ശ്രീ വെങ്കടേശ്വര സുപ്രഭാതം

കൗസല്യാ സുപ്രജാരാമ പൂര്‍വാ സന്ധ്യാ പ്രവര്തതേ
ഉത്തിഷ്ഠ നരശാര്ദൂല കര്തവ്യം ദൈവ മാഹ്നികം
ഉത്തിഷ്ഠോത്തിഷ്ഠ ഗോവിന്ദ ഉത്തിഷ്ഠ ഗരുഡധ്വജ
ഉത്തിഷ്ഠ കമലാ കാന്താ ത്രൈലോക്യം മംഗളം കുരു
മാതസ്സമസ്ത ജഗതാം മധുകൈടഭാരേഃവക്ഷോവിഹാരിണി മനോഹര ദിവ്യമൂര്തേ
ശ്രീസ്വാമിനി ശ്രിതജനപ്രിയ ദാനശീലേശ്രീ വേംകടേശ ദയിതേ തവ സുപ്രഭാതം

തവ സുപ്രഭാതമരവിന്ദ ലോചനേ ഭവതു പ്രസന്നമുഖ ചംദ്രമംഡലേ
വിധി ശംകരേംദ്ര വനിതാഭിരര്ചിതേ വൃശ ശൈലനാധ ദയിതേ ദയാനിധേ
അത്ര്യാദി സപ്ത ഋഷയസ്സമുപാസ്യ സംധ്യാം ആകാശ സിംധു കമലാനി മനോഹരാണി
ആദായ പാദയുഗ മര്ചയിതും പ്രപന്നാഃ ശേഷാദ്രി ശേഖര വിഭോ തവ സുപ്രഭാതം

പംചാനനാബ്ജ ഭവ ഷണ്മുഖ വാസവാദ്യാഃ ത്രൈവിക്രമാദി ചരിതം വിബുധാഃ സ്തുവംതി
 ഭാഷാപതിഃ പഠതി വാസര ശുദ്ധി മാരാത് ശേഷാദ്രി ശേഖര വിഭോ തവ സുപ്രഭാതം
ഈശത്-പ്രഫുല്ല സരസീരുഹ നാരികേള പൂഗദ്രുമാദി സുമനോഹര പാലികാനാമ്
ആവാതി മംദമനിലഃ സഹദിവ്യ ഗംധൈഃ ശേഷാദ്രി ശേഖര വിഭോ തവ സുപ്രഭാതം

ഉന്മീല്യനേത്ര യുഗമുത്തമ പംജരസ്ഥാഃപാത്രാവസിഷ്ട കദലീ ഫല പായസാനി
ഭുക്ത്വാഃ സലീല മഥകേളി ശുകാഃ പഠംതിശേഷാദ്രി ശേഖര വിഭോ തവ സുപ്രഭാതം
തംത്രീ പ്രകര്ഷ മധുര സ്വനയാ വിപംച്യാഗായത്യനംത ചരിതം തവ നാരദോ‌உപി
ഭാഷാ സമഗ്ര മസത്-കൃതചാരു രമ്യംശേഷാദ്രി ശേഖര വിഭോ തവ സുപ്രഭാതം

ഭൃംഗാവളീ ച മകരംദ രസാനു വിദ്ധഝുംകാരഗീത നിനദൈഃ സഹസേവനായ
നിര്യാത്യുപാംത സരസീ കമലോദരേഭ്യഃ ശേഷാദ്രി ശേഖര വിഭോ തവ സുപ്രഭാതം
യോഷാഗണേന വരദധ്നി വിമധ്യമാനേ ഘോഷാലയേഷു ദധിമംഥന തീവ്രഘോഷാഃ
രോഷാത്കലിം വിദധതേ കകുഭശ്ച കുംഭാഃ ശേഷാദ്രി ശേഖര വിഭോ തവ സുപ്രഭാതം

പദ്മേശമിത്ര ശതപത്ര ഗതാളിവര്ഗാഃ ഹര്തും ശ്രിയം കുവലയസ്യ നിജാംഗലക്ഷ്മ്യാഃ
ഭേരീ നിനാദമിവ ഭിഭ്രതി തീവ്രനാദമ് ശേഷാദ്രി ശേഖര വിഭോ തവ സുപ്രഭാതം
ശ്രീമന്നഭീഷ്ട വരദാഖില ലോക ബംധോ ശ്രീ ശ്രീനിവാസ ജഗദേക ദയൈക സിംധോ
ശ്രീ ദേവതാ ഗൃഹ ഭുജാംതര ദിവ്യമൂര്തേ ശ്രീ വേംകടാചലപതേ തവ സുപ്രഭാതം

ശ്രീ സ്വാമി പുഷ്കരിണികാപ്ലവ നിര്മലാംഗാഃ ശ്രേയാര്ഥിനോ ഹരവിരിംചി സനംദനാദ്യാഃ
ദ്വാരേ വസംതി വരനേത്ര ഹതോത്ത മാംഗാഃ ശ്രീ വേംകടാചലപതേ തവ സുപ്രഭാതം
ശ്രീ ശേഷശൈല ഗരുഡാചല വേംകടാദ്രി നാരായണാദ്രി വൃഷഭാദ്രി വൃഷാദ്രി മുഖ്യാമ്
 ആഖ്യാം ത്വദീയ വസതേ രനിശം വദംതി ശ്രീ വേംകടാചലപതേ തവ സുപ്രഭാതം

സേവാപരാഃ ശിവ സുരേശ കൃശാനുധര്മ രക്ഷോംബുനാധ പവമാന ധനാധി നാഥാഃ
ബദ്ധാംജലി പ്രവിലസ ന്നിജ ശീര്ഷദേശാഃ ശ്രീ വേംകടാചലപതേ തവ സുപ്രഭാതം
ധാടീഷു തേ വിഹഗരാജ മൃഗാധിരാജ നാഗാധിരാജ ഗജരാജ ഹയാധിരാജാഃ
സ്വസ്വാധികാര മഹിമാധിക മര്ഥയംതേ ശ്രീ വേംകടാചലപതേ തവ സുപ്രഭാതം

സൂര്യേംദു ഭൗമ ബുധവാക്പതി കാവ്യ ശൗരി സ്വര്ഭാനുകേതു ദിവിശത്-പരിശത്-പ്രധാനാഃ
ത്വദ്ദാസദാസ ചരമാവധി ദാസദാസാഃ ശ്രീ വേംകടാചലപതേ തവ സുപ്രഭാതം
തത്-പാദധൂളി ഭരിത സ്പുരിതോത്ത മാംഗാഃ സ്വര്ഗാപവര്ഗ നിരപേക്ഷ നിജാംതരംഗാഃ
കല്പാഗമാ കലനയാ‌உകുലതാം ലഭംതേ ശ്രീ വേംകടാചലപതേ തവ സുപ്രഭാതം

ത്വദ്ഗോപുരാഗ്ര ശിഖരാണി നിരീക്ഷമാണാഃ സ്വര്ഗാപവര്ഗ പദവീം പരമാം ശ്രയംത
മര്ത്യാ മനുഷ്യ ഭുവനേ മതിമാശ്രയംതേ ശ്രീ വേംകടാചലപതേ തവ സുപ്രഭാതം
ശ്രീ ഭൂമിനായക ദയാദി ഗുണാമൃതാബ്ദേ ദേവാദിദേവ ജഗദേക ശരണ്യ മൂര്തേ
ശ്രീമന്നനംത ഗരുഡാദിഭി രര്ചിതാംഘ്രേ ശ്രീ വേംകടാചലപതേ തവ സുപ്രഭാതം

ശ്രീ പദ്മനാഭ പുരുഷോത്തമ വാസുദേവ വൈകുംഠ മാധവ ജനാര്ദന ചക്രപാണേ
ശ്രീ വത്സ ചിഹ്ന ശരണാഗത പാരിജാത ശ്രീ വേംകടാചലപതേ തവ സുപ്രഭാതം
കംദര്പ ദര്പ ഹര സുംദര ദിവ്യ മൂര്തേ കാംതാ കുചാംബുരുഹ കുട്മല ലോലദൃഷ്ടേ
കല്യാണ നിര്മല ഗുണാകര ദിവ്യകീര്തേ ശ്രീ വേംകടാചലപതേ തവ സുപ്രഭാതം

മീനാകൃതേ കമഠകോല നൃസിംഹ വര്ണിന് സ്വാമിന് പരശ്വഥ തപോധന രാമചംദ്ര
 ശേഷാംശരാമ യദുനംദന കല്കി രൂപ ശ്രീ വേംകടാചലപതേ തവ സുപ്രഭാതം
ഏലാലവംഗ ഘനസാര സുഗംധി തീര്ഥം ദിവ്യംവിയത്സരിതു ഹേമഘടേഷു പൂര്ണമ്
 ധൃത്വാദ്യ വൈദിക ശിഖാമണയഃ പ്രഹൃഷ്ടാഃതിഷ്ഠംതി വേംകടപതേ തവ സുപ്രഭാതം

ഭാസ്വാനുദേതി വികചാനി സരോരുഹാണി സംപൂരയംതി നിനദൈഃ കകുഭോ വിഹംഗാഃ
ശ്രീവൈഷ്ണവാഃ സതത മര്ഥിത മംഗളാസ്തേധാമാശ്രയംതി തവ വേംകട സുപ്രഭാതം
ബ്രഹ്മാദയാ സ്സുരവരാ സ്സമഹര്ഷയസ്തേസംതസ്സനംദന മുഖാസ്ത്വഥ യോഗിവര്യാഃ
ധാമാംതികേ തവ ഹി മംഗള വസ്തു ഹസ്താഃശ്രീ വേംകടാചലപതേ തവ സുപ്രഭാതം


ലക്ശ്മീനിവാസ നിരവദ്യ ഗുണൈക സിംധോ സംസാരസാഗര സമുത്തരണൈക സേതോ
 വേദാംത വേദ്യ നിജവൈഭവ ഭക്ത ഭോഗ്യ ശ്രീ വേംകടാചലപതേ തവ സുപ്രഭാതം
ഇത്ഥം വൃഷാചലപതേരിഹ സുപ്രഭാതം യേ മാനവാഃ പ്രതിദിനം പഠിതും പ്രവൃത്താഃ
തേഷാം പ്രഭാത സമയേ സ്മൃതിരംഗഭാജാം പ്രജ്ഞാം പരാര്ഥ സുലഭാം പരമാം പ്രസൂതേ


വെങ്കിടേശ്വര സുപ്രഭാതം