അതിഭീഷണ കടുഭാഷണ യമകിങ്കരപടലീ-
കൃതതാഡനപരിപീഡനമരണാഗതസമയേ
ഉമയാസഹ മമചേതസി യമശാസന നിവസൻ
ഹരശങ്കര ശിവശങ്കര ഹര മേ ഹര ദുരിതം
അസദിന്ദ്രിയ വിഷയോദയ സുഖസാത് കൃത സുകൃതേഃ
പരദൂഷണ പരിമോക്ഷണ കൃതപാതക വികൃതേഃ
ശമനാനനഭവകാനനനിരതേർ ഭവ ശരണം
ഹരശങ്കര ശിവശങ്കര ഹര മേ ഹര ദുരിതം
വിഷയാഭിധബഡിശായുധപിശിതായിതസുഖതോ
മകരായിത ഗതി സംസൃതി കൃതസാഹസവിപദം
പരമാലയ പരിപാലയ പരിതാപിതമനിശം
ഹരശങ്കര ശിവശങ്കര ഹര മേ ഹര ദുരിതം
ദയിതാ മമ ദുഹിതാ മമ ജനനീ മമ ജനകോ
മമ കല്പിതമതിസന്തതിമരുഭൂമിഷു നിരതം
ഗിരിജാസഖ ജനിതാസുഖവസതിം കുരു സുഖിനം
ഹരശങ്കര ശിവശങ്കര ഹര മേ ഹര ദുരിതം
ജനിനാശന മൃതിമോചന ശിവപൂജന നിരതേഃ
അഭിതോfദൃശമിദമീദൃശമഹമാവഹ ഇതിഹാ
ഗജകച്ഛപജനിതശ്രമ വിമലീകുരു സുമതിം
ഹരശങ്കര ശിവശങ്കര ഹര മേ ഹര ദുരിതം
ത്വയി തിഷ്ഠതി സകലസ്ഥിതികരുണാത്മനി ഹൃദയേ
വസുമാർഗണകൃപണേക്ഷണമനസാ ശിവവിമുഖം
അകൃതാഹ്നികമസുപോഷകമവതാദ് ഗിരിസുതയാ
ഹരശങ്കര ശിവശങ്കര ഹര മേ ഹര ദുരിതം
പിതരാവതിസുഖദാവിതി ശിശുനാ കൃതഹൃദയൗ
ശിവയാഹൃതഭയകേ ഹൃദി ജനിതം തവ സുകൃതം
ഇതി മേ ശിവ ഹൃദയം ഭവ ഭവതാത് തവ ദയയാ
ഹരശങ്കര ശിവശങ്കര ഹര മേ ഹര ദുരിതം
ശരണാഗതഭരണാശ്രിതകരുണാമൃതജലധേ
ശരണം തവ ചരണൗ ശിവ മമ സംസൃതിവസതേഃ
പരിചിന്മയ ജഗദാമയഭിഷജേ നതിരവതാത്
ഹരശങ്കര ശിവശങ്കര ഹര മേ ഹര ദുരിതം
വിവിധാധിഭിരതിഭീതിഭിരകൃതാധികസുകൃതം
ശതകോടിഷു നരകാദിഷു ഹതപാതകവിവശം
മൃഡമാമവ സുകൃതീഭവ ശിവയാ സഹ കൃപയാ
ഹരശങ്കര ശിവശങ്കര ഹര മേ ഹര ദുരിതം
കലിനാശന ഗരലാശന കമലാസനവിനുത
കമലാപതിനയനാർച്ചിത കരുണാകൃതിചരണ
കരുണാകര മുനിസേവിത ഭവസാഗരഹരണ
ഹരശങ്കര ശിവശങ്കര ഹര മേ ഹര ദുരിതം
വിജിതേന്ദ്രിയവിബുധാർച്ചിതവിമലാംബുജചരണ
ഭവനാശന ഭയനാശന ഭജിതാങ്ഗിതഹൃദയ
ഫണിഭൂഷണ മുനിവേഷണ മദനാന്തക ശരണം
ഹരശങ്കര ശിവശങ്കര ഹര മേ ഹര ദുരിതം
ത്രിപുരാന്തക ത്രിദശേശ്വര ത്രിഗുണാത്മക ശംഭോ
വൃഷവാഹന വിഷദൂഷണ പതിതോദ്ധര ശരണം
കനകാസന കനകാംബര കലിനാശന ശരണം
ഹരശങ്കര ശിവശങ്കര ഹര മേ ഹര ദുരിതം
No comments:
Post a Comment