ഓം നമഃ ശിവായ

ഓം നമഃ ശിവായ
"ക൪മ്മണ്യേവാധികാരസ്തേ മാ ഫലേഷു കദാചനഃ മാ ക൪മ്മഫലഹേതു൪ഭൂ൪മാതേ സംഗോസ്ത്വക൪മ്മണി" നിനക്ക് ക൪മ്മം ചെയ്യുവാന് മാത്രമേ അധികാരമുള്ളൂ. ക൪മ്മത്തിന്റെ ഫലത്തില് ഒരിക്കലും ആശിക്കരുത്. ക൪മ്മഫലത്തില് സംശയാലുവായ നിനക്ക് ക൪മ്മം ചെയ്യാതിരിക്കാനുള്ള മനസ്സും ഉണ്ടാവരുത്.

Thursday, June 2, 2016

മീങ്കുളം ശ്രീകൃഷ്ണ ക്ഷേത്രം – ഓലയമ്പാടി

മീങ്കുളം ശ്രീകൃഷ്ണ ക്ഷേത്രം – ഓലയമ്പാടി

പിലാത്തറയില്‍ നിന്നും മാതമംഗലം – ഓലയമ്പാടി വഴി പോകുന്ന ബസ്സില്‍ വന്നാല്‍ ഓലയമ്പാടിയില്‍ ക്ഷേത്ര പ്രവേശന കവാടത്തില്‍ ഇറങ്ങിയാല്‍ മതി.

മഹാസിദ്ധനും ശ്രീ കൃഷ്ണ ഭക്തനുമായ ശ്രീ വില്വമംഗലം സ്വാമിയാര്‍ ഒരു സന്ധ്യാ സമയത്ത് അന്ന് ഉദയഗിരി എന്നറിയപ്പെട്ടിരുന്നതും ശിവ സാന്നിധ്യമുണ്ടായിരുന്നതുമായ, ഇന്ന് ക്ഷേത്രം സ്ഥിതിചെയ്യുന്നതുമായ സ്ഥലത്ത് എത്തിച്ചേര്‍ന്നുവത്രേ. സന്ധ്യാവന്ദനത്തിനു ആവശ്യമായ വെള്ളം എങ്ങും കാണാത്തതിനാല്‍ തന്റെ ഉപാസനാമൂര്‍ത്തിയായ ശ്രീകൃഷ്ണ ഭഗവാനെ ധ്യാനിക്കുകയും ഉണ്ണിക്കണ്ണന്റെ രൂപത്തില്‍ ഭഗവാന്‍ പ്രത്യക്ഷപ്പെട്ട് തന്റെ തൃപ്പാദം പാറയില്‍ ചവിട്ടി ഒരു കുളവും നിറയെ വെള്ളവും കാണിക്കുകയും വെള്ളത്തിന്റെ പരിശുദ്ധിയില്‍ സംശയം തോന്നിയ തന്റെ ഭക്തന്‍റെ ഇംഗിതമനുസരിച്ച് ഭക്ത ദാസനായ ഭഗവാന്‍ കുളത്തില്‍ ആവശ്യത്തിന് പ്രത്യേകതരത്തിലുള്ള മത്സ്യങ്ങളെയും കാണിച്ചുകൊടുത്തു. ഭഗവാന്റെ തൃപ്പാദം പതിഞ്ഞ അടയാളം ഇന്നും കുളത്തിനടിയിലുണ്ട്. സാക്ഷാല്‍ ശ്രീനാരായണനാല്‍ നിര്‍മ്മിതമായ മീനും കുളവുമുള്ള ഈ പ്രദേശം മീങ്കുളം എന്ന പേരില്‍ പിന്നീട് പ്രസിദ്ധമായി.

ഭഗവത് സാന്നിദ്ധ്യമുണ്ടായ പാറപ്പുറത്ത് ശ്രീ വില്വമംഗലം സ്വാമിയരാല്‍ പ്രതിഷ്ഠിതമായതും ശ്രീകൃഷ്ണ ഭഗവാന്റെ ചൈതന്യം നിറഞ്ഞുനില്‍ക്കുന്നതുമായ ക്ഷേത്രമാണ് മീങ്കുളം ശ്രീകൃഷ്ണ ക്ഷേത്രം.

പ്രധാന ദേവനായ ശിവന്‍, ഉപദേവതകളായ ഗണപതി, സുബ്രഹ്മണ്യന്‍, ശാസ്താവ്, ദേവി, നാഗം എന്നിവരുടെ ക്ഷേത്രസമുച്ചയം കൂടിയുള്ളതാണ് മീങ്കുളം.

ക്ഷേത്ര ദര്‍ശനം നടത്തേണ്ട രീതി.

ആദ്യമായി തീര്‍ത്ഥക്കുളത്തിലിറങ്ങി ശുദ്ധിവരുത്തി അരയാല്‍ പ്രദക്ഷിണം ചെയ്ത ശേഷം സുബ്രഹ്മണ്യ ക്ഷേത്രത്തിലും, നാഗസന്നിധിയിലും തൊഴുക. പിന്നീട് പ്രധാന ദേവനായ ശിവക്ഷേത്രത്തിലും ദേവീദേവതമാരുടെ സങ്കേതത്തിലും തോഴുതശേഷം ശാസ്താവിനെ വണങ്ങി ഗുരുസന്നിധിയിലും (വില്വമംഗലം സ്വാമിമഠം) സന്ദര്‍ശിച്ച ശേഷം ശ്രീകൃഷ്ണ ഭഗവാനെയും ഗണപതി ഭഗവാനെയും തൊഴുത്‌ ക്ഷേത്രപ്രദക്ഷിണം പൂര്‍ത്തീകരിക്കേണ്ടതാണ്.

(ചുറ്റമ്പലത്തിനകത്ത് പ്രവേശിക്കുവാന്‍ ആഗ്രഹിക്കുന്നവര്‍ ക്ഷേത്രതീര്‍ത്ഥക്കുളത്തില്‍ കുളിച്ച് ഈറനോടെ മേല്‍ശാന്തിമാരുടെ അനുവാദം വാങ്ങിയശേഷം മാത്രമേ പ്രവേശിക്കുവാന്‍ പാടുള്ളൂ).

വിശേഷദിവസങ്ങള്‍

ചിങ്ങം     –           പുത്തരി, ശ്രീകൃഷ്ണജയന്തി, തിരുവോണം

കന്നി      –           നവരാത്രി (വിജയദശമി, വിദ്യാരംഭം)

ധനു       –           കുചേലദിനം

മകരം     –           മഹോത്സവം (തിരുവോണ നാളില്‍) ആറാട്ട് (അവിട്ടം നാളില്‍)

കുംഭം      –           ശിവരാത്രി (ശിവക്ഷേത്രത്തില്‍ പ്രധാനം)

ആയില്യം             –           നാഗത്തില്‍ സര്‍പ്പബലി

മേടം 1     –           വിഷുക്കണി

എടവം 15 –           ശിവക്ഷേത്ര പ്രതിഷ്ഠാദിനം

മിഥുനം    –           ശ്രീകൃഷ്ണ ക്ഷേത്ര പ്രതിഷ്ഠാദിനം (തിരുവോണ നാളില്‍)

കര്‍ക്കിടകം –         നിറ

അന്നദാനം : എല്ലാദിവസവും ഉച്ചയ്ക്ക് മുഴുവന്‍ ഭക്തജനങ്ങള്‍ക്കും അന്നദാനമുണ്ടാകും.

മാസംതോറും രണ്ടാമത്തെ ഞായറാഴ്ച അഖണ്ഡനാമ യജ്ഞവും വര്‍ഷംതോറും ശ്രീമദ് ഭാഗവത സപ്താഹയജ്ഞവും നടത്തിവരുന്നു. മൂന്നു വര്‍ഷം കൂടുമ്പോള്‍ നടയിലാട്ടുണ്ടയിരിക്കും.

കുറുമ്പിലോട്ടു ഭഗവതി, ചെക്കിച്ചേരി ഭഗവതി, പെരുവാമ്പ ചാമുണ്ഡി, തായ്പരദേവത, വിഷ്ണുമൂര്‍ത്തി.

ക്ഷേത്രം താന്ത്രിക കര്‍മ്മങ്ങള്‍ : ബ്രഹ്മശ്രീ ഇടവലത്ത് പുടയൂര്‍ മനയ്ക്കല്‍ കുബേരന്‍ നമ്പൂതിരിപ്പാടും, ശിവക്ഷേത്രത്തിന്റെയും മറ്റ് ഉപദേവാലയങ്ങളുടെയും താന്ത്രിക കര്‍മ്മങ്ങള്‍ ബ്രഹ്മശ്രീ കാളക്കാട്ടില്ലാം തന്ത്രീശ്വരന്മാരും.

മേല്‍ശാന്തിമാര്‍ : ശ്രീ അശോക അഡിഗ (മുള്ളെരിയ),

ശ്രീ രാമചന്ദ്ര ചടക (മുള്ളെരിയ)

പൂജാസമയം : രാവിലെ 5 മണിക്ക് നടതുറന്ന് ഉച്ചയ്ക്ക് 1 മണിക്ക് നട അടയ്ക്കുന്നു.

വൈകുന്നേരം 5 മണിക്ക് നട തുറന്ന് രാത്രി 8 മണിക്ക് നട അടയ്ക്കും.

വഴിപാട് : ശ്രീ കൃഷ്ണഭഗവാന് – ഉദയാസ്തമയ പൂജ, പാല്‍പ്പായസം, ശര്‍ക്കരപ്പായസം, നെയ്യ്പ്പായസം, കൂട്ടുപായസം, വെള്ളനിവേദ്യം, കടുംപായാസം, അവില്‍ നിവേദ്യം, സ്വയംവര പുഷ്പാഞ്ജലി, നിറമാല, തുളസിമാല, ചെക്കിമാല, കൂവളമാല, പുഷ്പാഞ്ജലി, സഹസ്രനാമ പുഷ്പാഞ്ജലി, ഭാഗ്യസൂക്തപുഷ്പാഞ്ജലി, വിദ്യാരംഭം, രാധാകൃഷ്ണ പ്രതിമ, ചന്ദനം ചാര്‍ത്തല്‍, ചുറ്റുവിളക്ക്, ഗോപൂജ, അന്നദാനം, ആനയൂട്ട്‌, സന്താനഗോപാലം.

ശിവന് – ജലധാര, ക്ഷീരധാര, ചെക്കിമാല, കൂവളമാല, തുളസിമാല, വെള്ളനിവേദ്യം, നമസ്കാര ഊട്ട്, രുദ്രാഭിഷേകം, മൃത്യുഞ്ജയ ഹോമം, ഇളനീരാടല്‍, നെയ്യപ്പം.

അയ്യപ്പന് – തുളസിമാല, ചെക്കിമാല, കൂവളമാല, മലര്‍നിവേദ്യം, കര്‍പ്പൂരം, നീരാഞ്ജനം, ദീപാരാധന.

സുബ്രഹ്മണ്യന് – തുളസിമാല,ചെക്കിമാല, കൂവളമാല, മലര്‍നിവേദ്യം, കര്‍പ്പൂരം, തണ്ണീനമൃത്.

നാഗത്തില്‍ – എണ്ണവിളക്ക്, സര്‍പ്പബലി.

വില്വമംഗലം സ്വാമിയാര്‍ക്ക് – ദീപപ്രകാരം

ഗണപതിക്ക്‌ – തുളസിമാല, ഗണപതി ഹോമം, അഷ്ടദ്രവ്യ ഗണപതി ഹോമം, മോദകം, കറുകഹോമം, ഒറ്റ നിവേദ്യം.

ക്ഷേത്രത്തിന്റെ പൂര്‍ണ്ണമായ മേല്‍വിലാസം :

മീങ്കുളം ശ്രീകൃഷണ ക്ഷേത്രം, (Meekulam Sreekrishna Temple)
ഓലയമ്പാടി പി.ഒ., മാതമംഗലം വഴി, പിന്‍ : 670306. (Olayampadi, Mathamangalam )

ഫോണ്‍ : 04985351134, 251434.

Wednesday, June 1, 2016

മലയാളം ഹൈന്ദവ ഗ്രന്ഥങ്ങൾ സൌജന്യമായി Download ചെയ്യൂ

മലയാളം ഹൈന്ദവ ഗ്രന്ഥങ്ങൾ സൌജന്യമായി Download ചെയ്യൂ
മലയാളം ഹൈന്ദവ ഗ്രന്ഥങ്ങൾ സൌജന്യമായി Download ചെയ്യൂ

ഋഗ്വേദം - മലയാളം അർത്ഥ സഹിതം-
https://ia601200.us.archive.org/4/items/RigVeda_with_malayalam_translation_-_v_balakrishnan__dr_r_leeladevi/RigVeda-MalayalamTranslation-VBalakrishnanDrRLeeladevi.pdf
അഥർവ്വ വേദം - മലയാളം അർത്ഥ സഹിതം
https://ia600806.us.archive.org/24/items/Atharva_Veda_with_Malayalam_Translation-V_Balakrishnan__R_Leeladevi/AtharvaVeda-MalayalamTranslation-VBalakrishnanRLeeladevi.pdf
ഭഗവത് ഗീത- മലയാളം അർത്ഥ സഹിതം
http://ia601708.us.archive.org/6/items/sreyas-ebooks/sreemad-bhagavadgeetha-sankarabhashyam.pdf
ഉപനിഷത്തുകള്
http://sreyas.in/category/texts/upanishad
രാമായണം
http://sreyas.in/ramayanam
ശ്രീകൃഷ്ണ സഹസ്രനാമസ്തോത്രം – നാമാവലി സഹിതം
https://ia601207.us.archive.org/16/items/Sri_Krishna_Sahasranama_Stotram__Namavali_-_Malayalam/SriKrishnaSahasranamaStotramNamavali-Malayalam_v_3.pdf
ശ്രീമദ് വിവേകാനന്ദ സ്വാമികള് ജീവചരിത്രം
http://ia801708.us.archive.org/6/items/sreyas-ebooks/srimad-vivekananda-swamikal.pdf
ചാണക്യനീതി അര്ത്ഥസഹിതം
https://ia902605.us.archive.org/11/items/ChanakyaNiti-MalayalamTranslation/ChanakyaNiti-MalayalamTextTranslation.pdf
കൂടുതൽ ഗ്രന്ഥങ്ങൾക്കായി താഴെ കാണുന്ന ലിങ്ക് പരിശോധിക്കുക
http://sreyas.in/
http://www.malayalamebooks.org/

ധര്‍മ്മം' എന്തെന്നറിയാന്‍ വേദം പഠിക്കണം

'ധര്‍മ്മം' എന്തെന്നറിയാന്‍ വേദം പഠിക്കണം

ഭാരതീയസംസ്ക്കാരത്തിന്റെ മാത്രമല്ല മാനവസംസ്ക്കാരത്തിന്റെ തന്നെ മൂലസ്രോതസ്സ് ചതുര്‍വേദങ്ങളാണ്. ഋക്, യജുസ്, സാമം, അഥര്‍വ്വം, എന്നിങ്ങനെ ഈ വേദങ്ങള്‍ സൃഷ്ടിയുടെ ആദിയില്‍ ഈശ്വരന്‍, അഗ്നി, വായു, അംഗിരസ്സ്, ആദിത്യന്‍ എന്നീ നാലു ഋഷിവര്യൻ മാരുടെ ഹൃദയകമലത്തില്‍ പ്രകാശിപ്പിച്ചു. ഇതേക്കുറിച്ചുള്ള ഒരു വേദവാണി അനുവാചകരുടെ ശ്രദ്ധയ്ക്കായി ഉദ്ധരിക്കാം 'കിലാലാപസോമപൃഷ്ഠായ വേധസേ ഹൃദ്വമതിമ് ജനയേ ചാരുമഗ്നയേ'' കിലാലാപന്‍ (വായു ഋഷി), സോമപൃഷ്ഠന്‍ (അംഗിരാഋഷി), വേധാ (ആദിത്യ ഋഷി), അഗ്നി ഋഷി എന്നിവരുടെ ഹൃദയങ്ങളില്‍ ഞാന്‍ (ഈശ്വരന്‍) വേദവിജ്ഞാനം പ്രകാശിപ്പിക്കുന്നുവെന്ന് ഈ മന്ത്രഭാഗത്തിന് സാമാന്യമായി അര്‍ത്ഥം പറയാം. സൃഷ്ടിയുടെ ആദ്യത്തില്‍ത്തന്നെ പരമേശ്വരന്‍ വെളിവാക്കിയതാണ് വേദമെന്ന് സാരം. ദയാലുവായ പരമേശ്വരന്‍ സ്വപ്രജകളായ ജീവികളുടെ സൌഖ്യത്തിനായി കായ്കനികളും ഈ പ്രപഞ്ചവും സര്‍വ്വസ്വവും രചിച്ചപോലെ സര്‍വ്വജ്ഞാനവാരിധിയായ വേദവും നല്‍കി. ശതപഥത്തില്‍ ഈശ്വരന്റെ ഉണ്മയില്‍ നിന്നാണ് വേദാവിര്‍ഭാവമെന്ന് പറഞ്ഞിട്ടുണ്ട്. 'മഹത്തായ ആകാശത്തിനേക്കാളും ബൃഹത്തായ പരമേശ്വരോണ്മയില്‍നിന്ന് ഋഗ്വേദാദി ചതുര്‍വേദങ്ങള്‍ നിശ്വാസംപോലെ സഹജമായി പുറപ്പെട്ടതാണെന്ന് അര്‍ത്ഥം വരുന്ന ഒരു പ്രസ്താവന ഇങ്ങനെയാണ്.

'ഏവം വാ അരേള സ്യ മഹതോ ഭൂതസ്യ നിശ്വസിത ദേതമ് യദ് ഋഗ്വേദോയജുര്‍വ്വേദ സാമവേദോളഥര്‍വാങ്ഗിരസ'' (ശതപഥം 14 /5  4 10 )

വേദങ്ങളുടെ ഉത്ഭവവും തിരോധാനവും ശ്വാസോച്ഛ്വാസം പോലെ സംഭവിക്കുന്നുവെന്നര്‍ത്ഥം. പക്ഷിമൃഗാദികള്‍ക്ക് ജന്മനാ തന്നെ ചില വാസനകളുണ്ടെന്ന് നമുക്ക് കാണാം. തൂക്കണാം കുരുവിയെ കൂടുകെട്ടാന്‍ ആരും പഠിപ്പിക്കേണ്ട എന്നത് ഒരു ഉദാഹരണം മാത്രം. എന്നാല്‍ മനുഷ്യന്റെ അവസ്ഥ തീര്‍ത്തും വ്യത്യസ്തമാണ്. അവന് വേണ്ടവിധത്തിലുള്ള അനുജ്ഞയും വഴി കാട്ടിക്കൊടുക്കലും ആവശ്യമാണ്. വിദ്യാരഹിതനായ ഒരാളെ കാര്യങ്ങള്‍ പറഞ്ഞുപഠിപ്പിക്കാത്തപക്ഷം അപരിഷ്കൃതനായി വളരുന്നു. അതിനാലാണ് സൃഷ്ടിയുടെ ആദ്യത്തില്‍ ആദിമമനുഷ്യന് അറിവായി വേദം ഉദിച്ചത്. മനുഷ്യന്റേത് സഹജമായ ജന്മവാസനകളാല്‍ നിയന്ത്രിതമായ ഒരു ജീവിതസാഹചര്യമല്ല. ആഹാരം കഴിക്കുന്നതുതൊട്ട് വസ്ത്രധാരണരീതി വരെ അവനെ പഠിപ്പിക്കേണ്ടിവരുന്നു. പ്രപഞ്ചസൃഷ്ടിയുടെ ആദ്യത്തില്‍ മനുഷ്യനെ പഠിപ്പിക്കാന്‍ ഈശ്വരനൊഴികെ ആരുമില്ലായിരുന്നുവെന്നാണ് വൈദികമതം. ഈ പ്രപഞ്ചത്തെക്കുറിച്ചുള്ള സകല അറിവും മാനവന് പ്രദാനം ചെയ്യാന്‍ ഈശ്വരനല്ലാതെ മറ്റാരുമുണ്ടായിരുന്നില്ല. ഇതുള്‍ക്കൊണ്ടാണ് പതഞ്ജലി ഈശ്വരന്‍ ഗുരുക്കൻമാരുടേയും ഗുരുവാണെന്ന് പറഞ്ഞുവെച്ചത്.

സൃഷ്ടിയുടെ ആദിയിലേ നല്‍കിയ വൈദികജ്ഞാനമെന്ന ആര്‍ഷസിദ്ധാന്തം അഴിവില്ലാത്തതാണ്, ഒപ്പം യുക്തിഭദ്രവും. ഈശ്വരവചനങ്ങള്‍ കാലപ്പഴക്കത്തില്‍ ജീര്‍ണ്ണിക്കുന്നില്ല. കാരണം ഈശ്വരനെപ്പോലെ അതും പൂര്‍ണ്ണമായിരിക്കും. അതിനാല്‍ തന്നെ, പിന്നെ ഇടയ്ക്കിടെ പുതിയ ഈശ്വരവാണികള്‍ പുറപ്പെടുവിക്കേണ്ടതുമില്ലെന്ന് ന്യായദര്‍ശനം കരുതുന്നു. ഈ സത്യം മേക്സ്മ്യൂലരും പറഞ്ഞിട്ടുണ്ട്. കാണുക.

'സ്വര്‍ഗ ഭൂമി ആദികള്‍ സൃഷ്ടിച്ച സര്‍വ്വശക്തനായ ഒരു ദൈവമുണ്ടെങ്കില്‍ മോസസ്സിന് മുമ്പ് ജനിച്ച കോടാനുകോടി ജനങ്ങള്‍ക്കും ദിവ്യജ്ഞാനം മറച്ചുവെച്ചതിന്റെ അന്യായം അദ്ദേഹത്തിനുവരും. 'ന്യായകാരിയായ ഈശ്വരന്‍ അതുകൊണ്ട് തീര്‍ച്ചയായും സൃഷ്ടിയുടെ ആദിയില്‍ തന്നെ ദിവ്യജ്ഞാനം നല്‍കിയിട്ടുണ്ടെന്ന് കരുതാം. ഇത്തരമൊരു അറിവില്‍ വ്യക്തിഗതചരിത്രത്തിനോ വംശചരിത്രത്തിനോ യാതൊരു സ്ഥാനവുമില്ലതാനും.

ഇനി 'വേദം' എന്ന വാക്കിന്റെ അര്‍ത്ഥമെന്താണെന്ന് ചിന്തിക്കാം. വേദമെന്ന വാക്കിന്നര്‍ത്ഥം 'ജ്ഞാനം' എന്നാണ്. അറിയുക എന്നര്‍ത്ഥം വരുന്ന 'വിദ്' ധാതുവില്‍ നിന്നാണ് ഈ ശബ്ദത്തിന്റെ ഉല്പത്തി. ഈ പദത്തെക്കുറിച്ച് അല്പമൊന്ന് ചിന്തിക്കാം. 1. വിദ് ജ്ഞാനേ (അറിയുക) 2. വിദ് വിചാരണേ (വിചിന്തനം ചെയ്യുക) 3. വിദ് സത്തായാമ് (സത്യത്തെ സംബന്ധിച്ച) 4. വിദ് ലൃലാഭേ (ലഭ്യമായത്)

വേദശബ്ദത്തിന്റെ അര്‍ത്ഥം ഈ ധാതുക്കളില്‍ നിന്ന് കണ്ടെത്താവുന്നതാണ്. ഈശ്വരനില്‍നിന്ന് പകര്‍ന്നുനല്‍കിയതും, അതിന്റെ നിറവും മണവുമുള്ള ഈ ഗ്രന്ഥത്തിന് 'ജ്ഞാനം' എന്നു തന്നെ പേരായി ലഭിച്ചത് ഗ്രഹണീയമാണ്.

വേദങ്ങള്‍ രചിച്ചിട്ടുള്ളത് ഏറ്റവും പ്രാചീനമായ ഭാഷയിലാണ്. അതാകട്ടെ ആരുടേയും മാതൃഭാഷയൊട്ടല്ലതാനും. ആ ഭാഷ സമൃദ്ധവും വിസ്തൃതവുമായിരുന്നു. ഇന്ന് ഭാഷകളില്‍ കണ്ടുവരുന്ന അപഭ്രംശങ്ങളോ തദ്ഭവങ്ങളോ സ്വരശുദ്ധിഹീനതയോ ഇല്ലായിരുന്നു ആ ഭാഷയില്‍. ഇങ്ങനെയുള്ള ആ വൈദികഭാഷയ്ക്ക് ദേവവാണി, ദൈവീവാക്, ദിവ്യഭാഷ എന്നെല്ലാം പേരുണ്ട്. ഈ ഭാഷ കേട്ടു പഠിക്കാന്‍ കഴിവുള്ള ശ്രുതിയിലായിരുന്നു. എന്നാല്‍ ക്രമേണ കേട്ടുമനസ്സിലാക്കാന്‍ വിഷമമായപ്പോള്‍ പദച്ഛേദം, സ്വരവിന്യാസം, പാഠരീതി, ധാതുമൂലം എന്നീ ശിക്ഷാവ്യാകരണനിയമങ്ങള്‍ ആവിഷ്കരിച്ചുവെന്ന് പ്രാചീന വ്യാകരണകാരണവർമാര്‍ പറയുന്നു.

Acharya M. R. Rajesh

ശുകശാസ്ത്രകഥോജ്ജ്വലം

എന്തുകൊണ്ട് ശ്രീമദ്‌ ഭാഗവതത്തിന് മറ്റു 17 പുരാണങ്ങളെക്കാള്‍ പ്രാധാന്യം നല്കി വരുന്നു?

ഭാഗവതം രചിച്ചിരിക്കുന്നത് വേദങ്ങളിലെ "ജഞാനകാണ്ഡം" എന്ന പ്രസിദ്ധമായ പത്ത് ഉപനിഷത്തുകളില്‍ നിന്നത്രേ.
അതിനാൽ ശ്രീമദ്‌ ഭാഗവതം തന്നെ പുരാണങ്ങളില്‍ അത്യുത്തമമെന്ന് ആചാര്യന്മാരില്‍ നിന്ന് കേട്ടറിവ്.
'ഇദം ഭാഗവതം നാമ പുരാണം ബ്രഹ്മസമ്മിതം
ഭക്തി ജ്ഞാന വിരാഗാണാം സ്ഥാപനായ പ്രകാശിതം"

ഭാഗവതം എന്ന ഈ പുരാണം നാലു വേദങ്ങളോട് സദൃശമാണ്.

ശ്രീമദ് ഭാഗവതത്തെ വിശേഷിപ്പിക്കേണ്ടത് “ശുകശാസ്ത്ര കഥോജ്ജ്വലം” എന്നാണത്രേ.
എന്താ ഈ ശുകശാസ്ത്രകഥോജ്ജ്വലം?
ശ്രീശുക മഹർഷിയാൽ അരുളിയ ഭഗവത്കഥകള്‍ ശാസ്ത്ര നിരൂപണമാണ്--ജ്ഞാനത്തിന്‍റെയും യജ്ഞത്തിന്‍റെയും ഒരു നിരൂപണമാണ്.
(വേദാന്ത വിചാരവും യജ്ഞമാണ് പക്ഷെ അതിന്നും മുകളിൽ ആണ് ഭാഗവതം.)
അതിനാൽ “ശുകശാസ്ത്രകഥോജ്ജ്വലം”.
ഭാഗവത കഥ പറയുന്ന സ്ഥലത്ത് ഭക്തിയും, ജ്ഞാനവും, വൈരാഗ്യവും വരും; എന്ന് മാത്രമല്ല വാര്‍ദ്ധക്യം ബാധിച്ച അവർക്ക് പഴയ ഊർജ്ജസ്വലത കൈവരുകയും ചെയ്യുമെന്നാണ്.
ശ്രീമദ് ഭാഗവത ശ്രവണം തന്നെ ഉത്തമമാണ്.
“യത് ഫലം നാസ്തി തപസാ, ന യോഗേന സമാധിനാ
അനായാസേന തത് സർവ്വം, സപ്താഹശ്രവണേ ലഭേത്“
ആചാര്യന്മാർ ഏഴു ദിവസത്തെ സപ്താഹം വളരെ വിശേഷം എന്ന് വിധിച്ചിരിക്കുന്നു. ഇന്ന് നമുക്ക് തപസ്/യോഗം/സമാധി എന്നിവ ചെയ്ത് ഫലം നേടാൻ വളരെ ബുദ്ധിമുട്ടല്ലേ. ആ വക ബുദ്ധിമുട്ടുകളെല്ലാം അനായാസമായി മാറ്റിത്തരും ഭാഗവത സപ്താഹശ്രവണത്താൽ. അതിനാല്‍ നമ്മള്‍ തിരക്ക് പിടിച്ച ജീവിതത്തിനിടയിലും ഒരു ഏഴുദിവസം മാറ്റി വയ്ക്കാന്‍ ശ്രമിക്കണം. ഇങ്ങനെ ഈ വിശിഷ്ട ഗ്രന്ഥത്തെ പൂർണ്ണമായി ശ്രവിക്കുന്നത് മറ്റെന്തിനെക്കാളും ഉൽകൃഷ്ടമാണ്.

ഏത് ഗൃഹത്തിൽ ഭാഗവതം നിത്യവും വായിക്കുന്നുവോ അവിടെ എല്ലാ മാഹാത്മ്യവും താനെ വന്ന് ചേരും.
ശ്രീമദ്‌ ഭാഗവത സപ്താഹശ്രവണം എല്ലാ ഉയർച്ചകൾക്കും, ദോഷ നിവാരണത്തിന്നും ഉത്തമമെന്നു ആചാര്യമതം.
ഒന്ന്കൂടി പറയട്ടെ.
ശ്രീകൃഷ്ണ ഭഗവാൻ ഭൂലോകം വിട്ട് സ്വധാമത്തിലേക്ക് പോയപ്പോള്‍ ഭഗവാന്‍റെ സർവ്വതേജസ്സിനെയും ശ്രീമദ് ഭാഗവതത്തിൽ ലയിപ്പിച്ചതായി ഈ മഹത് ഗ്രന്ഥത്തില്‍ പറയുന്നു....
"ശ്രീമദ്‌ ഭാഗവതാഖ്യോഽയം പ്രത്യക്ഷഃ കൃഷ്ണ ഏവ ഹി" എന്നാണല്ലോ.
മാത്രമോ?
ഈ ഭാഗവതമഹാ സമുദ്രം ശ്രീകൃഷ്ണ ഭഗവാനാൽ നിറഞ്ഞ് നിൽക്കുന്നു.
ആ ഭാഗവതത്തെ ആർക്കും ആശ്രയിക്കാം.
ആശ്രയിക്കുന്നവര്‍ക്ക് സംസാര ദുഃഖത്തില്‍നിന്ന് മുക്തി ലഭിക്കും.

അംഗാരവര്‍ണ്ണന്‍‌ പറഞ്ഞ കഥകള്‍‌.

അംഗാരവര്‍ണ്ണന്‍‌ പറഞ്ഞ കഥകള്‍‌.

അരക്കില്ലം കത്തിക്കരിഞ്ഞ് അനാധരായ പാണ്ഡവര്‍ വനവാസം ചെയ്യവേ, ഒരിക്കല്‍ ഒരു ബ്രാഹ്മണനെ കണ്ടുമുട്ടുന്നു. ബ്രാഹ്മണന്‍ താന്‍ പാഞ്ചാലീ സ്വയം വരത്തിനു പോവുകയാണെന്ന് പറയുന്നു..

പാഞ്ചാലിയെ അര്‍ജ്ജുനന് വിവാഹം ചെയ്തുകൊടുക്കാന്‍‍ യജ്ഞത്തില്‍ നിന്ന് ജനിച്ചതാണെന്നും, പക്ഷെ, പാണ്ഡവര്‍ അരക്കില്ലത്തില്‍ പെട്ട് വെന്തു മരിച്ചതുകൊണ്ട് ഇനി എന്തു ചെയ്യും എന്നറിയില്ല എന്നും ബ്രാഹ്മണന്‍ പറയുന്നു. അവിടെ ഒരു മരത്തില്‍ ഒരു കിളിയെ കെട്ടിത്തൂക്കിയിട്ടിട്ടുണ്ട്. താഴെ ജലാശയത്തില്‍ അതിന്റെ പ്രതിബിംബം നോക്കി അമ്പെയത് അതിന്റെ കണ്ഠത്തില്‍ കൊള്ളിക്കുന്നവനു മാത്രമെ പാഞ്ചാലിയെ വരിക്കാനാകൂ, എല്ലാ രാജാക്കന്മാരും ബ്രാഹമണരും പോകുന്നുണ്ട്, നല്ല സദ്യയും ഉണ്ട്, ചിലര്‍ പാഞ്ചാലിയെ കാണാനും സദ്യയില്‍ പങ്കെടുക്കാനും ആയും പോകുന്നുണ്ട് എന്നൊക്കെ പറയുമ്പോള്‍ പാണ്ഡവരും ആ ബ്രാഹ്മണനോടൊപ്പം പാഞ്ചാലീ സ്വയംവര‍ത്തില്‍ പങ്കെടുക്കാനായി പോകുന്നു

വഴിയില്‍ വച്ച് വ്യാസമഹര്‍ഷിയെ കാണുകയും അദ്ദേഹം പാഞ്ചാലിയെ ‍ 5 പേരും ചേര്‍ന്ന് വേള്‍ക്കാന്‍ പറയുകയും ചെയ്യുന്നു. കാരണം കഴിഞ്ഞ ജന്മത്തില്‍ പാഞ്ചാലി പരമശിവനോട് നല്ല ഭര്‍ത്താവു വേണം എന്നു പ്രാര്‍ത്ഥിക്കുമ്പോള്‍, പ്രത്യക്ഷനായ പരമശിവനോട് , പരിഭ്രമത്താല്‍, 5 പ്രാവശ്യം തനിക്ക് നല്ല ഭര്‍ത്താവ് വേണം എന്ന് പറഞ്ഞുപോയതുകൊണ്ട്, പരമശിവന്‍ പറയുന്നു, അടുത്ത ജന്മം നിനക്ക് അഞ്ചുഭര്‍ത്താക്കന്മാരുണ്ടാകും എന്നും, എന്നാല്‍ നിനക്ക് അതുകൊണ്ട് അപഖ്യാതി ഒന്നും ഉണ്ടാകില്ല എന്നും പറയുന്നു. കഥ പറഞ്ഞശേഷം, അതുകൊണ്ട് അഞ്ചുപേരും ചേര്‍ന്ന് പാഞ്ചാലിയെ വിവാഹം ചെയ്യാന്‍ അനുഗ്രഹിച്ച്, വേദവ്യാസമഹര്‍ഷി പാണ്ഡവരെ പാഞ്ചാലരാജ്യത്തേക്ക് അയക്കുന്നു.

രാത്രി അര്‍ജ്ജുനന്‍ ഒരു പന്തവും കൊളുത്തി ഗംഗാനദി കടക്കുവാന്‍ ശ്രമിക്കുമ്പോള്‍ അംഗാരവര്‍ണ്ണന്‍ എന്ന ഗന്ധര്‍വ്വന്‍ പരിവാരസമേതം അവിടെ കുളിക്കുന്നതു കാണാനിടയായി. പാണ്ഡവരെ കണ്ട് കുപിതനായി അംഗാരവര്ണ്ണന്‍, ‘രാത്രി ഇതുവഴി മനുഷ്യര്‍ക്ക് സഞ്ചരിക്കാന്‍ അനുവാദമില്ലെന്നും അങ്ങിനെ മനുഷര്‍ പെട്ടുപോയാല്‍ യക്ഷ രാക്ഷസ ഗന്ധര്‍വ്വന്മാര്‍ അവരെ കൊന്നു തിന്നും എന്നും, താന്‍ പാണ്ഡവരെ കൊല്ലാന്‍ പോവുകയാണെന്നും പറയുന്നു.

ഇതുകേട്ട് ദേഷ്യം വന്ന അര്‍ജ്ജുനന്‍ തങ്ങള്‍ സാധാരണ മനുഷ്യരല്ലെന്നും, തന്നോട് യുദ്ധം ചെയ്ത് ജയിക്കാന്‍ അംഗാരവര്‍ണ്ണനെ വെല്ലുവിളിക്കയും ചെയ്യുന്നു. അംഗാരവര്‍ണ്ണനും അര്‍ജ്ജുനനും തമ്മില്‍ നടത്തിയ യുദ്ധത്തില്‍ അര്‍ജ്ജുനന്‍ ആഗ്നേയാസ്ത്രം തൊടുത്ത് അംഗാരവര്‍ണ്ണനെ തോല്‍പ്പിക്കുന്നു. അംഗാരവര്‍ണ്ണനെ കൊല്ലാതെ വിടാന്‍ അംഗാരവര്‍ണ്ണന്റെ ഭാര്യ അപേക്ഷിക്കയാല്‍ അപ്രകാരം ചെയ്യുന്നു അര്‍ജ്ജുനന്‍. പ്രത്യുപകാരമായി അംഗാരവര്‍ണ്ണന്‍ അര്‍ജ്ജുനന് ‘ചാക്ഷുഷി’ എന്ന വിദ്യ ഉപദേശിച്ചു കൊടുക്കുന്നു. അര്‍ജ്ജുനന്‍ ഗന്ധര്‍വ്വനു ‘ആഗ്നേയാസ്ത്ര’വും പറഞ്ഞുകൊടുത്ത്, ഇരുവരും ഉറ്റമിത്രങ്ങളാവുന്നു.

അപ്പോള്‍ അംഗാരവര്‍ണ്ണന്‍ പാണ്ഡവരോട്, “താപത്യന്മാരായ നിങ്ങള്‍ എന്തു കര്‍മ്മവും ചെയ്യുമ്പോള്‍ അത് ഒരു ബ്രാഹ്മണനെ മുന്‍‌നിര്‍ത്തി വേണം ചെയ്യാന്‍” എന്നു ഉപദേശിക്കുന്നു.

അപ്പോള്‍ അര്‍ജ്ജുനന്‍, “അങ്ങ് എന്താണ് ഞങ്ങളെ താപത്യന്മാ‍ര്‍ എന്നു വിളിച്ചത്?” എന്നു ചോദിക്കുന്നു.

അതിനു മറുപടിയായി ബ്രാഹ്മണനായ വസിഷ്ഠമഹര്‍ഷിയെ മുന്‍‌നിര്‍ത്തി വിജയസാധ്യം വരിച്ച സംവരണന്റെ കഥ അംഗാരവര്‍ണ്ണന്‍ പറയുന്നു...

സൂര്യദേവന്റെ പുത്രിയായിരുന്നു തപതി. തപതി അതീവസുന്ദരിയായിരുന്നു. അവളെ തന്റെ ഭക്തന്‍ -ഋഷകന്റെ പുത്രനായ - സംവരണനു വിവാഹം കഴിച്ചുകൊടുക്കണമെന്നും സൂര്യദേവന്‍ നിശ്ചയിച്ചിരിക്കെ,

ഒരിക്കല്‍ സംവരണന്‍ വനത്തിലൂടെ സഞ്ചരിക്കുമ്പോള്‍ അതീവ സുന്ദരിയായി തപതിയെ കണ്ട് മോഹിതനായി, അവളോടെ വിവാഹാഭ്യര്‍ത്ഥന നടത്തുന്നു.

താന്‍ സൂര്യദേവന്റെ പുത്രി തപതിയാണെന്നും തന്റെ പിതാവിനെ പ്രാര്‍ത്ഥിച്ച് സമ്മതം വാങ്ങിയാല്‍ അങ്ങയെ വിവാഹം കഴിക്കാം എന്നും പറഞ്ഞ് തപതി പോകുന്നു.

സംവരണന്‍ മോഹവിവശനായി ‘തപതി’ ‘തപതി’ എന്നും ഉരുവിട്ട് മോഹാത്സ്യപ്പെട്ട് വീഴുന്നു.

സംവരണന്റെ ബുദ്ധിമാനായ മന്ത്രി സംവരണനെ സമാധാനിപ്പിച്ച്, വസിഷ്ഠമഹര്‍ഷിയെ സേവിച്ചാല്‍ അദ്ദേഹം സഹായിക്കും എന്നു പറയുന്നു.

അപ്രകാരം വസിഷ്ഠമഹര്‍ഷിയെ പൂജിച്ച് , വസിഷ്ഠമഹര്‍ഷി എത്തുമ്പോള്‍ സംവരണന്‍ തന്റെ ദുഃഖം വസിഷ്ഠനെ അറിയിച്ച് പോംവഴി ആരായുന്നു.

വസിഷ്ഠമഹര്‍ഷി സൂര്യദേവനെ ധ്യാനിച്ച്, സൂര്യദേവന്‍ പ്രത്യക്ഷമാവുമ്പോള്‍ സംവരണന്‍ തപതിയില്‍ അനുരക്തനാണെന്നും വിവാഹം കഴിച്ചുകൊടുക്കണമെന്നും അഭ്യര്‍ത്ഥിക്കുന്നു.

അങ്ങ് എന്തപേക്ഷിച്ചാലും തനിക്ക് വിസമ്മതിക്കാന്‍ നിര്‍വ്വാഹമില്ലെന്നും, എന്നാല്‍ തപതിയെ താന്‍ ആദ്യമേ സംവരണനു നല്‍കാന്‍ ഉദ്ദേശിച്ചിരുന്നതാണെന്നും പറഞ്ഞ് അവരുടെ വിവാഹം നടത്തുന്നു.

കഥ പറഞ്ഞു തീര്‍ത്തശേഷം അംഗാരവര്‍ണ്ണന്‍ പാണ്ഡവരോട് പറയുന്നു, “ഈ കഥ പറയാന്‍ കാരണം സംവരണന്‍ വസിഷ്ഠനെ മുന്‍‌നിര്‍ത്തി വിവാഹാഭ്യര്‍ത്ഥന നടത്തിയതുകൊണ്ടാണ് വിഘ്നങ്ങളൊന്നും കൂടാതെ ശുഭമായി എല്ലാം കലാശിച്ചത്. അതുകൊണ്ട് നിങ്ങളും ഒരു ബ്രാഹ്മണനെ മുന്‍‌നിര്‍ത്തി എല്ലാം ചെയ്ക” എന്ന്.

അംഗാരവര്‍ണ്ണന്‍ തുടര്‍ന്ന് കല്‍മാഷചരിതവും, ഔര്‍വ്വചരിതവും, പാണ്ഡവര്‍ക്ക് വിവരിക്കുന്നു.

കഥകളൊക്കെ കേട്ടശേഷം അര്‍ജ്ജുനന്‍, ‘തങ്ങള്‍ ഏതു ബ്രാഹ്മണനെ മുന്‍‌നിര്‍ത്തി എല്ലാം ചെയ്യും?’ എന്ന് ചോദിക്കുമ്പോള്‍, ‘നിങ്ങള്‍ ധൌമ്യമഹര്‍ഷിയെ സേവ ചെയ്യുക’ എന്നു ‍ പറയുന്നു. അങ്ങിനെ ധൌമ്യമഹര്‍ഷിയെ പ്രീതിപ്പെടുത്തി, അദ്ദേഹത്തോടൊപ്പമാണ് പാണ്ഡവര്‍ പാഞ്ചാലീ സ്വയംവരത്തിനെത്തുന്നത്.

Tuesday, May 31, 2016

ശാന്തിമന്ത്രം

ശാന്തിമന്ത്രം അർത്ഥം മനസിലാക്കി എല്ലാവരും മനഃപാഠം പഠിക്കുക.

ഓം സഹനാവവതു സഹനൗഭുനക്തു
സഹവീര്യം കരവാവഹൈ
തേജസ്വിനാവധീതമസ്തു
മാ വിദ്വിഷാവഹൈ
ഓം ശാന്തി ശാന്തി ശാന്തിഃ

നമുക്കൊരുമിച്ചു വർത്തിക്കാം, നമുക്കൊരുമിച്ചു ഭക്ഷിക്കാം, നമുക്കൊരുമിച്ചു പ്രവർത്തിക്കാം അപ്രകാരം നമുക്ക് തേജസ്വികളായിത്തിരാം. ആരോടും വിദ്വേഷമില്ലാതെ ജീവിക്കാം. നന്മ നിറഞ്ഞ   ചിന്താധാരകൾ എല്ലായിടത്തുനിന്നും വന്നുചേരട്ടെ.

ഓം  ശാന്തി  ശാന്തി  ശാന്തിഃ

Monday, May 30, 2016

എന്താണ് ബ്രഹ്മചര്യം? ആരാണ് ബ്രഹ്മചാരി?

എന്താണ് ബ്രഹ്മചര്യം? ആരാണ് ബ്രഹ്മചാരി?
*******
വളരെയധികം തെറ്റിദ്ധരിക്കപ്പെട്ട ഒന്നാണ് ബ്രഹ്മചര്യം ബ്രഹ്മത്തിന്റെ അഥവാ പരമാത്മാവിന്റെ അഥവാ ഈശ്വരന്റെ ചര്യകൾ അഥവാ കർമ്മങ്ങൾ അഥവാ സ്വഭാവം -അപ്പോൾ ബ്രഹ്മം എന്നാൽ എന്ത് എന്ന് ആദ്യം അറിയണം എന്നാലേ ബ്രഹ്മത്തിന്റെ ചര്യകൾ എന്താണെന്നും എങ്ങിനെയാണ് എന്നും പറയാനും ആചരിക്കാനും പറ്റു
    ബ്രഹ്മാണ്ഡം അഥവാ ഈ ജഗത്ത് അതിന്റെ സുഷ്മ രൂപമാണ് പിണ്ഡാണ്ഡം അഥവാ നമ്മൾ ഒരോരുത്തരും അപ്പോൾ ഈ പ്രപഞ്ചത്തിൽ എന്ത് പ്രകൃത്യാ നടക്കുന്നുവോ അതാണ് ബ്രഹ്മത്തിന്റെ ചര്യകൾ സൃഷ്ടി സ്ഥിതി സംഹാരം ഇതാണ് ബ്രഹ്മത്തിന്റെ ചര്യകൾ

1' സൃഷ്ടി - (വ്യക്തിപരമായി)   സൃഷ്ടി എന്നേ പറഞ്ഞിട്ടുള്ളു അതെ പ്രകാരം എന്ന് ഭൂമിയിലെ ധർമ്മം, വാസസ്ഥലത്തെ ആചാരം എന്നിവ അടിസ്ഥാനപ്പെടുത്തി ചെയ്യേണ്ടതാണ് വിവാഹം - ധർമ്മശാസ്ത്ര ഗ്രന്ഥ നിയമം അനുസരിച്ച് യഥാവിധി വിവാഹം കഴിച്ച് ശാസ്ത്ര നിബന്ധന അനുസരിച്ച് സൽപുത്രരെ ജനിപ്പിക്കുക - ഇത് ബ്രഹ്മചര്യമാണ് ഇത് ചെയ്യുന്നവൻ ബ്രഹ്മചാരിയുമാണ്

2. - കാമ സം പൂർത്തി ഉദ്ദേശിച്ചുള്ള വിവാഹവും തുടർന്നുള്ള പുത്രജനനവും ബ്രഹ്മചര്യമല്ല അധർമ്മവും ആണ്

3 - ഭൗതിക ജീവിതത്തിൽ കാർഷിക ഇനങ്ങൾ സൃഷ്ടിക്കുന്നു അതിനെ സംരക്ഷിക്കുന്നു അതിന് നാശം വിതക്കുന്ന കീടങ്ങളെ സംരക്ഷിക്കുന്നു

4. ഇങ്ങിനെ ധാർമ്മികമായി ഭൗതിക വ്യവഹാരം നടത്തുന്നവൻ ബ്രഹ്മചാരിയാണ് കാരണം ആ ബ്രഹ്മ നിയമം അറിഞ്ഞവനാണ് അഥവാ ജന്മനാ ധർമ്മബോധം വ്യക്തിത്വത്തിന്റെ ഭാഗമായി ത്തീർന്നവനാണ്

5. മറ്റൊന്ന് ചതുരാ ശ്രമത്തിലെ 'കട്ടിക്കാലത്തെ ഘട്ടമാണ് ബ്രഹ്മചര്യം 1 ഗൃഹസ്ഥാശ്രമം - 2  വാനപ്രസ്തം - 3 സംന്യാസം- 4
ഇതിലെ ബ്രഹ്മചര്യ നിയമം ഒരു വിദ്യാർത്ഥിക്ക് ആവശ്യമുള്ള ഗുണങ്ങളാണ്
     ഈ രണ്ടു തരത്തിലാണ് ബ്രഹ്മചര്യം വിവക്ഷിക്കപ്പെടുന്നത്  അല്ലാതെ വിവാഹം കഴിക്കാത്തവരെ അല്ല  സർവ്വാംഗ പരിത്യാഗികളായ വിഷയ വിരക്തി വന്ന യോഗി ക ളും ബ്രഹ്മചാരികളാണ്