നവഗ്രഹധ്യാനശ്ലോകങ്ങള്‍
സൂര്യധ്യാനം
ശോണാംഭോരുഹ-സംസ് ഥിതം ത്രിനയനം വേദ-ത്രയീ-വിഗ്രഹം
ദാനാംഭോജ-യുഗാഭയാനി ദധതം ഹസ്തൈഃ പ്രവാള-പ്രഭം
കേയൂരാംഗദ-ഹാര-കങ്കണ-ധരം കര്‍ണ്ണോല്ലസത് കുണ്ഡലം
ലോകോല്പത്തി-വിനാശ-പാലന-കരം സൂര്യം ഗുണാബ്ധിം ഭജേ
ചന്ദ്രധ്യാനം
കര്‍പ്പൂര-സ്ഫടികാവദാതമനിശം പൂര്‍ണ്ണേന്ദു-ബിംബാനനം
മുക്താ-ദാമ-വിഭൂഷിതേന വപുഷാ നിര്‍മ്മൂലയന്തം തമഃ
ഹസ്താഭ്യാം കുമുദം വരം ച ദധതം നീലാളകോല്‍ഭാസിതം
സ്വസ്യാങ് കസ് ഥ -മൃഗോദിതാശ്രയ-ഗുണം സോമം സുധാബ്ധിം ഭജേ
കുജധ്യാനം
വിന്ധ്യേശം ഗ്രഹദക്ഷിണപ്രതിമുഖം രക്തത്രികോണാകൃതിം
ദോര്‍ഭിഃ സ്വീകൃത-ശക്തി-ശൂല-സഗദം ചാരൂഢ-മേഷാധിപം
ഭാരദ്വാജമുപാത്ത-രക്ത-വസനച്ഛത്രശ്രിയാ-ശോഭിതം
മേരോര്‍ദ്ദിവ്യ-ഗിരൈഃ പ്രദക്ഷിണ-കരം സേവാമഹേ തം കുജം
ബുധധ്യാനം
ആത്രേയം മഹദാധിപം ഗ്രഹ-ഗണസ്യേശാന-ഭാഗ-സ് ഥിതം
ബാണാകാരമുദങ്മുഖം ശരലസത്തൂണീര-ബാണാസനം
പീതസ്രഗ്വസന-ദ്വയ-ധ്വജ-രഥച്ഛത്ര-ശ്രിയാ ശോഭിതം
മേരോര്‍ദ്ദിവ്യഗിരൈഃ പ്രദക്ഷിണ-കരം സേവാമഹേ തം ബുധം
ഗുരുധ്യാനം
രത്നാഷ്ടാപദ-വസ്ത്രരാശിമമലം ദക്ഷാല്‍ കിരന്തം കരാ-
ദാസീനം വിപണൌ കരം നിദധതം രത്നാദി-രാശൌ പരം
പീതാലേപന-പുഷ്പ-വസ്ത്രമഖിലാലങ്കാര-സംഭൂഷിതം
വിദ്യാ-സാഗര-പാരഗം സുര-ഗുരും വന്ദേ സുവര്‍ണ്ണ-പ്രഭം
ശുക്രധ്യാനം
ശ്വേതാംഭോജ-നിഷണ്ണം ആപണ-തടേ ശ്വേതാംബരാലേപനം
നിത്യം ഭക്തജനായ സന്പ്രദദതം വാസോ മണീന്‍ ഹാടകം
വാമേനൈവ കരേണ ദക്ഷിണ-കരേ വ്യാഖ്യാന-മുദ്രാങ്കിതം
ശുക്രം ദൈത്യ-വരാര്‍ച്ചിതം സ്മിത-മുഖം വന്ദേ സിതാംഗ-പ്രഭം
ശനീശ്വരധ്യാനം
ധ്യായേന്നീലശിലോച്ചയ-ദ്യുതി-നിഭം നീലാരവിന്ദാസനം
ദേവം ദീപ്ത-വിശാല-ലോചന-യുതം നിത്യക്ഷുധം കോപിനം
നിര്‍മ്മാംസോദര-ശുഷ്ക-ദീര്‍ഘ-വപുഷം രൌദ്രാകൃതിം ഭീഷണം
ദീര്‍ഘ-ശ്മശ്രു-ജടാ-യുതം ഗ്രഹ-പതിം സൌരം സദാഹം ഭജേ
രാഹുധ്യാനം
രാഹും മദ്ധ്യമ-ദേശജം തു നിരൃതി- സ് ഥാനേസ് ഥിതം ജൈമിനീ-
ഗോത്രം ഖഡ്ഗധരം ച ശൂര്‍പ്പ-സദൃശം ശാര്‍ദ്ദൂല-രത്നാസനം
നീലം നീല-വിഭൂഷണ-ധ്വജ-രഥച്ഛത്രശ്രിയാ-ശോഭിതം
മേരോര്‍ദ്ദിവ്യഗിരേഃ പ്രദക്ഷിണകരം സേവാമഹേ /ഹിം സദാ
കേതുധ്യാനം
കേതും ബന്ധുര-ദേശജം ധ്വജ-സമാകാരം വിചിത്രായുധം
ശ്വിത്രം ജൈമിനി-ഗോത്രജം ഗ്രഹഗണേ വായവ്യ-കോണ-സ് ഥിതം
വ്യാത്താസ്യാനന ഭീഷണം ധ്വജ-രഥച്ഛത്ര-ശ്രിയാ ശോഭിതം
മേരോര്‍ദ്ദിവ്യഗിരേഃ പ്രദക്ഷിണ-കരം സേവാമഹേ തത് തമഃ
No comments:
Post a Comment