സുബ്രഹ്മണ്യ അഷ്ടക കരാവലംബ സ്തോത്രം

കുജവാരങ്ങള്‍ സുബ്രഹ്മണ്യ ഭജനത്തിന് ഉത്തമമാകുന്നു. ഇന്ന് സുബ്രഹ്മണ്യ അഷ്ടക കരാവലംബ സ്തോത്രം കൊണ്ട് ഭഗവാനെ സ്തുതിക്കാം. 

ഹേ സ്വാമിനാഥ കരുണാകര ദീനബന്ധോ ,
ശ്രീപാര്‍വതീശ മുഖപങ്കജപദ്മബന്ധോ |
ശ്രീശാദിദേവഗണപൂജിതപാദപദ്മ,
വല്ലീശനാഥ മമ ദേഹി കരാവലംബം || 1 ||

ദേവാദിദേവസുത ദേവഗണാധിനാഥ,
ദേവേന്ദ്ര വന്ദ്യ മൃദുപങ്കജമംജുപാദ |
ദേവര്‍ഷിനാരദമുനീന്ദ്ര സുഗീതകീര്‍തെ,
വല്ലീശനാഥ മമ ദേഹി കരാവലംബം || 2 ||

നിത്യാന്നദാന നിരതാഖില രോഗഹാരിന്‍ ,
തസ്മാത്പ്രദാന പരിപൂരിതഭക്തകാമ |
ശൃത്യാഗമ പ്രണവവാച്യ നിജസ്വരൂപ,
വല്ലീശനാഥ മമ ദേഹി കരാവലംബം || 3 ||

ക്രൗംചാസുരേംദ്ര മദഖംഡന ശക്തിശൂല,
പാശാദി ശസ്ത്രപരിമംഡിത ദിവ്യപാണേ |
ശ്രീകുംഡലീശ ധൃതതുംഡ ശിഖീംദ്രവാഹ,
വല്ലീശനാഥ മമ ദേഹി കരാവലംബം || 4 ||

ദേവാദിദേവ രഥ മണ്ഡല മധ്യ വേദ്യ,
ദേവേന്ദ്ര പീഠനഗരം ദൃഢചാപഹസ്തം |
ശൂരം നിഹത്യ സുരകോടിഭിരീഡ്യമാന,
വല്ലീശനാഥ മമ ദേഹി കരാവലംബം || 5 ||

ഹാരാദിരത്നമണിയുക്തകിരീടഹാര,
കേയൂരകുണ്ടല സത്കവചാഭിരാമ |
ഹേ വീര താരക ജയാമരവൃന്ദ വന്ദ്യ,
വല്ലീശനാഥ മമ ദേഹി കരാവലംബം || 6 ||

പഞ്ചാക്ഷരാദി മനുമന്ത്രിത ഗാംഗതോയൈ,
പഞ്ചാമൃതൈഃ പ്രമുദിതേംദ്ര മുഖൈര്‍ മുനീന്ദ്രൈ : |
പട്ടാഭിഷിക്ത ഹരിയുക്ത പരാശ്വനാഥ,
വല്ലീശനാഥ മമ ദേഹി കരാവലംബം || 7 ||

ശ്രീകാര്‍ത്തികേയ കരുണാമൃതപൂര്‍ണ്ണ ദൃഷ്ട്യാ, കാമാദിരോഗകലുഷീകൃതദുഷ്ടചിത്തം |
ഭക്ത്വാ തു മാമവകളാധര കാന്തി കാന്ത്യാ,
വല്ലീശനാഥ മമ ദേഹി കരാവലംബം|| 8 ||

സുബ്രഹ്മണ്യ കരാവലംബം പുണ്യം യേ പഠന്തി ദ്വിജോത്തമാഃ |
തേ സര്‍വേ മുക്തി മായാന്തി സുബ്രഹ്മണ്യ പ്രസാദതഃ |
സുബ്രഹ്മണ്യ കരാവലംബമിദം പ്രാതരുത്ഥായ യഃ പഠേത് |
കോടിജന്മകൃതം പാപം തത്‍ക്ഷണാദേവ നശ്യതി ||