധ്യായം 9 - രാജവിദ്യാരാജഗുഹ്യയോഗഃ

Thursday, June 4, 2020

ദിക്പാലകർ വാഴുന്ന ബലിക്കല്ലുകൾ




അഷ്ടദിക്കുകളുടേയും അവയുടെ അധിപന്മാരായ അഷ്ടദിക് പാലകരുടേയും പ്രതീകമാണ് ക്ഷേത്രങ്ങളില്‍ കാണുന്ന ബലിക്കല്ലുകള്‍. നാലമ്പലത്തിന് അകത്ത് ശ്രീകോവിലിന് ചുറ്റുമായാണ് ബലിക്കല്ലുകള്‍ സ്ഥാപിക്കുന്നത്.


ഓരോ ദിക്കുകളുടേയും അധിപന്മാര്‍ക്ക് നിശ്ചിത സ്ഥാനങ്ങളുണ്ട്. കിഴക്കു വശത്ത് ഇന്ദ്രന്‍. കിഴക്കിന്റെ ദേവനാണ് ഇന്ദ്രന്‍. തെക്ക്കിഴക്ക് അഗ്നിദേവനും തെക്ക് യമദേവനും തെക്ക് പടിഞ്ഞാറ് നിര്യതി, പടിഞ്ഞാറുദിക്കില്‍ വരുണന്‍, വടക്കുപടിഞ്ഞാറ് വായുദേവന്‍, വടക്കുകിഴക്ക് ഈശാനന്‍ എന്നിങ്ങനെയാണ് ദേവന്മാരുടെ സ്ഥാനം. വടക്ക് ദിക്കിന് കുബേരനാണ് അധിപനനെങ്കിലും ക്ഷേത്രങ്ങളില്‍ ഈ സ്ഥാനം സോമനാണ്.



ഇവയ്ക്കു പുറമേ മുകളിലും താഴെയുമായി ഓരോ ദിക്കുകള്‍സങ്കല്‍പ്പിക്കപ്പെടുന്നു. മുകളിലെ ദിക്കിന് അധിപന്‍ ബ്രഹ്മാവും കീഴ്ദിക്കിന് അനന്തനുമാണ് ദേവതകള്‍. ബ്രഹ്മാവിനുള്ള ബലിക്കല്ലുകള്‍ക്ക് കിഴക്കിനും വടക്കു കിഴക്കിനും ഇടയിലാണ് സ്ഥാനം. പടിഞ്ഞാറും തെക്ക് പടിഞ്ഞാറുമുള്ള ബലിക്കല്ലുകള്‍ക്കിടയിലാണ് അനന്തനുള്ള ബലിക്കല്ല്.



പ്രദക്ഷിണം ചെയ്യുമ്പോള്‍ ബലിക്കല്ലുകളെ കടന്നു പോകുന്നതിന് പ്രത്യേകം ചിട്ടവട്ടങ്ങളുണ്ട്. പ്രദക്ഷിണം വയ്ക്കുന്ന വ്യക്തിയുടെ വലതു ഭാഗത്തായിരിക്കണം ബലിക്കല്ലുകള്‍. അറിയാതെ പോലും ബലിക്കല്ലുകളില്‍ സ്പര്‍ശിക്കരുത്. തൊട്ടു തൊഴുന്നത് തീര്‍ത്തും നിഷിദ്ധ്യമാണ്. ഒരു ബലിക്കല്ലില്‍ നിന്നും മറ്റൊന്നിലേക്ക് അണമുറിയാതെ ഊര്‍ജപ്രവാഹമുണ്ടാകും. അതിന് ഭംഗം വരുത്തരുത്. അങ്ങനെ സംഭവിച്ചാല്‍ ഗന്ധര്‍വബാധയുണ്ടാകുമെന്നാണ് വിശ്വാസം. ബലിക്കല്ലുകളില്‍ അറിയാതെ സ്പര്‍ശിക്കുകയോ, മറികടക്കുകയോ ചെയ്താല്‍ അതിനു പ്രായശ്ചിത്തമായി ചൊല്ലുന്നതിനുള്ള  മന്ത്രം ഇതാണ്:



'കരചരണകൃതം വാ കായജം കര്‍മജം വാ

ശ്രവണനയനജം വാ മാനസം വാളപരാധം

വിഹിവമഹിതം വാ സര്‍വമേതത് ക്ഷമസ്വ

ശിവശിവ കരുണാബ്‌ധേ ശ്രീമഹാദേവ ശംഭോ'



ഐതിഹ്യപ്രസിദ്ധമാണ് ചില ക്ഷേത്രങ്ങളിലെ ബലിക്കല്ലുകള്‍. അന്നമനട മഹാദേവക്ഷേത്രത്തിലെ 'മുങ്ങുന്ന ബലിക്കല്ല്'  പറയിപെറ്റ പന്തിരുകുലത്തിന്റെ കഥയുമായി ബന്ധപ്പെട്ടിരിക്കുന്നു. പാക്കനാര്‍ക്കും പെരുന്തച്ചനും ക്ഷേത്രത്തിന് അകത്തു കയറാതെ പുറത്തുനിന്ന് ദര്‍ശനം നടത്താന്‍ അന്നമടനട തേവര്‍ (ശ്രീമഹാദേവന്‍) തന്നെ ബലിക്കല്ലു താഴ്ത്തിക്കൊടുത്തെന്നാണ് സങ്കല്‍പം. മുങ്ങുന്ന ബലിക്കല്ലിന്റെ മുകള്‍വശം മാത്രമേ പുറത്തേക്ക് കാണാനാകൂ.


തൃപ്രയാര്‍ ശ്രീരാമക്ഷേത്രത്തില്‍ പ്രതിഷ്ഠാവേളയില്‍ വിഗ്രഹം എവിടെ പ്രതിഷ്ഠിക്കുമെന്ന സംശയം വന്നു. പ്രതിഷ്ഠിക്കേണ്ടിടത്ത് ഒരു മയില്‍ വന്നിരുക്കുമെന്ന് പൊടുന്നനെ അശരീരിയുണ്ടണ്ടായി.  ഏറെ നേരം പ്രതീക്ഷിച്ചിട്ടും മയിലിനെ കണ്ടില്ല. പിന്നീട് താന്ത്രികവിധിയനുസരിച്ച് പ്രതിഷ്ഠ നടത്തി. അതുകഴിഞ്ഞാണ് മയില്‍ പ്രത്യക്ഷപ്പെട്ടത്. മയില്‍ പ്രത്യക്ഷപ്പെട്ടിടത്ത് വലിയൊരു ബലിക്കല്ലു പണിതു. മറ്റൊരു ക്ഷേത്രത്തിലും കാണാത്ത അത്രയുംപ്രാധാന്യം തൃപ്രയാറിലെ ഈ ബലിക്കല്ലിനുണ്ട്. ശില്‍പചാതുരിയാല്‍ പ്രസിദ്ധമായ തിരുനെല്ലി ക്ഷേത്രനടയിലായി ബലിക്കല്ല് ഇല്ല. അല്‍പം മാറിയാണ് സ്ഥാപിച്ചിരിക്കുന്നത്.



 ഹരി