ഓം നമഃ ശിവായ

ഓം നമഃ ശിവായ
"ക൪മ്മണ്യേവാധികാരസ്തേ മാ ഫലേഷു കദാചനഃ മാ ക൪മ്മഫലഹേതു൪ഭൂ൪മാതേ സംഗോസ്ത്വക൪മ്മണി" നിനക്ക് ക൪മ്മം ചെയ്യുവാന് മാത്രമേ അധികാരമുള്ളൂ. ക൪മ്മത്തിന്റെ ഫലത്തില് ഒരിക്കലും ആശിക്കരുത്. ക൪മ്മഫലത്തില് സംശയാലുവായ നിനക്ക് ക൪മ്മം ചെയ്യാതിരിക്കാനുള്ള മനസ്സും ഉണ്ടാവരുത്.

Monday, November 27, 2017

108 ശരണം വിളികള്‍


sarana


ശരണംവിളിയാണ് സ്വാമിഭക്തന്‍ എപ്പോഴും ഉരുവിട്ടുകൊണ്ടിരിക്കേണ്ടത്. വ്രതമാര്‍ന്ന സ്വാമിമാര്‍ വരുന്നുണ്ടെന്ന് അറിയിപ്പുകൊടുക്കുന്നതാണ് ശരണം വിളി. ശരണ ഘോഷ മുഖരിതമാകണം നാടൊട്ടുക്കും. ശരണം വിളി മലമേലെയിരിയ്ക്കുന്ന സ്വാമി കേള്‍ക്കണമെന്നാണ് പെരിയസ്വാമിമാര്‍ പറയുക. ശരണം വിളികള്‍ സ്വാമിമാര്‍ക്ക് ഊര്‍ജം ലഭിക്കും.


സ്വാമിയേ…. ശരണമയ്യപ്പാ!!!
ഹരിഹരസുതനേ
ആര്‍ത്തപരായണനേ
കന്നിമൂല ഗണപതിഭഗവാനേ
അഖിലാണ്ഡകോടി നായകനേ
അന്നദാനപ്രഭുവേ
ആശ്രിതവത്സലനേ
ആപല്‍ബാന്ധവനേ
അഴുതാനദിയേ
അഴുതയില്‍ സ്‌നാനമേ
അഴുതയില്‍ തീര്‍ത്ഥമേ
അഴുതാമേടേ
അഴുതകയറ്റമേ
അഴുതയിറക്കമേ
ആശ്രയദായകനേ
അംബുജലോചനനേ
അസുരാന്തകനേ
അപ്പാച്ചിമേടേ
ഉത്തുംഗാദ്രി വാസനേ
ഉടുമ്പാറമലക്കോട്ടയേ
ഉടുമ്പാറത്താവളമേ
ഉരക്കുഴിതീര്‍ത്ഥമേ
ഏണാങ്കചിത്തനേ
എന്‍ഗുരുനാഥനേ
ഏണവിലോചനനേ
ഐങ്കരസോദരനേ
ഓങ്കാരാത്മകനേ
കദനവിനാശകനേ
കാരുണ്യാത്മകനേ
കോമളാകാരനേ
കാലദോഷമോചനനേ
കേശവാത്മജനേ
കാളകെട്ടിനിലവയ്യനേ
കല്ലിടാംകുന്നേ
കരിമലയടിവാരമേ
കരിമലയിറക്കമേ
കലികാലമൂര്‍ത്തിയേ
കാനനവാസനേ
കുഭദളതീര്‍ത്ഥമേ
ക്രീഡാലോലുപനേ
ഗഗന വിമോഹനനേ
ചമ്രവട്ടത്തയ്യനേ
ചണ്ഡികാസോദരനേ
ചെറിയാനവട്ടമേ
ദീപാര്‍ച്ചന പ്രിയനേ
ദുര്‍ജ്ജനദ്ധ്വംസകനേ
ദേവവൃന്ദവന്ദിതനേ
ദേവാദിദേവനേ
ദാക്ഷിണ്യശീലകനേ
ദേഹബലംകൊട് സ്വാമിയേ
നീലിമലകയറ്റമേ
നല്ലേക്കാവിലയ്യനേ
നാരദാദി സേവിതനേ
നാഗഭൂഷണാത്മജനേ
നാരായണ സുതനേ
പ്രത്യയദാദാവേ
പാര്‍വ്വതീശ പുത്രനേ
പേരൂര്‍ത്തോടേ
പാദബലംകൊട് സ്വാമിയേ
പമ്പാനദിയേ
പമ്പയില്‍സ്‌നാനമേ
പമ്പാവിളക്കേ
പമ്പയില്‍ സദ്യയേ
പമ്പാവാസനേ
പതിനെട്ടാം പടിയേ
പന്തളത്തുണ്ണിയേ
പാപരക്ഷകനേ
ഭസ്മക്കുളമേ
ഭക്തലോകപാലകനേ
മന്നോര്‍നായകനേ
മഹിതഗുണാലയനേ
മാരഹരാത്മജനേ
മുക്കുഴിതാവളമേ
രുദ്രനന്ദനനേ
വനചരഭൂഷണനേ
വനഭൂമിപാലകനേ
വിശ്വരക്ഷകനേ
വിശ്വവിശാരദനേ
വിഭൂതി ഭൂഷണനേ
വിഷ്ടപേശ്വരനേ
വലിയാനവട്ടമേ
ശബരിപീഠമേ
ശരംകുത്തിയാലേ
ശതമുഖസേവിതനേ
ലോകരക്ഷകനേ
ശക്തിസ്വരൂപനേ
ശക്തിമുക്തിപ്രദായകനേ
ശങ്കാവിഹീനനേ
സാംബശിവപ്രിയശബരീശനേ
സത്യകൃപാലയനേ
സത്യാന്വേഷകനേ
സാരപ്രകാശനേ
സോമശേഖരാത്മജനേ
സ്വച്ഛമാനസനേ
സത്യമൂര്‍ത്തിയേ
സര്‍വ്വസല്‍ഗുണ സമ്പൂര്‍ണ്ണനേ
ബന്ധുരരൂപനേ
ജ്ഞാനസ്വരൂപനേ
ലീലാവിനോദനേ
തൃപ്പാദപത്മമേ
വില്ലാളി വീരനേ
വീരമണികണ്ഠനേ
കലിയുഗവരദനേ
ഇടവും വലവും കാത്തുരക്ഷിയ്ക്കണം ഭഗവാനേ
മുമ്പും പിമ്പും കാത്തുരക്ഷിയ്ക്കണം ഭഗവാനേ
ശബരിമാമല ശാസ്താവേ
സകല പരിവാരസമേതന്‍ പൊന്നു പതിനെട്ടാം
പടിവാണരുളും ഹരിഹരസുതനയ്യനയ്യപ്പസ്വാമിയേ ശരണമയ്യപ്പാ…
ഹരിഹരസുതന്‍ ആനന്ദചിത്തനയ്യനയ്യപ്പസ്വാമിയേ ശരണമയ്യപ്പ…



സമ്പാദകന്‍: ബാലന്‍ പൂതേരി

ശരണമന്ത്രങ്ങളോടെ സന്നിധാനത്തിലേക്ക്‌…




മണ്ഡല-മകരവിളക്ക്‌ വ്രതകാലത്തിന്‌ തുടക്കമായി. ഇനി എല്ലാ പാതകളും മനസ്സുകളും അങ്ങോട്ടുതന്നെ. മലമുകളിലുള്ള പൊന്നിന്‍ ശ്രീകോവിലാണ്‌ ലക്ഷ്യം. അവിടെ ഹരിഹരസുതനായ അയ്യപ്പന്‍ കലിയുഗത്തില്‍ മാറിമാറിയും ഭക്തകോടികളില്‍ ശാന്തിയും സമാധാനവും നല്‍കുവാന്‍ ഈ മഹാക്ഷേത്രം വഹിക്കുന്ന പങ്ക്‌ വലുതാണ്‌. വിവിധതരത്തിലുള്ള തീര്‍ഥാടനങ്ങള്‍ ലോ കത്ത്‌ ഉണ്ടായാലും ശബരിമല തീര്‍ഥാടനം പോലെ സവിശേഷത ഉള്‍ക്കൊണ്ടവ വേറെയൊന്നില്ല.



രാമായണകാലത്തോളം പഴക്കം ശബരിമലയ്ക്കുണ്ട്‌. രാമന്റെ വനവാസക്കാലത്ത്‌ ശബരി ഭഗവാന്‌ കായ്കനികളും തേനും നല്‍കി സത്കരിച്ചു. ആ സ്ത്രീ യുടെ ഓര്‍മ നിലനിര്‍ത്തുന്നതാണ്‌ പുണ്യഭൂമി. കിഴക്കന്‍ പ്രദേശങ്ങളില്‍ ഒരിക്കല്‍ സംഭവിച്ച പാണ്ടിമറവരുടെ ആക്രമണത്തെ തുടര്‍ന്ന്‌ അവിടെയുണ്ടായിരുന്ന പുരാതന ക്ഷേത്രങ്ങളില്‍ പലതും നശിച്ചു. അക്കൂട്ടത്തില്‍ ശബരിമല ധര്‍മശാസ്താക്ഷേത്രവും ഉള്‍പ്പെടുന്നു. അച്ചന്‍കോവില്‍, ആര്യന്‍കാവ്‌, ശബരിമല, പൊന്നമ്പലമേട്‌ എന്നിവിടങ്ങളില്‍ ശാസ്താക്ഷേത്രങ്ങളാണ്‌ ഉള്ളത്‌. പൊന്നമ്പലമേട്ടില്‍ ഒരു ക്ഷേത്രമുണ്ടായിരുന്നതായി അനുമാനിക്കാം. വിവിധ ഭാവങ്ങളിലുള്ള ശാസ്താ പ്രതിഷ്ഠകളാണ്‌ ഇവിടങ്ങളിലുള്ളത്‌.



അയ്യപ്പന്‍ എന്ന യോഗിവര്യന്‍ ശബരിമല ക്ഷേത്രത്തിന്‌ പുനരുദ്ധാരണം നടത്തി ഹരിഹരസുതനായ ശാസ്താവിനെ പ്രതിഷ്ഠിച്ചു. പ്രതിഷ്ഠാവേളയില്‍ അയ്യപ്പനും ശാസ്താവും ഒന്നായി തീര്‍ന്നുവെന്ന്‌ അഭിപ്രായപ്പെടുന്നവരുണ്ട്‌. ശൈവ-വൈഷ്ണവശക്തികള്‍ ഒന്നിച്ചുള്ള ഒരു കുട്ടിയെ സന്താനമില്ലാതിരുന്ന പന്തളം രാജാവിന്‌ നായാട്ടിന്‌ പോയപ്പോള്‍ പമ്പാനദീതീരത്തുവച്ചു കിട്ടി. പല ദിവ്യ അനുഭവങ്ങളും കാട്ടിയ ആ കുട്ടി ധര്‍മശാസ്താവ്‌ തന്നെയാണെന്ന്‌ രാജാവിനും മറ്റും പിന്നീട്‌ മനസ്സിലായി.


ഭഗവാനും പന്തളം രാജകുടുംബവുമായുള്ള ബന്ധം അഭേദ്യമാണ്‌. മറ്റ്‌ തീര്‍ഥാടകര്‍ ഇരുമുടിക്കെട്ടുമായി പതിനെട്ടാംപടി ചവിട്ടുമ്പോള്‍ പന്തളം രാജാവിന്‌ ഇതിന്റെ ആവശ്യമില്ല. മൂപ്പുമുറയനുസരിച്ച്‌ സ്ഥാനമേല്‍ക്കുന്ന വ്യക്തി വലിയ തമ്പുരാനായിരിക്കും. അദ്ദേഹത്തിന്റെ പ്രതിനിധി അയ്യപ്പന്റെ തിരുവാഭരണപേടകത്തെ ശബരിമലയിലേക്ക്‌ അനുഗമിക്കും. തമ്പുരാന്‍ ചെല്ലുമ്പോള്‍ ഭഗവാന്‍ എഴുന്നേറ്റുനിന്ന്‌ ആദരിക്കുമെന്നാണ്‌ വിശ്വാസം.



എരുമേലി പേട്ട കണ്ടിട്ടുവേണം ശബരിമലയില്‍ ചെല്ലേണ്ടത്‌. അമ്പലപ്പുഴക്കാരുടെയും ആലങ്ങാട്ടുകാരുടെയും പേട്ടതുള്ളല്‍ പഴയ രീതിയില്‍ തന്നെ ഇന്നും തുടരുന്നു. അമ്പലപ്പുഴ ശ്രീകൃഷ്ണഭഗവാന്‍ ഈ മഹോത്സവം ദര്‍ശിക്കുന്നതായിട്ടാണ്‌ ഐതീഹ്യം. എരുമേലിയില്‍ രണ്ടുക്ഷേത്രങ്ങളുണ്ട്‌. മേപ്പാഴൂര്‍ മനയ്ക്കലേക്കായിരുന്നു ഇതിന്റെ ഉടമസ്ഥാവകാശം. സ്ഥലത്തെ പ്രായമായ ഒരു ഭക്തയ്ക്ക്‌ അയ്യപ്പന്‌ അവലും മലരും നിവേദിക്കണമെന്ന മോഹമുണ്ടായി. പ്രായാധിക്യത്താല്‍ വിഷമിക്കുന്ന അവരുടെ സൗകര്യാര്‍ഥം ഒരു ശ്രീകോവില്‍ നിര്‍മിച്ചു. അതാണ്‌ പേട്ടയിലെ കൊച്ചമ്പലം.



സന്നിധിയിലേക്കുള്ള പടിക്കെട്ടുകളെ രണ്ടായി വിഭജിച്ചിരിക്കുന്നു. തേങ്ങ ഉടച്ച്‌ കയറിച്ചെല്ലുമ്പോള്‍ വിഘ്നേശ്വരന്റെ തിരുനട കാണാം. കര്‍പ്പൂരമുഴിഞ്ഞ്‌ ശരണംവിളികളോടെ അയ്യപ്പന്മാര്‍ യാത്ര തുടരുന്നു. മാളികപ്പുറത്തമ്മയുടെ ശ്രീകോവിലിന്‌ ചുറ്റും നാളികേരം ഉരുട്ടിയിട്ട്‌ അവലും മലരും മ ഞ്ഞള്‍പ്പൊടിയും ദേവിക്ക്‌ സമര്‍പ്പിക്കണം.
നവഗ്രഹങ്ങളെ പ്രതിഷ്ഠിച്ചിരിക്കുന്ന ക്ഷേത്രത്തിന്‌ 9 പ്രദക്ഷിണം വച്ച്‌ പ്രാര്‍ഥിക്കണം. നെയ്‌ നിറച്ച തേങ്ങ ഹോമകുണ്ഠത്തിലര്‍പ്പിക്കണം. അയ്യപ്പന്റെ താഴെ തിരുമുറ്റത്ത്‌ വടക്കുഭാഗത്തായിട്ടാണ്‌ വാവരുനട. പതിനെട്ടു മലകളുടെ അധിപനാണ്‌ ശാസ്താവ്‌. പഞ്ചേന്ദ്രിയങ്ങളുടെയും കാമം, ക്രോധം, മോഹം, മതം, മാത്സര്യം, അഹങ്കാരം, അസൂയ, സത്യം, രജസ്സ്‌, തമസ്സ്‌, വിദ്യ, അവിദ്യ എന്നിവയെ പ്രതിനിധീകരിക്കുന്ന ഈ തൃപ്പടികള്‍ കടന്നുവേണം ഭക്തര്‍ക്ക്‌ അയ്യപ്പദര്‍ശനം ലഭിക്കേണ്ടത്‌.



– തഴവ എസ്‌.എന്‍.പോറ്റി


ശുഭചിന്ത,




നിങ്ങള്‍ എന്തിനെയെങ്കിലും കുറിച്ചു കൂടുതല്‍ വിവരം ശേഖരിക്കുന്തോറും അതിനെ അനുഭവിച്ചറിയാനുള്ള നിങ്ങളുടെ കഴിവു കുറഞ്ഞുകൊണ്ടിരിക്കും.


Your ability to experience something is inversely proportional to the amount of knowledge that you have gathered about it.


മൃതസഞ്ജീവനസ്തോത്രം



ഏവമാരാധ്യ ഗൌരീശം 
ദേവം മൃത്യുഞ്ജയേശ്വരം 

മൃതസഞ്ജീവനം നാംനാ 
കവചം പ്രജപേത്സദാ

സാരാത്സാരതരം പുണ്യം 
ഗുഹ്യാദ്ഗുഹ്യതരം ശുഭം 

മഹാദേവസ്യ കവചം 
മൃതസഞ്ജീവനാഭിധം

സമാഹിതമനാ ഭൂത്വാ 
ശൃണുഷ്വ കവചം ശുഭം 

ശൃത്വൈതദ്ദിവ്യ കവചം 
രഹസ്യം കുരു സര്വദാ

വരാഭയകരോ യജ്വാ 
സര്വദേവനിഷേവിതഃ

മൃത്യുഞ്ജയോ മഹാദേവഃ 
പ്രാച്യാം മാം പാതു സര്വദാ

ദധാനഃ ശക്തിമഭയാം 
ത്രിമുഖം ഷഡ്ഭുജഃ പ്രഭുഃ 

സദാശിവോഗ്നിരൂപീ മാ
ആഗ്നേയ്യാം പാതു സര്വദാ

അഷ്ടാദശഭുജോപേതോ 
ദണ്ഡാഭയകരോ വിഭുഃ 

യമരൂപീ മഹാദേവോ 
ദക്ഷിണസ്യാം സദാവതു

ഖഡ്ഗാഭയകരോ ധീരോ 
രക്ഷോഗണനിഷേവിതഃ

രക്ഷോരൂപീ മഹേശോ മാം 
നൈരൃത്യാം സര്വദാവതു

പാശാഭയഭുജഃ സര്വ
രത്നാകരനിഷേവിതഃ 

വരൂണാത്മാ മഹാദേവഃ 
പശ്ചിമേ മാം സദാവതു

ഗദാഭയകരഃ പ്രാണ
നായകഃ സര്വദാഗതിഃ 

വായവ്യാം മാരുതാത്മാ മാം 
ശങ്കരഃ പാതു സര്വദാ

ശങ്ഖാഭയകരസ്ഥോ മാം 
നായകഃ പരമേശ്വരഃ

സര്വാത്മാന്തരദിഗ്ഭാഗേ 
പാതു മാം ശങ്കരഃ പ്രഭുഃ

ശൂലാഭയകരഃ സര്വ
വിദ്യാനമധിനായകഃ

ഈശാനാത്മാ തഥൈശാന്യാം 
പാതു മാം പരമേശ്വരഃ

ഊര്ധ്വഭാഗേ ബ്രഹ്മരൂപീ 
വിശ്വാത്മാധഃ സദാവതു

ശിരോ മേ ശങ്കരഃ പാതു 
ലലാടം ചന്ദ്രശേഖരഃ

ഭ്രൂമധ്യം സര്വലോകേശസ്
ത്രിനേത്രോ  ലോചനേവതു 

ഭ്രൂയുഗ്മം ഗിരിശഃ പാതു 
കര്ണ്വൗ പാതു മഹേശ്വരഃ

നാസികാം മേ മഹാദേവ 
ഔഷ്ഠൗ  പാതു വൃഷധ്വജഃ

ജിഹ്വാം മേ ദക്ഷിണാമൂര്തിര്
ദന്താൻമേ  ഗിരിശോവതു

മൃതുയ്ഞ്ജയോ മുഖം പാതു 
കണ്ഠം മേ നാഗഭൂഷണഃ

പിനാകീ മത്കരൗ പാതു 
ത്രിശൂലീ ഹൃദയം മമ

പഞ്ചവക്ത്രഃ സ്തനൗ പാതു 
ഉദരം ജഗദീശ്വരഃ 

നാഭിം പാതു വിരൂപാക്ഷഃ 
പാര്ശ്വ മേ പാര്വതീപതിഃ

കടിദ്വയം ഗിരീശോ മേ 
പൃഷ്ഠം മേ പ്രമഥാധിപഃ

ഗുഹ്യം മഹേശ്വരഃ പാതു 
മമോരൂ പാതു ഭൈരവഃ

ജാനുനീ മേ ജഗദ്ധര്താ 
ജങ്ഘേ മേ ജഗദംബികാ

പാദൗ മേ സതതം പാതു 
ലോകവന്ദ്യഃ സദാശിവഃ

ഗിരിശഃ പാതു മേ ഭാര്യാം 
ഭവഃ പാതു സുതാന്മമ

മൃത്യുഞ്ജയോ മമായുഷ്യം 
ചിത്തം മേ ഗണനായകഃ

സര്വാങ്ഗം മേ സദാ പാതു 
കാലകാലഃ സദാശിവഃ

ഏതത്തേ കവചം പുണ്യം 
ദേവതാനാം ച ദുർല്ലഭം

മൃതസഞ്ജീവനം നാംനാ 
മഹാദേവേന കീര്തിതം

സഹസ്രാവര്തനം ചാസ്യ പുരശ്ചരണമീരിതം
യഃ പഠേച്ഛൃണുയാന്നിത്യം 

ശ്രാവയേത്സുസമാഹിതഃ
സ കാലമൃത്യും നിര്ജിത്യ 

സദായുഷ്യം സമശ്നുതേ
ഹസ്തേന വാ യദാ സ്പൃഷ്ട്വാ 

മൃതം സഞ്ജീവയത്യസൌ 
ആധയോ വ്യാധയസ്തസ്യ 

ന ഭവന്തി കദാചന
കാലമൃത്യുമപി പ്രാപ്തം

അസൗ ജയതി സര്വദാ
അണിമാദിഗുണൈശ്വര്യം
  
ലഭതേ മാനവോത്തമഃ
യുദ്ധാരംഭേ പഠിത്വേദം

അഷ്ടാവിംശതിവാരകം 
യുദ്ധമധ്യേ സ്ഥിതഃ ശത്രുഃ

സദ്യഃ സര്വൈര്ന ദൃശ്യതേ
ന ബ്രഹ്മാദീനി ചാസ്ത്രാണി 

ക്ഷയം കുര്വന്തി തസ്യ വൈ
വിജയം ലഭതേ ദേവ

യുദ്ധമധ്യേപി സര്വദാ
പ്രാതരുത്ഥായ സതതം 

യഃ പഠേത്കവചം ശുഭം
അക്ഷയ്യം ലഭതേ സൗഖ്യം

ഇഹ  ലോകേ പരത്ര ച
സര്വവ്യാധിവിനിര്മൃക്തഃ 

സര്വരോഗവിവര്ജിതഃ
അജരാമരണോ ഭൂത്വാ 

സദാ ഷോഡശവാര്ഷികഃ
വിചരത്യഖിലാൻ ലോകാന്

പ്രാപ്യ  ഭോഗാംശ്ച ദുര്ലഭാന്
തസ്മാദിദം മഹാഗോപ്യം 

കവചം സമുദാഹൃതം
മൃതസഞ്ജീവനം നാംനാ 

ദേവതൈരപി ദുർല്ലഭം 
മൃതസഞ്ജീവനം നാംനാ 
ദേവതൈരപി ദുർല്ലഭം

ഇതി ശ്രീവസിഷ്ഠപ്രണിതം മൃതസഞ്ജീവന സ്തോത്രം സമ്പൂര്ണം

Sunday, November 26, 2017

ആവണി അവിട്ടം



വളരെയധികം സവിശേഷതകളുള്ള ദിനമാണ്

ചിങ്ങമാസത്തിലെ(ശ്രാവണമാസത്തിലെ) പൗർണമി അഥവാ ആവണി അവിട്ടം.

ഇത് പ്രധാനമായും തമിഴ് ബ്രാഹ്മണരുടെ (പുരുഷന്മാരുടെ) ഉല്‍സവമാണ് .

ഋഗ് വേദികളും യജുര്‍ വേദികളുമായ ബ്രാഹ്മണര്‍ ശ്രാവണ പൌര്‍ണമി ദിവസം നാമജപവും പൂണൂല്‍ മാറ്റലും മറ്റും ചെയ്യുമ്പോള്‍ സാമവേദികള്‍ വിനായകചതുര്‍ത്ഥിയ്ക്കാണ് ഇതൊക്കെ ചെയ്യുന്നത്.


ഇതിന്റെ പിന്നിലെ ഐതിഹ്യം എന്താണെന്നോ??


പണ്ട് ബ്രഹ്മാവിന് താന്‍ വേദങ്ങളുടെ സൂക്ഷിപ്പുകാരനാണെന്ന് വല്ല്യ അഹന്തയുണ്ടായത്രെ.

ആ അഹന്ത അടക്കാന്‍ വിഷ്ണു രണ്ട് അസുരന്മാരെ പറഞ്ഞയക്കുകയും അവര്‍ വേദങ്ങള്‍ മോഷ്ടിക്കുകയും ചെയ്തു. അഹന്ത ഒതുങ്ങിയ ബ്രഹ്മാവ് വിഷ്ണുവിന്‍റെ സഹായം തേടിയപ്പോള്‍ വിഷ്ണു ഹയഗ്രീവനായി അവതാരം കൊണ്ട് വേദങ്ങള്‍ വീണ്ടെടുത്തു എന്നാണ് വിശ്വാസം.

അങ്ങനെ ആവണി അവിട്ടം ഹയഗ്രീവ ഉത്പത്തി ദിനമായും അറിയപ്പെടുന്നു.

പുരുഷന്മാര്‍ രാവിലെ കുളിച്ച് അമ്പലത്തില്‍ പോയി സന്ധ്യാവന്ദനവും കാമമൃത്യുജപവും ബ്രഹ്മ യജ്ഞവും ദേവയജ്ഞവും പിതൃയജ്ഞവും മഹാസങ്കല്‍പവുമൊക്കെ അനുഷ്ഠിക്കുന്നു. അതിനുശേഷം കുളിച്ച് പൂണൂല്‍ മാറ്റിയശേഷം കാണ്ഡ ഋഷീ തര്‍പ്പണവും ഹോമവും ചെയ്യുന്നു.

ഇതെല്ലാം കഴിഞ്ഞു വീട്ടിലെത്തുമ്പോള്‍ പുരുഷന്മാരെ ആരതി ഉഴിഞ്ഞ് സ്വീകരിക്കുന്നതാണ് സ്ത്രീകളെ സംബന്ധിച്ചിടത്തോളം ആവണി അവിട്ടം.


ഇന്നേ ദിവസം തന്നെയാണ് “രക്ഷാബന്ധൻ” അഥവാ ‘രാഖി’

ഹിന്ദുക്കളുടെയിടയിൽ പവിത്രവും, പാവനവുമായി കരുതപ്പെടുന്ന മറ്റൊരു ആഘോഷം.

രാഖിയുടെ ഐതിഹ്യം ഇങ്ങനെയാണ്:-

ഒരിക്കൽ ദേവന്മാരും അസുരന്മാരും തമ്മിൽ യുദ്ധം നടന്നു. ദേവന്മാർ പരാജയപ്പെടാൻ തുടങ്ങിയപ്പോൾ ഇന്ദ്രന്റെ പത്നിയായ ‘*ശചി*’ ഇന്ദ്രന്റെ കയ്യിൽ രക്ഷയ്ക്കായി,രാഖി കെട്ടികൊടുക്കുകയും ഈ രക്ഷാസൂത്രത്തിന്റെ ബലത്തിൽ, ഇന്ദ്രൻ ശത്രുക്കളെ പരാജയപ്പെടുത്താൻ ശക്തി നേടി എന്നുമാണ്…..ആ ദിവസം മുതൽ ‘രക്ഷാബന്ധൻ‘ എന്ന ഉത്സവത്തിന് ആരംഭമായി.

പിന്നീടെപ്പോളോ സഹോദരി സഹോദരന്റെ കൈകളിൽ രാഖി കെട്ടുന്ന ചടങ്ങ് പ്രചാരത്തിൽ വന്നു.

ഇന്ന് ഇതൊന്നും അറിയാതെയുള്ള ആഘോഷം മൂത്തുമൂത്ത്, എല്ലാം ഒരു തരം ഗോഷ്ടി ആയിട്ടുണ്ട്‌ …

#ഭാരതീയചിന്തകൾ

ശുഭചിന്ത,

Mystic Quote - Sadhguru


ആത്മീയപ്രക്രിയയുടെ അടിസ്ഥാനമെന്തെന്നാല്‍, നിങ്ങള്‍ അനുമാനങ്ങളെല്ലാം അവസാനിപ്പിക്കുന്നു. “എനിക്കറിയാവുന്നത് അറിയാം, എനിക്കറിയാത്തത് അറിയില്ല."


The fundamental of the spiritual process is that you stop all assumptions. “What I know, I know. What I do not know, I do not know.”


ശ്രീകൃഷ്ണസ്തുതികൾ


Image result for lord vishnu images

നളിനശരന്‍ തന്‍ ‍ തിരുവുടലഴകൊടു
നയനം തന്നിലെരിച്ചവനേ ജയ

നരകാന്തക ജയ നരപാലക ജയ
ഗിരിജാവരജയ ശിവശങ്കര ജയ

മതികലചൂടും പിരിജട തന്നില്‍
സുരനദി ചേര്‍ത്തൊരു പരമ വിഭോ ജയ

നരകാന്തക ജയ നരപാലക ജയ
ഗിരിജാവരജയ ശിവശങ്കര ജയ

ശില്‍പ്പം കോലിന മാനും മഴുവും
തൃക്കൈ തന്നിലേടുത്തവനേ ജയ

നരകാന്തക ജയ നരപാലക ജയ
ഗിരിജാവരജയ ശിവശങ്കര ജയ

വാമതൃത്തുട തന്മേലഴകൊടു
പാര്‍വ്വതിയെക്കുടി വച്ചവനേ ജയ

നരകാന്തക ജയ നരപാലക ജയ
ഗിരിജാവരജയ ശിവശങ്കര ജയ

യമപുരമഴകൊടു ത്രിപുരാദികളെ
പരിചൊടു ചേര്‍ത്തൊരു പരമവിഭോ ജയ

നരകാന്തക ജയ നരപാലക ജയ
ഗിരിജാവരജയ ശിവശങ്കര ജയ

അയ്യപ്പന്മാരുടെ അനുഷ്ഠാനവിധി



ശബരിമലയുടെ ദര്‍ശനത്തിന്‌ ആഗ്രഹിക്കുന്ന ഭക്തന്‍ ആ ദ്യമായ്‌ പോകുകയാണെങ്കില്‍ 51 ദിവസം വ്രതമെടുക്കണമെന്നാണ്‌ പൂര്‍വാചാരം. അതിനായി തയ്യാറെടുക്കുന്നതിനുമുമ്പായി മാല്യം ധരിക്കണം. മാല്യത്തില്‍ അയ്യാമുദ്ര ഉണ്ടാകണം. ഈ മാലയ്ക്ക്‌ അയ്യപ്പമുദ്ര അഥവാ വനമുദ്ര എന്നാണ്‌ നാമധേയം. മാല ധരിക്കേണ്ടത്‌ ഗുരുവിങ്കല്‍ നിന്നോ ശാസ്താക്ഷേത്രത്തില്‍ നിന്നോ ആകണം. ശനിയാഴ്ചയോ ഉത്രം നക്ഷത്രത്തിലോ മാല ധരിക്കുന്നത്‌ അത്യുത്തമം. മാല ധരിക്കുന്നതിന്‌ മുമ്പ്‌ ഗുരുദക്ഷിണ കൊടുത്ത്‌ ഗുരുപാദം നമസ്കരിച്ച്‌ അനുഗ്രഹം വാങ്ങണം. ഏതുതരം മാലയാണെങ്കിലും ജപവിധിയില്‍ പറയുന്ന മാലയുടെ ലക്ഷണം ഇപ്രകാരണമാണ്‌.



അങ്കുലിയൊന്റിറൈ താനൊരു പത്തു
അക്കൊടു പത്തിരൈ മാമണി നൂറ്‌
ശങ്കൊടു വെമ്പവീഴും ശതപത്തു
താന്‍പടികം പതിനായിരമാകും
പൊങ്കുതിരക്കടല്‍ മുത്തൊരുലക്ഷം
പോതവെണ്ടാമരൈ പൊന്നൊരുകോടി
എങ്കുമെഴും കുശൈതാന്‍ ശതകോടി
എരുടയാര്‍ മണിക്കെണ്ണമെണ്ണാതെ.


ഇതില്‍ രണ്ടാമത്തെ വരിയില്‍ പറഞ്ഞിരിക്കുന്ന അക്ക്‌ എരുക്കു കൊണ്ടാണ്‌ മാലയെങ്കില്‍ നൂറു കൃശ്ച്‌റഫലം. ശംഖിനും പവിഴമാലയ്ക്കും ആയിരം കൃശ്ച്‌റഫലം. സ്ഫടിക മാലയ്ക്ക്‌ പതിനായിരം, മുത്തുമാലയ്ക്കൊരുലക്ഷം, തുളസിമാല പത്തുലക്ഷം, താമരക്കായകളെ കൊണ്ടുള്ള മാലയ്ക്കും ഒരുകോടി സ്വര്‍ണമണിമാലയ്ക്കൊരുകോടി, ദര്‍ഭയുടെ ചുവട്‌ കടഞ്ഞ്‌ മാലയാക്കി ധരിച്ചാല്‍ പത്തുകോടി ഫലം. രുദ്രാക്ഷക്കായകൊണ്ടുള്ള മാലയുടെ ഫലം എണ്ണാന്‍ പറ്റുന്നതിനും അപ്പുറത്താണ്‌.



സ്വാമിയേ……. ശരണം അയ്യപ്പാ…… എന്നുറക്കെ വിളിച്ചു മാല ധരിക്കുക.



മാലധാരണ മന്ത്രം


ജ്ഞാനമുദ്രാം ശാസ്തൃമുദ്രാം ഗുരുമുദ്രാം നമാമ്യഹം
വനമുദ്രാം ശുദ്ധമുദ്രാം രുദ്രമുദ്രാം നമാമ്യഹം
ശാന്തമുദ്രാം സത്യമുദ്രാം വ്രതമുദ്രാം നമാമ്യഹം
ശമ്പര്‍യ്യാത്ര സത്യേന മുദ്രാം പാതു സദാവിമേ
ഗുരുദക്ഷിണയാപൂര്‍വ്വം തസ്യാനുഗ്രകാരിണേ
ശരണാഗത മുക്രാഖ്യാം ത്വന്മുദ്രാം നമാമ്യഹം
ചിന്മുദ്രാം ഖേചരീമുദ്രാം ഭഗ്രമുദ്രാം നമാമഹ്യം
ശമ്പര്‍യ്യാചല മുദ്രായൈ നമസ്തുഭ്യം നമോനമഃ


വി. സജീവ്‌ ശാസ്താരം



Saturday, November 25, 2017

അയ്യപ്പസ്വാമി സ്തുതികൾ

കാനനവാസാ കലിയുഗ വരദാ
കാനനവാസാ കലിയുഗ വരദാ
കാല്‍തളിരിണ കൈ തൊഴുന്നേന്‍ നിന്‍-
കാല്‍തളിരിണ കൈ തൊഴുന്നേന്‍
നിന്‍ കേശാദിപാദം തൊഴുന്നേന്‍


കാനനവാസാ കലിയുഗ വരദാ
കാനനവാസാ കലിയുഗ വരദാ
കാല്‍തളിരിണ കൈ തൊഴുന്നേന്‍ നിന്‍-
കാല്‍തളിരിണ കൈ തൊഴുന്നേന്‍
നിന്‍ കേശാദിപാദം തൊഴുന്നേന്‍



നിരുപമ ഭാഗ്യം നിന്‍ നിര്‍മ്മാല്യ ദര്‍ശനം
നിര്‍വൃതീകരം നിന്‍ നാമസങ്കീര്‍ത്തനം
അസുലഭ സാഫല്യം നിന്‍ വരദാനം
അടിയങ്ങള്‍ക്കവലംബം നിന്‍ സന്നിധാനം

കാനനവാസാ കലിയുഗ വരദാ
കാനനവാസാ കലിയുഗ വരദാ
കാല്‍തളിരിണ കൈ തൊഴുന്നേന്‍ നിന്‍-
കാല്‍തളിരിണ കൈ തൊഴുന്നേന്‍
നിന്‍ കേശാദിപാദം തൊഴുന്നേന്‍



കാനന വേണുവില്‍ ഓംകാരമുണരും
കാലത്തിന്‍ താലത്തില്‍ നാളങ്ങള്‍ വിടരും
കാണാത്തനേരത്തും കാണണമെന്നൊരു
മോഹവുമായീ നിന്‍ അരികില്‍ വരും


കാനനവാസാ കലിയുഗ വരദാ
കാനനവാസാ കലിയുഗ വരദാ
കാല്‍തളിരിണ കൈ തൊഴുന്നേന്‍ നിന്‍-
കാല്‍തളിരിണ കൈ തൊഴുന്നേന്‍
നിന്‍ കേശാദിപാദം തൊഴുന്നേന്‍

വരാഹജയന്തി



ശ്രീമദ് ഭാഗവതം തൃതീയസ്കന്ധത്തില്‍ 13 മുതല്‍18 & 19 അധ്യായങ്ങള്‍ കൂടി വരാഹാവതാരം വിശദമായി പ്രതിപാദിക്കുന്നു


ബ്രഹ്മാവിന്റെ പൗത്രനും മരീചിയുടെ പുത്രനുമായ കശ്യപപ്രജാപതി ഒരു നാള്‍ സന്ധ്യാവന്ദനം ചെയ്തുകൊണ്ടിരിക്കുകയായിരുന്നു.


ഈ സമയത്ത് അദ്ദേഹത്തിന്റെ പത്‌നിയായ ദിതി പ്രണയപുരസ്സരം അദ്ദേഹത്തെ സമീപിച്ചു.


(കശ്യപന് രണ്ടു പത്നിമാരായിരുന്നു, അദിതി എന്ന ഭാര്യയില്‍നിന്നും ദേവന്മാരും, ദിതി എന്ന ഭാര്യയില്‍നിന്നും അസുരന്മാരും ജനിക്കുന്നു എന്നാണ് പറയുന്നത്).

ഈ സമയത്ത് പ്രേമചാപല്യങ്ങള്‍ കാണിക്കുന്നത് ഒട്ടുംതന്നെ ശരിയല്ലെന്ന് കശ്യപന്‍ പറഞ്ഞുവെങ്കിലും ദിതി അതിന് സമ്മതിച്ചില്ല. അവസാനം കശ്യപന്‍ അവളോടൊത്ത് രമിക്കുകയും അങ്ങനെ ഹിരണ്യാക്ഷന്‍ എന്നും ഹിരണ്യകശിപു എന്നും പേരോടുകൂടിയ രണ്ട് പുത്രന്മാര്‍ ജനിക്കുകയും ചെയ്തു.


(ഇവര്‍ വിഷ്ണുവിന്റെ ദ്വാരപാലകന്‍മാരായ ജയവിജയന്‍മാരുടെ ആദ്യത്തെ ജന്മമാണ്).

അപ്പോള്‍ അതും ചുരുക്കി പറയണമല്ലോ…


മഹാവിഷ്ണുവിന്റെ ഗോപുരദ്വാരത്തിൽ നിന്നിരുന്ന രണ്ട് കിങ്കരന്മാരാണ് ജയനും വിജയനും. സനകാദി മഹർഷികൾ ഒരിയ്ക്കൽ മഹാവിഷ്ണുവിനെ സന്ദർശിയ്ക്കുന്നതിനായി വൈകുണ്ഠത്തിൽ ചെന്നു. എന്നാൽ ജയവിജയന്മാർ ഇവരെ അനാദരിച്ചു.


സനകാദികള്‍ അവരെ ശപിച്ചു.

ശേഷം മൂന്നുതവണ മഹാവിഷ്ണുവിനാൽ ഈ ജന്മങ്ങളിൽ നിഗ്രഹിയ്ക്കപ്പെട്ടാൽ ശാപമോക്ഷം ലഭിയ്ക്കും എന്ന് അവർ അനുഗ്രഹിയ്ക്കുകയും ചെയ്തു


അപ്രകാരം കശ്യപമഹർഷിയ്ക്കും ദിതിയ്ക്കും ജനിച്ച പുത്രന്മാരാണ് ഹിരണ്യാക്ഷനും ഹിരണ്യകശിപുവും…..


ആ രണ്ട് അസുരന്മാരും ലോകത്തെ പീഡിപ്പിച്ചുകൊണ്ട് സഞ്ചരിക്കുവാന്‍ തുടങ്ങി.

ഒരിയ്ക്കൽ ഹിരണ്യാക്ഷൻ സമുദ്രത്തിലിറങ്ങി ഗദ കൊണ്ട് തിരമാലകളെ താഡനം ചെയ്തുകൊണ്ടിരുന്നു. ഭയചകിതനായ വരുണദേവൻ മഹാവിഷ്ണുവിനെ അഭയം പ്രാപിയ്ക്കുകയും ചെയ്തു….


അങ്ങനെ ഭഗവാന്‍ ഹിരണ്യാക്ഷനെ അന്വേഷിച്ചു സമുദ്രതലത്തില്‍ എത്തി.

മഹാവിഷ്ണുവിനെ കണ്ട നേരം ഹിരണ്യാക്ഷൻ ഭൂലോകത്തെ കയ്യിലേന്തി പാതാളത്തിലേയ്ക്ക് പലായനം ചെയ്തുവെന്നും വരാഹവേഷം പൂണ്ട മഹാവിഷ്ണു അവിടെച്ചെന്ന് ഹിരണ്യാക്ഷനെ വധിച്ച് ഭൂലോകത്തെ വീണ്ടെത്തു എന്നുമാണ് ഐതിഹ്യം


ശ്രീമന്നാരയണീയത്തില്‍ ദശകം 12 വരാഹാവതാരത്തെ വര്‍ണ്ണിക്കുന്നു..

വരാഹമൂര്‍ത്തിയായി അവതരിച്ച സാക്ഷാല്‍ വിഷ്ണുഭഗവാനെ സ്മരിച്ചുകൊള്ളുന്നു….


സര്‍വം ശ്രീകൃഷ്ണാര്‍പ്പണമസ്തു.

#ഭാരതീയചിന്തകൾ

ശുഭചിന്ത,




ജനാധിപത്യമെന്നാല്‍ ജനങ്ങളുടെ ഭരണം. ഒരു മഹത്തായ രാഷ്ട്രം കെട്ടിപ്പടുക്കണമെന്നുണ്ടെങ്കില്‍, നമ്മുടെ ഭാഗം എന്തുതന്നെയായാലും പൂര്‍ണ ഉത്തരവാദിത്വത്തോടെ ഏറ്റെടുത്തു കഴിവിന്‍റെ പരമാവധി നന്നായി ചെയ്യണം.


Democracy means government by the people. If we want a great nation, whatever our role, we need to take charge and do our best.


ചിരഞ്‌ജീവിയായ വിഭീഷണന്‍ - പുരാണകഥാപാത്രങ്ങൾ



രാവണന്‌ കുംഭകര്‍ണ്ണനു ശേഷം ലഭിച്ച സഹോദരനാണു വിഭീഷണന്‍.  രാമായണത്തിലെ രണ്ടു കഥാപാത്രങ്ങളേ സപ്‌തചിരഞ്‌ജീവികളിലുളളൂ. അവര്‍ ഹനുമാനും വിഭീഷണനുമാണ്‌.

ബ്രഹ്‌മാവിനെ പ്രസാദിപ്പിക്കാന്‍ രാവണനോടൊപ്പം കുംഭകര്‍ണ്ണനും വിഭീഷണനും തപസനുഷ്‌ഠിക്കുകയുണ്ടായി.  രാവണന്‌ മനുഷ്യരില്‍ നിന്നല്ലാതെ മറ്റാരിലും നിന്നു മരണമുണ്ടാകരുതെന്നും കുംഭകര്‍ണ്ണന്‌ ഉറക്കം വേണമെന്നുമുളള വരങ്ങളാണ്‌ വേണ്ടിയിരുന്നത്‌. എന്നാല്‍ വിഭീഷണന്‍ ബ്രഹ്‌മാവിനോട്‌ അപേക്ഷിച്ചത്‌ വിഷ്‌ണുഭക്‌തി നല്‍കാനാണ്‌.


ലങ്കാപുരിയിലെ ഉദ്യാനമെല്ലാം അടിച്ചുതകര്‍ത്ത ഹനുമാനെ ബ്രഹ്‌മാസ്‌ത്രത്താല്‍ ബന്ധിച്ച്‌ രാവണന്റെ മൂത്തമകനായ ഇന്ദ്രജിത്ത്‌ രാജസഭയില്‍ കൊണ്ടുവന്നു. അപ്പോള്‍ സിംഹാസനത്തിനൊപ്പം ഉയരത്തില്‍ വാല്‍ ചുരുട്ടിവച്ച്‌ അതിന്മേലിരുന്ന്‌ ഹനുമാന്‍ രാവണന്‌ തത്ത്വേപദേശം നല്‍കുകയാണുണ്ടായത്‌. അതു കേട്ടു ക്രുദ്ധനായ രാക്ഷസരാജന്‍ ഈ നിസാരവാനരനെ എളളുകണക്കെ വെട്ടിനുറുക്കുവിന്‍ എന്ന്‌ കിങ്കരന്മാര്‍ക്ക്‌ ആജ്‌ഞ കൊടുത്തു. ആ നിര്‍ണായക സമയത്തായിരുന്നു വിഭീഷണന്റെ രംഗപ്രവേശം. ദൂതനെക്കൊല്ലുന്നത്‌ രാജോചിതമായ പ്രവൃത്തിയല്ല എന്ന്‌ അദ്ദേഹം ജ്യേഷ്‌ഠനെ ഓര്‍മ്മിപ്പിച്ചു. പിന്നീട്‌ രാമനോട്‌ യുദ്ധം ചെയ്യാനുറച്ച രാവണന്‌ സാരോപദേശം നല്‍കുന്ന നിലയിലാണ്‌ വിഭീഷണനെ നാം കാണുന്നത്‌. വരുംവരായ്‌കയെക്കുറിച്ച്‌ ജ്യേഷ്‌ഠനെ ധരിപ്പിച്ച്‌ കുംഭകര്‍ണ്ണന്‍ പിന്‍വാങ്ങിയ ശേഷമായിരുന്നു അത്‌. ശ്രീരാമനോട്‌ യുദ്ധം ചെയ്‌തു ജയിക്കാന്‍ പോന്ന ഒരു വ്യക്‌തിയും ഇന്നോളമുണ്ടായിട്ടില്ല. ഇനി ഉണ്ടാവുകയുമില്ല. ശ്രീരാമാവതാരലക്ഷ്യം തന്നെ രാവണനിഗ്രഹമാണ്‌. സീതയെ തിരിച്ചേല്‍പ്പിച്ച്‌ നിരുപാധികം മാപ്പപേക്ഷിച്ചാല്‍ ചിലപ്പോള്‍ രാവണന്‌ ജീവന്‍ നിലനിര്‍ത്താന്‍ കഴിഞ്ഞേക്കും. അതുകൊണ്ട്‌ ഇതൊന്നേ ജ്യേഷ്‌ഠന്റെ നന്മയ്‌ക്കുവേണ്ടി ചെയ്യാനുളളൂ. സജ്‌ജനവൈരം കൊണ്ട്‌ ആരും ഒന്നും നേടുകയില്ല.



ഈ ലോക സത്യങ്ങളാണ്‌ വിഭീഷണന്‍ രാവണനോട്‌ പറഞ്ഞത്‌. പക്ഷേ എന്തു പ്രയോജനം? രാവണന്‌ വിഭീഷണന്റെ വാക്കുകളൊന്നും സ്വീകാര്യമായില്ല. തുടര്‍ന്ന്‌ രാക്ഷസാധീശന്റെ വാളിന്‌ ഇരയാകാതിരിക്കാന്‍ വേണ്ടി സത്ത്വഗുണ സമ്പന്നമായ വിഭീഷണന്‍ അഖിലലോകേശനായ ശ്രീരാമനെ ശരണം പ്രാപിച്ചു. വിഭീഷണന്റെ ഈ പ്രവൃത്തിയില്‍ സംശയാലുവായ സുഗ്രീവന്‍ ചില തടസങ്ങളുന്നയിച്ചു. ആ സമയത്ത്‌ ഹനുമാന്‍ വിഭീഷണന്‍ ഉത്തമനാണെന്ന്‌ ഭഗവാനെ ധരിപ്പിച്ചു. എന്നു മാത്രമല്ല ശരണാഗതിയെ രക്ഷിക്കുന്നത്‌ ഉചിതമാണ്‌.



ശ്രീരാമന്‍ ആ സത്യസന്ധന്റെ വാക്കുകള്‍ മാനിച്ച്‌ വിഭീഷണനെ ഉറ്റ സുഹൃത്തായി സ്വീകരിച്ചു. എന്നിട്ട്‌ വിഭീഷണന്‌ ലങ്കാധിപനായി ലക്ഷ്‌മണനെക്കൊണ്ട്‌ അഭിഷേകം കഴിപ്പിക്കുകയും ചെയ്‌തു. വിഭീഷണന്‍ പറഞ്ഞുകൊടുത്ത ലങ്കയിലെ രാഷ്‌ട്രീയരഹസ്യങ്ങള്‍ രാവണനെ വധിക്കാന്‍ ശ്രീരാമന്‌ ഉപകാരപ്പെട്ടു. രാവണവധം കഴിഞ്ഞ്‌ ശ്രീരാമന്റെ നിര്‍ദ്ദേശവും ദേവേന്ദ്രന്റെ പ്രേരണയും മാനിച്ചു ലങ്കയിലെത്തിയ വിശ്വകര്‍മ്മാവ്‌ ആ പട്ടണത്തെ പഴയപടി പുനരുദ്ധരിക്കുകയുണ്ടായി. കാലമേറെച്ചെന്ന്‌ ശ്രീരാമന്‍ അശ്വമേധയാഗം നടത്തിയപ്പോള്‍ വീഭീഷണനായിരുന്നു അതിനുവേണ്ട ധനകാര്യഭരണം നടത്തിയത്‌. നിര്‍മ്മല ഭക്‌തിയും പരമാര്‍ത്ഥ ജ്‌ഞാനവും ഉണ്ടായിരിക്കുകയും മാതൃകായോഗ്യമായ കര്‍മ്മങ്ങള്‍ മാത്രം അനുഷ്‌ഠിച്ചു ഭഗവാനെ സേവിക്കുകയും ചെയ്‌തതാണ്‌ ചരിത്രത്തിനു മാര്‍ഗദര്‍ശിയായ ചിരഞ്‌ജീവിത്വം കൈവരിക്കാന്‍ വിഭീഷണനു കാരണമായത്‌.

Friday, November 24, 2017

കാരക്കാട് സുബ്രഹ്മണ്യ ക്ഷേത്രം(ഷൊര്‍ണൂര്‍)



ഇവിടെ മകരമാസം മുഴുവനും അവില്‍ വഴിപാട് പ്രസിദ്ധമാണ്.ഈ അവില്‍ കഴിച്ചാല്‍ മഹാ രോഗങ്ങളില്‍ നിന്നും മുക്തി ലഭിക്കുമെന്ന് വിശ്വാസം….


ഇതിന്റെ പിന്നിലൊരു ഐതിഹ്യമുണ്ട്…
ഇത് ഇന്ന് എത്ര പെര്‍ക്കറിയുമെന്നു നിശ്ചയമില്ല്യ….

Image result for കാരക്കാട് സുബ്രഹ്മണ്യ ക്ഷേത്രം(ഷൊര്‍ണൂര്‍)

പണ്ട് വില്വമംഗലം സ്വാമിയാര്‍ ഗുരുവായൂര്‍ ഭജനത്തിനു പോകുന്ന വഴി ഇവിടെ എത്തിയെന്നും ക്ഷേത്രത്തിന്റെ ആല്‍തറയില്‍ വിശ്രമിച്ചുവെന്നും വിശ്വാസം…..


വിശന്നു വലഞ്ഞ സ്വാമിയാര്‍ക്ക് ക്ഷേത്രത്തില്‍ നിന്നും കഴകം കഴിഞ്ഞു വരുന്ന കാരക്കാട് വാര്യത്തെ വാരസ്സ്യാര്‍ കുറച്ചു അവലും ശര്‍ക്കരയും കഴിക്കാന്‍ കൊടുത്തുവെന്നും അതില്‍ സംപ്രീതനായ സ്വാമിയാര്‍ അവിടെ അവില്‍ നിവേദ്യം കഴിക്കാന്‍ നിര്‍ദേശിച്ചുവെന്നും ദേശവാസികള്‍ വിശ്വസിച്ചു പോരുന്നു….


ആ അവില്‍ നിവേദ്യം കഴിച്ചാല്‍ രോഗങ്ങള്‍ക്ക് അടിമപ്പെടില്ല എന്ന വിശ്വാസത്തില്‍ ഇന്നും മകര മാസം മുഴുവനും കേമമായി അവിടെ അവില്‍ നിവേദ്യം കഴിക്കുന്നു. അതില്‍ നല്ലൊരു പങ്കു കഴകക്കാരായ കാരക്കാട് വാര്യത്തെ അവകാശമാണ് താനും


മറ്റു സുബ്രഹ്മണ്യ ക്ഷേത്രങ്ങളിലെപ്പോലെ തൈപൂയവും സ്കന്ദ ഷഷ്ടിയും തന്നെ ഇവിടത്തെയും പ്രധാന ആഘോഷം.


ശിവസുതനും ദേവസേനാപതിയുമായ സുബ്രഹ്മണ്യന്റെ പിറന്നാളാണ്‌ തൈപ്പൂയം എന്നാണല്ലോ വിശ്വാസം. (സുബ്രഹ്മണ്യൻ താരകാസുരനെ യുദ്ധത്തിൽ വധിച്ച്‌ വിജയം കൈവരിച്ച ദിവസമാണ്‌ മകരമാസത്തിലെ പൂയം നാൾ എന്നും കരുതുന്നു.)


#ഭാരതീയചിന്തകൾ

ശുഭചിന്ത,



ജീവിതത്തിന്‍റെ ബാഹ്യതലങ്ങള്‍ നിങ്ങള്‍ക്കു സുഖവും സൌകര്യവും ലഭ്യമാക്കും. എന്നാല്‍ ആന്തരികതലത്തിനു മാത്രമേ പൂര്‍ണ സംതൃപ്തി നല്‍കാന്‍ സാധിക്കൂ.


The external dimensions of life can bring you comfort and convenience. Only the inner dimension can bring fulfillment.

അടാട്ട് മഹാദേവക്ഷേത്രം അടാട്ട് മഹാദേവൻ - 108 ശിവ ക്ഷേത്രങ്ങൾ



108 ശിവക്ഷേത്രങ്ങളില്‍ 105 എണ്ണം കേരളത്തിലും 2 ക്ഷേത്രങ്ങള്‍ കര്‍ണ്ണാടക സംസ്ഥാനത്തിലും 1 ക്ഷേത്രം തമിഴ്നാട്ടിലെ കന്യാകുമാരി ജില്ലയിലുമാണ്



അടാട്ട് മഹാദേവക്ഷേത്രം അടാട്ട് മഹാദേവൻ കിഴക്ക് അടാട്ട് അടാട്ട് തൃശ്ശൂർ ജില്ല

Image result for അടാട്ട് മഹാദേവക്ഷേത്രം

തൃശ്ശൂർ ജില്ലയിലെ അടാട്ട് ഗ്രാമത്തിലാണ് അടാട്ട് മഹാദേവക്ഷേത്രം സ്ഥിതിചെയ്യുന്നത്. പരശുരാമനാൽ പ്രതിഷ്ഠിക്കപ്പെട്ടു എന്നു വിശ്വസിക്കുന്ന നൂറ്റെട്ടു ശിവക്ഷേത്രങ്ങളിൽ ഒന്നാണിത്.



ഐതീഹ്യം


അടാട്ട് ശിവവിഷ്ണു ക്ഷേത്രം എന്നാണ് പൊതുവിൽ ഈ ക്ഷേത്രം അറിയപ്പെടുന്നത്.


സ്ഥലനാമ ചരിത്രം

അടാട്ട് എന്ന സ്ഥലനാമത്തെപ്പറ്റി വിചിത്രമായ ഒരു ഐതിഹ്യമുണ്ട്. ഇത് കുറൂർ മനയെന്ന ഭവനവുമായും, അവിടത്തെ കുറൂരമ്മയുമായും ബന്ധപ്പെട്ടിരിക്കുന്നു. ഗുരുവായൂരപ്പന്റെ പൂജയ്ക്കായി നൈവേദ്യമൊരുക്കിക്കൊണ്ടിരുന്ന കുറൂരമ്മയെ സഹായിക്കാനായി എവിടെനിന്നൊ ഒരു ബാലൻ എത്തിയത്രെ. പൂജാദ്രവ്യങ്ങളൊരുക്കി പൂജാരിയായ വില്വമംഗലത്തെ കാത്തിരിക്കെ, സഹായിക്കാൻ വന്ന ബാലൻ നൈവേദ്യം എടുത്തുകഴിക്കുന്നതു കണ്ടെത്തിയ കുറൂരമ്മ ആ ഉണ്ണിയെ ഒരു കലത്തിന്നടിയിൽ അടച്ചിട്ടുവത്രെ. ഭഗവാൻ കൃഷ്ണന് വെച്ചിരുന്ന നൈവേദ്യമെടുത്ത് കഴിക്കാനൊരുമ്പെട്ട ബാലൻ, സാക്ഷാൽ കൃഷ്ണൻ തന്നെയെന്നെ നിഗമനത്തിൽ അവർ എത്തിച്ചേരുകയായിരുന്നു. ഇങ്ങനെ കൃഷ്ണനെ അടച്ചിട്ട സ്ഥലം എന്ന അർത്ഥത്തിൽ ഈ സ്ഥലം അടാട്ട് എന്നപേരിൽ പിന്നീട് പ്രശസ്തമാവുകയായിരുന്നു.



മറ്റുദേവ പ്രതിഷ്ഠകൾ

വേണുഗോപാലകൃഷ്ണൻ

കുറൂരമ്മ പൂജിച്ചിരുന്ന ഉണ്ണികണ്ണന്റെ പ്രതിഷ്ഠ ഇവിടെയാണ്. വേണുഗോപാലനായി ഇവിടെ പ്രതിഷ്ഠിച്ചിരിക്കുന്നു.


ഗണപതി

മറ്റു ക്ഷേത്രങ്ങളിലേതുപോലെ തന്നെ ഇവിടേയും ഗണപതി പ്രതിഷ്ഠ ഉണ്ട്.


പൂജകൾ, വിശേഷങ്ങൾ

ശിവരാത്രിയും, അഷ്ടമിരോഹിണിയും അല്ലാതെ പ്രത്യേക ഉത്സവങ്ങൾ ഇവിടെ പതിവില്ല.



എത്തിച്ചേരാൻ

തൃശ്ശൂർ - ഗുരുവായൂർ റോഡിൽ മുതുവറ ജംഗ്ഷനിൽ നിന്നും ഇടത്തോട്ട് തിരിഞ്ഞു അടാട്ട് റോഡിൽ ഏതാനും കിലോമീറ്ററുകൾ സഞ്ചരിച്ചാൽ ഇവിടെ എത്തി ചേരാം.