ശ്രീകൃഷ്ണസ്തുതികൾ

 ഹരേ കൃഷ്ണ

ഗുരുവായൂരപ്പനെ മനതാരിൽ ധ്യാനിച്ചു
മനഃശ്ശാന്തി നേടുന്നു ഭക്തരെല്ലാം ,

ഘനശ്യാമവർണ്ണന്റെ മുരളീരവം കേൾക്കാൻ,
മനമാകെ വെമ്പുന്നു ഭക്തർക്കെല്ലാം!!

ഗർവ്വും ഗമയുമൊട്ടില്ലാതെയേവേരും
ഗുരുവായൂർ നടതന്നിൽ വന്നിടുന്നു, 

ഒരു മാത്രയെങ്കിലും തിരുരൂപം ദർശിക്കാൻ,
തിക്കും തിരക്കിലും നിന്നിടുന്നു!!

ഇഷ്ടങ്ങളെല്ലാം പറഞ്ഞു തൊഴുതിടാൻ,
കഷ്ടങ്ങളെല്ലാമകറ്റീടുവാൻ,
ഇഷ്ടദേവൻ ശ്രീ ഗുരുവായൂർനാഥനെ സാഷ്ടാംഗമിന്നു നമിച്ചിടുന്നു !!