നേരം തൊഴുതുമടങ്ങുമ്പോൾ

ഒരു നേരം തൊഴുതുമടങ്ങുമ്പോൾ തോന്നും...
ഒരു വട്ടം കൂടി തൊഴേണമെന്ന്....
ഒരുവട്ടം കൂടി തൊഴുമ്പോഴും തോന്നും....
ഇതുവരെ തൊഴുതത് പോരെന്ന്......
അകതാരിൽ ഈ ഒരു മധു വിചാരം എന്നും
ഗുരുവായൂരമ്പലത്തിങ്കൽ മാത്രം

കൃഷ്ണ കൃഷ്ണ ഹരിഗോവിന്ദ
കൃഷ്ണ കൃഷ്ണ ഹരി ഗോവിന്ദ....

നിർമ്മാല്യം ദർശിച്ചു നിൽക്കും നേരം തോന്നും...
അണിവാകച്ചാർത്ത് തൊഴേണമെന്ന്
അണിവാകച്ചാർത്തിൽ മതിമറക്കേത്തോന്നും
അലങ്കാര പൂജ തൊഴേണമെന്ന്....
അകതാരിൽ ഈ ഒരു മധു വിചാരം എന്നും
ഗുരുവായൂരമ്പലത്തിങ്കൽ മാത്രം

സന്ധ്യക്ക് തൊഴുത് നിൽക്കും നേരം തോന്നും
എന്തൊരു ഭംഗിയെൻ കണ്ണനെന്ന്....
ആ ഭംഗി നുകരേ ആർക്കും തോന്നും
കണ്ണൻ
മാടിവിളിക്കുകയാണോയെന്ന്..
അകതാരിലീയൊരു മധുവിചാരം എന്നും
ഗുരുവായൂരമ്പലത്തിങ്കൽ മാത്രം

കൃഷ്ണ കൃഷ്ണ ഹരിഗോവിന്ദ
കൃഷ്ണ കൃഷ്ണ ഹരി ഗോവിന്ദ

നാരായണ ഗുരുവായൂരപ്പാ
.