ബില്വാഷ്ടോത്തര ശതനാമാവലിഃ

ത്രിദളം ത്രിഗുണാകാരം | ത്രിനേത്രം ച ത്രിയായുധമ്‌ ||
ത്രിജന്മ പാപസംഹാരം | ഏകബില്വം ശിവാര്പണമ്‌ || ൧ ||

ത്രിശാഖൈഃ ബില്വപത്രൈശ്ച | അച്ഛിദ്രൈഃ കോമലൈഃ ശുഭൈഃ ||
തവപൂജാം കരിഷ്യാമി | ഏകബില്വം ശിവാര്പണമ്‌ || ൨ ||

സര്വത്രൈ ലോക്യ കര്താരം | സര്വത്രൈ ലോക്യ പാവനമ്‌ |
സര്വത്രൈ ലോക്യ ഹര്താരം | ഏകബില്വം ശിവാര്പണമ്‌ || ൩ ||

നാഗാധിരാജ വലയം | നാഗഹാരേണ ഭൂഷിതമ്‌ ||
നാഗകുംഡല സംയുക്തം | ഏകബില്വം ശിവാര്പണമ്‌ || ൪ ||

അക്ഷമാലാധരം രുദ്രം | പാര്വതീ പ്രിയവല്ലഭമ്‌ ||
ചംദ്രശേഖരമീശാനം | ഏകബില്വം ശിവാര്പണമ്‌ || ൫ ||

ത്രിലോചനം ദശഭുജം | ദുര്ഗാദേഹാര്ധ ധാരിണമ്‌ ||
വിഭൂത്യഭ്യര്ചിതം ദേവം | ഏകബില്വം ശിവാര്പണമ്‌ || ൬ ||

ത്രിശൂലധാരിണം ദേവം | നാഗാഭരണ സുംദരമ് ||
ചംദ്രശേഖര മീശാനം | ഏകബില്വം ശിവാര്പണമ്‌ || ൭ ||

ഗംഗാധരാംബികാനാഥം | ഫണികുംഡല മംഡിതമ്‌ |
കാലകാലം ഗിരീശം ച | ഏകബില്വം ശിവാര്പണമ്‌ || ൮ ||

ശുദ്ധസ്ഫടിക സംകാശം | ശിതികംഠം കൃപാനിധിമ്‌ ||
സര്വേശ്വരം സദാശാംതം | ഏകബില്വം ശിവാര്പണമ്‌ || ൯ ||

സച്ചിദാനംദരൂപം ച | പരാനംദമയം ശിവമ്‌ ||
വാഗീശ്വരം ചിദാകാശം | ഏകബില്വം ശിവാര്പണമ്‌ || ൧൦ ||

ശിപിവിഷ്ടം സഹസ്രാക്ഷം | ദുംദുഭ്യം ച നിഷംഗിണമ്‌ |
ഹിരണ്യബാഹും സേനാന്യം | ഏകബില്വം ശിവാര്പണമ്‌ || ൧൧ ||

അരുണം വാമനം താരം | വാസ്തവ്യം ചൈവ വാസ്തുകമ്‌ ||
ജ്യേഷ്ഠം കനിഷ്ഠം വൈശംതം | ഏകബില്വം ശിവാര്പണമ്‌ || ൧൨ ||

ഹരികേശം സനംദീശം | ഉച്ഛൈദ്ഘോഷം സനാതനമ്‌ ||
അഘോര രൂപകം കുംഭം | ഏകബില്വം ശിവാര്പണമ്‌ || ൧൩ ||

പൂര്വജാവരജം യാമ്യം | സൂക്ഷ്മം തസ്കര നായകമ്‌ ||
നീലകംഠം ജഘന്യം ച | ഏകബില്വം ശിവാര്പണമ്‌ || ൧൪ ||

സുരാശ്രയം വിഷഹരം | വര്മിണം ച വരൂഥിനമ്‌ ||
മഹാസേനം മഹാവീരം | ഏകബില്വം ശിവാര്പണമ്‌ || ൧൫ ||

കുമാരം കുശലം കൂപ്യം | വദാന്യം ച മഹാരഥമ്‌ ||
തൗര്യാതൗര്യം ച ദേവ്യം ച | ഏകബില്വം ശിവാര്പണമ്‌ || ൧൬ ||

ദശകര്ണം ലലാടാക്ഷം | പംചവക്ത്രം സദാശിവമ്‌ ||
അശേഷ പാപസംഹാരം | ഏകബില്വം ശിവാര്പണമ്‌ || ൧൭ ||

നീലകംഠം ജഗദ്വംദ്യം | ദീനനാഥം മഹേശ്വരമ്‌ ||
മഹാപാപഹരം ശംഭും | ഏകബില്വം ശിവാര്പണമ്‌ || ൧൮ ||

ചൂഡാമണീ കൃതവിധും | വലയീകൃത വാസുകിമ്‌ ||
കൈലാസ നിലയം ഭീമം | ഏകബില്വം ശിവാര്പണമ്‌ || ൧൯||

കര്പൂര കുംദ ധവളം | നരകാര്ണവ താരകമ്‌ ||
കരുണാമൃത സിംധും ച | ഏകബില്വം ശിവാര്പണമ്‌ || ൨൦ ||

മഹാദേവം മഹാത്മാനം | ഭുജംഗാധിപ കംകണമ്‌ |
മഹാപാപഹരം ദേവം | ഏകബില്വം ശിവാര്പണമ്‌ || ൨൧ ||

ഭൂതേശം ഖംഡപരശും | വാമദേവം പിനാകിനമ്‌ ||
വാമേ ശക്തിധരം ശ്രേഷ്ഠം | ഏകബില്വം ശിവാര്പണമ്‌ || ൨൨ ||

ഫാലേക്ഷണം വിരൂപാക്ഷം | ശ്രീകംഠം ഭക്തവത്സലമ്‌ ||
നീലലോഹിത ഖട്വാംഗം | ഏകബില്വം ശിവാര്പണമ്‌ || ൨൩ ||

കൈലാസവാസിനം ഭീമം | കഠോരം ത്രിപുരാംതകമ്‌ ||
വൃഷാംകം വൃഷഭാരൂഢം | ഏകബില്വം ശിവാര്പണമ്‌ || ൨൪ ||

സാമപ്രിയം സര്വമയം | ഭസ്മോദ്ധൂളിത വിഗ്രഹമ്‌||
മൃത്യുംജയം ലോകനാഥം | ഏകബില്വം ശിവാര്പണമ്‌ || ൨൫ ||

ദാരിദ്ര്യ ദുഃഖഹരണം | രവിചംദ്രാനലേക്ഷണമ്‌ ||
മൃഗപാണിം ചംദ്രമൗളിം | ഏകബില്വം ശിവാര്പണമ്‌ || ൨൬ ||

സര്വലോക ഭയാകാരം | സര്വലോകൈക സാക്ഷിണമ്‌ ||
നിര്മലം നിര്ഗുണാകാരം | ഏകബില്വം ശിവാര്പണമ്‌ || ൨൭ ||

സര്വതത്ത്വാത്മികം സാംബം | സര്വതത്ത്വവിദൂരകമ്‌ ||
സര്വതത്വ സ്വരൂപം ച | ഏകബില്വം ശിവാര്പണമ്‌ || ൨൮ ||

സര്വലോക ഗുരും സ്ഥാണും | സര്വലോക വരപ്രദമ്‌ ||
സര്വലോകൈകനേത്രം ച | ഏകബില്വം ശിവാര്പണമ്‌ || ൨൯ ||

മന്മഥോദ്ധരണം ശൈവം | ഭവഭര്ഗം പരാത്മകമ്‌ ||
കമലാപ്രിയ പൂജ്യം ച | ഏകബില്വം ശിവാര്പണമ്‌ || ൩൦ ||

തേജോമയം മഹാഭീമം | ഉമേശം ഭസ്മലേപനമ്‌ ||
ഭവരോഗവിനാശം ച | ഏകബില്വം ശിവാര്പണമ്‌ || ൩൧ ||

സ്വര്ഗാപവര്ഗ ഫലദം | രഘൂനാഥ വരപ്രദമ്‌ ||
നഗരാജ സുതാകാംതം | ഏകബില്വം ശിവാര്പണമ്‌ || ൩൨ ||

മംജീര പാദയുഗലം | ശുഭലക്ഷണ ലക്ഷിതമ്‌ ||
ഫണിരാജ വിരാജം ച | ഏകബില്വം ശിവാര്പണമ്‌ || ൩൩ ||

നിരാമയം നിരാധാരം | നിസ്സംഗം നിഷ്പ്രപംചകമ്‌ ||
തേജോരൂപം മഹാരൗദ്രം | ഏകബില്വം ശിവാര്പണമ്‌ || ൩൪ ||

സര്വലോകൈക പിതരം | സര്വലോകൈക മാതരമ്‌ ||
സര്വലോകൈക നാഥം ച | ഏകബില്വം ശിവാര്പണമ്‌ || ൩൫ ||

ചിത്രാംബരം നിരാഭാസം | വൃഷഭേശ്വര വാഹനമ്‌ ||
നീലഗ്രീവം ചതുര്വക്ത്രം | ഏകബില്വം ശിവാര്പണമ്‌ || ൩൬ ||

രത്നകംചുക രത്നേശം | രത്നകുംഡല മംഡിതമ്‌ ||
നവരത്ന കിരീടം ച | ഏകബില്വം ശിവാര്പണമ്‌ || ൩൭ ||

ദിവ്യരത്നാംഗുലീകര്ണം | കംഠാഭരണ ഭൂഷിതമ്‌ ||
നാനാരത്ന മണിമയം | ഏകബില്വം ശിവാര്പണമ്‌ || ൩൮ ||

രത്നാംഗുളീയ വിലസത്‌ | കരശാഖാനഖപ്രഭമ്‌ ||
ഭക്തമാനസ ഗേഹം ച | ഏകബില്വം ശിവാര്പണമ്‌ || ൩൯ ||

വാമാംഗഭാഗ വിലസത്‌ | അംബികാ വീക്ഷണ പ്രിയമ്‌ ||
പുംഡരീകനിഭാക്ഷം ച | ഏകബില്വം ശിവാര്പണമ്‌ || ൪൦ ||

സംപൂര്ണ കാമദം സൗഖ്യം | ഭക്തേഷ്ട ഫലകാരണമ്‌ ||
സൗഭാഗ്യദം ഹിതകരം | ഏകബില്വം ശിവാര്പണമ്‌ || ൪൧ ||

നാനാശാസ്ത്ര ഗുണോപേതം | ശുഭന്മംഗള വിഗ്രഹമ്‌ ||
വിദ്യാവിഭേദ രഹിതം | ഏകബില്വം ശിവാര്പണമ്‌ || ൪൨ ||

അപ്രമേയ ഗുണാധാരം | വേദകൃദ്രൂപ വിഗ്രഹമ്‌ ||
ധര്മാധര്മപ്രവൃത്തം ച | ഏകബില്വം ശിവാര്പണമ്‌ || ൪൩ ||

ഗൗരീവിലാസ സദനം | ജീവജീവ പിതാമഹമ്‌ ||
കല്പാംതഭൈരവം ശുഭ്രം | ഏകബില്വം ശിവാര്പണമ്‌ || ൪൪ ||

സുഖദം സുഖനാഥം ച | ദുഃഖദം ദുഃഖനാശനമ്‌ ||
ദുഃഖാവതാരം ഭദ്രം ച | ഏകബില്വം ശിവാര്പണമ്‌ || ൪൫ ||

സുഖരൂപം രൂപനാശം | സര്വധര്മ ഫലപ്രദമ്‌ ||
അതീംദ്രിയം മഹാമായം | ഏകബില്വം ശിവാര്പണമ്‌ || ൪൬ ||

സര്വപക്ഷിമൃഗാകാരം | സര്വപക്ഷിമൃഗാധിപമ്‌ ||
സര്വപക്ഷിമൃഗാധാരം | ഏകബില്വം ശിവാര്പണമ്‌ || ൪൭ ||

ജീവാധ്യക്ഷം ജീവവംദ്യം | ജീവജീവന രക്ഷകമ്‌ ||
ജീവകൃജ്ജീവഹരണം | ഏകബില്വം ശിവാര്പണമ്‌ || ൪൮ ||

വിശ്വാത്മാനം വിശ്വവംദ്യം | വജ്രാത്മാ വജ്രഹസ്തകമ്‌ ||
വജ്രേശം വജ്രഭൂഷം ച | ഏകബില്വം ശിവാര്പണമ്‌ || ൪൯ ||

ഗണാധിപം ഗണാധ്യക്ഷം | പ്രളയാനല നാശകമ്‌ ||
ജിതേംദ്രിയം വീരഭദ്രം | ഏകബില്വം ശിവാര്പണമ്‌ || ൫൦ ||

ത്രയംബകം വൃത്തശൂരം | അരിഷഡ്വര്ഗ നാശകമ്‌ ||
ദിഗംബരം ക്ഷോഭനാശം | ഏകബില്വം ശിവാര്പണമ്‌ || ൫൧ ||

കുംദേംദു ശംഖധവളം | ഭഗനേത്ര ഭിദുജ്ജ്വലമ്‌ |
കാലാഗ്നിരുദ്രം സര്വജ്ഞം | ഏകബില്വം ശിവാര്പണമ്‌ || ൫൨ ||

കംബുഗ്രീവം കംബുകംഠം | ധൈര്യദം ധൈര്യവര്ധകമ്‌ ||
ശാര്ദൂലചര്മവസനം | ഏകബില്വം ശിവാര്പണമ്‌ || ൫൩ ||

ജഗദുത്പത്തി ഹേതും ച | ജഗത്പ്രളയകാരണമ്‌ ||
പൂര്ണാനംദ സ്വരൂപം ച | ഏകബില്വം ശിവാര്പണമ്‌ || ൫൪ ||

സ്വര്ഗകേശം മഹത്തേജം | പുണ്യശ്രവണ കീര്തനമ്‌ ||
ബ്രഹ്മാംഡനായകം താരം | ഏകബില്വം ശിവാര്പണമ്‌ || ൫൫ ||

മംദാര മൂലനിലയം | മംദാര കുസുമപ്രിയമ്‌ ||
ബൃംദാരക പ്രിയതരം | ഏകബില്വം ശിവാര്പണമ്‌ || ൫൬ ||

മഹേംദ്രിയം മഹാബാഹും | വിശ്വാസപരിപൂരകമ്‌ ||
സുലഭാസുലഭം ലഭ്യം | ഏകബില്വം ശിവാര്പണമ്‌ || ൫൭ ||

ബീജാധാരം ബീജരൂപം | നിര്ബീജം ബീജവൃദ്ധിദമ്‌ ||
പരേശം ബീജനാശം ച | ഏകബില്വം ശിവാര്പണമ്‌ || ൫൮ ||

യുഗാകാരം യുഗാധീശം | യുഗകൃദ്യുഗനാശനമ്‌ ||
പരേശം ബീജനാശം ച | ഏകബില്വം ശിവാര്പണമ്‌ || ൫൯ ||

ധൂര്ജടിം പിംഗളജടം | ജടാമംഡല മംഡിതമ്‌ ||
കര്പൂരഗൗരം ഗൗരീശം | ഏകബില്വം ശിവാര്പണമ്‌ || ൬൦ ||

സുരാവാസം ജനാവാസം | യോഗീശം യോഗിപുംഗവമ്‌ ||
യോഗദം യോഗിനാം സിംഹം | ഏക ബില്വം ശിവാര്പണമ്‌ || ൬൧ ||

ഉത്തമാനുത്തമം തത്ത്വം | അംധകാസുര സൂദനമ്‌ ||
ഭക്തകല്പദ്രുമം സ്തോമം | ഏക ബില്വം ശിവാര്പണമ്‌ || ൬൨ ||

വിചിത്ര മാല്യ വസനം | ദിവ്യചംദന ചര്ചിതമ്‌ ||
വിഷ്ണുബ്രഹ്മാദി വംദ്യം ച | ഏക ബില്വം ശിവാര്പണമ്‌ || ൬൩ ||

കുമാരം പിതരം ദേവം | സിതചംദ്ര കലാനിധിമ്‌ ||
ബ്രഹ്മശതൃജഗന്മിത്രം | ഏക ബില്വം ശിവാര്പണമ്‌ || ൬൪ ||

ലാവണ്യ മധുരാകാരം | കരുണാരസ വാരിധിമ്‌ ||
ഭൃവോര്മധ്യേ സഹസ്രാര്ചിം | ഏക ബില്വം ശിവാര്പണമ്‌ || ൬൫ ||

ജടാധരം പാവകാക്ഷം | വൃക്ഷേശം ഭൂമിനായകമ്‌ ||
കാമദം സര്വദാഗമ്യം | ഏക ബില്വം ശിവാര്പണമ്‌ || ൬൬ ||

ശിവം ശാംതം ഉമാനാഥം | മഹാധ്യാന പരായണമ്‌ ||
ജ്ഞാനപ്രദം കൃത്തിവാസം | ഏക ബില്വം ശിവാര്പണമ്‌ || ൬൭ ||

വാസുക്യുരഗഹാരം ച | ലോകാനുഗ്രഹ കാരണമ്‌ ||
ജ്ഞാനപ്രദം കൃത്തിവാസം | ഏക ബില്വം ശിവാര്പണമ്‌ || ൬൮ ||

ശശാംകധാരിണം ഭര്ഗം | സര്വലോകൈക ശംകരമ്‌ ||
ശുദ്ധം ച ശാശ്വതം നിത്യം | ഏക ബില്വം ശിവാര്പണമ്‌ || ൬൯ ||

ശരണാഗത ദീനാര്ഥി | പരിത്രാണ പരായണമ്‌ ||
ഗംഭീരം ച വഷട്കാരം | ഏക ബില്വം ശിവാര്പണമ്‌ || ൭൦ ||

ഭോക്താരം ഭോജനം ഭോജ്യം | ചേതാരം ജിതമാനസമ്‌ ||
കരണം കാരണം ജിഷ്ണും | ഏക ബില്വം ശിവാര്പണമ്‌ || ൭൧ ||

ക്ഷേത്രജ്ഞം ക്ഷേത്ര പാലം ച | പരാര്ഥൈക പ്രയോജനമ്‌ ||
വ്യോമകേശം ഭീമദേവം | ഏക ബില്വം ശിവാര്പണമ്‌ || ൭൨ ||

ഭവഘ്നം തരുണോപേതം | ക്ഷോദിഷ്ഠം യമ നാശനമ്‌ ||
ഹിരണ്യഗര്ഭം ഹേമാംഗം | ഏക ബില്വം ശിവാര്പണമ്‌ || ൭൩ ||

ദക്ഷം ചാമുംഡ ജനകം | മോക്ഷദം മോക്ഷകാരണമ്‌ ||
ഹിരണ്യദം ഹേമരൂപം | ഏക ബില്വം ശിവാര്പണമ്‌ || ൭൪ ||

മഹാശ്മശാനനിലയം | പ്രച്ഛന്നസ്ഫടികപ്രഭമ്‌ ||
വേദാസ്യം വേദരൂപം ച | ഏക ബില്വം ശിവാര്പണമ്‌ || ൭൫ ||

സ്ഥിരം ധര്മം ഉമാനാഥം | ബ്രഹ്മണ്യം ചാശ്രയം വിഭുമ്‌ ||
ജഗന്നിവാസം പ്രഥമം | ഏക ബില്വം ശിവാര്പണമ്‌ || ൭൬ ||

രുദ്രാക്ഷമാലാഭരണം | രുദ്രാക്ഷപ്രിയവത്സലമ്‌ ||
രുദ്രാക്ഷഭക്തസംസ്തോമം | ഏക ബില്വം ശിവാര്പണമ്‌ || ൭൭ ||

ഫണീംദ്ര വിലസത്കംഠം | ഭുജംഗാഭരണപ്രിയമ്‌ ||
ദക്ഷാധ്വര വിനാശം ച | ഏക ബില്വം ശിവാര്പണമ്‌ || ൭൮ ||

നാഗേംദ്ര വിലസത്കര്ണം | മഹേംദ്ര വലയാവൃതമ്‌ ||
മുനിവംദ്യം മുനിശ്രേഷ്ഠം | ഏക ബില്വം ശിവാര്പണമ്‌ || ൭൯ ||

മൃഗേംദ്ര ചര്മവസനം | മുനിനാമേക ജീവനമ്‌ ||
സര്വദേവാദി പൂജ്യം ച | ഏക ബില്വം ശിവാര്പണമ്‌ || ൮൦ ||

നിധിനേശം ധനാധീശം | അപമൃത്യു വിനാശനമ്‌ ||
ലിംഗമൂര്തിം ലിംഗാത്മം | ഏക ബില്വം ശിവാര്പണമ്‌ || ൮൧ ||

ഭക്തകല്യാണദം വ്യസ്തം | വേദ വേദാംത സംസ്തുതമ്‌ ||
കല്പകൃത്‌ കല്പനാശം ച | ഏക ബില്വം ശിവാര്പണമ്‌ || ൮൨ ||

ഘോരപാതക ദാവാഗ്നിം | ജന്മകര്മ വിവര്ജിതമ്‌ ||
കപാല മാലാഭരണം | ഏക ബില്വം ശിവാര്പണമ്‌ || ൮൩ ||

മാതംഗ ചര്മ വസനം | വിരാഡ്രൂപ വിദാരകമ്‌ ||
വിഷ്ണുക്രാംതമനംതം ച | ഏക ബില്വം ശിവാര്പണമ്‌ || ൮൪ ||

യജ്ഞകര്മഫലാധ്യക്ഷം | യജ്ഞ വിഘ്ന വിനാശകമ്‌ ||
യജ്ഞേശം യജ്ഞ ഭോക്താരം | ഏക ബില്വം ശിവാര്പണമ്‌ || ൮൫ ||

കാലാധീശം ത്രികാലജ്ഞം | ദുഷ്ടനിഗ്രഹ കാരകമ്‌ ||
യോഗിമാനസപൂജ്യം ച | ഏക ബില്വം ശിവാര്പണമ്‌ || ൮൬ ||

മഹോന്നതം മഹാകായം | മഹോദര മഹാഭുജമ്‌ ||
മഹാവക്ത്രം മഹാവൃദ്ധം | ഏക ബില്വം ശിവാര്പണമ്‌ || ൮൭ ||

സുനേത്രം സുലലാടം ച | സര്വഭീമപരാക്രമമ്‌ ||
മഹേശ്വരം ശിവതരം | ഏക ബില്വം ശിവാര്പണമ്‌ || ൮൮ ||

സമസ്ത ജഗദാധാരം | സമസ്ത ഗുണസാഗരമ്‌ ||
സത്യം സത്യഗുണോപേതം | ഏക ബില്വം ശിവാര്പണമ്‌ || ൮൯ ||

മാഘകൃഷ്ണ ചതുര്ദശ്യാം | പൂജാര്ഥം ച ജഗദ്ഗുരോഃ ||
ദുര്ലഭം സര്വദേവാനാം | ഏക ബില്വം ശിവാര്പണമ്‌ || ൯൦ ||

തത്രാപി ദുര്ലഭം മന്യേത്‌ | നഭോ മാസേംദു വാസരേ ||
പ്രദോഷകാലേ പൂജായാം | ഏക ബില്വം ശിവാര്പണമ്‌ || ൯൧ ||

തടാകം ധനനിക്ഷേപം | ബ്രഹ്മസ്ഥാപ്യം ശിവാലയമ്‌ ||
കോടികന്യാ മഹാദാനം | ഏക ബില്വം ശിവാര്പണമ്‌ || ൯൨ ||

ദര്ശനം ബില്വവൃക്ഷസ്യ | സ്പര്ശനം പാപനാശനമ്‌ ||
അഘോര പാപസംഹാരം | ഏക ബില്വം ശിവാര്പണമ്‌ || ൯൩ ||

തുലസീ ബില്വനിര്ഗുംഡീ | ജംബീരാമലകം തഥാ ||
പംചബില്വ മിതിഖ്യാതം | ഏക ബില്വം ശിവാര്പണമ്‌ || ൯൪ ||

അഖംഡ ബില്വപത്ര്യൈശ്ച | പൂജയേന്നംദികേശ്വരമ്‌ ||
മുച്യതേ സര്വപാപേഭ്യഃ | ഏക ബില്വം ശിവാര്പണമ്‌ || ൯൫ ||

സാലംകൃതാ ശതാവൃത്താ | കന്യാകോടി സഹസ്രകമ്‌ ||
സാമ്യാജ്യപൃഥ്വീ ദാനം ച | ഏക ബില്വം ശിവാര്പണമ്‌ || ൯൬ ||

ദംത്യശ്വകോടി ദാനാനി | അശ്വമേധ സഹസ്രകമ്‌ ||
സവത്സധേനു ദാനാനി | ഏക ബില്വം ശിവാര്പണമ്‌ || ൯൭ ||

ചതുര്വേദ സഹസ്രാണി | ഭാരതാദി പുരാണകമ്‌ ||
സാമ്രാജ്യ പൃഥ്വീ ദാനം ച | ഏക ബില്വം ശിവാര്പണമ്‌ || ൯൮ ||

സര്വരത്നമയം മേരും | കാംചനം ദിവ്യവസ്ത്രകമ്‌ ||
തുലാഭാഗം ശതാവര്തം | ഏക ബില്വം ശിവാര്പണമ്‌ || ൯൯ ||

അഷ്ടൊത്തര ശതം ബില്വം | യോര്ചയേത്‌ ലിംഗമസ്തകേ ||
അഥര്വോക്തം വദേദ്യസ്തു | ഏക ബില്വം ശിവാര്പണമ്‌ || ൧൦൦ ||

കാശീക്ഷേത്ര നിവാസം ച | കാലഭൈരവ ദര്ശനമ്‌ ||
അഘോര പാപസംഹാരം | ഏക ബില്വം ശിവാര്പണമ്‌ || ൧൦൧ ||

അഷ്ടൊത്തര ശതശ്ലോകൈഃ | സ്തോത്രാദ്യൈഃ പൂജയേദ്യഥാ ||
ത്രിസംധ്യം മോക്ഷമാപ്നോതി | ഏക ബില്വം ശിവാര്പണമ്‌ || ൧൦൨ ||

ദംതികോടി സഹസ്രാണാം | ഭൂഃ ഹിരണ്യ സഹസ്രകമ്‌ ||
സര്വക്രതുമയം പുണ്യം | ഏക ബില്വം ശിവാര്പണമ്‌ || ൧൦൩ ||

പുത്രപൗത്രാദികം ഭോഗം | ഭുക്ത്വാചാത്ര യഥേപ്സിതമ്‌ ||
അംത്യേ ച ശിവസായുജ്യം | ഏക ബില്വം ശിവാര്പണമ്‌ || ൧൦൪ ||

വിപ്രകോടി സഹസ്രാണാം | വിത്തദാനാംച്ചയത്ഫലമ്‌ ||
തത്ഫലം പ്രാപ്നുയാത്സത്യം | ഏക ബില്വം ശിവാര്പണമ്‌ || ൧൦൫ ||

ത്വന്നാമകീര്തനം തത്ത്വം || തവ പാദാംബു യഃ പിബേത്‌ ||
ജീവന്മുക്തോഭവേന്നിത്യം | ഏക ബില്വം ശിവാര്പണമ്‌ || ൧൦൬ ||

അനേക ദാന ഫലദം | അനംത സുകൃതാധികമ്‌ ||
തീര്ഥയാത്രാഖിലം പുണ്യം | ഏക ബില്വം ശിവാര്പണമ്‌ || ൧൦൭ ||

ത്വം മാം പാലയ സര്വത്ര | പദധ്യാന കൃതം തവ |
ഭവനം ശാംകരം നിത്യം | ഏക ബില്വം ശിവാര്പണമ്‌ || ൧൦൮ ||

ഉമയാസഹിതം ദേവം | സവാഹനഗണം ശിവമ്‌ ||
ഭസ്മാനുലിപ്തസര്വാംഗം | ഏക ബില്വം ശിവാര്പണമ്‌ || ൧൦൯ ||

സാലഗ്രാമ സഹസ്രാണി | വിപ്രാണാം ശതകോടികമ്‌ ||
യജ്ഞകോടിസഹസ്രാണി | ഏക ബില്വം ശിവാര്പണമ്‌ || ൧൧൦ ||

അജ്ഞാനേന കൃതം പാപം | ജ്ഞാനേനാഭികൃതം ച യത്‌ ||
തത്സര്വം നാശമായാതു | ഏക ബില്വം ശിവാര്പണമ്‌ || ൧൧൧ ||

അമൃതോദ്ഭവവൃക്ഷസ്യ | മഹാദേവ പ്രിയസ്യ ച ||
മുച്യംതേ കംടകാഘാതാത്‌ | കംടകേഭ്യോ ഹി മാനവാഃ || ൧൧൨ ||

ഏകൈകബില്വപത്രേണ കോടി യജ്ഞ ഫലം ലഭേത്‌ ||
മഹാദേവസ്യ പൂജാര്ഥം | ഏക ബില്വം ശിവാര്പണമ്‌ || ൧൧൩ ||

ഏകകാലേ പഠേന്നിത്യം സര്വശത്രുനിവാരണമ്‌ |
ദ്വികാലേ ച പഠേന്നിത്യം മനോരഥപലപ്രദമ്‌ ||

ത്രികാലേ ച പഠേന്നിത്യം ആയുര്വര്ധ്യോ ധനപ്രദമ്‌ |
അചിരാത്കാര്യസിദ്ധിം ച ലഭതേ നാത്ര സംശയഃ ||

ഏകകാലം ദ്വികാലം വാ ത്രികാലം യഃ പഠേന്നരഃ |
ലക്ഷ്മീപ്രാപ്തിശ്ശിവാവാസഃ ശിവേന സഹ മോദതേ ||

കോടിജന്മകൃതം പാപം അര്ചനേന വിനശ്യതി |
സപ്തജന്മ കൃതം പാപം ശ്രവണേന വിനശ്യതി ||

ജന്മാംതരകൃതം പാപം പഠനേന വിനശ്യതി |
ദിവാരത്ര കൃതം പാപം ദര്ശനേന വിനശ്യതി ||

ക്ഷണേക്ഷണേകൃതം പാപം സ്മരണേന വിനശ്യതി |
പുസ്തകം ധാരയേദ്ദേഹീ ആരോഗ്യം ഭയനാശനമ്‌ ||

|| ശ്രീ ബില്വാഷ്ടോത്തര ശതനാമാവലിഃ സംപൂര്ണമ്‌ ||