ശ്രീഗണേശദ്വാദശനാമസ്തോത്രം

ശുക്ലാംബരധരം വിഷ്ണും ശശിവര്ണം ചതുര്ഭുജമ് |
പ്രസന്നവദനം ധ്യായേത്സര്വവിഘ്നോപശാന്തയേഃ || 1 ||

അഭീപ്സിതാര്ഥ സിധ്യര്ഥം പൂജിതോ യഃ സുരാസുരൈഃ |
സര്വവിഘ്നഹരസ്തസ്മൈ ഗണാധിപതയേ നമഃ || 2 ||

ഗണാനാമധിപശ്ചംഡോ ഗജവക്ത്രസ്ത്രിലോചനഃ |
പ്രസന്നോ ഭവ മേ നിത്യം വരദാതര്വിനായക || 3 ||

സുമുഖശ്ചൈകദംതശ്ച കപിലോ ഗജകര്ണകഃ |
ലംബോദരശ്ച വികടോ വിഘ്നനാശോ വിനായകഃ || 4 ||

ധൂമ്രകേതുര്ഗണാധ്യക്ഷോ ഫാലചംദ്രോ ഗജാനനഃ |
ദ്വാദശൈതാനി നാമാനി ഗണേശസ്യ തു യഃ പഠേത് || 5 ||

വിദ്യാര്ഥീ ലഭതേ വിദ്യാം ധനാര്ഥീ വിപുലം ധനമ് |
ഇഷ്ടകാമം തു കാമാര്ഥീ ധര്മാര്ഥീ മോക്ഷമക്ഷയമ് || 6 ||

വിധ്യാരംഭേ വിവാഹേ ച പ്രവേശേ നിര്ഗമേ തഥാ |
സംഗ്രാമേ സംകടേ ചൈവ വിഘ്നസ്തസ്യ ന ജായതേ || 7 ||