ആത്മസാക്ഷ്ക്കാരമാണ്‌ ലക്ഷ്യമെങ്കില്‍ അതിന്‌ വേണ്ടതു തികച്ചും അഹങ്കാരമില്ലാതായിത്തീരുകയാണ്‌. അവിടെ സ്വയം അദ്ധ്വാനിച്ചാലേ പറ്റുകയുള്ളൂ. അമ്മ ഞങ്ങള്‍ക്കുവേണ്ടി പ്രാര്‍ത്ഥിച്ചുകൊള്ളും എന്നു പറഞ്ഞിരുന്നാല്‍ പോരാ. തന്റെ ദുര്‍വ്വാസനകള്‍ ഇല്ലാതാക്കാന്‍ സാധകന്‍തന്നെ ഹൃദയമുരുകി പ്രാര്‍ത്ഥിക്കണം. അതിന്‌ കഠിനപ്രയത്നം ചെയ്യണം. അങ്ങനെയുള്ള പ്രാര്‍ത്ഥന എന്തെങ്കിലും നേടാനോ ആഗ്രഹസാധ്യത്തിനോ അല്ല, മറിച്ച്‌ ലാഭനഷ്ടചിന്തകള്‍ക്കപ്പുറം, ആഗ്രഹങ്ങള്‍ക്കപ്പുറം എത്തിക്കാന്‍വേണ്ടിയുള്ളതാണ്‌. അത്‌ സാധകന്‌ തന്റെ സ്വധാമത്തിലെത്താനുള്ള തീവ്രമായ പിടച്ചിലാണ്‌. അഹങ്കാരമാകുന്ന മുട്ടത്തോടു പൊട്ടിച്ചു പുറത്തുവരാനുള്ള കിളിക്കുഞ്ഞിന്റെ വെമ്പലാണ്‌. ഞാനെന്ന ചിന്തതന്നെയാണ്‌, തന്നെ ബന്ധിക്കുന്ന ചങ്ങലയെന്ന്‌ മനസ്സിലാക്കി അതിന്റെ കെട്ടുപൊട്ടിക്കാന്‍ ശ്രമിക്കുകയാണ്‌.– മാതാ അമൃതാനന്ദമയീദേവി
No comments:
Post a Comment