കർമ്മവും, കർമ്മഫലവും

    ഭാരതത്തിലെ ആചാര്യൻമാർ കർമ്മത്തിന് വലിയ പ്രാധാന്യം കൽപിച്ചിരുന്നു. ഈശാവാസ്യോപനിഷത്ത് പറയുന്നത് നൂറു വർഷം (ജീവിച്ചിരിക്കുന്ന കാലമത്രയും) കർമ്മം ചെയ്തു ജീവിക്കുവാൻ പ്രതിജ്ഞ ചെയ്യുക. കർമ്മത്തിൽ നിന്നും മുക്തരാകുവാൻ നമുക്ക് സാധിക്കില്ല. ശരീര ധർമ്മം ചെയ്യണമെങ്കിൽക്കൂടി കർമ്മം ചെയ്യണം. എവിടെ കർമ്മമുണ്ടോ അവിടെ കർമ്മഫലവുമുണ്ട്. 

ഒരു വസ്തുവിനെ നാം കാണുക എന്നത് കർമ്മമാണ് കാണുമ്പോൾ തന്നെ കാഴ്ചയെന്ന കർമ്മഫലവും അവിടെയുണ്ട്. പരീക്ഷയ്ക്ക് ഉത്തരം എഴുതുമ്പോൾ തന്നെ തെറ്റ് അല്ലെങ്കിൽ ശരി എന്ന ഫലം അവിടെ ഉണ്ടാകുന്നുണ്ട്. അതുകൊണ്ട് കർമ്മത്തിന്റെ ഫലം പിന്നീടല്ല, കർമ്മത്തിന്റെ കൂടെ തന്നെയാണ്. കർമ്മഫലത്തിൽ ആഗ്രഹിക്കുമ്പോൾ നാം കർമ്മത്തിൽ ബന്ധിക്കപ്പെടും. 

മഴ, വെയിൽ, പൂക്കൾ വിരിയുന്നത് ഒന്നും എന്തെങ്കിലും പ്രതീക്ഷിച്ചുകൊണ്ടല്ല അതുകൊണ്ട് പ്രകൃതി ഒന്നിലും ബന്ധിക്കുന്നില്ല എന്നു പറയുന്നു. ഇവിടെയാണ് കർമ്മത്തിൽ മാത്രമാണ് നിനക്ക് അധികാരം എന്ന് ഭഗവാൻ പറഞ്ഞത്. ത്യജിച്ചുകൊണ്ട് അനുഭവിക്കുക, അവിടെയാണ് സന്തോഷവും, ശാന്തിയും .

ഹരി ഓം