സ്വാമി നിർമലാനന്ദഗിരി മഹരാജ്
മനസ്സിന്റെ ഏറ്റവും മൂർത്തവും സൂക്ഷ്മവുമായ ആഹാരം പ്രാണനാണ്.മനസ്സ് എവിടെന്നാണ് പ്രാണനെ സ്വീകരിക്കുന്നത്. പ്രാണൻ വികാരങ്ങളോടുകൂടിയതോ, മനസ്സിന്റെ അംശത്തോടു കൂടിയതോ, പ്രാണൻ സ്വതന്ത്രമോ? എന്നതാണ് അടുത്ത ചോദ്യം.
നിങ്ങൾ ജീവിക്കുന്ന അന്തരീക്ഷത്തിൽ നിന്ന് നിങ്ങൾ സ്വീകരിക്കുന്ന പ്രാണൻ സാമൂഹികമായി ദുഷിക്കുന്നതു കൊണ്ടാണോ?....
സ്വീകരണി ദുഷിക്കുന്നതു കൊണ്ടാണോ?....
പ്രാണൻ ദുഷിക്കുന്നത്. മനസ്സിനെ സ്വീകരണി ദുഷിച്ച് സ്വീകരിക്കുന്ന പ്രാണനാണോ ബാധിക്കുന്നത്?....
ചുറ്റുപാടുകൾ ദുഷിച്ച് സ്വീകരിക്കുന്ന പ്രാണനാണോ ബാധിക്കുന്നത്?....
പ്രാണനെ സ്വീകരിക്കുന്നത് നിങ്ങൾ തന്നെ പുറത്തേക്ക് വിട്ട പ്രാണനെയാണോ?....
ഇതരന്മാർ വിട്ട പ്രാണനെയാണോ?.....
വികലങ്ങളായ സങ്കൽപ്പങ്ങളും വെറുപ്പും വിദ്വേഷവും, വികലങ്ങളായ ആഹാര രീതികളുമായി ജീവിക്കുന്ന ഒരു മനുഷ്യന്റെ ശ്വസന പ്രക്രിയയിലെ എടുക്കുന്ന ശ്വാസം inhalation... രേചകം..... എന്നാണോ?.....
പൂരകം....ആ..... പൂരകം.... അകത്തേക്ക് എടുത്തത്..... അത് നിങ്ങളിൽ രൂപാന്തരപ്പെട്ട് നിങ്ങളുടെ മനോ മാലിന്യങ്ങളും, ശരീരമാലിന്യങ്ങളും,ശരീരത്തിലെ രസം, രക്തം, മാംസം, മേധസ്സ്, അസ്ഥി,മജ്ജ മുതലായവയിലെ സൂക്ഷ്മമാലിന്യങ്ങളും, കാർബൺഡൈഓക്സൈഡുമൊക്കെ വഹിച്ച് പുറത്തേക്ക് പോകുമ്പോൾ, അതിനെ ഈ അന്തരീക്ഷത്തിൽ നിൽക്കുന്ന സസ്യജാലങ്ങൾ സ്വീകരിച്ച് ശുദ്ധീകരിച്ച് വിടുമ്പോൾ കാർബൺഡൈഓക്സൈഡിനെ വിശ്ലേഷണം ചെയ്ത് പ്രാണവായുവാക്കി സ്വതന്ത്രമാക്കി സൂര്യപ്രകാശത്തിൽ പുറത്തേക്ക് വിടുമ്പോൾ പൂഷാവായ സൂര്യന്റെയും, അതിനെ പ്രാണവായു ആക്കി മാറ്റുന്ന സസ്യത്തിന്റെയും പ്രാധാന്യം മനസ്സിലാക്കാതെ അവയെ നശിപ്പിച്ചു കൊണ്ടു നിൽക്കുന്ന നിങ്ങൾ ആ പുറത്തേക്കു വിട്ട പ്രാണനെ അതിനെ തിരിച്ച് നിങ്ങളുടെ സ്വീകരണിയിലേക്ക് വീണ്ടും നിങ്ങളോ മറ്റൊരാളോ അതിൽ നിന്നൊരംശം സ്വീകരിക്കുമ്പോൾ, കാർബൺഡൈഓക്സൈഡ് വിശ്ലേഷണം ചെയ്യുകയല്ലാതെ അതിൽ നിങ്ങൾ കടത്തിവിട്ടിരിക്കുന്ന മനോ മാലിന്യങ്ങളും, സാരമാലിന്യങ്ങളും, ആ പ്രാണന്നോടൊപ്പം നിൽക്കുമ്പോൾ അവയെ അരിച്ചുകളയുവാനുള്ള നിങ്ങളുടെ സംവിധാനം എന്താണ്?...ശാസ്ത്രവും സാങ്കേതിക വിദ്യയും അവിടെ ഇരിക്കട്ടെ.
എന്റെ ചോദ്യം മനസ്സിലായില്ല എന്നു തോന്നുന്നു.മനുഷ്യരടങ്ങുന്ന ആയിരമായിരം ജീവജാലങ്ങൾ അടങ്ങുന്ന സമൂഹത്തിൽ നിന്ന് ആയിരമായിരം സസ്യങ്ങളുടെ രാത്രികളിൽ നിന്ന്,ആയിരകണക്കിന് സാങ്കേതിക വിദ്യകൾ ഉരുക്കിയിറക്കിയ ഫാക്ടറികളിൽ നിന്ന്,ഒപ്പം അകത്തേക്ക് വലിച്ചു സ്വീകരിച്ച പ്രാണവായുവിനെ മലീമസമാക്കി മനോമാലിന്യവും, സാരമാലിന്യങ്ങളും നിറച്ച്, ഇത് മുഴുവൻ താങ്ങാൻ കെൽപ്പുള്ള,ശേഷിയുള്ള, ശേമുഷിയുള്ള അന്തരീക്ഷത്തിലേക്ക് വലിച്ചെറിയുമ്പോൾ.....അതിൽ നിന്നൊരംശം ശുദ്ധീകരിക്കപ്പെട്ട് തിരിച്ചു വരുന്നതിനെ തിരിച്ചു സ്വീകരിക്കാൻ തയ്യാറാകുന്ന ഒരു വേളയിൽ ഏതു പ്രക്രിയയാണ്, ഏതു ഭാഗമാണ്, ഏത് അരിപ്പയാണ് അതിനെ അവക്രമാക്കി സ്വീകരിക്കുവാൻ പര്യാപ്തമായി നിങ്ങൾ രൂപപ്പെടുത്തിയിട്ടുള്ളത്?...
ഏതു സംസ്ക്കാര കർമ്മത്തിലൂടെയാണ് ഏത് സംസ്ക്യതചിത്തത്തിലൂടെയാണ്... ഏത് സംസ്‌ക്കാരത്തിലൂടെയാണ് നിങ്ങൾ ശുദ്ധീകരിക്കപ്പെട്ട് ശുദ്ധമാക്കുവാൻ പ്രാണനെ സ്വീകരിക്കുവാൻ നിങ്ങളുടെ സ്വീകരണികൾ വെമ്പൽകൊള്ളുന്നത്?...
ഒരു നിമിഷം നിങ്ങളുടെ മൂക്കും വായും അടച്ചുപിടിച്ചാൽ മരണത്തിന്റെ വെപ്രാളം കാണിക്കുന്ന നിങ്ങൾ പ്രാണനു വേണ്ടി കേഴുമ്പോൾ ഏതു തരത്തിലാണ് പ്രാണനെ നിങ്ങൾ പ്രാണവഹ സ്രോതസ്സുകളിലൂടെ കൂട്ടികൊണ്ടു പോകുന്നത്?... എന്റെ ഭ്രാന്ത്.... അന്വേഷണാത്മകമെങ്കിലും ആണോ?...
ഒരു പാട് ശാസ്ത്രം പഠിച്ചില്ലേ?.... ഒത്തിരി ഇക്വേഷൻ അറിയില്ലേ?...എത്ര പേരുടെ മേളിൽ നിങ്ങൾ മെക്കിട്ടു കേറിയിട്ടുണ്ട്?.... എത്രയായിരം ഗുസ്തികൾ നടത്തിയിട്ടുണ്ട്?... ശ്വസിക്കുന്നൊരു പ്രാണനെ ശുദ്ധമാക്കി സ്വീകരിക്കാൻ എന്തു സംബാധിച്ചിട്ടുണ്ട്?.... ഏതൊരു മനസ്സ് മലീമസ്സമായി, ഏതൊരു സ്രോതസ്സുകളെ മലീമസമാക്കി, ഏതു പ്രാണവഹകളും, മനോവഹകളും ദുഷിച്ച് പ്രാണനെ പുറത്തേക്കു വിട്ടുവോ ആ മനസ്സിന്റെ ശുദ്ധീകരണ പ്രക്രിയ കൊണ്ട് പ്രാണനും, പ്രാണന്റെ ശുദ്ധീകരണ പ്രക്രിയ കൊണ്ട് മനസ്സും പരസ്പ്പരം ശുദ്ധീകരിക്കുമെന്ന തത്വത്തെ മനസ്സിലാക്കുമ്പോൾ മാത്രമേ നിങ്ങൾ ശ്വസിച്ചിട്ടു കാര്യമുള്ളൂ.
No comments:
Post a Comment