"ബുദ്ധിയുള്ളവന് ദീക്ഷ നൽകണം " എന്ന് പരശുരാമ കല്പ സൂത്രം അനുശാസിക്കുന്നു. എന്താണ് ' ബുദ്ധിയുള്ളവൻ ' എന്ന സംജ്ഞയിൽ ഉദ്ദേശിക്കുന്നത് എന്ന് മുൻപുള്ള സൂത്രങ്ങളിൽ കല്പ സൂത്രം തന്നെ വ്യക്തമാക്കുന്നുണ്ട്. ആരാണ് ദീക്ഷയ്ക്ക് യോഗ്യൻ? തന്ത്ര ശാസ്ത്രം ഇപ്രകാരം പറയുന്നു :
1. തന്റെ സങ്കല്പത്തിൽ ഉറച്ചു നിൽക്കുന്നവനും ജിജ്ഞാസുവും ആയിരിക്കണം. അങ്ങിനെയുള്ളവൻ പൂർണമായ ജ്ഞാനത്തിൽ എത്തിച്ചേരുന്നു.
2. ഒരു ദർശനത്തെയും നിന്ദികരുത്. എല്ലാ ദർശനങ്ങളെയും സമഭാവനയോടെ നോക്കി കാണണം.
3. ആരുടെയും അഭിപ്രായങ്ങളെ വില കുറച്ചു കാണരുത്. അതേ സമയം സ്വന്തം പാതയിൽ ഉറച്ചു നിൽക്കുകയും വേണം.
4. സ്വന്തം പാതയിലെ ഗൂഢമായ രഹസ്യങ്ങൾ പൊതു ജനങ്ങളോട് പറയരുത്. ആ വിഷയങ്ങൾ അതിന് അധികാരിയോട് മാത്രം സംസാരിക്കുക.
5. ലഭിച്ച ഉപദേശത്തെ ദൃഢമായും സ്ഥിരമായും പിന്തുടരുക.
6. തന്നിലെ ശിവ ഭാവത്തെ ഉണർത്താൻ നിരന്തരം പരിശ്രമിക്കുക.
7. ആഗ്രഹം, കോപം, അത്യാഗ്രഹം, വഞ്ചന, അഹങ്കാരം, അസൂയ, മോഷണം എന്നിവ പൂർണമായും ഒഴിവാക്കുക.
8. എല്ലാ സംശയങ്ങളും മാറ്റി നിർത്തി ഗുരുവിൽ പൂർണമായും ശരണാഗതി പ്രാപിക്കുക.
9. ഒന്നും എന്റേതല്ല എന്ന ഭാവത്തിൽ ചരിക്കുക.
10. ഫലം ഇച്ഛിക്കാതെ കർമ്മം ചെയ്യുക.
11. നിത്യ കർമ്മങ്ങൾ ഒരു മുടക്കവും കൂടാതെ അനുഷ്ഠിക്കുക.
12. എല്ലായിടത്തും നിർഭയനായി നിൽകൊള്ളുക.
No comments:
Post a Comment