കിടക്ക വിട്ടുണർന്ന് മന്ത്രം ചൊല്ലി എഴുന്നേൽക്കുന്നത് എന്തിന്?''

ആചാരാനുഷ്ഠാനങ്ങൾ

ഭൗതിക ജീവിതത്തിന്റെ തിരക്കുകളിൽ നിന്ന് വിട്ടൊഴിഞ്ഞ് ഒരു വ്യക്തി ആത്മാവിലേക്ക് ചുരുങ്ങുന്നതാണ് ഉറക്കമെന്ന് ആചാര്യൻമാർ പറയുന്നു'.

ഉദയത്തിനു മുൻപ് ബ്രാഹ്മമുഹൂർത്തത്തിൽ എണീറ്റ് ദിനകൃത്യങ്ങളിൽ വ്യാപൃതരാകണമെന്നാണ് ആചാര്യന്മാർ പറയുന്നത്. ഉറക്കമുണർന്നാൽ വലതുവശം തിരിഞ്ഞ് എഴുന്നേൽക്കേണ്ടതാണ്. ഉണർന്നാൽ കിടക്കയിലിരുന്ന് തന്റെ രണ്ടു കൈപ്പടങ്ങളും മലർത്തി അതിൽ നോക്കി ലക്ഷ്മി, സരസ്വതി, ഗൗരി എന്നീ ദേവിമാരെ ദർശിച്ച് മന്ത്രം ചൊല്ലണം.

'കരാഗ്രേ വസതേ ലക്ഷ്മീ
കരമധ്യേ  സരസ്വതീ
കരമൂലേ  സ്ഥിതാ ഗൗരീ
പ്രഭാതേ കരദർശനം'

ഉറക്കം നീണ്ടു പോകുമ്പോൾ മനുഷ്യന്റെ രക്തചംക്രമണത്തിന് വളരെ കുറച്ച് ശക്തി മാത്രമെ ഹൃദയം പ്രയോഗിക്കുന്നുള്ളൂ.എന്നാൽ വളരെ പെട്ടന്ന് നാം കുത്തനെ എഴുന്നേൽക്കുമ്പോൾ രക്തം പമ്പുചെയ്യാൻ ഹൃദയത്തിന് ഏറെ പാടുപെടേണ്ടി വരുന്നു.ഇതാകട്ടെ ഹൃദയത്തിന് ഏറെ ആഘാതം സൃഷ്ടിക്കുകയും ചെയ്യുന്നു. അതിനാലാണ് കിടക്കയിൽ നിന്നും പതുക്കെ എണീറ്റിരുന്ന് അല്പസമയം പതിഞ്ഞ സ്വരത്തിൽ മന്ത്രം ചൊല്ലി ഇരിക്കണമെന്ന് നമ്മുടെ പൂർവ്വികർ നമ്മെ പഠിപ്പിച്ചിരുന്നത്. ഇതു കാരണം നമ്മുടെ രക്തചംക്രമണം സാധാരണ നിലയിലാകുന്നുവെന്ന് ശാസ്ത്രവും കണ്ടെത്തിയിട്ടുണ്ട്.