സുബ്രമണ്യസ്തുതികൾ

ദണ്ഡായുധപാണി പെരുന്നയിലമരുമെൻ-
ദേവനേ ആറുമുഖനേ

എന്റെ മനസ്സാം മയിലേറി ആടിടും നിൻരൂപം
ഓംകാരബീജാക്ഷരം

ആധാരമാറും കടക്കാൻ ഷണ്മുഖാ തുണയ്ക്കണേ

അജ്ഞാന തമസ്സകറ്റാൻ സ്കന്ദനേ തുണയ്ക്കണേ
ബന്ധമാം ബന്ധനം ആണ്ടിപ്പണ്ടാരമേ
അഴിച്ചു നീ തുണയ്ക്കണേ ആറുമുഖനയ്യനേ

(ദണ്ഡായുധപാണി)

അസുരരിൽ മഹിഷമാം താരകനേയും
വേൽമുനത്തുമ്പിലായ് കോർത്തൊരു ബാലകാ
പൂങ്കൊടി വള്ളിയെ പുൽകിയ നിൻകരം
നെറുകയിൽ നീട്ടി നീ ഒരുവരം നൽകണേ

(ദണ്ഡായുധപാണി)