ബ്രഹ്മസൂത്രം ലളിതവ്യാഖ്യാനം ഭാഗം - 13

ഓം സദാശിവ സമാരംഭാം
ശങ്കരാചാര്യ മദ്ധ്യമാം
അസ്മദാചാര്യ പര്യന്താം
വന്ദേ ഗുരുപരമ്പരാം.



സൃഷ്ടിക്കു മുൻപുണ്ടായിരുന്നതായി ഉപനിഷത്തു പറയുന്ന സത്ത പ്രധാനം അഥവാ പ്രകൃതിയാണ്. അതിൽ സങ്കല്പം പറഞ്ഞിരിക്കുന്നത് ഗൗണമായിട്ടാണ്. അതായത് അപ്രധാനമായിട്ടാണ്. സാംഖ്യന്മാരുടെ ഈ വാദം ശരിയല്ല എന്തുകൊണ്ടെന്നാൽ ഉപനിഷത്തുതന്നെ ആത്മശബ്ദം പ്രയോഗിച്ചിരിക്കുന്നു.

തത്ത്വമസി വാക്യം സൂചിപ്പിക്കുന്നതും ഇതുതന്നെയാണ്. നീ ആ ബ്രഹ്മസ്വരൂപമായ ആത്മാവാകുന്നുവെന്നർത്ഥം. അതായത് നമ്മുടെ സ്വരൂപം ആത്മാസ്വരൂപമായ ബ്രഹ്മമാകുന്നു എന്ന് ഉപദേശിച്ചിരിക്കുന്നു.

സൂത്രം 7:- തന്നിഷ്ഠസ്യ മോക്ഷോപദേശാത്

തന്നിഷ്ഠസ്യ= അതിൽ നിഷ്ഠയോടുകൂടിയവന്, മോക്ഷോപദേശാത് = മോക്ഷം ലഭിക്കുമെന്ന ഉപദേശമുള്ളതുകൊണ്ട്.

ജഗത്സൃഷ്ടികർത്താവായ ആത്മാവിനെ നിഷ്ഠയോടുകൂടി ധ്യാനിക്കുന്നവർക്ക് സംസാരവിമുക്തി സിദ്ധിക്കുമെന്ന് വിധിയുള്ളതിനാലും പ്രധാനം ജഗത് കാരണമാവുകയില്ല.



തുടരും...

വിഷ്ണു ശ്രീലകം
സദ്ഗമയ സത്സംഗവേദി