ഷഷ്ഠികളിൽ മഹാ ഷഷ്ഠിയായി സ്കന്ദ ഷഷ്ടിയെ കണക്കാക്കുന്നു.

ഷഷ്ഠികളിൽ മഹാ ഷഷ്ഠിയായി സ്കന്ദ ഷഷ്ടിയെ കണക്കാക്കുന്നു..

എല്ലാ മാസത്തിലും ഷഷ്ഠിയുണ്ട്. എന്നാൽ സ്കന്ദ ഷഷ്ഠി വരുന്നത് തുലാമാസത്തിലെ ഷഷ്ടിയിലാണ്.. ഇന്നാണ് ഈ വർഷത്തെ സ്കന്ദ ഷഷ്ഠി.. മക്കളുടെ ഭാവി ശോഭനമാക്കുന്നതിനു വേണ്ടിയാണ് ഷഷ്ഠി വ്രതം നോക്കുന്നത്.. എന്നാൽ ഈ വ്രത നിഷ്ഠ എല്ലാ കാര്യങ്ങൾക്കും ഉത്തമമാണ്.. ശത്രു ദോഷം, ദൃഷ്ടി ദോഷം, ജോലി തടസം,സന്താന ഭാഗ്യം, സമ്പത്ത്, പ്രേമസഫല്ല്യം, ദാമ്പത്യ പ്രശ്നങ്ങൾ എന്നിവക്കെല്ലാം ഉത്തമമാണ് ഷഷ്ഠി വ്രതം..

 മുരുകൻ ഓം എന്ന വാക്കിന്റെ അർഥം ബ്രഹ്മാവിനോട് ചോദിക്കുകയും ഉത്തരം അറിയാതെ കണ്ണു മിഴിച്ചു നിന്ന ബ്രഹ്മദേവനെ കോപാകുലനായ സ്വാമി പ്രഹരിക്കാൻ ചെന്നുവെന്നും പറയുന്നു.. ഇതു കണ്ട് എല്ലാ ദേവതകളും മുരുകസന്നിധിയിൽ എത്തിയെന്നും ഭഗവാൻ എല്ലാ ദേവതകളോടും ഇതേ ചോദ്യം അവർത്തിച്ചുവെന്നും പറയുന്നു.. ഉത്തരം കിട്ടാതെ ത്രിമൂർത്തികൾ ഉൾപ്പെടെ എല്ലാ ദേവതകളും വിഷമിച്ചു നിന്നു.. അപ്പോൾ കോപം കൊണ്ട് വിറച്ച മുരുകന്റെ മുൻപിൽ ചെന്ന് പരമശിവൻ ഭഗവാനോട് പറഞ്ഞു..


"ഓം എന്ന വാക്കിന്റെ അർഥം നീ തന്നെ ഞങ്ങൾക്ക് പറഞ്ഞു തന്നാലും ". എന്ന്.
ദേവകളെല്ലാം സ്വാമിയുടെ മുന്നിൽ ശിക്ഷ്യന്മാരെ പോലെ നിന്നു..

ഗുരുസ്ഥാനത്തു നിന്നു സുബ്രഹ്മണ്യസ്വാമി ശിക്ഷ്യന്മാർക്ക് അർഥം പറഞ്ഞു കൊടുത്തു..

 "ഓം എന്നാൽ നിർവചിക്കാനാവാത്തത്, പ്രണവം ".....

അങ്ങനെ മുപ്പത്തിമുക്കോടി ദേവകൾക്കും ഗുരുവായി തീർന്നു സ്വാമി...

ബ്രഹ്മാവിനോട് കാട്ടിയ ദ്രോഹത്താൽ ബ്രഹ്മഹത്യാ പാപം മൂലം ഭഗവാൻ പ്രായശ്ചിത്തം ചെയ്യുവാൻ തീരുമാനിച്ചു..അങ്ങനെ സ്വാമി ഒരു സർപ്പരൂപത്തിൽ ഒരു കുളത്തിൽ കഴിഞ്ഞു കൂടി.. പാർവതി മാതാവ് മകനെ കാണാതെ വിഷമിച്ചു.. അങ്ങനെ വിഷ്ണുഭഗവാന്റെ നിർദേശത്താൽ ദേവി അനുഷ്ടിച്ച വ്രതമാണ് ഷഷ്ഠിവ്രതം.. അങ്ങനെ 108 ഷഷ്ഠി പൂർത്തിയായപ്പോൾ ഭഗവാൻ ദേവിക്ക് സർപ്പ രൂപത്തിൽ സ്വപ്നദർശനം നൽകി... അങ്ങനെ ദേവിക്ക് സർപ്പരൂപത്തിൽ മകനെ പ്രത്യക്ഷ ദർശനം
ലഭിച്ചു.. 6തലയുണ്ടായിരുന്ന ആ സർപ്പത്തെ ദേവി വാരി പുണർന്നെന്നും ഭഗവാന് സ്വന്തം രൂപം കിട്ടിയെന്നുംപറയുന്നു... സ്കന്ദഷഷ്ടി ദിനത്തിലാണ് പാർവതിക്ക് പുത്രനെ തിരികെ കിട്ടിയത്... ഇതാണ് ഐതിഹ്യം.

എല്ലാവരും വ്രതം എടുക്കാൻ ശ്രമിക്കുക....