അംഗനാമംഗനാമന്തരേ വിഗ്രഹം
കുണ്ഡലോദ്ഭാസിതം ദിവ്യകര്‍ണ്ണദ്വയം
ബിഭൃതം സുസ്ഥിതം യോഗപീഠോത്തമേ
സന്തതം ഭാവയേ ശ്രീപതീശാത്മജം
മോഹനീയാനനം ശൃംഗപര്‍വസ്ഥിതം
കാനനേഷു പ്രിയാവാസമത്യത്ഭുതം
ദീനസംരക്ഷകം വാസവേനാര്‍ചിതം
സന്തതം ഭാവയേ ശ്രീപതീശാത്മജം
കോമളം കുന്തളം സ്നിഗ്ദ്ധമത്യത്ഭുതം
ബിഭൃതം മോഹനം നീലവര്‍ണാഞ്ചിതം
കാമദം നിര്‍മ്മലം ഭൂതവൃന്ദാവൃതം
സന്തതം ഭാവയേ ശ്രീപതീശാത്മജം
അംബരം ദിവ്യനീലദ്യുതിം ശോഭനം
അംബുവര്‍ണോപമം ഗാത്രശോഭാകരം
ബിംബമത്യത്ഭുതാകാരജം ബിഭൃതം
സന്തതം ഭാവയേ ശ്രീപതീശാത്മജം
വാഹനം തുംഗമശ്വോത്തമം സുന്ദരം
സൈന്ധവം സംശ്രിതം വിശ്വവശ്യാകൃതിം
ബാന്ധവം ബന്ധുഹീനാശ്രിതം മോഹനം
സന്തതം ഭാവയേ ശ്രീപതീശാത്മജം
ഭാസിതം വക്ഷസാ ഹാരമുക്താഞ്ചിതം
ദേവദേവാര്‍ച്ചിതം കേരളേസുസ്ഥിതം
ഭൂസുരൈര്‍വന്ദിതം ദിവ്യപീഠസ്ഥിതം
സന്തതം ഭാവയേ ശ്രീപതീശാത്മജം
പാവനം പങ്കജം ദിവ്യപാദദ്വയം
ബിഭൃതം ഭക്തസംഘ പ്രശോഭ്യംഘ്രികം
കാമദം മോക്ഷദം താരകം സാദരം
സന്തതം ഭാവയേ ശ്രീപതീശാത്മജം
വിഗ്രഹം മംഗളം സര്‍വകാമാര്‍ഥദം
അഗ്രിമൈഃ വന്ദിതം ദീനരക്ഷാത്മകം
ഭൂഷണൈഃ മണ്ഡിതം മാലയാരാജിതം
സന്തതം ഭാവയേ ശ്രീപതീശാത്മജം
No comments:
Post a Comment