ചന്ദനം

വിഷ്ണു ഭഗവാന്‍റെ ചൈതന്യം കുടികൊള്ളുന്ന ദേവ വൃക്ഷം.
അമ്പലത്തിൽ നിന്ന് കിട്ടുന്ന ചന്ദനക്കുറി നെറ്റിയിലണിയുമ്പോൾ നല്ലൊരു കുളിർമ്മയുണ്ടാകുന്നു,
ഈ പേര് കേൾക്കുമ്പോൾ തന്നെ ഓർമ്മ വരുന്നത് നറുമണവും തണുപ്പുമാണ്.ആരോഗ്യ സൌന്ദര്യ രംഗത്ത് നല്ലൊരു മുതൽക്കൂട്ടാണീ വൃക്ഷം.

നമ്മൾ നിത്യജീവിതത്തിൽ ഉപയോഗിക്കുന്ന ചില സാധനങ്ങളിലോക്കെ ഇത് അടങ്ങിയിട്ടുണ്ട്..ചന്ദനം ചാരിയാൽ ചന്ദനം മണക്കും എന്ന പഴംചൊല്ല് തന്നെ ചന്ദനത്തിന്റെ ഗുണങ്ങളെ വർണ്ണിച്ചുള്ളതാണ്.ചന്ദനത്തിന്റെ മറ്റു ഗുണങ്ങൾ എന്തൊക്കെയാണെന്ന് നോക്കാം.

ത്വക്കിന്റെ നിറം വർദ്ധിപ്പിക്കുന്നു
ചർമ്മരോഗങ്ങൾ മാറ്റുന്നു

അരച്ചു പുരട്ടുന്നത് മുഖക്കുരുവും കാരയും ഇല്ലാതാക്കുന്നു
ദേഹത്ത് അരച്ച് പുരട്ടി കുളിക്കുന്നത് ശരീര ദുർഗന്ധം ഇല്ലാതാക്കുന്നു
ചന്ദന തൈലം ത്വക്കിന്റെ സൌന്ദര്യം വർദ്ധിപ്പിക്കുന്നു
ചന്ദനവും മഞ്ഞളും അരച്ചിടുന്നത് മുഖകാന്തി വർധിപ്പിക്കുന്നു
ചന്ദനമരച്ചത് നെല്ലിക്കാനീര് ചേർത്ത് കഴിച്ചാൽ ചർദ്ദി,മനം പിരട്ടൽ ഇവ ശമിക്കുന്നു
കണ്ണിനു ചുറ്റുമുള്ള കറുത്ത വലയങ്ങൾ മാറാൻ ചന്ദനം തെനിലരച്ച് പുരട്ടുക

കാൽ വിള്ളലിന് ചന്ദനം നെയ്യിലരച്ച് പുരട്ടുക
കണ്ണിലെ രോഗങ്ങള്ക്ക് ചന്ദനാദി വർത്തി ഉപയോഗിക്കുന്നു
ആർത്തവ രക്തദുഷ്ടിക്ക് ചന്ദനാദി കഷായം നല്ലതാണ്
തലവേദനയുള്ളപ്പോൾ ചന്ദനവും ചുക്കും ചേർത്തരച്ച് പുരട്ടുക
ഉറക്കമില്ലായ്മ്മക്ക് ചന്ദനാദി തൈലം ഗുണകരമാണ്
മോണയിൽ നിന്ന് രക്തം വരുന്നതിനു ചന്ദന തൈലത്തിൽ മുക്കിയ പഞ്ഞി മോണയിൽ വച്ചാൽ മതി.

നവജാത ശിശുക്കളുടെ പൊക്കിൾ പെട്ടന്ന് ഉണങ്ങാൻ ചന്ദനം അരച്ച് പൊക്കിളിനു ചുറ്റും പുരട്ടിയാൽ മതി
നിത്യേന അരച്ചു പുരട്ടുന്നത് ചുളിവുകൾ തടയുന്നു
പനിനീരിലരച്ച് പുരട്ടുന്നത് കറുത്തപാടുകൾ അകറ്റുന്നു
ശരീരംപുകച്ചിലിനു ചന്ദനം അരച്ചു പുരട്ടിയാൽ മതി.
സര്‍വ്വോപരി നമ്മുടെ നിത്യജീവിതത്തില്‍ ചന്ദനത്തിന്റെ സ്വാധീനം വളരെ വലുതാണ്‌ എന്ന കാര്യത്തില്‍ തര്‍ക്കമില്ല.