ഒരു തുളളി സ്നേഹം നീ എനിക്കു നല്കൂ,
കോരിച്ചൊരിയുന്നൊരു മഴയായി ഞാൻ തിരിച്ചു നല്കാം.....
ഒരു കൊച്ചു തണലായി നീ എന്നില് നിറയൂ,
പടര്ന്ന് പന്തലിച്ചൊരു വനമായി ഞാൻ കാത്തുകൊളളാം.....
ഒരു കുമ്പിള് പൂവ് നീ പറിച്ചു നല്കൂ,
ഒരു തീരാവസന്തം ഞാൻ തീര്ത്തു കൊളളാം.....
ഒരു തുളളി മധുരം നീ നാവില് പകരൂ,
ഒരു കടല് മധുകുംഭം പകരം നല്കാം.....
ഒരു നുറുങ്ങു വെട്ടമായി നീ എന്നെ നയിക്കൂ,
ഒരു പ്രഭാപൂരമായി ഞാൻ പ്രശോഭിച്ചീടാം.....
ഒരു കണ്ണില് കോണിലായി നീ നിറച്ചു നിര്ത്തൂ,
ഒരു തേന്കണമായി നിന്നില് പടര്ന്നൊഴുകാം.....
ഒരു കുഞ്ഞ് മുത്തം നീ കവിളില് നല്കൂ,
ഒരു ധനുമാസ രാത്രി ഞാന് പകരം വെയ്ക്കാം.....
ഒരു പുതു രാഗമാലിക നീ രചിക്കൂ,
ഒരു സ്വരരാഗ നാദസുധ ഞാൻ തീര്ക്കാം.....
ഒരു വിരല് തുമ്പിനാല് നീ മോക്ഷമേകൂ,
ഒരു ജന്മം മുഴുവൻ ഞാൻ ആശ്വസമേകാം.
No comments:
Post a Comment