ആത്മനമസ്ക്കാരം,

              സുഹൃത്തുക്കളെ ഇന്നു പറയാന്‍ ഉദ്ദേശിക്കുന്നത് ഗുരുവിനെ കുറിച്ചാണ്. ഭാരതിയ സങ്കൽപത്തിൽ എന്നല്ല ഏതു സംസ്കാരത്തിലായാലും ഗുരുവിൻ്റെ സ്ഥാനം ഒഴിച്ചുകൂടാന്‍ കഴിയാത്തതാണ്. വിരുതനായൊരു കള്ളനാവണമെങ്കിൽ പോലും അവന് ഒരു ഗുരു ഉണ്ടാകണം എന്ന കാര്യം മറക്കരുത്. എൻ്റെ അഭിപ്രായം നമുക്ക് ഏതുവിദ്യയാണോ ആവശ്യം അതിലേക്കായി ആ സമ്പ്രദായത്തിൽ നിന്ന് സൂക്ഷ്മത്തിലും സ്ഥൂലത്തിലും ഉള്ള ശ്രേഷ്ഠമായ  ഗുരു ആവശ്യമാണ്. ആദ്യമായി സൂക്ഷ്മ ഗുരുവിനെ അതായത് ആസ്ട്രൽ തലത്തില്‍ നിൽക്കുന്ന ഗുരുവിനെ തിരഞ്ഞെടുക്കുക എന്നുള്ളതാണ്. പൂർണ്ണതയിലേക്ക് നിങ്ങളെ നയിക്കുവാന്‍ കഴിയുന്ന വരാകണം അവർ. സിദ്ധമാർഗ്ഗത്തിൽ സഞ്ചരിക്കുന്നവർ

അഗസ്ത്യര്‍, ദത്താത്രേൻ, ഭോഗർ,നന്ദി,ഖോരക്കർ, തുടങ്ങിയ പരമ്പര സിദ്ധ പുരുഷൻ മാരെയോ ഋഷികളെയോ  മാനസികഗുരുവായി സ്വീകരിക്കാം .ദേശകാല ഭേദങ്ങളൊന്നുമില്ലാതെ അവരുടെ ബോധം നമ്മളെ ഈ കാലഘട്ടത്തിലും മുന്നോട്ടു നയിക്കും അനുഭവം.  ധ്യാനത്തിൽ സംശയനിവൃത്തി വരുത്തും പ്രകൃതിയില്‍ നിന്ന് പലതും പഠിപ്പിച്ചുതരും. പക്ഷേ യാതൊരു വിധ സ്വാർത്ഥ താൽപ്പര്യങ്ങളുമില്ലാതെ വേണം ആസ്ട്രൽ ഗുരുവിനെ സമീപിക്കാൻ. വിദ്യയ്ക്കുമാത്രമായി സമീപിക്കുക അതിനുള്ള സാഹചര്യങ്ങൾ സൃഷ്ടിച്ച് തന്ന് രക്ഷകർത്താവിനെപോലെ അവർ നോക്കികൊള്ളും. സംശയമുള്ളവർ അനുഭവത്തിലൂടെ പരീക്ഷിക്കുക. ഞാൻ എൻ്റെ വഴി പറഞ്ഞെന്നേ ഉള്ളൂ. നമ്മുടെ എല്ലാ വികാരങ്ങളും പങ്കിടാൻകഴിയുന്നതരത്തിൽ മനസ്സ് കൊണ്ട് ഗുരുവിനെ ആശ്രയിക്കണം. ഈ ഗുരുവിനെ പരബ്രഹ്മസ്വരൂപമായി കരുതണം.തുടർന്ന് വരുന്ന മാറ്റങ്ങൾ നേരിട്ട് അനുഭവിക്കുക. ഗുരുവരുന്നതും ആകുന്നതും സ്വയം അറിയുക ഗുരുവിൻ്റെ പൂർണ്ണത നിങ്ങളുടെ  പൂർണ്ണത മനസ്സിലാക്കുക.
എഴുതുവാൻ നിർവ്വാഹമല്ല.  ഗുരുഗീതയിൽ പരമശിവൻ പാർവ്വതിക്ക് ഉപദേശിക്കുന്നത് ഓർക്കുമല്ലോ?


ഗുരുബ്രഹ്മ ഗുരു വിഷ്ണു
ഗുരുദേവോ മഹേശ്വര
ഗുരുസാക്ഷാൽ പരബ്രഹ്മ
തസ്മൈഃ ശ്രീ ഗുരവേ നമഃ


      അതെ നമ്മുടെ എല്ലാം ഗുരുതന്നെ ആകണം.ആ ഗുരു പരബ്രഹ്മരൂപമാണെന്ന് അറിയണം. നിങ്ങളുടെ ആജ്ഞ ചക്രത്തിൽ തന്നെ ഗുരുവിനെ ധ്യാനിക്കണം. ജപിക്കണം.എപ്പോഴും നിനയ്ക്കണം. കാലക്രമേണ നിങ്ങൾക്ക് ആസ്ട്രൽ ഗുരുവിൻ്റെ നിർദ്ധേശങ്ങൾ കിട്ടിതുടങ്ങും. സിദ്ധ വിദ്യ അല്ലാതെ അപരാവിദ്യ കൈകാര്യം  ചെയ്യുന്നവർക്കും ഇതു തന്നെയാണ് നേരായവഴി. സ്ഥൂലഗുരുവിനെ ലഭിക്കുവാൻ സൂക്ഷമ ഗുരു നിങ്ങളെ സഹായിക്കും. പ്രകൃതിയില്‍ എല്ലാം ഗുരുതന്നെ ബ്രഹ്മം തന്നെ എന്നുറയ്ക്കണം.
പലവ്യക്തികളിലായി,പലപുസ്തകങ്ങളിലായി എല്ലായിടത്തു നിന്നും
നിങ്ങളുടെ സംശയങ്ങൾക്ക് നിർദ്ധേശങ്ങൾ കിട്ടി തുടങ്ങും
സ്ഥൂലഗുരുവിനെ എന്നല്ല ആരെ വന്ദിച്ചാലും മനസ്സ് കൊണ്ട് അവിടെ സൂക്ഷ്മഗുരുവിനെകാണണം . മൌനമാണ് ഗുരുവിൻ്റെ ഭാഷ. അനുഭവിക്കുക.


              ഇപ്പോൾ നിങ്ങൾക്ക് സംശയംവരും ആരെ തിരഞ്ഞെടുക്കണമെന്ന്  ജൻമബന്ധങ്ങളുടെ നിയോഗത്താൽ നിങ്ങളുടെ ആസ്ട്രൽ ഗുരുവിനെ മനസ്സിലാക്കാന്‍ കഴിയും. ഒന്ന് മനസ്സിനെ ഏകാഗ്രമാക്കി ജൻമബന്ധം അന്വേഷിക്കുക മനസ്സിൽ തെളിയും.
 ഇഷ്ടപ്പെടുന്ന വ്യക്തി അതുതന്നെയായിരിക്കും ഗുരു

     

ന ഗുരോരധികം തത്വം
ന ഗുരോരധികം ജ്ഞാനം
ന ഗുരോരധികം തപഃ
തസ്മൈ ശ്രീ ഗുരവേ നമ