എന്താണ് നവരാത്രി ..? എന്താണ് വിദ്യാരഭത്തിന്റെ ചടങ്ങുകള്‍ ..അറിയുക ..അറിയിക്കുക
പ്രപഞ്ചമാകെ നിറഞ്ഞു നില്‍ക്കുന്ന ഊര്‍ജ്ജമാണ്‌ ദേവി. നവരാത്രി പൂജക്ക്‌ പ്രത്യേക പ്രാധാന്യം ഉണ്ട്‌. പ്രത്യേക ചിട്ടവട്ടങ്ങളോടെയുള്ള ഉപാസനയാണ്‌ ഈ ദിവസങ്ങളിലെ പ്രാര്‍ത്ഥനെയ വ്യത്യസ്‌തമാക്കുന്നത്‌.
എല്ലാത്തരം അറിവുകളുടെയും ഇരിപ്പിടമായാണ്‌ ഭാരതീയര്‍ ദേവിയെ പൂജിക്കുന്നത്‌. എല്ലാ തൊഴില്‍ മേഖലയില്‍ ഉള്ളവരും തന്‍റെ കര്‍മ്മപാതയില്‍ ഉന്നതി നേടാന്‍ ഈ ദിവസങ്ങളില്‍ ദേവിയെ പൂജിക്കുന്നു.
വിദ്യ ആരംഭിക്കുന്ന ദിനമാണ് വിജയദശമി. . മഹാനവമിയുടെ പിറ്റേ ദിവസമാണ്‌ വിജയദശമി. കന്നിമാസത്തിലെ കൃഷ്ണാഷ്ടമി നാളില്‍ പൂജയ്ക്ക് വയ്ക്കുന്ന ഉപകരണങ്ങള്‍ ഒരു ദിവസത്തിന് ശേഷം വിജയദശമി നാളില്‍ പുറത്തെടുക്കും.
കുട്ടിക്ക്‌ അനുയോജ്യമായ മുഹൂര്‍ത്തം കുറിച്ച് വാങ്ങി നാവില്‍ ആദ്യാക്ഷരമെഴുതിക്കുന്ന സമ്പ്രദായമാണ്‌ പണ്ടുകാലത്ത് കേരളത്തില്‍ നിലനിന്നിരുന്നത്‌. എന്നാല്‍ ഇപ്പോള്‍ എഴുത്തിനിരുത്തുന്നത് വിജയദശമി ദിനങ്ങളില്‍ മാത്രമായി ചുരുങ്ങി. വിജയദശമി നാളില്‍ നവമി ബാക്കിയുണ്ടെങ്കില്‍ അതും കഴിഞ്ഞ ശേഷമേ വിദ്യാരംഭം തുടങ്ങാവു എന്ന്‌ മാത്രം. വിജയദശമി ദിവസം രാവിലെ പ്രാര്‍ത്ഥനക്ക്‌ ശേഷം പൂജ എടുക്കും. അതിന്‌ ശേഷം മണലിലോ ഉണക്കലരിയിലോ “ഓം ഹരിശ്രീ ഗണപതായെ നമ: ”എന്ന്‌ മലയാള അക്ഷരമാല എഴുതണം.
എല്ലാ മലയാളികളും ഓരോ പ്രദേശത്തേയും ജീവിത രീതിയുടെയും മറ്റും അടിസ്ഥാനത്തില്‍ ഗ്രന്ഥങ്ങള്‍ പണിയായുധങ്ങള്‍ എന്നിവ ദേവീ സന്നിധിയില്‍ പൂജിച്ച്‌ വയ്ക്കുകയും വിജയദശമി ദിനം അവ പ്രാര്‍ത്ഥനയോടെ തിരികെ എടുക്കും.
വിദ്യക്കും ജീവിതവൃത്തിക്കും അധിപയായ ദേവിയുടെ അനുഗ്രഹം നേടി എടുക്കുകയാണ്‌ ഈ ആരാധനക്ക്‌ പിന്നില്‍. ദുര്‍ഗാഷ്ടമി ദിനത്തില്‍ ആയുധങ്ങളും ഗ്രന്ഥങ്ങളും ഉപകരണങ്ങളും ദേവി സന്നിധിയില്‍ പൂ‍ജവയ്ക്കും.
ദേവിയുടെ ഒമ്പത്‌ രൂപത്തെയാണ്‌ നവരാത്രികാലത്ത്‌ പൂജിക്കുന്നത്‌. ഒന്നാം ദിവസം കുമാരി, രണ്ടാം ദിവസം ത്രിമൂര്‍ത്തി, മൂന്നാം ദിവസം കല്യാണി, നലാംദിവസം രോഹിണി, അഞ്ചാം ദിവസം കാളി, ആറാം ദിവസം ചണ്ഡിക, ഏഴാം ദിവസം ശാംഭവി, എട്ടാം ദിവസം ദുര്‍ഗ്ഗ, ഒമ്പതാം ദിവസം സുഭദ്ര എന്നീ ക്രമത്തിലാണ്‌ ആരാധന.
ദേവിയുടെ മഹാത്മ്യം പ്രകീര്‍ത്തിക്കുന്ന കൃതികള്‍ നവരാത്രികാലത്ത്‌ പാരായണം ചെയ്യുന്നു. ദേവീമഹാത്മ്യം, ദേവിഭാഗവതം, ലളിതാസഹസ്രനാമം, സൗന്ദഹ്യ ലഹരി, ലളിതത്രിശതി എന്നിവയാണ്‌ പാരായണം ചെയ്യുക.
ഭാരതത്തില്‍ ചരിത്രാതീതകാലം മുതല്‍ ദേവി ഉപാസന നിലനില്‍ക്കുന്നു. രാവണനെ വധിക്കാന്‍ ത്രേതായുഗത്തില്‍ ശ്രീരാമന്‍ ദേവിയെ ഉപാസിച്ചിരുന്നു. മഹാഭാരതയുദ്ധത്തിന്‌ മുമ്പ്‌ ശ്രീകൃഷ്ണന്‍ അര്‍ജുനനോടും ദേവീപൂജയുടെ പ്രാധാന്യം വിവരിക്കുന്നുണ്ട്‌.
എഴുത്തിനിരുത്തല്‍- വിദ്യാരംഭം
കുഞ്ഞുങ്ങളെ ആദ്യമായി അക്ഷരാഭ്യാസം ചെയ്യിക്കുന്ന ചടങ്ങ് . വിജയദശമി ദിവസം മുഹൂര്‍ത്തം നോക്കാതെയും മറ്റു ദിവസങ്ങളില്‍ മുഹൂര്‍ത്തം നോക്കിയും എഴുത്തിനിരുത്തുന്നു. കുട്ടികളുടെ മൂന്നാംവയസ്സിലോ അഞ്ചാം വയസ്സിലോ ആണ് ഇതു നടത്തുക.
കേരളത്തില്‍ സരസ്വതീ ക്ഷേത്രങ്ങള്‍,കോട്ടയം പനച്ചിക്കാട് പറവൂര്‍ ദക്ഷിണ മൂകാംബികാ ക്ഷേത്രം, തിരൂര്‍ തുഞ്ചന്‍പറമ്പ്, ഐരാണിമുട്ടം ചിറ്റൂര്‍ തുഞ്ചന്‍ മഠങ്ങള്‍ എന്നിവിടങ്ങളില്‍ എഴുത്തിനിരുത്താറുണ്ട്. ചിലര്‍ വീട്ടില്‍ വെച്ചും നടത്തും.
കേരളത്തില്‍ സരസ്വതീ ക്ഷേത്രങ്ങള്‍,കോട്ടയം പനച്ചിക്കാട് പറവൂര്‍ ദക്ഷിണ മൂകാംബികാ ക്ഷേത്രം, തിരൂര്‍ തുഞ്ചന്‍പറമ്പ്, ഐരാണിമുട്ടം ചിറ്റൂര്‍ തുഞ്ചന്‍ മഠങ്ങള്‍ എന്നിവിടങ്ങളില്‍ എഴുത്തിനിരുത്താറുണ്ട്. ചിലര്‍ വീട്ടില്‍ വെച്ചും നടത്തും.
കേരളത്തിനു പുറത്തുള്ള കൊല്ലൂര്‍ മൂകാംബികാക്ഷേത്രത്തിലും എഴുത്തിനിരുത്താറുണ്ട്. എഴുത്തില്‍കൂട്ടുക, എഴുത്തിനു വയ്ക്കുക എന്നീ പേരുകളും ഇതിനുണ്ട്
.
വിജയദശമിയില്‍ ആദ്യാക്ഷരം
അക്ഷരമെന്നാല്‍ ക്ഷരം (നാശം) ഇല്ലാത്തത്, ക്ഷയിക്കാത്തത് അനന്തമായത് എന്നാണര്‍ത്ഥം. അക്ഷരാത്മികതയാണ് ദുര്‍ഗ്ഗ. അതിനാലാണ് വിജയദശമി ദിവസം കുട്ടികളെ എഴുത്തിനിരുത്തുന്നതും മുതിര്‍ന്നവര്‍ കുട്ടികളുടെ മനസ്സോടെ വീണ്ടും വിദ്യാരംഭം കുറിക്കുന്നതും.
ദേവീ പൂജയ്ക്ക്ശേഷം മുന്‍പില്‍ വച്ച താമ്പാളത്തില്‍ പരത്തിയിട്ട അരിയിന്മേല്‍ കുട്ടിയുടെ വിരല്‍ പിടിച്ച് " ഹരിശ്രി ഗണപതയേ നമഃഅവിഘനമസ്തു ശ്രീ ഗുരുഭ്യോ നമഃ"എന്നെഴുതിക്കുന്നു. പിന്നീട് പൊന്‍മോതിരം കൊണ്ട് നാവില്‍ ഓങ്കാരവും എഴുതുന്നു.
മുതിര്‍ന്നവര്‍ ആയുധപൂജയ്ക്ക് വയ്ച്ച ആയുധങ്ങളെടുത്ത് വന്ദിച്ച് തൊഴി ല്‍ ചെയ്യുന്നു. കര്‍ഷകന്‍ കലപ്പകൊണ്ട് ഭൂമിയില്‍ വെട്ടുകയും എഴുത്തുകാരന്‍ എഴുതുകയും നര്‍ത്തകി ചിലങ്കയണിയുകയും ചെയ്യുന്നു.
No comments:
Post a Comment